ലണ്ടൻ: ഓസ്ട്രേലിയയ്ക്കായി ഡേവിഡ് വാർണറിന്റെ റണ് യുദ്ധം. പന്ത്രണ്ടാം ഏകദിന ലോകകപ്പ് ക്രിക്കറ്റിൽ തന്റെ രണ്ടാം സെഞ്ചുറിയുമായി വാർണർ നയിച്ച യുദ്ധത്തിൽ ഓസ്ട്രേലിയയ്ക്കു ബംഗ്ലാദേശിനെതിരേ 48 റണ്സ് ജയം. കംഗാരുക്കൾ ഉയർത്തിയ 382 റണ്സ് എന്ന ലക്ഷ്യം സധൈര്യം നേരിട്ട ബംഗ്ല കടുവകൾ പൊരുതി കീഴടങ്ങി. ബംഗ്ലാദേശിനായി മുഷ്ഫിഖർ റഹിം (97 പന്തിൽ 102 നോട്ടൗട്ട്) സെഞ്ചുറി നേടി. കോഹ്ലിക്കൊപ്പം വാർണർ ഏകദിന ക്രിക്കറ്റിൽ 16 സെഞ്ചുറികൾ വേഗത്തിൽ നേടുന്ന താരമെന്ന നേട്ടത്തിൽ ഓസ്ട്രേലിയയുടെ ഓപ്പണർ ഡേവിഡ് വാർണർ ഇന്ത്യൻ ക്യാപ്റ്റൻ വിരാട് കോഹ്ലിക്കൊപ്പം. ലോക ക്രിക്കറ്റിൽ കോഹ്ലിയും വാർണറും രണ്ടാം സ്ഥാനം പങ്കിടുകയാണ്. ബംഗ്ലാദേശിനെതിരായ സെഞ്ചുറിയോടെയാണ് വാർണർ ഈ റിക്കാർഡിലെത്തിയത്. 110 ഇന്നിംഗ്സിൽനിന്നാണ് കോഹ്ലിയും വാർണറും 16 രാജ്യാന്തര സെഞ്ചുറി പൂർത്തിയാക്കിയത്. 94 ഇന്നിംഗ്സിൽ 16 സെഞ്ചുറി നേടിയ ദക്ഷിണാഫ്രിക്കയുടെ ഹഷിം അംലയുടെ പോരിലാണ് ലോക…
Read MoreCategory: Sports
വിജയ് ശങ്കറിനു പരിക്ക്
സതാംപ്ടണ്: ക്രിക്കറ്റ് ലോകകപ്പില് ഇന്ത്യക്കു വീണ്ടും പരിക്ക് ഭീഷണി. സെമി ലക്ഷ്യമിടുന്ന ടീം ഇന്ത്യയുടെ ശനിയാഴ്ച അഫ്ഗാനിസ്ഥാനെതിരേയുള്ള മത്സരത്തിനു മുന്നോടിയായി നടന്ന പരിശീലനത്തിനിടെ ഓള്റൗണ്ടര് വിജയ് ശങ്കറിന് പരിക്കേറ്റു. നെറ്റ്സില് പരിശീലനത്തിനിടെ ജസ്പ്രീത് ബുംറയുടെ യോര്ക്കര് കാലില് കൊണ്ടാണ് വിജയ് ശങ്കറിന് പരിക്കേറ്റത്. കാല്വിരലിന് കടുത്ത വേദന അനുഭവപ്പെട്ട വിജയ് ശങ്കര് പിന്നീട് പരിശീലനം മതിയാക്കി. എന്നാല് താരത്തിന്റെ പരിക്ക് ഗുരുതരമല്ലെന്നാണ് ടീം വൃത്തങ്ങല് നല്കുന്ന സൂചന. കൂടുതല് വിവരങ്ങളൊന്നും ടീം മാനേജ്മെന്റ് പുറത്തുവിട്ടിട്ടില്ല. ഓസ്ട്രേലിയയ്ക്കെതിരായ മത്സരത്തിനിടെ തള്ളവിരലിന് പരിക്കേറ്റ ഓപ്പണര് ശിഖര് ധവാന് ലോകകപ്പ് നഷ്ടമായതിനു തൊട്ടുപിന്നാലെയാണ് ഇന്ത്യയെ ആശങ്കയിലാക്കി വിജയ് ശങ്കറിനും പരിക്കേറ്റിരിക്കുന്നത്. ധവാനു പകരം പാക്കിസ്ഥാനെതിരായ മത്സരത്തില് ശങ്കറാണ് കളിച്ചത്. മത്സരത്തില് താരം രണ്ടു വിക്കറ്റ് വീഴ്ത്തുകയും ചെയ്തു. ബാറ്റ്സ്മാന് പരിക്കേല്ക്കണമെന്ന് ഒരിക്കലും ആഗ്രഹിക്കില്ല. എന്നാല്, നിര്ഭാഗ്യവശാല് പന്ത് വിജയുടെ കാലില് കൊണ്ടു.…
Read Moreഅനുഷ്ക @ ലണ്ടൻ
ലോകകപ്പ് പോരാട്ടത്തിനിടെ ഇന്ത്യൻ ക്യാപ്റ്റൻ വിരാട് കോഹ്ലി ഭാര്യയും ബോളിവുഡ് നടിയുമായ അനുഷ്കയ്ക്കൊപ്പം ലണ്ടനിൽ ഒൗട്ടിംഗ് നടത്തി. ടീമിനൊപ്പം ഭാര്യമാർക്ക് ചേരാൻ അനുമതിയില്ലെങ്കിലും ലണ്ടനിൽ രോഹിത് ശർമയുടെയും എം.എസ്. ധോണിയുടെയും ഭാര്യമാർ ഇതിനോടകം എത്തിയിരുന്നു. ലോകകപ്പിന്റെ ആദ്യത്തെ 20 ദിവസം ഭാര്യമാർക്കൊപ്പം ഒൗട്ടിംഗിനു പോകാൻ ഇന്ത്യൻ കളിക്കാർക്ക് ബിസിസിഐ അനുമതി നിഷേധിച്ചിരുന്നു. 15 ദിവസം മാത്രം ഭാര്യമാർക്കൊപ്പം ചെലവിടാനുള്ള അനുമതിയേ ബിസിസിഐ നല്കിയിട്ടുമുള്ളൂ. ഈ ആഴ്ചയുടെ തുടക്കത്തിലാണ് കോഹ്ലിയെ കാണാൻ അനുഷ്ക ലണ്ടനിൽ എത്തിയത്. ഇരുവരും ലണ്ടനിലെ ഓൾ ബോണ്ട് സ്ട്രീറ്റിൽ സമയം ചെലവിടുന്നതിന്റെ ചിത്രങ്ങൾ സമൂഹമാധ്യമങ്ങളിൽ തരംഗം സൃഷ്ടിച്ചു. പരിക്കേറ്റ് ടീമിനു പുറത്തായ ശിഖർ ധവാനും സഹ ഓപ്പണർ രോഹിത് ശർമയും സകുടുംബം ലോക്കൽ ട്രെയ്നിൽ യാത്ര ചെയ്യുന്ന ചിത്രം സമൂഹമാധ്യമങ്ങളിൽ പങ്കുവച്ചിരുന്നു.
Read Moreഉറുഗ്വെ-ജപ്പാൻ പോരാട്ടം സമനിലയിൽ
പോർട്ടോ അലെഗ്രെ: കോപ്പ അമേരിക്ക ഫുട്ബോളിലെ ഉറുഗ്വെ-ജപ്പാൻ പോരാട്ടം സമനിലയിൽ. കോജി മിയോഷിയുടെ ഇരട്ട ഗോളിലാണ് ജപ്പാൻ ശക്തരായ ഉറുഗ്വെ സമനിലയിൽ തളച്ചത്. മത്സരത്തിന്റെ തുടക്കത്തിലെ തന്നെ ജപ്പാൻ ശക്തമായ ആക്രമണമാണ് അഴിച്ചുവിട്ടത്. 25-ാം മിനിറ്റിൽ മിയോഷി ഉറുഗ്വെയെ ഞെട്ടിച്ചുകൊണ്ട് ആദ്യ ഗോൾ നേടി. എന്നാൽ അധികസമയം ജപ്പാനു ലീഡ് നിലനിർത്താൻ സാധിച്ചില്ല. സൂപ്പർ താരം ലൂയിസ് സുവാരസിലുടെ (32) ഉറുഗ്വെ സമനില ഗോൾ കണ്ടെത്തി. രണ്ടാം പകുതിയിലെ 59-ാം മിനിറ്റിൽ മിയോഷി വീണ്ടും ജപ്പാന്റെ ലീഡ് ഉയർത്തി. എന്നാൽ ഏഴ് മിനിറ്റിനുശേഷം ഉറഗ്വെയുടെ ജോസ് ജിമിനെസിലൂടെ തിരിച്ചടിച്ചു. പിന്നീട് ഇരുടീമുകളും തന്ത്രങ്ങൽ മാറ്റി പയറ്റിയിട്ടും വിജയഗോൾ കണ്ടെത്താൻ സാധിച്ചില്ല. ഗ്രൂപ്പ് സിയിൽ ഒന്നാം സ്ഥാനത്താണ് ഉറുഗ്വെ. രണ്ടാം സ്ഥാനത്ത് ചിലെയാണ്. ജപ്പാൻ മൂന്നാം സ്ഥാനത്താണ്. ഇക്വഡോറാണ് നാലാം സ്ഥാനത്ത്.
Read Moreചിത്രയ്ക്കും ശ്രീശങ്കറിനും സ്വര്ണം
സോളന്ട്യൂണ (സ്വീഡന്): അന്താരാഷ്ട്ര അത്ലറ്റിക്സില് കേരളത്തിന് ഇരട്ട സ്വര്ണ നേട്ടം. ഫോക്സാം ഗ്രാന് പ്രീയില് പി.യു. ചിത്രയും കോപ്പന്ഹേഗന് അത്ലറ്റിക്സ് ഗെയിംസില് എം. ശ്രീശങ്കറും സ്വര്ണം നേടി. സ്വീഡനിലെ സോളന്ട്യൂണയില് നടക്കുന്ന ഫോക്സാം ഗ്രാന് പ്രീയില് വനിതകളുടെ 1500 മീറ്ററിലാണ് ചിത്രയുടെ സ്വര്ണനേട്ടം. സീസണിലെ മികച്ച പ്രകടനത്തോടെയാണ് കേരളതാരം സ്വര്ണത്തിലെത്തിയത്. 4 മിനിറ്റ് 12.65 സെക്കന്ഡിലാണ് കെനിയയുടെ മേഴ്സി ചെരോനോയെ പരാജയപ്പെടുത്തി സ്വര്ണത്തില് മുത്തമിട്ടത്. പുരുഷന്മാരുടെ 1500 മീറ്ററില് കേരളത്തിന്റെതന്നെ ജിന്സണ് ജോണ്സണ് (4 മിനിറ്റ് 39.69 സെക്കന്ഡ്) വെള്ളി നേടി. കോപ്പന്ഹേഗന് അത്ലറ്റിക്സ് ഗെയിംസില് ദേശീയ റിക്കാര്ഡുള്ള എം. ശ്രീങ്കര് സ്വര്ണം നേടി. ആദ്യ റൗണ്ടില്തന്നെയാണ് ശ്രീശങ്കര് സ്വര്ണത്തിനുള്ള ചാട്ടം ( 7.93 മീറ്റര്) നടത്തിയത്.
Read Moreധവാന് പുറത്ത്; പകരം പന്ത്
സതാംപ്ടണ്: വിരലിനു പരിക്കേറ്റ ഇന്ത്യന് ഓപ്പണര് ശിഖര് ധവാന് ഏകദിന ക്രിക്കറ്റ് ലോകകപ്പില്നിന്നു പുറത്തായി. പകരം വിക്കറ്റ്കീപ്പര് ബാറ്റ്സ്മാന് ഋഷഭ് പന്തിനെ ടീമിൽ ഉള്പ്പെടുത്തി. പരിക്ക് ഭേദപ്പെടുന്ന കാര്യത്തില് പുരോഗതി കാണാത്തതിനാലാണു ധവാനെ ടീമില്നിന്ന് ഒഴിവാക്കിയത്. ജൂണ് ഒമ്പതിന് ലണ്ടനില് ഓസ്ട്രേലിയയ്ക്കെതിരേയുള്ള മത്സരത്തിലാണു ധവാന് ഇടതു തള്ളവിരലിനു പരിക്കേറ്റത്. പാറ്റ് കമ്മിന്സിന്റെ ബൗണ്സര് കൈയില് കൊള്ളുകയായിരുന്നു. കളിയില് തുടര്ന്ന ധവാന് സെഞ്ചുറി നേടിയശേഷമാണ് പുറത്തായത്. വിരലിനു പൊട്ടലുണ്ടെന്നു പിന്നീട് സ്കാനിംഗില് വ്യക്തമായിരുന്നു. ഇതേത്തുടര്ന്ന് ധവാനെ പാക്കിസ്ഥാന്, അഫ്ഗാനിസ്ഥാന്, വെസ്റ്റ് ഇന്ഡീസ് ടീമുകള്ക്കെതിരേയുള്ള മത്സരങ്ങളില്നിന്ന് ഒഴിവാക്കിയിരുന്നു. ജൂണ് 30ന് ഇംഗ്ലണ്ടിനെതിരേയുള്ള മത്സരത്തില് ധവാന് തിരിച്ചുവരുമെന്ന് പ്രതീക്ഷിച്ചിരുന്നു. എന്നാല് അതിന് യാതൊരു സാധ്യതയുമില്ലെന്ന് ബിസിസിഐ വ്യക്തമാക്കി. ഇംഗ്ലണ്ടിനെതിരേയുള്ള മത്സരത്തില് ധവാന് ഉണ്ടാകുമെന്നു കരുതി ടീം മാനേജ്മെന്റ് താത്കാലിക പകരക്കാരനായിട്ടാണ് പന്തിനെ ഇംഗ്ലണ്ടിലെത്തിച്ചത്. ഇന്ത്യയുടെ ലോകകപ്പ് ടീമിലേക്കു പന്തിനെ ഉള്പ്പെടുത്താത്തതില് വിമര്ശനമുയർന്നിരുന്നു.…
Read Moreമെസിയുടെ ഗോളിൽ മുഖംരക്ഷിച്ച് അർജന്റീന; കോപ്പയില് സമനിലയുമായി തടിതപ്പി
മിനാസ്: കോപ്പ അമേരിക്കയിൽ തോൽവിക്കു പിന്നാലെ അർജന്റീനയ്ക്കു സമനിലക്കുരുക്ക്. ഇന്നു നടന്ന രണ്ടാം മത്സരത്തിൽ അർജന്റീന പരാഗ്വയോടു സമനില വഴങ്ങി. ലയണൽ മെസി 57-ാം മിനിറ്റിൽ നേടിയ പെനാൽറ്റിയാണ് അർജന്റീനയുടെ മുഖം രക്ഷിച്ചത്. 37-ാം മിനിറ്റിൽ റിച്ചാർഡ് സാഞ്ചസ് നേടിയ ഗോളിൽ പരാഗ്വെ ലീഡ് നേടിയിരുന്നു. ഇതിനുശേഷമായിരുന്നു മെസിയുടെ സമനിലഗോൾ. രണ്ടു മത്സരങ്ങളിൽനിന്ന് ഒരു പോയിന്റ് മാത്രമുള്ള അർജന്റീന ഗ്രൂപ്പിൽ ഖത്തറിനും പിന്നിൽ നാലാമതാണ്. ആറു പോയിന്റുള്ള കൊളംബിയയാണ് പോയിന്റ് പട്ടികയിൽ ഒന്നാം സ്ഥാനത്ത്.
Read Moreബോക്സ് ക്രിക്കറ്റ് കാര്ണിവല് കൊച്ചിയില്
ക്രിക്കറ്റ് ലോകകപ്പിനൊപ്പം ആവേശം പതഞ്ഞു പൊന്താന് ബോക്സ് ക്രിക്കറ്റും. കൊച്ചിയില് ജൂലായിലാണ് ബോക്സ് ക്രിക്കറ്റ് കാര്ണിവല് അരങ്ങേറുന്നത്. സാധാരണ ക്രിക്കറ്റില് നിന്നും വ്യത്യസ്തമായി കൃത്രിമ ടര്ഫിലാണ് ബോക്സ് ക്രിക്കറ്റ് നടക്കുന്നത്. കൊച്ചിന് ക്രിക്കറ്റ് സ്റ്റാര്സും ഫെയര്പ്ലേയും ചേര്ന്നാണ് ഒരുദിവസത്തെ ടൂര്ണമെന്റ് സംഘടിപ്പിക്കുന്നത്. ഒരു ടീമില് ഒരേസമയം ഏഴുതാരങ്ങള്ക്കാണ് കളത്തിലിറങ്ങാന് സാധിക്കുക. സൂപ്പര് സബ്സ്റ്റിറ്റിയൂട്ടായി മൂന്നുപേര്ക്കും കളിക്കാം. ആറോവറാണ് ഓരോ മത്സരങ്ങളും. പകലും രാത്രിയുമായിട്ടാണ് മത്സരങ്ങള്. സാധാരണ ക്രിക്കറ്റ് മത്സരങ്ങളേക്കാള് ആവേശം പകരുന്നതാണ് ബോക്സ് ക്രിക്കറ്റ് മത്സരങ്ങള്. അടുത്തിടെ ചെന്നൈയില് നടന്ന ബോക്സ് ക്രിക്കറ്റ് ലീഗ് വലിയ തോതില് ആരാധകരെ ആകര്ഷിച്ചിരുന്നു. കൂടുതല് വിവരങ്ങള്ക്ക് 9446343671.
Read Moreഇന്ത്യയോടു തോറ്റ പാക് ക്രിക്കറ്റ് ടീമിനെ നിരോധിക്കണം; കോടതിയിൽ വിചിത്ര ഹർജി
ലാഹോർ: ലോകകപ്പ് ക്രിക്കറ്റ് പോരാട്ടത്തിൽ ഇന്ത്യയോടു പരാജയപ്പെട്ട പാക്കിസ്ഥാൻ ടീമിനെ നിരോധിക്കണമെന്ന് ആവശ്യപ്പെട്ടു കോടതിയിൽ ഹർജി. പാക്കിസ്ഥാനിലെ പഞ്ചാബ് പ്രവിശ്യയിലെ ഗുർജൻവാല സിവിൽ കോടതിയിലാണ് പരാതിയെത്തിയത്. പരാതിക്കാരന്റെ പേരു വെളിപ്പെടുത്തിയിട്ടില്ല. ടീമിനെ നിരോധിക്കുന്നതിനു പുറമേ സെലക്ഷൻ കമ്മിറ്റിയെ പുറത്താക്കണമെന്നും ഹർജിയിൽ ആവശ്യപ്പെടുന്നു. ഞായറാഴ്ച മാഞ്ചസ്റ്ററിൽ നടന്ന മത്സരത്തിൽ ഇന്ത്യയോട് 89 റണ്സിനു പരാജയപ്പെട്ട പാക്കിസ്ഥാൻ, ആരാധകരിൽനിന്നും മുൻ കളിക്കാരിൽനിന്നും കടുത്ത വിമർശനമാണു നേരിടുന്നത്. പാക് ക്രിക്കറ്റ് ടീം പരിശീലകൻ മിക്കി ആർതറിനെ പിസിബി പുറത്താക്കിയേക്കുമെന്നും റിപ്പോർട്ടുകളുണ്ട്.
Read Moreനെയ്മര് വില്പനയ്ക്ക്?
പാരീസ്: ഫ്രഞ്ച് ലീഗ് വണ് ഫുട്ബോള് ചാമ്പ്യന്മാരായ പാരീ സാന് ഷെര്മയിന് നെയ്മറെ വില്ക്കാന് തയാറെടുക്കുന്നതായി ഫ്രഞ്ച് മാധ്യമങ്ങള് റിപ്പോര്ട്ട് ചെയ്തു. 2017ല് ലോക റിക്കാര്ഡ് തുകയ്ക്കാണ് നെയ്മറെ പിഎസ്ജി ബാഴ്സലോണയില്നിന്ന് സ്വന്തമാക്കിയത്. പിഎസ്ജിക്കായി 58 കളിയില് 51 ഗോളുമായി ബ്രസീലിയന് സ്ട്രൈക്കര് മികച്ച പ്രകടനമാണ് നടത്തുന്നത്. എന്നാല് കളത്തിലും കളത്തിനു പുറത്തും നെയ്മറുടെ പെരുമാറ്റത്തില് തൃപ്തി കുറവും പരിക്കേല്ക്കാനുള്ള സാധ്യത കൂടുതലുമാണ് നെയ്മറെ വില്ക്കാന് ക്ലബ്ബിനെ പ്രേരിപ്പിക്കുന്നതെന്നാണ് റിപ്പോര്ട്ടുകള്. നെയ്മര് സഹകളിക്കാരുമായി സ്വരച്ചേര്ച്ചയിലല്ലെന്ന വാര്ത്തകള് പുറത്തുവന്നിരുന്നു. നെയ്മറെ സ്വന്തമാക്കാൻ റയല് മാഡ്രിഡിനും ബാഴ്സലോണയ്ക്കും താത്പര്യമുണ്ട്. ക്ലബ്ബിലെ വലിയ താരങ്ങളുടെ അഹങ്കാരം ക്ലബ് വച്ചുപൊറുപ്പിക്കില്ലെന്ന് പിഎസ്ജി ചെയര്മാനും സിഇഒയുമായ നാസര് അല് ഖലൈഫി പറഞ്ഞു. യൂറോപ്യന് മത്സരങ്ങളില് ക്ലബ് മികവ് പുറത്തെടുക്കാത്തതില് നെയ്മറിന് പിഎസ്ജിയോട് അതൃപ്തിയുണ്ടെന്ന റിപ്പോര്ട്ടുകളുമുണ്ട്.
Read More