തിരുവനന്തപുരം: തോരാമഴയിലും പോരാട്ടവീര്യം ഒട്ടും ചോരാതെ കോതമംഗലം എംഎ സ്പോർട്സ് അക്കാഡമി ചാന്പ്യൻപട്ടം സ്വന്തമാക്കി. ചന്ദ്രശേഖരൻനായർ സ്റ്റേഡിയത്തിൽ നടന്ന സംസ്ഥാന ഇന്റർക്ലബ് അത്ലറ്റിക് ചാന്പ്യൻഷിപ്പിൽ 13 സ്വർണവും 13 വെള്ളിയും 16 വെങ്കലവും ഉൾപ്പെടെ 243 പോയിന്റുമായാണ് എംഎ ചാന്പ്യൻപട്ടത്തിൽ മുത്തമിട്ടത്. ഒൻപതു സ്വർണവും 11 വെള്ളിയും ഒൻപതു വെങ്കലവും ഉൾപ്പെടെ 209 പോയിന്റുമായി മലബാർ സ്പോർട്സ് അക്കാഡമി പുല്ലൂരാംപാറ രണ്ടാമതും 18 സ്വർണവും അഞ്ചുവെള്ളിയും അഞ്ചു വെങ്കലവുമായി 207 പോയിന്റു നേടിയ തിരുവനന്തപുരം സായ് മൂന്നാമതുമെത്തി. മീറ്റിന്റെ അവസാന ദിനമായ ഇന്നലെ രണ്ടു റിക്കാർഡുകളാണ് പിറന്നത്. ജൂണിയർ വനിതകളുടെ ട്രിപ്പിൾ ജംപിൽ കോതമംഗലം മാർ അതനേഷ്യസ് അക്കാഡമിയിലെ സാന്ദ്ര ബാബു 13.03 മീറ്റർ താണ്ടി റിക്കാർഡ് ബുക്കിൽ ഇടംപിടിച്ചു. ഒപ്പം ഏഷ്യൻ ജൂണിയർ മീറ്റിലേക്കുള്ള ബർത്തും ഉറപ്പിച്ചു. കോതമംഗലത്തിന്റെ തന്നെ കെ. ആനന്ദ് കൃഷ്ണയാണ് റിക്കാർഡ്…
Read MoreCategory: Sports
ബ്രണ്ടൻ മക്കല്ലം പുതിയ ദൗത്യത്തിന്
ക്രിക്കറ്റിൽനിന്നു കഴിഞ്ഞ ദിവസം വിരമിക്കൽ പ്രഖ്യാപിച്ച ന്യൂസിലൻഡ് സൂപ്പർ താരം ബ്രണ്ടൻ മക്കല്ലം പുതിയ ദൗത്യത്തിന്. മക്കല്ലം ഐപിഎൽ ടീമായ കോൽക്കത്ത നൈറ്റ് റൈഡേഴ്സിന്റെ സഹപരിശീലകനാകുമെന്നാണ് റിപ്പോർട്ട്. ഇതിന് പുറമേ കരീബിയൻ പ്രീമിയർ ലീഗ് ടീമായ ട്രിൻബാബോ നൈറ്റ് റൈഡേഴ്സിന്റെ മുഖ്യ പരിശീലകനായും മക്കല്ലം പ്രവർത്തിക്കും. സൈമണ് കാറ്റിച്ച്, ജാക് കാലിസ് എന്നിവരായിരുന്നു കോൽക്കത്ത നൈറ്റ് റൈഡേഴ്സിന്റെ പരിശീലകർ. ഇവരുമായുള്ള കരാർ നൈറ്റ് റൈഡേഴ്സ് അവസാനിപ്പിച്ചിരുന്നു. ഈ ഒഴിവിലാണ് മക്കല്ലം എത്തുന്നത്. 2016 ൽ അന്താരാഷ്ട്ര ക്രിക്കറ്റിൽ നിന്ന് വിരമിച്ചെങ്കിലും ലോകത്തെ വിവിധ ട്വന്റി-20 ലീഗുകളിൽ മക്കല്ലം സജീവമായിരുന്നു. 2008 മുതൽ 2010 വരെയും, 2012-13ലും കോൽക്കത്ത നൈറ്റ് റൈഡേഴ്സിന്റെ കളിക്കാരനായിരുന്നു മക്കല്ലം.
Read Moreഒടുവിൽ ബിസിസിഐ പത്തിമടക്കി
മുംബൈ: ഉത്തേജക മരുന്ന് പരിശോധനയുടെ പേരിൽ വർഷങ്ങൾ നീണ്ട വാദപ്രതിവാദങ്ങൾക്കൊടുവിൽ ഇന്ത്യൻ ക്രിക്കറ്റ് കണ്ട്രോൾ ബോർഡ് (ബിസിസിഐ) പത്തിമടക്കി. ദേശീയ ഉത്തേജക വിരുദ്ധ സമിതിയുടെ (നാഡ) പരിധിയിൽ വരാമെന്ന് ഒൗദ്യോഗികമായി ബിസിസിഐ അറിയിച്ചു. ഇന്ത്യൻ ക്രിക്കറ്റ് താരങ്ങളെ ഉത്തേജകമരുന്നു പരിശോധനയ്ക്കു വിധേയരാക്കുന്നതിൽ എതിർപ്പില്ലെന്നും ബിസിസിഐ വ്യക്തമാക്കി. ഇതോടെ രാജ്യത്തെ മറ്റ് കായിക സംഘടനകളേപ്പോലെ ബിസിസിഐയും നാഡയുടെ പരിധിയിൽ ഉൾപ്പെട്ടു. ദേശീയ സ്പോർട്സ് സെക്രട്ടറി രാധേശ്യാം ജുലാനിയ, നാഡ ഡയറക്ടർ ജനറൽ നവീൻ അഗർവാൾ എന്നിവർ ബിസിസിഐ സിഇഒ രാഹുൽ ജോഹ്റി, ജനറൽ മാനേജർ (ക്രിക്കറ്റ് ഓപ്പറേഷൻസ്) സാബ കരീം എന്നിവരുമായി നടത്തിയ ചർച്ചയ്ക്കൊടുവിലായിരുന്നു തീരുമാനം. രാജ്യത്ത് നിലവിലുള്ള നിയമങ്ങൾ അംഗീകരിക്കാനും അനുസരിക്കാനും ബിസിസിഐ ബാധ്യസ്ഥമാണ്. രാജ്യത്തെ നിയമത്തിനു വിധേയമായിരിക്കുമെന്ന് ഒപ്പിട്ടു നൽകിയ കത്തിലൂടെ വ്യക്തമാക്കിയിട്ടുണ്ട്- ജുലാനിയയുമായുള്ള കൂടിക്കാഴ്ചയ്ക്കുശേഷം ജോഹ്റി പറഞ്ഞു. കമ്മിറ്റി ഓഫ് അഡ്മിനിസ്ട്രേറ്റേഴ്സിന്റെ (സിഒഎ) നീക്കത്തിനൊടുവിലാണോ…
Read Moreഗുസ്തി ഗോദയിൽ പ്രണയ സാഫല്യം; ബജ്റംഗും സംഗീതയും വിവാഹിതരാകുന്നു
ന്യൂഡൽഹി: ഇന്ത്യൻ ഗുസ്തി താരങ്ങളായ ബജ്റംഗ് പൂനിയയും സംഗീത ഫോഗട്ടും വിവാഹിതരാകുന്നു. ദീർഘനാളത്തെ പ്രണയത്തിനൊടുവിലാണ് വിവാഹം. ടോക്കിയോയിൽ നടക്കുന്ന ഒളിമ്പിക്സിന് ശേഷമാകും മിന്നുകെട്ട്. 65 കിലോ വിഭാഗത്തിൽ ലോക ഒന്നാം നമ്പർ താരമാണ് ബജ്റംഗ്. ടോക്കിയോ ഒളിമ്പിക്സിൽ ഇന്ത്യയുടെ ഉറച്ച മെഡൽപ്രതീക്ഷയാണ് അദ്ദേഹം. ഏഷ്യന് ഗെയിംസിലും കോമണ്വെല്ത്ത് ഗെയിംസിലും ബജ്റംഗ് സ്വർണം നേടിയിരുന്നു. ഫോഗട്ട് സഹോദരിമാരിൽ ഇളയവളാണ് സംഗീത. 59 കിലോ വിഭാഗത്തിൽ ദേശീയമെഡൽ ജേതാവാണ് അവർ. സംഗീതയുടെ സഹോദരിമാരായ ഗീതയും വിനേഷും ഗുസ്തി രംഗത്തുള്ളവരെയാണ് വിവാഹം കഴിച്ചത്.
Read Moreആ നഷ്ടത്തിനു മൂന്നര പതിറ്റാണ്ട്…
ഇന്ത്യൻ അത്ലറ്റിക്സിന്റെ ആ വലിയ നഷ്ടത്തിന് ഇന്ന് മൂന്നരപ്പതിറ്റാണ്ട് തികയുകയാണ്. സെക്കൻഡിന്റെ നൂറിലൊരംശത്തിന്റെ വ്യത്യാസത്തിൽ പി.ടി. ഉഷയ്ക്ക് ഒളിന്പിക് മെഡൽ നഷ്ടമായത് മുപ്പത്തിയഞ്ചു വർഷംമുന്പ് ഒരു ഓഗസ്റ്റ് എട്ടിന്. 1984ലെ ലോസ്ആഞ്ചലസ് ഒളിന്പിക്സിലെ 400 മീറ്റർ ഹർഡിൽസിൽ ഉഷയ്ക്ക് മെഡൽ നഷ്ടമായപ്പോൾ അവരോടൊപ്പം ഇന്ത്യ മുഴുവൻ കണ്ണീരൊഴുക്കി. ഇന്ത്യയുടെ അത്ലറ്റിക് മെഡൽ എന്ന സ്വപ്നമാണ് മലയാളിതാരത്തിന്റെ കൈയെത്തും ദൂരത്ത് നഷ്ടപ്പെട്ടത്. ഫിനിഷിംഗ് ലൈനിലേക്ക് താൻ വീണിരുന്നെങ്കിൽ ഒരു പക്ഷേ മെഡൽ ലഭിക്കുമായിരുന്നു എന്ന് ഉഷ ഇപ്പോഴും ഓർക്കുന്നു. മുപ്പത്തഞ്ച് വർഷം മുന്പ് നഷ്ടപ്പെട്ട ആ സ്വപ്നത്തിനു പിന്നാലെയാണ് ഉഷ ഇപ്പോഴും. പയ്യോളി എക്സ്പ്രസ് എന്ന ഓമനപ്പേരുകാരി തന്റെ ശിഷ്യരിലൂടെ ഒരിക്കൽ ഇന്ത്യ അത്ലറ്റിക്സിൽ മെഡൽ നേടുമെന്ന ഉറച്ച വിശ്വാസത്തിലാണ്. 2004ലെ ആഥൻസ് ഒളിന്പിക്സിൽ ലോംഗ്ജംപിൽ മലയാളി താരം അഞ്ജു ബോബി ജോർജ് നേടിയ അഞ്ചാം സ്ഥാനമാണ് ഉഷയ്ക്കുശേഷം…
Read Moreഫോബ്സ് പട്ടികയിൽ സിന്ധു
ഹൈദരാബാദ്: ലോകത്ത് ഏറ്റവും കൂടുതൽ പ്രതിഫലം വാങ്ങുന്ന വനിതാ കായികതാരങ്ങളുടെ പട്ടികയിൽ ഇന്ത്യയിൽ നിന്ന് ബാഡ്മിന്റണ് താരം പി.വി. സിന്ധു ഇടംപിടിച്ചു. 13-ാം സ്ഥാനത്താണ് ഇന്ത്യൻ താരം. 38 കോടി രൂപയാണ് (5.5 മില്യണ് ഡോളർ) കഴിഞ്ഞ വർഷം സിന്ധുവിന് ലഭിച്ച പ്രതിഫലം. 2018 ജൂണ് മുതൽ 2019 ജൂണ് വരെയുള്ള കാലയളവാണ് ഫോബ്സ് പരിഗണിച്ചത്. കഴിഞ്ഞ വർഷത്തെ പട്ടികയിൽ സിന്ധു ഏഴാമതായിരുന്നു. പ്രതിഫലത്തിൽ ലോക ഒന്നാം നന്പർ അമേരിക്കൻ ടെന്നീസ് താരം സെറീന വില്യംസാണ്. 200 കോടി രൂപ (29.2 മില്യണ് ഡോളർ) സെറീനയ്ക്ക് കഴിഞ്ഞ വർഷം ലഭിച്ച പ്രതിഫലം. ജാപ്പനീസ് ടെന്നീസ് താരം നവോമി ഒസാക്കയാണ് രണ്ടാമത്. ലോക രണ്ടാം റാങ്കുകാരിയായ ഒസാക്കയുടെ സന്പാദ്യം 170 കോടി രൂപ (24.3 മില്യണ് ഡോളർ) ആണ്. ഇന്ത്യയിലെ ഏറ്റവും വിപണിമൂല്യമുള്ള വനിതാ കായികതാരം ഇപ്പോഴും സിന്ധുവാണെന്നും…
Read Moreഡാരൻ കാൾഡെയ്റ കേരള ബ്ലാസ്റ്റേഴ്സിൽ
കൊച്ചി: മോഹന് ബഗാനില് നിന്ന് മിഡ്ഫീൽഡർ ഡാരന് കാല്ഡെയ്റയെ ക്ലബിലെത്തിച്ച് കേരള ബ്ലാസ്റ്റേഴ്സ്. 31 കാരനായ ഡാരൻ ഇന്ത്യൻ സൂപ്പർ ലീഗിന്റെ വരും സീസണിൽ കേരള ബ്ലാസ്റ്റേഴ്സിനു വേണ്ടി ബൂട്ടണിയും. ഈ സീസണില് മഞ്ഞ ജഴ്സി ധരിക്കുന്നതില് താന് സന്തുഷ്ടനാണെന്നും ഡാരൻ പറഞ്ഞു. ബ്ലാസ്റ്റേഴ്സിനൊപ്പം തന്റെ ഫുട്ബോള് കരിയറിലെ ഒരു പുതിയ അധ്യായം കുറിക്കുകയാണ്. ആരാധകരും ക്ലബും ഒരു നല്ല സീസണ് അര്ഹിക്കുന്നു. അത് സാക്ഷാത്കരിക്കാന് മികച്ച കളിയിലൂടെ തന്റെ പങ്ക് വഹിക്കാന് താന് ആഗ്രഹിക്കുന്നുവെന്നും ഡാരൻ കൂട്ടിച്ചേർത്തു. 2013 മുതല് 15വരെ ബംഗളൂരു എഫ്സിയുടെ താരമായിരുന്നു. ബംഗളൂരുവിനെ കൂടാതെ എയര് ഇന്ത്യ, മുംബൈ ഫുട്ബോള് ക്ലബ്, ചെന്നൈ സിറ്റി എന്നീ ക്ലബുകള്ക്ക് വേണ്ടിയും കളിച്ചിട്ടുണ്ട്.
Read Moreഇന്ത്യൻ ക്രിക്കറ്റിന് ഇനി ഈശ്വരൻ തുണ; ബിസിസിഐക്കെതിരെ ഗാംഗുലി
ന്യൂഡൽഹി: ബിസിസിഐക്കെതിരെ രൂക്ഷ വിമര്ശനവുമായി മുൻ നായകൻ സൗരവ് ഗാംഗുലി. ഭിന്നതാല്പര്യത്തിന്റെ പേരില് ദേശീയ ക്രിക്കറ്റ് അക്കാദമി തലവന് രാഹുല് ദ്രാവിഡിന് നോട്ടീസ് അയച്ച സംഭവത്തിലാണ് ബിസിസിഐക്കെതിരെ ഗാംഗുലി ആഞ്ഞടിച്ചത്. വാര്ത്തകളില് ഇടംപിടിക്കാനുള്ള കുറുക്കുവഴിയാണ് നോട്ടീസ് അയച്ചതിനു പിന്നിലെന്ന് ഗാംഗുലി പറഞ്ഞു. ഇന്ത്യൻ ക്രിക്കറ്റിലെ പുതിയ ഫാഷനാണ് ഭിന്ന താൽപര്യം. ഇന്ത്യന് ക്രിക്കറ്റിനെ ഇനി ദൈവം രക്ഷിക്കട്ടെയെന്നും ഗാംഗുലി ട്വീറ്റ് ചെയ്തു. ഗാംഗുലിയെ പിന്തുണച്ച് ഹർഭജൻ സിംഗും രംഗത്തുവന്നു. നോട്ടീസ് അയച്ചതിലൂടെ ദ്രാവിഡിനെ ബിസിസിഐ അപമാനിച്ചിരിക്കുകയാണെന്ന് ഹർഭജൻ ട്വിറ്ററിൽ പറഞ്ഞു. ഇത് എവിടേക്കാണ് പോകുന്നതെന്ന് അറിയില്ല. ഇന്ത്യൻ ക്രിക്കറ്റിന് അദ്ദേഹത്തെക്കാൾ മികച്ച വ്യക്തിയെ കണ്ടെത്താനാവില്ല. ക്രിക്കറ്റ് ഇതിഹാസത്തിന് നോട്ടീസ് അയച്ചതിലൂടെ അദ്ദേഹത്തെ അപമാനിച്ചു. ക്രിക്കറ്റിനെ കൂടുതൽ മെച്ചപ്പെടുത്താൻ അവരുടെ സേവനം ആവശ്യമാണ്. അതെ, ഇന്ത്യന് ക്രിക്കറ്റിനെ ഇനി ദൈവം രക്ഷിക്കട്ടെ- ഹർഭജൻ ട്വീറ്റ് ചെയ്തു. ഭിന്നതാല്പര്യമില്ലെന്ന് വ്യക്തമാക്കാന്…
Read Moreബ്ലാസ്റ്റേഴ്സ് ഏറ്റവുമധികം ആരാധകരുള്ള ക്ലബ്
കൊച്ചി: രാജ്യത്ത് ഏറ്റവുമധികം ആരാധകരുള്ള ഫുട്ബോള് ക്ലബ്ബെന്ന ഖ്യാതി ഇനി കേരള ബ്ലാസ്റ്റേഴ്സിനു സ്വന്തം. ഇന്ത്യന് സൂപ്പര് ലീഗില് അണിനിരക്കുന്ന 10 ടീമുകളില് ഏറ്റവും കൂടുതല് ആരാധകരുള്ള കേരള ബ്ലാസ്റ്റേഴ്സിന്റെ ഔദ്യോഗിക ഇന്സ്റ്റാഗ്രാം പേജിലെ ഫോളോവേഴ്സിന്റെ എണ്ണം 10 ലക്ഷം കവിഞ്ഞു. ഐഎസ്എലില് കളിക്കുന്ന ഒരു ടീമിന്റെ ഇന്സ്റ്റഗ്രാം പേജില് ആരാധകരുടെ എണ്ണം ഒരു ദശലക്ഷം കടക്കുന്നത് ആദ്യമായാണ്. 2014 മേയ് 14ന് അന്ന് ഐഎസ്എലില് കളിച്ചിരുന്ന എട്ടു ക്ലബ്ബുകളില് ഒന്നായി രൂപംകൊണ്ട കേരള ബ്ലാസ്റ്റേഴ്സിന് നിലവില് ഫേസ്ബുക്ക്, ട്വിറ്റര്, ഇന്സ്റ്റഗ്രാം എന്നീ സാമൂഹിക മാധ്യമങ്ങളില് കൂടി 39 ലക്ഷം ആരാധകരാണ് ഉള്ളത്. രാജ്യത്തെ മറ്റ് ഫുട്ബോള് ക്ലബ്ബുകളെ അപേക്ഷിച്ച് ഇതു വളരെ വലുതാണ്. മാത്രമല്ല, ഏഷ്യയിലെ ഏറ്റവും കൂടുതല് ആരാധകരുള്ള അഞ്ചാമത്തെ ഫുട്ബോള് ക്ലബ്ബാണ് കേരള ബ്ലാസ്റ്റേഴ്സ്. ഇന്ത്യയില് ഏറ്റവും കൂടുതല് ആരാധകരുള്ള സ്പോര്ട്സ് ഇനമായ…
Read Moreഗൗതം ഗംഭീറിന്റെ പ്രസ്താവന! മറുപടിയുമായി മുൻ താരങ്ങൾ
ന്യൂഡൽഹി: ഇന്ത്യൻ മുൻ ക്രിക്കറ്റ് താരവും ഇപ്പോൾ ഡൽഹിയിൽനിന്നുള്ള ലോക്സഭാംഗവുമായ ഗൗതം ഗംഭീറിന്റെ പ്രസ്താവനയ്ക്കെതിരേ ബിഷൻ സിംഗ് ബേദിയും ചേതൻ ചൗഹാനും രംഗത്തെത്തി. കഴിഞ്ഞ ദിവസം ഇന്ത്യ വെസ്റ്റ് ഇൻഡീസ് ആദ്യ ട്വന്റി-20യിൽ നവ്ദീപ് സെയ്നി മികച്ച പ്രകടനം കാഴ്ചവച്ചതിന്റെ പിന്നാലെ ഗംഭീർ മുൻ താരങ്ങളായ ബേദിക്കും ചൗഹാനുമെതിരേ നടത്തിയ ട്വീറ്റ് വിവാദമായിരുന്നു. സെയ്നി താങ്കൾ ഇപ്പോൾ രണ്ട് പ്രധാന വിക്കറ്റുകളാണ് എടുത്തിരിക്കുന്നത് അത് മുൻ താരങ്ങളും ഡൽഹി ക്രിക്കറ്റ് ബോർഡ് മുൻ അംഗങ്ങളുമായ ബിഷൻ സിംഗ് ബേദിയുടെയും ചേതൻ ചൗഹാന്റെയും മിഡിൽ സ്റ്റംപ് തെറിപ്പിച്ചു കൊണ്ടാണ്- ഇതായിരുന്നു ഗംഭീറിന്റെ ട്വീറ്റ്. ഹരിയാനക്കാരനായ നവ്ദീപ് സെയ്നിയെ ഡൽഹി രഞ്ജി ടീമിലെടുക്കാൻ ശ്രമിച്ചപ്പോൾ ഇവർ രണ്ടുപേരും എതിർത്തെന്നായിരുന്നു ഗംഭീറിന്റെ ആരോപണം.ഗംഭീറിന്റെ ആരോപണത്തോട് ബേദിയും ചൗഹാനും രൂക്ഷമായാണ് പ്രതികരിച്ചത്. എതിർത്തു എന്നത് സത്യമാണ് പക്ഷേ അത് സെയ്നിക്കു കഴിവില്ല എന്നു…
Read More