ജൊഹാനസ്ബർഗ്: ദക്ഷിണാഫ്രിക്കൻ പേസ് ബൗളർ ഡെയ്ൽ സ്റ്റെയിൻ ടെസ്റ്റ് ക്രിക്കറ്റിൽനിന്നു വിരമിച്ചു. ഏകദിനങ്ങളിലും ട്വി20 മത്സരങ്ങളിലും കളിക്കുന്നതു തുടരും. ദക്ഷിണാഫ്രിക്കയ്ക്കു വേണ്ടി 93 ടെസ്റ്റ് മത്സരങ്ങൾ കളിച്ചിട്ടുള്ള സ്റ്റെയിൻ 439 വിക്കറ്റുകൾ നേടിയിട്ടുണ്ട്. ഏകദിനത്തിലും ട്വി20യിലും ശ്രദ്ധ കേന്ദ്രീകരിക്കാൻ വേണ്ടിയാണ് ടെസ്റ്റിൽനിന്നു വിരമിക്കുന്നതെന്ന് സ്റ്റെയിൻ പറഞ്ഞു.
Read MoreCategory: Sports
നാലാം നമ്പര് എന്റെ ഇഷ്ട സ്ഥാനം: രഹാനെ
കോല്ക്കത്ത: നാലാം നമ്പറില് ബാറ്റ് ചെയ്യാനാണ് ഏറ്റവും ഇഷ്ടമെന്ന് അജിങ്ക്യ ഇന്ത്യയുടെ മധ്യനിര ബാറ്റ്സ്മാന് അജിങ്ക്യ രഹാനെ. ബംഗാള് ക്രിക്കറ്റ് അസോസിയേഷന്റെ വാര്ഷിക അവാര്ഡ് വിതരണ ചടങ്ങില് മുഖ്യാതിഥിയായി എത്തിയപ്പോഴാണ് രഹാനെ ഇത് പറഞ്ഞത്. ഇന്ത്യയുടെ ഏകദിന ടീമില് നാലാം നമ്പര് സ്ഥാനത്തേക്ക് യോജിച്ച ഒരാളെ തേടുന്ന വേളയാണിത്. ഇന്ത്യയുടെ ടെസ്റ്റ് വൈസ് ക്യാപ്റ്റനായ രഹാനെ നാഷണല് ക്രിക്കറ്റ് അക്കാഡമിയില് രാഹുല് ദ്രാവിഡിനു കീഴില് പരിശീലനം നടത്തിക്കൊണ്ടിരിക്കുകയാണ്. അതിനുശേഷം താരം വെസ്റ്റ് ഇന്ഡീസിലേക്കു തിരിക്കും. വെസ്റ്റ് ഇന്ഡീസിനെതിരേ രണ്ടു ടെസ്റ്റാണുള്ളത്. എന്സിഎയില് ദ്രാവിഡിനെ ലഭിച്ചതില് വളരെ സന്തോഷമുണ്ടെന്നും തന്റെ റോള് മോഡലുകളില് ഒരാളായ അദ്ദേഹത്തെ പിന്തുടരാനാണ് ശ്രമിക്കുന്നതെന്നും രഹാനെ പറഞ്ഞു.
Read Moreഹംഗറി ഗ്രാന്പ്രീയില് ഹാമില്ട്ടണിന് ജയം
ബുഡാപെസ്റ്റ്: ഫോര്മുല വണ് ഹംഗറി ഗ്രാന്പ്രീയില് മെഴ്സിഡസിന്റെ ലൂയി ഹാമില്ട്ടണിന് ജയം. റെഡ്ബുള് റേസിംഗ് ഹോണ്ടയുടെ മാക്സ് വെര്സ്റ്റാപ്പനെ പിന്തള്ളിയാണ് ഹാമില്ട്ടണ്(1:25.03) ഒന്നാമതെത്തിയത്. 67 ലാപ്പ് വരെ മുന്നിട്ടുനിന്നശേഷമാണ് വെര്സ്റ്റാപ്പന് ലീഡ് ഹാമില്ട്ടണ് വിട്ടുകൊടുത്തത്. ഈ സീസണിലെ ഹാമില്ട്ടന്റെ എട്ടാമത്തെ വിജയമാണിത്. സീസണിൽ 12 ഗ്രാൻപ്രീകൾ പൂർത്തിയായപ്പോൾ ഹാമിൽട്ടൺ 250 പോയിന്റുമായി ഒന്നാമതാണ്. രണ്ടാമതുള്ള വല്ട്ടേരി ബൊള്ട്ടസിനു 188 പോയിന്റും മൂന്നാമതുള്ള വെര്സ്റ്റാപ്പനു 181 പോയിന്റുമുണ്ട്.
Read Moreരോഹിത് ദി ഹിറ്റ്മാൻ; സിക്സർ നേട്ടത്തിൽ ഗെയിലിനേയും പിന്നിലാക്കി
ഫ്ളോറിഡ: ട്വന്റി20 ക്രിക്കറ്റിൽ റിക്കാർഡ് നേട്ടവുമായി ഇന്ത്യൻ താരം രോഹിത് ശർമ. രാജ്യാന്തര ട്വന്റി20 യിൽ ഏറ്റവുമധികം സിക്സർ അടിച്ച കളിക്കാരൻ എന്ന നേട്ടമാണ് വെസ്റ്റ്ഇൻഡീസിനെതിരായ രണ്ടാം മത്സരത്തിൽ രോഹിത് പേരിൽ എഴുതിയത്. വെസ്റ്റ്ഇൻഡീസിന്റെ ക്രിസ് ഗെയ്ലിനെയാണു നേട്ടത്തിൽ രോഹിത് മറികടന്നത്. 58 കളികളിൽ 105 സിക്സറുകളുമായി ഗെയിലായിരുന്നു ഒന്നാം സ്ഥാനം നിലനിർത്തിയിരുന്നത്. 11-ാം ഓവറിൽ സുനിൽ നരേനെ രണ്ടാം സിക്സറിനു പറത്തിയതോടെ രോഹിതിന്റെ സിക്സർ നേട്ടം 106 ആയി. ഒരു സിക്സർ കൂടി പറത്തിയാണ് രോഹിത് ഇന്നിംഗ്സ് അവസാനിപ്പിച്ചത്. 96 ട്വന്റി20 മത്സരങ്ങളിൽനിന്ന് 107 സിക്സറുകളാണ് ഇതുവരെ രോഹിത് അടിച്ചുകൂട്ടിയിട്ടുള്ളത്. മാർട്ടിൻ ഗുപ്റ്റിൽ (103), കോളിൻ മണ്റോ (92), ബ്രണ്ടൻ മക്കല്ലം (91) എന്നിവരാണു സിക്സർ വേട്ടയിൽ തുടർന്നുള്ള സ്ഥാനങ്ങളിൽ. ഏകദിനത്തിലും രോഹിതാണ് ഇന്ത്യയുടെ സിക്സർ വീരൻ. ട്വന്റി20 യിൽ ഏറ്റവുമധികം റണ്സെടുത്ത റിക്കാർഡും രോഹിതിനാണ്.
Read Moreപരിശീലകനാകാന് ആഗ്രഹമുണ്ടെന്ന് ഗാംഗുലി
കോല്ക്കത്ത: ഭാവിയില് ഇന്ത്യന് ക്രിക്കറ്റ് ടീമിന്റെ പരിശീലകനാകാന് ആഗ്രഹിക്കുന്നുണ്ടെന്ന് മുന് നായകന് സൗരവ് ഗാംഗുലി. എന്നാല് ഇപ്പോള് ആ സ്ഥാനം ആഗ്രഹിക്കുന്നില്ലെന്നും മുന് നായകന് പറഞ്ഞു. ഇന്ത്യയിപ്പോള് പുതിയ പരിശീലകനെ തേടുകയാണ്. വെസ്റ്റ് ഇന്ഡീസ് പര്യടനം വരെയാണ് രവി ശാസ്ത്രിയുടെ കാലാവധി. തീര്ച്ചയായും ഇന്ത്യയുടെ പരിശീലകനാകാന് താത്പര്യമുണ്ട്. എന്നാല് ഇപ്പോഴല്ല. കുറച്ചുകൂടി കഴിഞ്ഞ് ഇതിനായി ശ്രമിക്കും ഗാംഗുലി പറഞ്ഞു. നിലവില് ഗാംഗുലി ബംഗ്ലാ ക്രിക്കറ്റ് അസോസിയേഷന് പ്രസിഡന്റാണ്. ഐപിഎലില് ഡല്ഹി ക്യാപിറ്റല്സ് ടീമിന്റെ ഉപദേശകനായിരുന്നു മുന് ഇന്ത്യന് നായകന്. ഗാംഗുലി ചെയര്മാനായിരുന്ന ഉപദേശക സമിതിയാണ് ശാസ്ത്രിയെ ഇന്ത്യന് പരിശീലകനായി തെരഞ്ഞെടുത്തത്.
Read Moreരോഹിത്തില്ലാത്ത ചിത്രം പോസ്റ്റ് ചെയ്ത് കോഹ്ലി; രോഹിത്തെവിടെയെന്ന് ആരാധകർ
ലൗഡര്ഹില്: ഇന്ത്യന് ക്യാപ്റ്റന് വിരാട് കോഹ്ലിയും വൈസ് ക്യാപ്റ്റന് രോഹിത് ശര്മയും കലഹമുണ്ടെന്ന വാര്ത്തകള്ക്കിടെ കോഹ്ലി പുറത്തുവിട്ട ചിത്രം വിവാദമായി. അമേരിക്കയില് ക്രിക്കറ്റ് കളിക്കാനെത്തിയ ഇന്ത്യന് ടീം അംഗങ്ങളില് ചിലരുടെ ചിത്രമാണ് കോഹ്ലി ട്വിറ്ററിലൂടെ പുറത്തുവിട്ടത്. സ്ക്വാഡ് എന്ന തലക്കെട്ടും ചിത്രത്തിന് നല്കിയിരുന്നു. രവീന്ദ്ര ജഡേജ, നവ്ദീപ് സെയ്നി, ഖലീല് അഹമ്മദ്, ശ്രേയസ് അയ്യര്, കൃണാല് പാണ്ഡ്യ, ഭുവനേശ്വര് കുമാര്, കെ.എല്.രാഹുല് എന്നിവരായിരുന്നു ഫോട്ടോയിലുണ്ടായിരുന്നത്. രോഹിത് ശര്മ ഇല്ലാതെ ചില താരങ്ങളെ മാത്രം ഉള്ക്കൊളളിച്ചുളള ഫോട്ടോയെ ടീമെന്ന് കോഹ്ലിക്ക് എങ്ങനെ പറയാനാകുമെന്നാണ് ആരാധകരുടെ ചോദ്യം. രോഹിത് ഇല്ലാതെ ഒരിക്കലും ഇന്ത്യന് ടീം കംപ്ലീറ്റ് ആവില്ലെന്നും ചിലര് അഭിപ്രായപ്പെട്ടു. വെസ്റ്റ് ഇന്ഡീസിനെതിരേ ഫ്ളോറിഡയില് നടക്കാനിരിക്കുന്ന ട്വന്റി 20 പരമ്പരയിലെ ആദ്യ മത്സരത്തിന് മുന്നോടിയായാണ് ടീം അമേരിക്കയിലെത്തിയത്. പരിശീലനത്തിനിടെയായിരുന്നു ഡ്രസ്സിംഗ് റൂമില് നിന്നും കോലി കളിക്കാര്ക്കൊപ്പം ചിത്രമെടുത്തത്. രോഹിത് എവിടെയെന്ന്…
Read Moreപരിക്കേറ്റ റസൽ കളിക്കില്ല; ജേസണ് മുഹമ്മദ് വിൻഡീസ് ടീമില്
ഫ്ലോറിഡ: ഇന്ത്യക്കെതിരായ ട്വന്റി 20 പരമ്പരയിലെ ആദ്യ രണ്ടു മത്സരങ്ങൾക്കുള്ള വെസ്റ്റ് ഇൻഡീസ് ടീമിൽ ആന്ദ്രെ റസൽ കളിക്കില്ല. പരിക്കേറ്റ റസലിന് പകരം ജേസൺ മുഹമ്മദ് ടീമിലെത്തി. യുഎസിലെ ഫ്ലോറിഡയിലാണ് ആദ്യ രണ്ടു മത്സരങ്ങൾ നടക്കുന്നത്. കാനഡയിൽ നടക്കുന്ന ട്വന്റി-20 ടൂർണമെന്റിനിടെയാണ് റസലിന് പരിക്കേറ്റത്. ഇതോടെ 32കാരനായ ജേസൺ മുഹമ്മദിനെ 14 അംഗ ടീമിൽ ഉൾപ്പെടുത്തുകയായിരുന്നു. വിന്ഡീസിനുവേണ്ടി ഒമ്പത് ട്വന്റി 20 മത്സരങ്ങൾ ജേസൺ കളിച്ചിട്ടുണ്ട്. ശനിയാഴ്ച ഇന്ത്യൻ സമയം രാത്രി എട്ടിനാണ് ആദ്യ മത്സരം. പരമ്പരയിലെ മൂന്നാം മത്സരം ചൊവ്വാഴ്ച ഗയാനയില് നടക്കും.
Read Moreകോപ്പ ബ്രസീലിന് വേണ്ടി ഒരുക്കിയെന്ന ആരോപണം: മെസിക്ക് മൂന്നു മാസം വിലക്ക്
ബുവേനോസ് ആരീസ്: അർജന്റൈൻ ഫുട്ബോൾ ക്യാപ്റ്റനും ബാഴ്സലോണയുടെ താരവുമായ ലയണൽ മെസിക്ക് രാജ്യാന്തര ഫുട്ബോളിൽ മൂന്നു മാസം വിലക്ക്. സൗത്ത് അമേരിക്കൻ ഫുട്ബോൾ കോണ്ഫെഡറേഷനാണ് മെസിക്കെതിരേ കടുത്ത നടപടി സ്വീകരിച്ചത്. കോപ്പ അമേരിക്ക ടൂര്ണമെന്റ് ബ്രസീലിനെ ചാമ്പ്യന്മാരാക്കാന് വേണ്ടി ആസൂത്രണം ചെയ്തതാണെന്ന വിവാദ പരാമർശമാണ് താരത്തെ വെട്ടിലാക്കിയത്. കോപ്പ അമേരിക്ക ഫുട്ബോളിലെ മൂന്നാം സ്ഥാനപോരാട്ടത്തിൽ ചിലിക്കെതിരേ മെസി ചുവപ്പ് കാർഡ് കണ്ട് പുറത്തുപോയതിന് ശേഷമായിരുന്നു വിവാദ പരാമർശം. ചിലി താരം ഗാരി മെഡലുമായി കളിക്കളത്തിൽ ഏറ്റുമുട്ടിയതിനായിരുന്നു ചുവപ്പ് കാർഡ്. റഫറിയിംഗിനെതിരെ കടുത്ത വിമർശനങ്ങൾ ഉയർത്തിയ മെസി മൂന്നാം സ്ഥാനക്കാർക്കുള്ള മെഡൽ സ്വീകരിക്കാൻ എത്തിയിരുന്നില്ല. ബ്രസീലിനു കപ്പ് നല്കാനുള്ള കള്ളക്കളികൾ നടന്നതായി മെസി ആക്ഷേപിച്ചിരുന്നു. വിവാദ പരാമർശത്തിന്റെ പേരിൽ മെസിക്ക് ഒരു മത്സരത്തിൽ നിന്ന് വിലക്കും 1500 ഡോളർ (1.03 ലക്ഷം രൂപ) പിഴ ശിക്ഷയും നൽകിയിരുന്നു. പിന്നാലെയാണ്…
Read Moreവേണുഗോപാല് റാവു വിരമിച്ചു
വിശാഖപട്ടണം: ആന്ധ്രാ പ്രദേശില്നിന്നുള്ള ഇന്ത്യന് താരം വേണുഗോപാല് റാവു അന്താരാഷ്ട്ര ക്രിക്കറ്റില്നിന്ന് വിരമിച്ചു. മുപ്പത്തിയേഴുകാരനായ റാവു 16 ഏകദിനങ്ങളില് ഇന്ത്യക്കായി കളിച്ചിട്ടുണ്ട്. ഐപിഎലില് ഡെക്കാന് ചാര്ജേഴ്സ്, സണ്റൈസേഴ്സ് ഹൈദരാബാദ്, ഡല്ഹി ഡെയര് ഡെവിള്സ് ടീമുകളുടെ താരമായിരുന്നു. 65 മത്സരങ്ങളാണ് ഐപിഎലില് കളിച്ചത്. ഇന്ത്യക്കായി 24.22 ബാറ്റിംഗ് ശരാശരിയില് 218 റണ്സ് നേടി. 61 റണ്സാണ് ഉയര്ന്ന സ്കോര്. കരിയറിലെ ഏക അര്ധ സെഞ്ചുറിയും അതുതന്നെയാണ്. 2000ല് ലോകകപ്പ് നേടിയ അണ്ടര് 19 ഇന്ത്യന് ടീമിലെ അംഗമായിരുന്നു. പിന്നീട് അഞ്ചു വര്ഷത്തിന് ശേഷം 2005 ജൂലൈ 30ന് ശ്രീലങ്കയ്ക്കെതിരെ ഇന്ത്യന് ജഴ്സിയില് അരങ്ങേറി. 2006ല് മെയ് 23ന് വെസ്റ്റ് ഇന്ഡീസിനെതിരെയാണ് അവസാന ഏകദിനം കളിച്ചത്. ഇപ്പോഴത്തെ സെലക്ഷന് കമ്മിറ്റി ചെയര്മാന് എം.എസ്.കെ. പ്രസാദിന് ശേഷം ആന്ധ്രയില് നിന്ന് ഇന്ത്യന് ടീമിലെത്തിയ താരമാണ് റാവു. അതിന് മുമ്പ് മുഹമ്മദ് അസ്ഹറുദ്ദീനും…
Read Moreവാഷിംഗ്ടൺ ഓപ്പൺ: സോംഗയ്ക്കു ജയം
വാഷിംഗ്ടണ്: ജോ വില്ഫ്രഡ് സോംഗയ്ക്ക് വാഷിംഗ്ടണ് ഓപ്പണ് ടെന്നീസില് ജയം. എട്ടാം റാങ്കുകാരനായ കരന് ഖാചനോവിനെ സോംഗ 6-4, 2-6, 7-5ന് പരാജയപ്പെടുത്തി. ഏകദേശം രണ്ടു വര്ഷത്തിനടുത്തായി സോംഗ ആദ്യ പത്ത് റാങ്കിനുള്ളിലുള്ള ഒരാളെ തോല്പ്പിച്ചിട്ട്. മുപ്പത്തിനാലുകാരാനായ ഫ്രഞ്ച് താരം 70 റാങ്കിലാണ്. ഒരു മണിക്കൂര് 58 മിനിറ്റ് നീണ്ട പോരാട്ടത്തില് ഖാചനോവിനെ പരാജയപ്പെടുത്തിയാണ് സോംഗ മൂന്നാം റൗണ്ടിലെത്തിയത്. 2017ല് വിയന്ന ക്വാര്ട്ടര് ഫൈനലില് സോംഗ അഞ്ചാം റാങ്കിലെ അലക്സാണ്ടര് സ്വരേവിനെ പരാജയപ്പെടുത്തിയശേഷം ആദ്യ പത്തിലുള്ളവര്ക്കെതിരേ ആറു മത്സരങ്ങളില് തോറ്റു. കെയ്ൽ എഡ്മണ്ടാണ് മൂന്നാം റൗണ്ടില് സോംഗയുടെ എതിരാളി. ലോയ്ഡ് ഹാരിസിനെ പരാജയപ്പെടുത്തിയാണ് എഡ്മണ്ട് മുന്നേറിയത്.
Read More