മാഞ്ചസ്റ്റര്: പാക്കിസ്ഥാൻ ക്യാപ്റ്റന് സര്ഫറാസ് അഹമ്മദിനെ പരിഹസിച്ചുള്ള ട്രോളുകള്. മത്സരത്തിന്റെ നിര്ണായക സമയത്ത് വിക്കറ്റ് കീപ്പര് കൂടിയായ സര്ഫറാസ് കോട്ടുവാ ഇട്ടതാണ് ട്രോളുകളില് നിറയുന്നത്. ഇന്ത്യയുടെ ഇന്നിങ്സ് 46.4 ഓവറായപ്പോള് മഴ പെയ്തിരുന്നു. തുടര്ന്ന് അര മണിക്കൂര് മത്സരം നിര്ത്തിവച്ചു. പിന്നീട് കളി വീണ്ടും തുടങ്ങിയപ്പോഴാണ് പാക് ക്യാപ്റ്റന് കോട്ടുവാ ഇട്ടത്. ഇന്ത്യ കൂറ്റന് സ്കോറിലേക്ക് പോകുമ്പോള് അത് എങ്ങനെ മറികടക്കുമെന്ന ചിന്തയില്ലാതെ ഏത് ക്യാപ്റ്റന് ഇത്ര കൂളായി നില്ക്കാന് കഴിയും എന്നാണ് ആരാധകര് ചോദിക്കുന്നത്. സര്ഫറാസിനെ പരിഹസിച്ചായിരുന്നു ഈ കമന്റ്. നേരത്തെ ടോസ് നേടിയിട്ടും ഫീല്ഡിംഗ് തെരഞ്ഞെടുത്തതിന് സര്ഫറാസിനെ വിമര്ശിച്ച് മുന് താരം ഷൊയെബ് അക്തറടക്കമുള്ളവര് രംഗത്തുവന്നിരുന്നു. ഇതിന് പിന്നാലെയാണ് ഈ ട്രോളുകള്. ക്യാപ്റ്റന് തന്നെ ഇങ്ങനെ മടിയനാണെങ്കില് കളിക്കാരുടെ കാര്യം എന്താകുമെന്നും ക്രിക്കറ്റ് ആരാധകര് ചോദിക്കുന്നു.
Read MoreCategory: Sports
വനിതാ ലോകകപ്പ്: ജർമനി ഗ്രൂപ്പ് ചാമ്പ്യന്മാരായി പ്രീക്വാർട്ടറിൽ
പാരീസ്: വനിതാ ലോകകപ്പ് ഫുട്ബോളിൽ ജർമനിക്ക് വമ്പൻ ജയം. ഗ്രൂപ്പ് ഘട്ടത്തിലെ അവസാന പോരാട്ടത്തിൽ ദക്ഷിണാഫ്രിക്കയെ എതിരില്ലാത്ത നാലു ഗോളുകൾക്ക് തകർത്തു. ഇതോടെ ജർമനി ഗ്രൂപ്പ് ചാമ്പ്യന്മാരായി പ്രീക്വാർട്ടറിൽ കടന്നു. തോൽവിയോടെ ദക്ഷിണാഫ്രിക്ക ടൂർണമെന്റിൽ നിന്നും പുറത്തായി. ഗ്രൂപ്പ് ബിയില്നിന്നു ജർമനിയും സ്പെയിനും പ്രീക്വാര്ട്ടറില് കടന്നു. സ്പെയിൻ ആദ്യമായാണ് വനിതാ ലോകകപ്പിൽ ഗ്രൂപ്പ് ഘട്ടം കടന്നു മുന്നേറുന്നത്. ഗ്രൂപ്പ് ഘട്ടത്തിലെ അവസാന മത്സരത്തിൽ ചൈനയുമായി സ്പെയിൻ ഗോൾരഹിത സമനിലയിൽ പിരിഞ്ഞിരുന്നു.
Read Moreകോപ്പയിൽ ചിലെയ്ക്ക് മിന്നും ജയം
സാവോ പോളോ: കോപ്പ അമേരിക്കൻ ഫുട്ബോളിലെ ഗ്രൂപ്പ് സിയിൽ നിലവിലെ ചാന്പ്യൻമാരായ ചിലെയ്ക്ക് മിന്നും ജയം. ജപ്പാനെ എതിരില്ലാത്ത നാല് ഗോളിനാണ് ചിലെ കീഴടക്കിയത്. എഡ്വേർഡോ വർഗാസിന്റെ ഇരട്ട ഗോളിലാണ് ചിലെയുടെ അധികാരിക ജയം. എറിക് പുൽഗാറിലൂടെയാണ് ചിലെ ഗോൾ വേട്ടയ്ക്കു തുടക്കം കുറിച്ചത്. 41 മിനിറ്റിലായിരുന്നു ചിലെയുടെ ആദ്യ ഗോൾ. പിന്നീട് ജപ്പാനെ നിർവീര്യമാക്കി ചിലെ ജപ്പാൻ ഗോൾ മുഖത്ത് തുടരെ തുടരെ ആക്രമണം നടത്തുകയായിരുന്നു. 54-ാം മിനിറ്റിലായിരുന്നു എഡ്വേർഡോയുടെ ആദ്യ ഗോൾ. അലക്സിസ് സാഞ്ചസും ചിലെയ്ക്കായി ഗോൾ നേടി. 82-ാം മിനിറ്റിലായിരുന്നു സാഞ്ചസിന്റെ ഗോൾ. തൊട്ടു പിന്നാലെ എഡ്വേർഡോ (84) ജപ്പാനുമേൽ അവസാന ആണിയും അടിച്ചു.
Read Moreലോകകപ്പിൽ പാക്കിസ്ഥാനെതിരേ സെഞ്ചുറി; കോഹ്ലിക്കൊപ്പം രോഹിതും
മാഞ്ചസ്റ്റർ: ലോകകപ്പ് ക്രിക്കറ്റിൽ ചിരവൈരികളായ പാക്കിസ്ഥാനെതിരേ സെഞ്ചുറി നേടുക എന്ന അപൂർവ റിക്കാർഡിൽ ഇന്ത്യൻ ഓപ്പണർ രോഹിത് ശർമയും. ഇന്ത്യൻ ക്യാപ്റ്റൻ വിരാട് കോഹ്ലി മാത്രമാണ് മുന്പ് ഈ നേട്ടം സ്വന്തമാക്കിയത്. 2015 ലോകകപ്പിലാണ് വിരാട് കോഹ്ലി സെഞ്ചുറി നേടിയത്. അന്ന് അഡ്ലെയ്ഡിൽ 107 റണ്സ് കോഹ്ലി സ്വന്തമാക്കി. 2003 ലോകകപ്പിൽ സച്ചിൻ തെണ്ടുൽക്കർ നേടിയ 98 റണ്സ് ആയിരുന്നു അതിനു മുന്പ് ഒരു ഇന്ത്യൻ താരം ലോകകപ്പിൽ പാക്കിസ്ഥാനെതിരേ നേടിയ ഉയർന്ന സ്കോർ. സച്ചിനു സാധിക്കാത്ത നേട്ടാമാണ് കോഹ്ലിയും രോഹിത്തും സ്വന്തമാക്കിയിരിക്കുന്നത്. ലോകകപ്പിൽ പാക്കിസ്ഥാനെതിരേ ഇന്ത്യൻ താരം നേടുന്ന ഏറ്റവും ഉയർന്ന സ്കോറും ഇന്ന് രോഹിത് സ്വന്തമാക്കി, 140 റണ്സ്. പാക്കിസ്ഥാനെതിരേ ലോകകപ്പിൽ ഒരു താരത്തിന്റെ ഏറ്റവും ഉയർന്ന സ്കോറുമാണ് രോഹിത് നേടിയത്. 2003 ലോകകപ്പിൽ ഓസ്ട്രേലിയയുടെ ആൺഡ്രൂ സൈമണ്ട്സ് നേടിയ 143 നോട്ടൗട്ട് ആണ്…
Read Moreഅതിവേഗത്തിൽ 11,000 റണ്സ്; സച്ചിനെ മറികടന്ന് കോഹ്ലി
മാഞ്ചസ്റ്റർ: ഏകദിന ക്രിക്കറ്റിൽ വേഗത്തിൽ 11,000 റണ്സ് എന്ന ചരിത്ര നേട്ടം ഇന്ത്യൻ ക്യാപ്റ്റൻ വിരാട് കോഹ് ലി സ്വന്തമാക്കി. ഇതിഹാസ താരം സച്ചിൻ തെണ്ടുൽക്കറിന്റെ പേരിലുള്ള റിക്കാർഡാണ് കോഹ് ലി മറികടന്നത്. 276 ഇന്നിംഗ്സിൽനിന്നായിരുന്നു സച്ചിൻ 11,000 റണ്സ് തികച്ചത്. എന്നാൽ, 222-ാം ഇന്നിംഗ്സിൽ കോഹ്ലി ഈ നേട്ടത്തിലെത്തി. പാക്കിസ്ഥാനെതിരായ മത്സരത്തിൽ വ്യക്തിഗത സ്കോർ 57ൽ എത്തിയപ്പോഴായിരുന്നു ഇന്ത്യൻ ക്യാപ്റ്റൻ ഏകദിനത്തിൽ 11,000 തികച്ചത്. ചിരവൈരികളായ പാക്കിസ്ഥാനെതിരായ ലോകകപ്പ് പോരാട്ടത്തിലാണ് ഈ നേട്ടമെന്നത് കോഹ്ലിയുടെ നാഴികക്കല്ലിനു തിളക്കം വർദ്ധിപ്പിക്കുന്നു. വേഗത്തിൽ 8000 (175 ഇന്നിംഗ്സ്), 9000 (194 ഇന്നിംഗ്സ്), 10000 (205 ഇന്നിംഗ്സ്) റണ്സ് തികച്ച റിക്കാർഡുകളും കോഹ്ലിയുടെ പേരിലാണ്.
Read Moreപരാഗ്വേയെ സമനിലയിൽ തളച്ച് ഖത്തർ
ബ്രസീലിയ: കോപ്പ അമേരിക്കയിലെ അരങ്ങേറ്റ പോരാട്ടത്തിൽ ഖത്തറിന് സമനില. ഏഷ്യൻ ചാമ്പ്യന്മാരായ ഖത്തർ പരാഗ്വേയോടു 2-2ന് സമനില പിടിച്ചു. രണ്ടു ഗോളിന് പിന്നിൽ നിന്ന ശേഷമായിരുന്നു ഖത്തർ ഒപ്പമെത്തിയത്. നാലാം മിനിറ്റില് ഓസ്കാര് കാര്ഡോസോ പെനാല്റ്റിയിലൂടെ പരാഗ്വേയെ മുന്നിൽ എത്തി. 56-ാം മിനിറ്റില് ഡെര്ലിസ് ഗോണ്സാലെയിലൂടെ പരാഗ്വേ ലീഡ് ഉയര്ത്തി. എന്നാൽ അല്മോസ് അലി(68), ബൗലേം ഖൗഖി(77) എന്നിവരിലൂടെ ഖത്തർ തിരിച്ചടിച്ചു. കോപ്പയിൽ അടുത്ത മത്സരത്തിൽ ഖത്തർ കൊളംബിയയെയും പരാഗ്വേ അർജന്റീനയേയും നേരിടും.
Read Moreലീ ചോംഗ് വീ വിരമിച്ചു
ക്വലാലംപുര്: മുന് ലോക ഒന്നാം നമ്പര് ബാഡ്മിന്റണ് താരം ലീ ചോംഗ് വീ വിരമിച്ചു. കാന്സറിനെത്തുടര്ന്നുള്ള ചികിത്സയിലായിരുന്ന ചോംഗ് വീ പൂര്ണ ആരോഗ്യം വീണ്ടെടുക്കാത്തതിനാലാണ് വിരമിക്കല് പ്രഖ്യാപിച്ചത്. കഴിഞ്ഞ വര്ഷമാണ് താരത്തിന് മൂക്കില് കാന്സര് കണ്ടെത്തിയത്. ചികിത്സയിലായിരുന്ന വീ ജനുവരിയില് തിരിച്ചുവരവിന് ശ്രമിച്ചു. എന്നാല്, ഡോക്ടര്മാരുടെ ഉപദേശത്തെത്തുടര്ന്ന് ബാഡ്മിന്റണില്നിന്ന് വിരമിക്കുകയായിരുന്നു. 348 ആഴ്ച പുരുഷ റാങ്കിംഗില് ഒന്നാം സ്ഥാനത്തു തുടര്ന്ന ചോംഗ് വീക്ക് ലോക ചാമ്പ്യന്ഷിപ്പ്, ഒളിമ്പിക് സ്വര്ണമെഡലുകള് നേടാനായിട്ടില്ല. രണ്ടു ചാമ്പ്യന്ഷിപ്പിലും മൂന്നു പ്രാവശ്യം വീതം ഫൈനലില് പ്രവേശിച്ചെങ്കിലും തോല്വിയായിരുന്നു. ചൈനയുടെ ലിന് ഡാന് ആയിരുന്നു മലേഷ്യന് താരത്തിന്റെ ഏറ്റവും വലിയ എതിരാളി. 2014ലെ ലോക ചാമ്പ്യന്ഷിപ്പില് ഉത്തേജകമരുന്ന് ഉപയോഗിച്ചതിനെത്തുടര്ന്ന് വിലക്ക് നേരിടേണ്ടിവന്നു. എന്നാല്, 2015ല് ബാഡ്മിന്റണ് കോര്ട്ടില് തിരിച്ചെത്തി.
Read Moreഫുട്ബോൾ വസന്തം…
സാവൊ പോളോ: കാൽപ്പന്തുകളിയുടെ ചാരുതയിലൂടെ ലോകത്തെ അദ്ഭുതപ്പെടുത്തുന്ന ലാറ്റിനമേരിക്കൻ പോരാട്ടത്തിന് നാളെ തുടക്കം. ലാറ്റിനമേരിക്കൻ ഫുട്ബോൾ വസന്തമായ കോപ്പ അമേരിക്കയ്ക്ക് ഇന്ത്യൻ സമയം നാളെ രാവിലെ ആറ് മണിക്ക് കിക്കോഫ്. 46-ാമത് കോപ്പ അമേരിക്കയ്ക്ക് ആതിഥേയത്വമരുളുന്നത് പുൽത്തകിടിയിലെ രാജാക്കന്മാരായ ബ്രസീൽ ആണ്. നാളെ നടക്കുന്ന ഉദ്ഘാടന മത്സരത്തിൽ ബ്രസീൽ ബൊളീവിയയുമായി ഏറ്റുമുട്ടും. ഗ്രൂപ്പ് എയിൽ വെനസ്വേല, പെറു എന്നിവയാണ് ഇവർക്കൊപ്പമുള്ള മറ്റു ടീമുകൾ. ചരിത്രത്തിൽ ആതിഥേയർ സൗത്ത് അമേരിക്കൻ ചാന്പ്യൻഷിപ്പ് എന്ന പേരിൽ 1916ലാണ് ടൂർണമെന്റ് ആരംഭിച്ചത്. 2016ൽ അമേരിക്കയിൽവച്ച് നൂറാം വാർഷിക ചാന്പ്യൻഷിപ്പ് നടത്തിയിരുന്നു. ചരിത്രത്തിൽ ആദ്യമായാണ് ലാറ്റിനമേരിക്കയ്ക്ക് പുറത്തുള്ള ഒരു രാജ്യം ആതിഥേയത്വം വഹിച്ചത്. 2015ൽ ചിലിയിൽ നടത്തിയതിനുശേഷമായിരുന്നു 2016ൽ സെന്റിനറി കോപ്പ അമേരിക്ക അരങ്ങേറിയത്. രണ്ടിലും ജേതാക്കളായത് ചിലി, ഫൈനലിൽ പരാജയപ്പെട്ടത് അർജന്റീനയും. 1975 മുതലാണ് കോപ്പ അമേരിക്ക എന്ന പേരിൽ ചാന്പ്യൻഷിപ്പ്…
Read Moreരവി ശാസ്ത്രിയുടെ കരാർ നീട്ടി
മുംബൈ: ഇന്ത്യൻ ക്രിക്കറ്റ് ടീം പരിശീലകൻ രവി ശാസ്ത്രിയുടേയും സഹപരിശീലകരുടെയും കരാർ കാലാവധി 45 ദിവസത്തേക്കുകൂടി നീട്ടി. യുകെയിൽ നടക്കുന്ന ഏകദിന ലോകകപ്പ് ക്രിക്കറ്റ് അവസാനിക്കുന്നതോടെ ഇവരുടെ കരാർ അവസാനിക്കുമായിരുന്നു. എന്നാൽ, സുപ്രീം കോടതി നിയമിച്ച കമ്മിറ്റി ഓഫ് അഡ്മിനിസ്ട്രേറ്റേഴ്സ് ആണ് കരാർ കാലാവധി 45 ദിവസത്തേക്കു കൂടി നീട്ടിയത്. ലോകകപ്പിനു പിന്നാലെ പുതിയ പരിശീലകനായുള്ള മുഖാമുഖം നടത്തുമെന്നും വെസ്റ്റ് ഇൻഡീസ് പര്യടനത്തിനുശേഷം പുതിയ പരിശീലകൻ ഇന്ത്യൻ ടീമിന്റെ ചുമതല ഏറ്റെടുക്കുമെന്നുമാണ് കരുതപ്പെടുന്നത്. പ്രധാന പരിശീലകനു പുറമേ സഹ പരിശീലകർക്കുവേണ്ടിയും മുഖാമുഖം നടക്കും. രവി ശാസ്ത്രിക്ക് പുറമേ ബാറ്റിംഗ് പരിശീലകൻ സഞ്ജയ് ബംഗാർ, ബൗളിംഗ് പരിശീലകൻ ഭരത് അരുണ്, ഫീൽഡിംഗ് പരിശീലകൻ ആർ. ശ്രീധർ എന്നിവർ അടങ്ങുന്നതാണ് ഇന്ത്യൻ ടീമിന്റെ പരിശീലക സംഘം. 2017ൽ അനിൽ കുംബ്ലെ ടീമിന്റെ പരിശീലക സ്ഥാനം രാജിവച്ചതിനു പിന്നാലെയായിരുന്നു രവി ശാസ്ത്രി…
Read Moreമഴ; ലോകകപ്പിലെ 11-ാമൻ
നോട്ടിങാം: 12-ാം ഏകദിന ലോകകപ്പ് ക്രിക്കറ്റിൽ പങ്കെടുക്കുന്നത് 10 ടീമുകൾ. എന്നാൽ, ഈ ലോകകപ്പിൽ നിറ സാന്നിധ്യമായി ഒരു ടീം കൂടി മത്സരിക്കുന്നുണ്ട്, മഴ. മഴയെത്തുടർന്ന് ഇന്നലെ നടക്കേണ്ടിയിരുന്ന ഇന്ത്യ-ന്യൂസിലൻഡ് പോരാട്ടവും ഉപേക്ഷിച്ചു. ഇതോടെ ഈ ലോകകപ്പിൽ മഴക്കളിയിൽ ഉപേക്ഷിക്കപ്പെട്ട മത്സരങ്ങളുടെ എണ്ണം നാല് ആയി. അതിൽ മൂന്ന് മത്സരങ്ങൾ ടോസ് ചെയ്യാൻ പോലും സാധിക്കാതെയാണ് ഉപേക്ഷിച്ചതെന്നതും ശ്രദ്ധേയം. ഒരു ലോകകപ്പിൽ ഇത്രയും മത്സരങ്ങൾ മഴയിൽ ഒലിച്ചുപോകുന്നതും ചരിത്രത്തിൽ ആദ്യം. ഇന്ത്യൻ സമയം ഇന്നലെ ഉച്ചകഴിഞ്ഞ് മൂന്ന് മണിക്കും വൈകുന്നേരം 7.30നും അന്പയർമാർ മൈതാനത്ത് എത്തി പരിശോധന നടത്തിയെങ്കിലും മത്സരം ഉപേക്ഷിക്കാനുള്ള തീരുമാനം കൈക്കൊള്ളുകയായിരുന്നു. മത്സരം ഉപേക്ഷിച്ചതോടെ ഇരു ടീമും ഓരോ പോയിന്റ് പങ്കിട്ടു. ഇങ്ങനെ പോയാൽ എന്താകും ? ഈ ലോകകപ്പിൽ ഷെഡ്യൂൾ ചെയ്യപ്പെട്ട 18-ാമത്തെ മത്സരമായിരുന്നു ഇന്നലെ നടക്കേണ്ടിയിരുന്ന ഇന്ത്യ-ന്യൂസിലൻഡ് പോരാട്ടം. 18 മത്സരങ്ങളിൽ…
Read More