ദോഹ: 23-ാമത് ഏഷ്യൻ അത്ലറ്റിക്സ് ചാന്പ്യൻഷിപ്പിൽ ഇന്ത്യക്കായി കേരളത്തിന്റെ സ്വർണചിത്രം. വനിതകളുടെ 1500 മീറ്ററിൽ മലയാളികളുടെ അഭിമാനമായ പി.യു. ചിത്ര സ്വർണത്തിൽ മുത്തമിട്ടു. 4:14.56 സെക്കൻഡിൽ ഓട്ടം പൂർത്തിയാക്കിയാണ് ചിത്ര സ്വർണം കരസ്ഥമാക്കിയത്. ലോക ചാന്പ്യൻഷിപ്പിനുള്ള യോഗ്യതയും ചിത്ര സ്വന്തമാക്കി. ഇന്ത്യയുടെ അക്കൗണ്ടിൽ എത്തുന്ന മൂന്നാമത് സ്വർണമാണിത്. വനിതകളുടെ 800 മീറ്ററിൽ ഗോമതി മാരിമുത്തുവും പുരുഷവിഭാഗം ഷോട്ട്പുട്ടിൽ തേജീന്ദർപാൽ സിംഗും ഇന്ത്യക്കായി സ്വർണ മെഡൽ കഴുത്തിലണിഞ്ഞിരുന്നു. ബെഹ്റിന്റെ തിഗെസ്റ്റ് ഗഷൊ (4:14.81 സെക്കൻഡ്) വിൻഫ്രെഡ് മുത്ലി യവി (4:16.18 സെക്കൻഡ്) എന്നിവരെ രണ്ടും മൂന്നും സ്ഥാനത്തേക്ക് പിന്തള്ളിയാണ് ചിത്ര വെന്നിക്കൊടി പാറിച്ചത്. ബെഹ്റിൻ താരവുമായുള്ള (തിഗെസ്റ്റ്) പോരാട്ടം വാശിയേറിയതായിരുന്നു. മത്സരത്തിന്റെ അവസാന ഭാഗമായപ്പോൾ നെർവസ് ആയി. തിഗെസ്റ്റ് ഏഷ്യൻ ഗെയിംസിൽ എന്നെ മൂന്നാം സ്ഥാനത്തേക്ക് പിന്തള്ളിയിരുന്നു. അതുകൊണ്ട് അവസാന മീറ്ററുകളിൽ ശക്തമായ പോരാട്ടം കാഴ്ചവച്ചു – ചിത്ര…
Read MoreCategory: Sports
ഇരട്ട പദവി; സച്ചിനും ലക്ഷ്മണിനും ബിസിസിഐ നോട്ടീസ്
ന്യൂഡൽഹി: ഇരട്ട പദവിയുമായി ബന്ധപ്പെട്ട് മുൻ ക്രിക്കറ്റ് താരങ്ങളായ സച്ചിൻ തെൻഡുൽക്കറിനും വി.വി.എസ് ലക്ഷ്മണിനും ബിസിസിഐ നോട്ടീസ് അയച്ചു. ഇന്ത്യൻ ക്രിക്കറ്റ് ഉപദേശക സമിതി അംഗങ്ങളായ സച്ചിനും ലക്ഷ്മണും ഐപിഎൽ ടീമുകളുടെ മെന്റർമാരായി സേവനം ചെയ്യുന്നതു ചോദ്യം ചെയ്താണ് നോട്ടീസ് അയച്ചിരിക്കുന്നത്. സച്ചിൻ മുംബൈ ഇന്ത്യൻസിന്റെയും ലക്ഷ്മൺ സൺറൈസേഴ്സ് ഹൈദരബാദിന്റെയും മെന്റർമാരാണ്. ബിസിസിഐ ഓംബുഡ്സ്മാനാണ് ഇരുവർക്കും നോട്ടീസ് അയച്ചത്. എന്നാൽ സച്ചിന് മുംബൈ ഇന്ത്യൻസുമായി ഔദ്യോഗിക കരാറുകളൊന്നും ഇല്ലെന്നും ഫ്രാഞ്ചസിയിൽനിന്നും പണം പറ്റുന്നില്ലെന്നും പറയുന്നു. ക്രിക്കറ്റ് ഉപദേശക സമിതിയിലെ പ്രവർത്തനത്തിനും അദ്ദേഹം പ്രതിഫലം വാങ്ങുന്നില്ല. മധ്യപ്രദേശ് ക്രിക്കറ്റ് അസോസിയേഷൻ അംഗം സഞ്ജീവ് ഗുപ്തയാണ് ഇതുമായി ബന്ധപ്പെട്ട് പരാതി നൽകിയത്.
Read Moreവാങ്കഡെ സ്റ്റേഡിയത്തിന് 120 കോടി!
മുംബൈ: ഇന്ത്യൻ ക്രിക്കറ്റിന്റെ മെക്കയെന്നു വിശേഷിപ്പിക്കപ്പെടുന്ന മുംബൈയിലെ പ്രശസ്ത സ്റ്റേഡിയമായ വാങ്കഡെ സ്റ്റേഡിയം തുടർന്നും ഉപയോഗിക്കണമെങ്കിൽ 120 കോടി രൂപ നല്കണമെന്ന് മഹാരാഷ്ട്ര സർക്കാർ മുംബൈ ക്രിക്കറ്റ് അസോസിയേഷനോട് (എംസിഎ) ആവശ്യപ്പെട്ടു. ഐപിഎൽ ഗ്ലാമർ ക്ലബ്ബായ മുംബൈ ഇന്ത്യൻസിന്റെ ഹോം ഗ്രൗണ്ട്കൂടിയാണ് വാങ്കഡെ സ്റ്റേഡിയം. ലീസ് പുതുക്കാത്തതും, ഫീസ് കുടിശിഖയും ആവശ്യപ്പെട്ടുകൊണ്ട് മുംബൈ സിറ്റി കളക്ടർ ശിവാജി ജൊന്ദാലെ എംസിഎയ്ക്ക് നോട്ടീസ് അയച്ചു. 120 കോടി രൂപ നൽകാൻ തയാറായില്ലെങ്കിൽ സ്റ്റേഡിയം ഒഴിഞ്ഞുകൊടുക്കണമെന്നും ആവശ്യപ്പെട്ടിട്ടുണ്ട്. 33,108 കാണികളെ ഉൾക്കൊള്ളാൻ കഴിയുന്ന സ്റ്റേഡിയം 1975 ലാണ് പണികഴിപ്പിച്ചത്. സ്റ്റേഡിയം ഇരിക്കുന്ന സ്ഥലം മഹാരാഷ്ട്ര സർക്കാരിൽനിന്ന് 50 വർഷത്തെ ലീസിനാണ് മുംബൈ ക്രിക്കറ്റ് അസോസിയേഷൻ എടുത്തത്. ഈ ലീസ് കാലാവധി 2018 ഫെബ്രുവരിയിൽ അവസാനിച്ചിരുന്നു.
Read Moreഏഷ്യൻ സ്വപ്നവുമായി സിന്ധു, സൈന
വുഹാൻ (ചൈന): ഏഷ്യൻ ബാഡ്മിന്റണ് ചാന്പ്യൻഷിപ്പിന് ഇന്നു മുതൽ തുടക്കം. 54 വർഷമായി തുടരുന്ന കിരീട വരൾച്ചയ്ക്ക് അവസാനം കുറിക്കുക എന്ന ലക്ഷ്യത്തോടെ ഇന്ത്യൻ താരങ്ങളായ പി.വി. സിന്ധു, സൈന നെഹ്വാൾ, കിഡംബി ശ്രീകാന്ത് തുടങ്ങിയവർ ഇറങ്ങും. തുടർച്ചയായ രണ്ട് ടൂർണമെന്റുകൾക്കുശേഷം ഒരാഴ്ചത്തെ വിശ്രമം ലഭിച്ച ആശ്വാസത്തിലാണ് ഇന്ത്യൻ താരങ്ങൾ. കഴിഞ്ഞ വർഷം പുരുഷ വിഭാഗം സിംഗിൾസിൽ മലയാളി താരമായ എച്ച്.എസ്. പ്രണോയിയും വനിതാ വിഭാഗത്തിൽ സൈന നെഹ്വാളും വെങ്കലം സ്വന്തമാക്കിയിരുന്നു. 2010, 2016 വർഷങ്ങളിലും സൈന വെങ്കലം സ്വന്തമാക്കി. ഒളിന്പിക് വെള്ളി ജേതാവായ പി.വി. സിന്ധു 2014ൽ വെങ്കലം സ്വന്തമാക്കിയിട്ടുണ്ട്. സ്വർണം നേടുകയെന്ന ലക്ഷ്യവുമായാണ് ഇന്ത്യൻ താരങ്ങൾ ചൈനയിലെത്തിയിരിക്കുന്നത്. പുരുഷ സിംഗിൾസിൽ പ്രണോയ്ക്ക് ഇത്തവണ മത്സരിക്കാൻ സാധിക്കില്ലെന്നത് ഇന്ത്യക്ക് തിരിച്ചടിയാണ്. കഴിഞ്ഞ വർഷം വെങ്കലം നേടിയ താരത്തിന് ബാഡ്മിന്റണ് അസോസിയേഷൻ ഓഫ് ഇന്ത്യയുടെ (ബിഎഐ) വീഴ്ചയെത്തുടർന്നാണ്…
Read Moreപാണ്ഡെ ഡാ…
ചെന്നൈ: മനീഷ് പാണ്ടെയുടെ വെടിക്കെട്ട് ബാറ്റിംഗിന്റെ കരുത്തിൽ ചെന്നൈ സൂപ്പർ കിംഗ്സിനെതിരേ സണ്റൈസേഴ്സ് ഹൈദരാബാദിന് മികച്ച സ്കോർ. 49 പന്തിൽ 83 റണ്സ് എടുത്ത് മനീഷ് പാണ്ഡെ പുറത്താകാതെനിന്നപ്പോൾ സണ്റൈസേഴ്സ് നിശ്ചിത 20 ഓവറിൽ മൂന്ന് വിക്കറ്റ് നഷ്ടത്തിൽ 175 റണ്സ് നേടി. ടോസ് നഷ്ടപ്പെട്ട് ക്രീസിലെത്തിയ സണ്റൈസേഴ്സിന് രണ്ടാം ഓവറിന്റെ മൂന്നാം പന്തിൽ ഓപ്പണർ ജോണി ബെയർസ്റ്റോയെ (പൂജ്യം) നഷ്ടപ്പെട്ടു. മൂന്നാമനായി ക്രീസിലെത്തിയ മനീഷ് പാണ്ഡെയും വാർണറും സ്കോർ 120ൽ എത്തിച്ചശേഷമാണ് പിരിഞ്ഞത്. 45 പന്തിൽ 57 റണ്സ് നേടിയ വാർണറെ ഹർഭജൻ എം.എസ്. ധോണിയുടെ കൈകളിലെത്തിച്ചു. രണ്ട് സിക്സും മൂന്ന് ഫോറും ഓസീസ് താരത്തിന്റെ ബാറ്റിൽനിന്ന് പിറന്നു. 72 പന്തിൽനിന്ന് 115 റണ്സ് നേടിയാണ് ഇവരുടെ രണ്ടാം വിക്കറ്റ് കൂട്ടുകെട്ട് പിരിഞ്ഞത്. മൂന്നാം വിക്കറ്റിൽ വിജയ് ശങ്കറും (26 റണ്സ്) മനീഷ് പാണ്ഡെയും ചേർന്ന്…
Read Moreസ്വപ്നവെള്ളി
ദോഹ: 23-ാമത് ഏഷ്യൻ അത്ലറ്റിക്സ് ചാന്പ്യൻഷിപ്പിൽ മൂന്നാം ദിനം ഇന്ത്യയുടെ അക്കൗണ്ടിലെത്തിയ ആദ്യ മെഡൽ സ്വപന ബെർമനിലൂടെ. വനിതാ വിഭാഗം ഹെപ്റ്റാത്തലണിൽ സ്വപ്ന ഇന്ത്യൻ അക്കൗണ്ടിലേക്ക് വെള്ളി സമ്മാനിച്ചു. സീസണിൽ തന്റെ മികച്ച പ്രകടനം കാഴ്ചവച്ചാണ് ഇന്ത്യൻ താരം വെള്ളിയിൽ മുത്തമിട്ടത്. 5993 പോയിന്റ് സ്വപ്ന സ്വന്തമാക്കി. ഉസ്ബക്കിസ്ഥാന്റെ എകതെറിന വൊർനിനയ്ക്കാണ് (6198 പോയിന്റ്) സ്വർണം. 2018 ഏഷ്യൻ ഗെയിംസ് സ്വർണ ജേതാവാണ്. 2017 ഏഷ്യൻ ചാന്പ്യൻഷിപ്പിൽ സ്വപ്ന സ്വർണം നേടിയിരുന്നു. 22 മത്സരങ്ങൾ പൂർത്തിയായപ്പോൾ രണ്ട് സ്വർണം, നാല് വെള്ളി, അഞ്ച് വെങ്കലം എന്നിവയുമായി 107 പോയിന്േറാടെ ഇന്ത്യ മൂന്നാമതാണ്. ചൈന (156 പോയിന്റ്), ജപ്പാൻ (114 പോയിന്റ്) എന്നിവയാണ് ആദ്യ രണ്ട് സ്ഥാനങ്ങളിൽ. വേദനയായി ജിൻസണ് ഇന്ത്യയുടെ മെഡൽ പ്രതീക്ഷയായിരുന്ന മലയാളി താരം ജിൻസണ് ജോണ്സണ് പരിക്കേറ്റ് പുറത്ത്. ഇടത് കാലിലെ മസിലിനേറ്റ പരിക്കാണ്…
Read Moreയുവന്റസിന് ഇരട്ട ആഘോഷം
ടൂറിന്: ടൂറിനില് യുവന്റസിന്റെ ഇരട്ട ആഘോഷം അരങ്ങേറി. ഇറ്റാലിയന് സീരി എ ഫുട്ബോളിലെ പുരുഷ, വനിതാ കിരീടങ്ങള് ഒരേ ദിനം യുവന്റസിന്റെ ടീമുകള് നേടി. ആദ്യം വനിതാ ടീം വെറോണയെ 3-0ന് തോല്പിച്ച് കിരീടം നിലനിര്ത്തി. പിന്നാലെ പുരുഷ ടീം തുടര്ച്ചയായ എട്ടാം കിരീടത്തിലും മുത്തമിട്ടു. സീനിയര് ലീഗില് കഴിഞ്ഞ സീസണ് മുതലാണ് യുവന്റസിന്റെ വനിതകള് കളിച്ചു തുടങ്ങിയത്. യുവന്റസിനൊപ്പം ആദ്യ സീസണില് ചാമ്പ്യന്സ് ലീഗ് കിരീടം നേടാനായില്ലെങ്കിലും ക്രിസ്റ്റ്യാനോ റൊണാള്ഡോയ്ക്ക് സീരി എയില് മുത്തമിടാനായി. ഇംഗ്ലണ്ടില് പ്രീമിയര് ലീഗ്, സ്പെയിനില് ലാ ലിഗ, ഇറ്റലിയില് സീരി എ ലീഗുകളില് കിരീടം നേടുന്ന ആദ്യത്തെ കളിക്കാരനുമായി റൊണാള്ഡോ. ലീഗിലെ 33-ാം മത്സരത്തില് യുവന്റസ് 2-1ന് ഫിയൊറെന്റീനയെ തോല്പ്പിച്ച് തുടര്ച്ചയായ എട്ടാം കിരീടത്തില് മുത്തമിട്ടു. 33 കളിയില് യുവന്റസിന് 87 പോയിന്റും രണ്ടാമതുള്ള നാപ്പോളിക്ക് 67 പോയിന്റുമാണ്. പിന്നില്നിന്നശേഷമാണ്…
Read Moreഡൽഹിയിൽ അയ്യറാണു താരം…
ക്യാപ്റ്റന്റെ കളി കെട്ടഴിച്ച ശ്രേയസ് അയ്യർ മുന്നിൽനിന്ന് നയിച്ചപ്പോൾ ഡൽഹി ക്യാപ്പിറ്റൽസിന് ഐപിഎൽ ട്വന്റി-20യിൽ ആറാം ജയം. കിംഗ്സ് ഇലവൻ പഞ്ചാബിനെ രണ്ട് പന്ത് ബാക്കിനിൽക്കേ അഞ്ച് വിക്കറ്റിനാണ് ഡൽഹി കീഴടക്കിയത്. 49 പന്തിൽ 58 റണ്സുമായി പുറത്താകാതെനിന്ന ശ്രേയസ് അയ്യറാണ് ക്യാപ്പിറ്റൽസിനു ജയമൊരുക്കിയത്. ഡൽഹിക്കായി ഓപ്പണർ ശിഖർ ധവാൻ 41 പന്തിൽ 56 റണ്സ് നേടി. കോളിൻ ഇൻഗ്രം ഒന്പത് പന്തിൽ 19 റണ്സും സ്വന്തമാക്കി. ക്രിസ് ഗെയ്ലിന്റെ 37 പന്തിൽ 69 റണ്സ് ഇന്നിംഗ്സിലൂടെ പഞ്ചാബ് 163 റണ്സ് നേടിയിരുന്നു. പഞ്ചാബും ഡൽഹിയും ആദ്യം ഏറ്റുമുട്ടിയപ്പോൾ പഞ്ചാബിനായിരുന്നു ജയം. 14 റണ്സിനായിരുന്നു അവർ അന്ന് ജയം സ്വന്തമാക്കിയത്. ഇന്ന് രാജസ്ഥാനെതിരേയാണ് ഡൽഹിയുടെ അടുത്ത മത്സരം.
Read Moreപാക്കിസ്ഥാൻ പണി തന്നു; ഇന്ത്യക്കു ലോകകപ്പ് നഷ്ടം
ന്യൂഡൽഹി: പാക്കിസ്ഥാൻ വ്യോമാതിർത്തി അടച്ചതിനാൽ വിമാനം വൈകിയതോടെ ഇന്ത്യൻ അന്പെയ്ത്ത് സംഘത്തിന് ലോകകപ്പിൽ പങ്കെടുക്കാൻ സാധിച്ചില്ല. കൊളംബിയയിൽ നടക്കുന്ന ലോകകപ്പിൽ പങ്കെടുക്കേണ്ട ഇന്ത്യൻ സംഘത്തിനാണ് പാക്കിസ്ഥാൻ എട്ടിന്റെ പണി നല്കിയത്. ഇന്നു മുതൽ 28വരെയാണ് ലോകകപ്പ് അന്പെയ്ത്ത് നടക്കുന്നത്. 23 അംഗ ഇന്ത്യൻ ടീമായിരുന്നു പുറപ്പെടാനൊരുങ്ങിയത്. ജൂണിൽ ഹോളണ്ടിൽ നടക്കുന്ന ലോക ചാന്പ്യൻഷിപ്പ് ഇതോടെ ഇന്ത്യൻ താരങ്ങൾക്ക് നിർണായകമായി. ഫെബ്രുവരിയിൽ ഇന്ത്യ ബലാകോട്ടിലെ തീവ്രവാദി ക്യാന്പുകളിൽ നടത്തിയ വ്യോമാക്രമണത്തിനുശേഷമാണ് പാക്കിസ്ഥാൻവ്യോമാതിർത്തി അടച്ചത്.
Read More11 മീറ്റർ സിക്സർ, റിക്കാർഡ്; ഐപിഎലിൽ വീണ്ടും ചരിത്രമെഴുതി ധോണി
ചെന്നൈ: ഇന്ത്യൻ പ്രീമിയർ ലീഗിൽ മറ്റൊരു റിക്കാർഡ് കൂടി സ്വന്തം പേരിലാക്കി ചെന്നൈ സൂപ്പർ കിംഗ്സ് നായകൻ മഹേന്ദ്ര സിംഗ് ധോണി. ടൂർണമെന്റിൽ 200 സിക്സറുകൾ എന്ന നേട്ടമാണ് ധോണി സ്വന്തമാക്കിയത്. റോയൽ ചലഞ്ചേഴ്സ് ബാംഗ്ലൂരിനെതിരായ മത്സരത്തിലായിരുന്നു ധോണിയുടെ റിക്കാർഡ് നേട്ടം. ഈ നാഴികക്കല്ല് പിന്നിടുന്ന ആദ്യ ഇന്ത്യൻ താരമാണ് ധോണി. വെസ്റ്റ്ഇൻഡീസ് താരം ക്രിസ് ഗെയിൽ, ദക്ഷിണാഫ്രിക്കൻ താരം എബി ഡിവില്ല്യേഴ്സ് എന്നിവരാണ് ധോണിക്ക് മുന്പ് ഈ നേട്ടം സ്വന്തമാക്കിയത്. റിക്കാർഡ് കുറിച്ചെങ്കിലും ബാഗ്ലൂരിനെതിരായ മത്സരത്തിൽ ചെന്നൈ ഒരു റണ്സിനു തോറ്റു. അവസാന ഓവറിൽ ജയിക്കാൻ 26 റണ്സ് ആവശ്യമായിരുന്ന ചെന്നൈക്കായി ധോണിക്ക് 24 റണ്സ് മാത്രമാണു നേടാൻ കഴിഞ്ഞത്. 84 റണ്സ് നേടി പുറത്താകാതെനിന്ന ധോണി ഏഴു സിക്സറുകൾ പറത്തി. ഇതിൽ ഒരു സിക്സർ 111 മീറ്റർ ദൂരെ ഗ്രാൗണ്ടിന്റെ മേൽക്കൂരയിലേക്കാണു പറന്നത്.
Read More