കൊച്ചി: നോർത്ത് ഈസ്റ്റ് യുണൈറ്റഡ് എഫ്സി താരം ടി.പി. രഹനേഷ് ഇനി ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിനായി ബൂട്ടണിയും. കോഴിക്കോട് സ്വദേശിയായ രഹനേഷ് ഇന്ത്യൻ സൂപ്പർ ലീഗിലെ മികച്ച ഗോൾ കീപ്പർമാരിൽ ഒരാളാണ്. കേരള ബ്ലാസ്റ്റേഴ്സിന്റെ മൂന്നാമത് സീനിയർ ഗോൾ കീപ്പിംഗ് സൈനിംഗാണ് രഹനേഷ്. നേരത്തെ ഷിബിൻ രാജ്, ബിലാൽ എന്നിവരെയും കേരള ബ്ലാസ്റ്റേഴ്സ് സൈൻ ചെയ്തിരുന്നു. ഒഎൻജിസി, മുംബൈ ടൈഗേഴ്സ്, ഈസ്റ്റ് ബംഗാൾ, ഷില്ലോംഗ് ലജോംഗ്, രംഗ്ധാജീദ് യുണൈറ്റഡ് തുടങ്ങിയ ടീമുകൾക്കായി കളിച്ചിട്ടുള്ള രഹനേഷ്, 2015-16 വർഷത്തിൽ ദേശീയ അണ്ടർ 23 ഫുട്ബോൾ ടീമിലും 2017ൽ ദേശീയ ഫുട്ബോൾ ടീമിലും അംഗമായിരുന്നു. ഐഎസ്എലിന്റെ 2015 സീസണിൽ മറ്റ് ഗോൾകീപ്പർമാരെ അപേക്ഷിച്ച് ഏറ്റവും കൂടുതൽ സേവുകൾ നടത്തിയ രഹനേഷ് അതേവർഷം നാല് ക്ലീൻ ഷീറ്റുകൾ കരസ്ഥമാക്കി. പേടി
Read MoreCategory: Sports
മുൻ ക്രിക്കറ്റ് താരങ്ങൾക്കും സംഘടന
ഇന്ത്യൻ മുൻ താരങ്ങളുടെ ക്ഷേമത്തിനും അവരുമായി ബന്ധപ്പെട്ട് പ്രവർത്തിക്കുന്നതിനും വേണ്ടി രൂപീകരിച്ച ഇന്ത്യൻ ക്രിക്കറ്റേഴ്സ് അസോസിയേഷന് (ഐസിഎ) ബിസിസിഐ അംഗീകാരം നൽകി. ഇന്ത്യൻ മുൻ താരങ്ങളായ കപിൽദേവ്, അജിത് അഗാർക്കർ, ശാന്ത രംഗസ്വാമി എന്നിവരാണ് നിലവിൽ ഇതിന്റെ ഡയറക്ടർമാർ. ഐസിഎയിൽ തെരഞ്ഞെടുപ്പ് നടക്കുന്നത് വരെ കപിൽദേവിന്റെ നേതൃത്വത്തിലുള്ള ഈ മൂന്നംഗ സംഘം തുടരും. മുൻ താരങ്ങളുടെ ക്ഷേമത്തിനായാണ് ഐസിഎ രൂപീകരിച്ചിരിക്കുന്നത്. ബിസിസിഐ അംഗീകരിക്കുന്ന മുൻകാല താരങ്ങളുടെ ആദ്യ സംഘടന കൂടിയാണ് ഐസിഎ. സ്വതന്ത്രമായിട്ടായിരിക്കും ഐസിഎ യുടെ പ്രവർത്തനം. ബിസിസിഐ തുടക്കത്തിൽ സാന്പത്തിക സഹായം നൽകുമെങ്കിലും പിന്നീട് ഐസിഎ യുടെ പ്രവർത്തനങ്ങൾക്ക് അവർ തന്നെ പണം കണ്ടെത്തേണ്ടി വരും. ഫെഡറേഷൻ ഓഫ് ഇന്റർനാഷണൽ ക്രിക്കറ്റ് അസോസിയേഷനുമായി (എഫ്ഐസിഎ) ഐസിഎ അഫിലിയേറ്റ് ചെയ്തിട്ടില്ല.
Read Moreനമ്മൾക്കും വേണം സർവ കായിക ശാല! കളത്തിനു പുറത്തെ കായിക ലോകം
കേരളത്തിൽ കുട്ടികൾക്കായി സർക്കാർ രണ്ട് ഉത്സവങ്ങൾ സംഘടിപ്പിക്കുന്നുണ്ട്. ഒന്ന് സംസ്ഥാന സ്കൂൾ കലോത്സവം, മറ്റൊന്ന് സംസ്ഥാന സ്കൂൾ കായികമേള. കലോത്സവ വേദിയിൽ റോസ് പൗഡറിന്റെ സുഗന്ധമാണുള്ളത്, അതിന്റെ വേദികൾ പ്രകാശപൂരിതവും ചന്തമുള്ളതുമാണ്. എന്നാൽ, കായിക മേളയിൽ ഉള്ളതോ വേദനാ സംഹാര സ്പ്രേകളുടെ മൂക്കുതുളയ്ക്കുന്ന ഗന്ധവും വിയർപ്പും വെയിലേറ്റു ചൂട് വമിക്കുന്ന ട്രാക്കും ഫീൽഡും മൈതാനങ്ങളും. ഒരു പ്രമുഖ പരിശീലകന്റെ വാക്കുകളാണിത്. കായിക ലോകത്തിന്റെ കടുപ്പം നിറഞ്ഞ യാഥാർഥ്യങ്ങളിലേക്കുള്ള സൂചകമാണ് ഈ വാക്കുകൾ. ലോകത്തെ ഏറ്റവും വേഗമേറിയ മനുഷ്യനായ ജമൈക്കയുടെ ഉസൈൻ ബോൾട്ടിനും പറയാനുള്ളത് ബാല്യത്തിലെ ദുരിതവഴികളെക്കുറിച്ചുതന്നെ. വീടില്ലാത്തതും കഷ്ടതകൾ അനുഭവിക്കുന്നതുമായ കേരള കായിക താരങ്ങളുടെ കഥകൾക്ക് പഴക്കമേറെ… അതെല്ലാം മറികടന്ന് കഠിനാധ്വാനത്തിലൂടെ സംസ്ഥാനത്തിനും രാജ്യത്തിനും വേണ്ടി മെഡലുകൾ നേടിയാലും അവരുടെ കഷ്ടതകൾ അവസാനിക്കില്ല. കാരണം, ചോരനീരാക്കി നാടിനായി നേടിയ നേട്ടങ്ങൾക്ക് അർഹമായൊരു ജോലി എന്ന കടന്പയ്ക്കു മുന്നിൽ…
Read More2020 ഒളിന്പിക് മെഡൽ ഇതാ…
ടോക്കിയോ: 2020 ടോക്കിയോ ഒളിന്പിക്സ് മെഡൽ സംഘാടകർ ഇന്നലെ അനാവരണം ചെയ്തു. ഒളിന്പിക്സിലേക്ക് കൃത്യം ഒരു വർഷം ശേഷിക്കേയായിരുന്നു മെഡൽ അനാവരണം ചെയ്തത്. അടുത്ത വർഷം ജൂലൈ 24നാണ് ഒളിന്പിക്സിന് തിരിതെളിയുന്നത്. ഒരു ഒളിന്പിക് മെഡൽ അനാവരണം ചെയ്യുന്നത് എന്തിനാണെന്ന ചോദ്യം പ്രസക്തമാകുന്നത് അത് എങ്ങനെയാണ് ഉണ്ടാക്കിയതെന്നതിൽനിന്നാണ്. ടോക്കിയോ 2020 ഇക്കോ ഫ്രണ്ട്ലി എന്ന ക്യാന്പയിനിന്റെ ഭാഗമായി ശേഖരിച്ചെടുത്ത മൊബൈൽ ഫോണ്, ചെറിയ ഇലക്ട്രോണിക് ഉപകരണങ്ങൾ എന്നിവയിൽനിന്ന് ലഭിച്ച ലോഹങ്ങൾ ഉപയോഗിച്ചാണ് മെഡലുകളുടെ നിർമാണം. ചുരുക്കത്തിൽ ഇ-മാലിന്യങ്ങളിൽനിന്നാണ് സ്വർണവും വെള്ളിയും വെങ്കലവും വേർതിരിച്ചെടുത്ത് ഒളിന്പിക് മെഡലുകൾ നിർമിച്ചിരിക്കുന്നത്. ഇതിനായി 80,000 ഫോണുകളും മറ്റ് ഉപകരണങ്ങളും സംഭാവനയായി ലഭിച്ചു. അത്ലറ്റുകളുടെ എനർജി പ്രതിഫലിക്കുന്ന രൂപകൽപ്പനയാണ് മെഡലുകൾക്കു നല്കിയിരിക്കുന്നതെന്ന് സംഘാടകർ പറയുന്നു. അന്പത്തിയൊന്നുകരനായ ഒസാക്ക സ്വദേശി യുനിചി കവാനിഷിയാണ് മെഡൽ ഡിസൈൻ ചെയ്തിരിക്കുന്നത്. ഡിസൈൻ സ്റ്റുഡന്റ്സും പ്രഫഷണൽ ഡിസൈനർമാരുമുൾപ്പെടെ 400…
Read Moreകാസര്ഗോഡിന്റെ മെസിക്ക് ‘ഹ്യൂമേട്ടന്റെ’അഭിനന്ദനം
കാസര്ഗോഡ്: കൂട്ടുകാരോടൊപ്പം പെരുമഴയത്ത് ഫുട്ബോൾ കളിക്കാനിറങ്ങിയ പന്ത്രണ്ടുകാരന്റെ കളിമികവിന് അഭിനന്ദനവുമായി കേരള ബ്ലാസ്റ്റേഴ്സിന്റെ സ്വന്തം ഹ്യൂമേട്ടന്. കാസര്ഗോഡ് ദേലമ്പാടിയില്നിന്നുള്ള മഹ്റൂഫിന്റെ കളി കൂട്ടുകാർ മൊബൈലിലെടുത്ത് ഇന്സ്റ്റഗ്രാമിൽ പോസ്റ്റ് ചെയ്തതാണ് ഇയാന് ഹ്യൂമിന്റെ ശ്രദ്ധ പിടിച്ചുപറ്റിയത്. കാസര്ഗോഡ് ജില്ലയിലെ മലയോരമേഖലയായ ദേലമ്പാടി പരപ്പ സ്വദേശിയാണ് മഹ്റൂഫ്. മഴയത്ത് ചെളിവെള്ളത്തില് നാലുപേരെ അതിവിദഗ്ധമായി ഡ്രിബിള് ചെയ്ത് ഗോളിലേക്കുള്ള വഴിയൊരുക്കിയ മഹ്റൂഫിന്റെ കളി കണ്ടപ്പോള് കുഞ്ഞു മെസിയെന്ന വിശേഷണമാണ് കൂട്ടുകാര് അവന് ചാര്ത്തിക്കൊടുത്തത്. കൂട്ടുകാര് പകര്ത്തിയെടുത്ത മഹ്റൂഫിന്റെ ഡ്രിബ്ളിംഗ് ദൃശ്യങ്ങള് മൊബൈലുകളില്നിന്ന് മൊബൈലുകളിലേക്ക് പറന്നുനടന്നു. അതിനിടയിലാണ് കേരള ബ്ലാസ്റ്റേഴ്സിന്റെ ആരാധകഗ്രൂപ്പായ കെബിഎഫ്സി മഞ്ഞപ്പടയുടെ ഇന്സ്റ്റഗ്രാം പേജിലും പോസ്റ്റ് ചെയ്യപ്പെട്ടത്. ആരാധക ഗ്രൂപ്പിനെ ഫോളോ ചെയ്തെത്തിയ സാക്ഷാല് ഇയാൻ ഹ്യൂം, മഹ്റൂഫിന്റെ കളി കണ്ട് അത്ഭുതപരതന്ത്രനായി. ഈ കുട്ടിയെ ഇപ്പോള്ത്തന്നെ ടീമിലെടുക്കൂ എന്ന് ബ്ലാസ്റ്റേഴ്സിനോട് ആവശ്യപ്പെടുന്നതാണ് ഹ്യൂമിന്റെ പോസ്റ്റ്. തൊട്ടുപിന്നാലെ ഫുട്ബോള് ഇന്ത്യ…
Read Moreകേരളത്തിനും വേണം ഒരു സ്പോർട്സ് യൂണിവേഴ്സിറ്റി
ഇന്ത്യയുടെ കായിക ഭൂപടത്തിൽ കേരളത്തിനു സുപ്രധാന സ്ഥാനമാണുള്ളത്. അത്ലറ്റിക്സ്, ഗെയിംസ്, ടീം, വ്യക്തിഗതം എന്നിങ്ങനെ കായിക മേഖലയുടെ ഏതു വിഭാഗത്തിലായാലും അതിനു മാറ്റമില്ല. ഈ മാസം ഐഎഎഎഫിന്റെ ബഹുമതിക്ക് അർഹയായ പി.ടി. ഉഷ മുതൽ ഐ.എം. വിജയൻ, പി.ആർ. ശ്രീജേഷ്, എസ്. ശ്രീശാന്ത്, വി. ഡിജു എന്നിവരിലൂടെ ജിൻസണ് ഫിലിപ്പ്, എച്ച്.എസ്. പ്രണോയ്, പി.യു. ചിത്ര, സഞ്ജു വി. സാംസണ്, ആഷിഖി കരുണിയൻ, പി.എസ്. ജീന, സെജിൻ മാത്യു, അനീറ്റ ജോസഫ് ക്ലീറ്റസ് തുടങ്ങിയവരിലെത്തിനിൽക്കുന്നത് കേരളത്തിന്റെ കായിക കരുത്ത് വിളിച്ചോതുന്നു. ഇവരേപ്പോലെ ഇന്ത്യക്കായി വിവിധ കായിക ഇനങ്ങളിൽ മെഡൽ അണിഞ്ഞ, രാജ്യാന്തര തലത്തിൽ അണിനിരന്ന മലയാളിത്താരപട്ടികയുടെ നീളമേറെയാണ്. കായിക രംഗത്ത് ഇത്രയും ശക്തമായി വേരോട്ടമുള്ള കേരള മണ്ണിൽ എന്തുകൊണ്ട് ഒരു സ്പോർട്സ് യൂണിവേഴ്സിറ്റി ജന്മമെടുക്കുന്നില്ല. സ്പോർട്സ് അഥോറിറ്റി ഓഫ് ഇന്ത്യയുടെ (സായ്) ഇൻസ്റ്റിറ്റ്യൂട്ടുകളും ഉഷ സ്കൂൾ, മേഴ്സിക്കുട്ടൻ…
Read Moreഐസിസി ടെസ്റ്റ് ക്രിക്കറ്റ് റാങ്കിംഗിൽ ഇന്ത്യയും കോഹ്ലിയും ലോക ഒന്നാം നമ്പർ
ദുബായ്/മുംബൈ: വെസ്റ്റ് ഇൻഡീസിനെതിരായ പരന്പരയ്ക്ക് മുന്പ് പുറത്തുവന്ന ഐസിസി ടെസ്റ്റ് ക്രിക്കറ്റ് റാങ്കിംഗിൽ ഇന്ത്യയും ക്യാപ്റ്റൻ വിരാട് കോഹ്ലിയും ലോക ഒന്നാം നന്പർ നിലനിർത്തി. ഓസ്ട്രേലിയയിൽവച്ച് 2-1നു പരന്പര നേടിയ ഇന്ത്യ ടെസ്റ്റിൽ ഒന്നാം സ്ഥാനം നിലനിർത്തിയപ്പോൾ കോഹ്ലിയും തലപ്പത്ത് തുടരുകയായിരുന്നു. 922 റെറ്റിംഗ് പോയിന്റോടെയാണ് കോഹ്ലി ടെസ്റ്റ് ബാറ്റ്സ്മാന്മാരുടെ റാങ്കിംഗിൽ ഒന്നാം സ്ഥാനത്തുള്ളത്. ന്യൂസിലൻഡിന്റെ ക്യാപ്റ്റൻ കെയ്ൻ വില്യംസണ് (913 പോയിന്റ്) ആണ് രണ്ടാമത്. ഇന്ത്യയുടെ ചേതേശ്വർ പൂജാര (881 പോയിന്റ്) മൂന്നാം സ്ഥാനത്തുണ്ട്. ഓസീസ് താരമായ സ്റ്റീവ് സ്മിത്ത് (857 പോയിന്റ്), ന്യൂസിലൻഡിന്റെ ഹെൻറി നിക്കോളാസ് (778 പോയിന്റ്) എന്നിവരാണ് നാലും അഞ്ചും സ്ഥാനങ്ങളിൽ. ടീം റാങ്കിംഗിൽ ഇന്ത്യക്കു പിന്നിൽ ന്യൂസിലൻഡ്, ദക്ഷിണാഫ്രിക്ക, ഇംഗ്ലണ്ട്, ഓസ്ട്രേലിയ എന്നിവയാണ് യഥാക്രമം ആദ്യ അഞ്ച് സ്ഥാനങ്ങളിലുള്ളത്. അടുത്ത മാസം 22 മുതലാണ് ഇന്ത്യ x വെസ്റ്റ് ഇൻഡീസ്…
Read Moreഒരിടത്തും ഇങ്ങനെ ഉണ്ടായിട്ടില്ല! വസിം അക്രത്തെ വിമാനത്താവളത്തിൽ അപമാനിച്ചു
പാക്കിസ്ഥാൻ മുൻ ക്രിക്കറ്റ് ക്യാപ്റ്റനും 1992ലെ ഏകദിന ലോകകപ്പ് ജേതാവുമായ വസിം അക്രത്തെ മാഞ്ചസ്റ്റർ എയർപോർട്ടിൽവച്ച് അപമാനിച്ചതായി ആരോപണം. ട്വിറ്ററിലൂടെ അക്രം തനിക്കു നേരിട്ട അപമാത്തെക്കുറിച്ച് ലോകത്തെ അറിയിച്ചു. ഇൻസുലിൻ പായ്ക്കറ്റുമായി സാധാരണ സഞ്ചരിക്കാറുള്ള അക്രത്തോട് ഇൻസുലിൻ ബാഗിൽനിന്ന് പുറത്തെടുത്ത് പ്ലാസ്റ്റിക് ബാഗിൽ ഉപേക്ഷിക്കാൻ മാഞ്ചസ്റ്റർ എയർപോർട്ട് അധികൃതർ ആവശ്യപ്പെട്ടു. താൻ ലോകത്തിന്റെ വിവിധ ഭാഗങ്ങളിൽ യാത്ര ചെയ്തിട്ടുള്ള ആളാണെന്നും ഇൻസുലിനുമായാണ് യാത്ര ചെയ്യാറുള്ളതെന്നും മാഞ്ചസ്റ്റർ വിമാനത്താവളത്തിൽ നേരിട്ടതരത്തിൽ അപമാനവും വേദനയും മുന്പ് ഒരിടത്തുമുണ്ടായിട്ടില്ലെന്നും അക്രം ട്വീറ്റ് ചെയ്തു. പാക്കിസ്ഥാനുവേണ്ടി 104 ടെസ്റ്റിൽനിന്ന് 414 വിക്കറ്റും 356 ഏകദിനത്തിൽനിന്ന് 502 വിക്കറ്റും അക്രം സ്വന്തമാക്കിയിട്ടുണ്ട്.
Read Moreപ്രായം ഒരു പ്രശ്നമേയല്ല, ഇടിവെട്ട് പാക്വിയാവോ
ലാസ് വെഗാസ്: മാനി പാക്വിയാവോ എന്ന ഇടിവെട്ട് ഇടിക്കാരനുമുന്നിൽ പ്രായം ഒരു എതിരാളിയേയല്ല. നാൽപ്പതാം വയസിൽ വാർട്ടർവെയ്റ്റ് ബോക്സിംഗ് കിരീടം സ്വന്തമാക്കി ഈ ഫിലിപ്പീൻസുകാരൻ ചരിത്രം കുറിച്ചു. ഈ നേട്ടം സ്വന്തമാക്കുന്ന ഏറ്റവും പ്രായം കൂടിയ ബോക്സർ എന്ന റിക്കാർഡിൽ പാക്വിയാവോ തുടരും. ഡബ്ല്യുബിഎ (വേൾഡ് ബോക്സിംഗ് അസോസിയേഷൻ) ചാന്പ്യനായ അമേരിക്കയുടെ കെയ്ത് തർമാനെ ഇടിച്ചിട്ടാണ് ഫിലിപ്പീൻസ് താരം കീരിടം സ്വന്തമാക്കിയത്. അത്യന്തം ആവേശകരമായ പോരാട്ടത്തിൽ സ്പ്ലിറ്റ് ഡിസിഷനിലൂടെയാണ് മാനി പാക്വിയാവോയെ വിജയിയായി പ്രഖ്യാപിച്ചത്. പരാജയം അറിയാതെ എത്തിയ മുപ്പതുകാരനായ മുൻ ചാന്പ്യൻ തർമാനെ 12 റൗണ്ട് പോരാട്ടത്തിൽ മാനി കീഴടക്കി. ആദ്യ റൗണ്ട് ഇടിയിൽത്തന്നെ അമേരിക്കൻ താരത്തെ രക്തത്തിൽ കുളിപ്പിച്ച മാനിക്ക് രണ്ട് വിധികർത്താക്കൾ 115-112ന്റെ ലീഡ് നല്കി. മൂന്നാമത്തെ ജഡ്ജ് 114-113ന് തർമാനെ അനുകൂലിച്ചു. ആദ്യ റൗണ്ടിൽ പിന്നിലായെങ്കിലും തർമാൻ ശക്തമായ പോരാട്ടത്തിലൂടെ ലീഡ്…
Read Moreഹിമയ്ക്ക് അഞ്ചാം സ്വർണം
പ്രേഗ്: മൂന്ന് ആഴ്ചയ്ക്കുള്ളിൽ അഞ്ചാം അന്താരാഷ്ട്ര സ്വർണത്തിലൂടെ ഇന്ത്യൻ കൗമാര അത്ലറ്റ് ഹിമ ദാസിന്റെ പടയോട്ടം. വനിതകളുടെ 200 മീറ്ററിൽ നാല് സ്വർണം നേടിയ ഹിമ കഴിഞ്ഞ ദിവസം 400 മീറ്ററിലും നേട്ടം ആവർത്തിച്ചു. 52.09 സെക്കൻഡിലാണ് ഹിമ സ്വർണത്തിലെത്തിയത്. പുരുഷ വിഭാഗം 400 മീറ്റർ ഹർഡിൽസിൽ എം.പി. ജാബിർ സ്വർണം കരസ്ഥമാക്കി. 49.66 സെക്കൻഡിലാണ് ജാബിർ ഓട്ടം പൂർത്തിയാക്കിയത്.നിർമർ നോഹ് ടോമിനാണ് വെള്ളി. 200 മീറ്ററിൽ മുഹമ്മദ് അനസിന് മൂന്നാം സ്ഥാനംകൊണ്ട് തൃപ്തിപ്പെടേണ്ടിവന്നു.
Read More