ദുബായ് ടെന്നീസ് ചാന്പ്യൻഷിപ്പ് രണ്ടാം റൗണ്ടിൽ സ്വിറ്റ്സർലൻഡിന്റെ റോജർ ഫെഡറർ സ്പാനിഷ് താരം ഫെർണാണ്ടോ വെർഡസ്കോയുമായി ഏറ്റുമുട്ടും. ആദ്യ റൗണ്ടിൽ ജർമനിയുടെ ഫിലിപ്പ് കോൽഷഅബയ്ബെറിനെയാണ് ഫെഡറർ കീഴടക്കിയത്. സ്കോർ: 6-4, 3-6, 6-1. ഇറ്റലിയുടെ ഫാബിയാനോയെ മൂന്ന് സെറ്റ് നീണ്ട പോരാട്ടത്തിൽ 3-6, 6-3, 6-2നാണ് വെർഡസ്കോ ആദ്യ റൗണ്ടിൽ കീഴടക്കിയത്. ഏഴാം സീഡ് താരമായ കാനഡയുടെ റോണിക് ആദ്യ റൗണ്ടിൽ പുറത്തായി. ജർമനിയുടെ സ്ട്രഫ് 6-4, 5-7, 6-4ന് റോണിക്കിനെ അട്ടിമറിച്ചു. ഒന്നാം സീഡായ ജാപ്പനീസ് താരം കെയ് നിഷികോരി രണ്ടാം റൗണ്ടിൽ പ്രവേശിച്ചു. ഫ്രഞ്ച് താരമായ ബെനോട് പയറിനെ നേരിട്ടുള്ള സെറ്റുകൾക്കു കീഴടക്കിയായിരുന്നു നിഷികോരിയുടെ മുന്നേറ്റം. സ്കോർ: 6-4, 6-3.
Read MoreCategory: Sports
വ്യോമാക്രമണത്തെ പ്രകീർത്തിച്ച് കായിക താരങ്ങൾ
ന്യൂഡൽഹി/മുംബൈ: പുൽവാമ ഭീകരാക്രമണത്തിനു തിരിച്ചടി നല്കി പാക് മണ്ണിലെ ബാലാകോട്ടിൽ ഇന്ത്യൻ വ്യോമസേന നടത്തിയ മിന്നാലാക്രമണത്തെ പ്രകീർത്തിച്ച് കായിക ലോകം. ഭീകര താവളങ്ങളിൽ ഇന്ത്യൻ വ്യോമസേന നടത്തിയ ആക്രമണത്തെ സച്ചിൻ തെണ്ടുൽക്കർ, വിരേന്ദർ സെവാഗ്, സൈന നെഹ്വാൾ, ശിഖർ ധവാൻ തുടങ്ങിയർ ട്വിറ്ററിലൂടെ അഭിനന്ദിച്ചു. ഇന്ത്യൻ വ്യോമസേനയുടെ ഗ്രൂപ്പ് ക്യാപ്റ്റനും ബ്രാൻഡ് അംബാസഡറുമാണ് ക്രിക്കറ്റ് ഇതിഹാസമായ സച്ചിൻ തെണ്ടുൽക്കർ. ഞങ്ങളുടെ മൃദുത്വം ഞങ്ങളുടെ ബലഹീനതയായി ഒരിക്കലും കരുതരുത്. ഐഎഎഫിന് എന്റെ അഭിവാദ്യങ്ങൾ, ജയ് ഹിന്ദ്. –സച്ചിൻ തെണ്ടുൽക്കർ ചുണക്കുട്ടികൾ ഗംഭീര പ്രകടനം നടത്തി. – വിരേന്ദർ സെവാഗ് ഇന്ത്യൻ എയർ ഫോഴ്സിന് സല്യൂട്ട്. ധീരവും സമയോചിതവുമായ നടപടി. – ശിഖർ ധവാൻ ഇന്ത്യൻ എയർ ഫോഴ്സിന് അഭിവാദ്യങ്ങൾ. ഭീകരതയ്ക്കെതിരേ ആവശ്യമായ സന്ദേശം അവർ നല്കി. അഭിമാനം, ജയ് ഹിന്ദ്. – അജിങ്ക്യ രഹാനെ ഭീകരതയ്ക്കെതിരായ നടപടിയിൽ ഇന്ത്യൻ…
Read Moreലോകകപ്പിൽ തങ്ങൾക്കെതിരെ കളിക്കില്ലെന്ന ഇന്ത്യൻ നിലപാടിനെതിരെ പാക്കിസ്ഥാൻ
ഇസ്ലാമാബാദ്: പുൽവാമ ആക്രമണത്തിന്റെ പശ്ചാത്തലത്തിൽ തങ്ങൾക്കെതിരെ ലോകകപ്പിൽ മത്സരിക്കില്ലെന്ന ഇന്ത്യൻ നിലപാടിനെതിരെ പാക്കിസ്ഥാൻ. ഇതുമായി ബന്ധപ്പെട്ട് ഇന്റർ നാഷണൽ ക്രിക്കറ്റ് കൗൺസിലിനെ സമീപിക്കുമെന്ന് പാക്കിസ്ഥാൻ ക്രിക്കറ്റ് ബോർഡ് വൃത്തങ്ങൾ വ്യക്തമാക്കി. ഇന്ത്യ പ്രാഥമിക റൗണ്ടിൽ തങ്ങളോട് കളിക്കില്ല എന്ന നിലപാടിലാണ്. അങ്ങനെ ആദ്യ റൗണ്ടിൽ കളിക്കാതിരുന്നാൽ അടുത്ത ഘട്ടത്തിൽ ഇരു ടീമുകളും വീണ്ടും നേർക്കുനേർ വരുമ്പോഴും ഇന്ത്യ ഇതേ നിലപാട് തന്നെയാകില്ലേ സ്വീകരിക്കുകയെന്നും പിസിബി വൃത്തങ്ങൾ ചോദിക്കുന്നു. ഇക്കാര്യങ്ങളാണ് അവർ ഐസിസിക്കു മുൻപാകെ ഉന്നയിക്കുക. അതേസമയം, പാക് നിലപാട് സംബന്ധിച്ച് ഇന്ത്യ പ്രതികരിച്ചിട്ടില്ല. നേരത്തെ, ലോകകപ്പിൽ പാക്കിസ്ഥാനുമായി ഒരു മത്സരവും കളിക്കില്ലെന്ന് ബിസിസിഐ നിലപാടെടുത്തിരുന്നു. ആദ്യഘട്ടത്തിലാണ് മത്സരമെങ്കിൽ പാക്കിസ്ഥാൻ മത്സരിക്കാതെ തന്നെ അടുത്ത റൗണ്ടിലേക്ക് കടക്കുമെന്നും ഫൈനലിലാണ് ഇരുകൂട്ടരും നേർക്കുനേർ വരുന്നതെങ്കിൽ കളിക്കാതെ തന്നെ പാക്കിസ്ഥാൻ ലോക ജേതാക്കളാകുമെന്നുമായിരുന്നു ബിസിസിഐ മുൻപ് വ്യക്തമാക്കിയിരുന്നത്. മുൻ ഇന്ത്യൻ ക്യാപ്റ്റൻ…
Read Moreശ്രീലങ്കൻ ക്രിക്കറ്റിലെ അഴിമതി; സനത് ജയസൂര്യക്ക് രണ്ട് വർഷത്തെ വിലക്ക്
കൊളംബോ: ശ്രീലങ്കന് മുന് ക്രിക്കറ്റ് താരം സനത് ജയസൂര്യക്ക് ഐസിസിയുടെ വിലക്ക്. ഐസിസിയുടെ അഴിമതി വിരുദ്ധ ചട്ടം ലംഘിച്ചതിന് രണ്ടു വർഷത്തേക്കാണ് വിലക്കിയത്. ശ്രീലങ്കന് ക്രിക്കറ്റുമായി ബന്ധപ്പെട്ട അഴിമതി ആരോപണങ്ങളില് അന്വേഷണത്തോട് സഹകരിക്കാത്തതിനാണ് നടപടി. ജയസൂര്യ ലങ്കന് സെലക്ഷന് കമ്മിറ്റി ചെയര്മാനായിരിക്കെ നടന്ന ക്രമക്കേടുകളാണ് ഐസിസി അന്വേഷിക്കുന്നത്. രണ്ട് കുറ്റങ്ങള് താരത്തിനെതിരെ അഴിമതി വിരുദ്ധ സമിതി ചുമത്തിയിരുന്നു. എന്നാൽ താരം അന്വേഷണവുമായി സഹകരിക്കുന്നില്ലെന്നും അന്വേഷണം വൈകിപ്പിക്കുകയും തടസപ്പെടുത്തുകയും ചെയ്യുന്നുവെന്നായിരുന്നു കണ്ടെത്തൽ. 2021വരെ ക്രിക്കറ്റുമായി ബന്ധപ്പെട്ട ഒരു കാര്യത്തിലും ജയസൂര്യക്ക് സഹകരിക്കാനാവില്ല. ശ്രീലങ്കന് ക്രിക്കറ്റിലെ ഭരണപരമായ കാര്യങ്ങളിലും താരത്തിന് ഇനി ഇടപെടാനാകില്ല.
Read More100 തികയ്ക്കാൻ റോജർ ഫെഡറർ
ദുബായ്: സ്വിറ്റ്സർലൻഡിന്റെ ടെന്നീസ് സൂപ്പർ താരം റോജർ ഫെഡറർ കരിയറിൽ തന്റെ 100-ാം കിരീടം ലക്ഷ്യമിട്ട് ദുബായിൽ. ദുബായ് ടെന്നീസ് ചാന്പ്യൻഷിപ്പിൽ കിരീടം സ്വന്തമാക്കിയാൽ ഓപ്പണ് കാലഘട്ടത്തിൽ 100 കിരീടങ്ങൾ നേടുന്ന ആദ്യ താരമെന്ന ചരിത്രം സ്വിസ് താരത്തിനു കുറിക്കാം. കഴിഞ്ഞ ഒക്ടോബറിൽ സ്വിസ് ഓപ്പണ് സ്വന്തമാക്കിയതോടെയാണ് ഫെഡറർ 99 കിരീടങ്ങൾ എന്ന നേട്ടത്തിലത്തിയത്. ഓസ്ട്രേലിയൻ ഓപ്പണിലൂടെ 100 കരിയർ കിരീടം തികയ്ക്കുമെന്ന് ആരാധകർ പ്രതീക്ഷിച്ചെങ്കിലും പ്രീക്വാർട്ടറിൽ ഗ്രീക്ക് താരം സ്റ്റെഫാനോസ് സിറ്റ്സിപാസ്, ഫെഡററെ അട്ടിമറിച്ചു. 109 കരിയർ കിരീടങ്ങളുള്ള അമേരിക്കയുടെ ജിമ്മി കോണേഴ്സ് ആണ് കിരീടവേട്ടയിൽ ഫെഡററിനു മുന്നിലുള്ളത്. ഇവാൻ ലെൻഡലിന് 94 കിരീടങ്ങളുണ്ട്. സ്പെയിനിന്റെ റാഫേൽ നദാൽ (80 കിരീടങ്ങൾ) ആണ് നാലാമത്.
Read Moreആ പിച്ചിൽ ധോണിക്കും അതേപറ്റൂ: മാക്സ്വെൽ
ഇന്ത്യ-ഓസ്ട്രേലിയ ആദ്യ ട്വന്റി-20 നടന്ന വിശാഖപട്ടണത്തെ പിച്ചിൽ ധോണിയേപ്പോലൊരു ബാറ്റ്സ്മാനുപോലും റണ് നേടുക പ്രയാസകരമാണെന്ന് ഗ്ലെൻ മാക്സ്വെൽ. മത്സരത്തിൽ ധോണിയുടെ മെല്ലെപ്പോക്കും സ്ട്രൈക്ക് കൈമാറാത്തതും വൻ വിമർശനത്തിനു കാരണമായ പശ്ചാത്തലത്തിലാണ് ഓസീസ് താരത്തിന്റെ വെളിപ്പെടുത്തൽ. 37 പന്തിൽ 29 റണ്സ് എടുത്ത് പുറത്താകാതെനിന്ന ധോണിയുടെ ബാറ്റിൽനിന്ന് ഒരു സിക്സർ മാത്രമാണ് പിറന്നത്, ഒരു ഫോർ പോലും ഉണ്ടായുമില്ല. പന്ത് ബാറ്റിലേക്ക് വരുന്ന പിച്ചായിരുന്നില്ല. താഴ്ന്നാണ് പന്ത് എത്തിയിരുന്നത്. ധോണിയേപ്പോലൊരു ഫിനിഷർക്കുപോലും ബൗണ്ടറി നേടാൻ സാധിക്കാത്ത സാഹചര്യമായിരുന്നു- മാക്സ്വെൽ പറഞ്ഞു. ധോണിയെ അവസാന ഓവറുകളിൽ ബൗണ്ടറി നേടാൻ അനുവദിക്കാതിരുന്ന ഓസീസ് ബൗളർമാരെയും മാക്സ്വെൽ അഭിനന്ദിച്ചു. മാക്സ്വെൽ 43 പന്തിൽ 56 റണ്സ് നേടി ഓസീസ് ടോപ് സ്കോററായിരുന്നു.
Read Moreആദ്യം എറിഞ്ഞിട്ടു, പിന്നെ തകര്ത്തടിച്ച് പരമ്പര സ്വന്തമാക്കി ഇന്ത്യൻ പെൺപട
മുംബൈ: ഇംഗ്ലണ്ടിനെതിരായ രണ്ടാം ഏകദിനത്തിലും ജയം പിടിച്ചടക്കി ഇന്ത്യൻ വനിതകൾ. ബാറ്റിംഗിനും ബൗളിംഗിലും ഒരുപോലെ ആധിപത്യം പുലര്ത്തിയ ഇന്ത്യൻ പെൺപട ഏഴു വിക്കറ്റിനാണ് സന്ദർശകരെ തകർത്തത്. ഇംഗ്ലണ്ട് ഉയര്ത്തിയ 162 റണ്സിന്റെ വിജയലക്ഷ്യം ഇന്ത്യ മൂന്നു വിക്കറ്റ് നഷ്ടത്തിൽ മറികടന്നു. നാല് വിക്കറ്റെടുത്ത ജുലന് ഗോസ്വാമിയാണ് കളിയിലെ താരം. മുംബൈ വാംഖഡെ സ്റ്റേഡിയത്തില് നടന്ന മത്സരത്തില് ടോസ് നേടിയ ഇംഗ്ലണ്ട് ബാറ്റിംഗിന് ഇറങ്ങി. എന്നാൽ ഇന്ത്യൻ ബൗളിംഗിന് മുമ്പിൽ തകർന്നടിഞ്ഞ സന്ദർശകർ 43.3 ഓവറില് 161 റണ്സിനു പുറത്തായി. നാലുവിക്കറ്റ് വീതം നേടിയ ജുലൻ ഗോസ്വാമിയും ശിഖ പാണ്ഡേയുമാണ് ഇംഗ്ലണ്ടിന്റെ നട്ടെല്ലൊടിച്ചത്. നതാലി സിവെറാണ്(85) ഇംഗ്ലണ്ടിനെ വലിയ നാണക്കേടില് നിന്നും രക്ഷിച്ചത്. ലോറണ് വിന്ഫീല്ഡ്(28), ടസ്മിന് ബോമോണ്ട്(20) എന്നിവർ നേടി. മറുപടി ബാറ്റിങ്ങിന് ഇറങ്ങിയ ഇന്ത്യക്ക് ഓപ്പണര് ജമീമ റോഡ്രിഗ്വസിനെ(0) രണ്ടാം ഓവറിൽ നഷ്ടമായി. എന്നാൽ മറുവശത്ത്…
Read Moreമഞ്ഞപ്പട അംഗം മാപ്പ് പറഞ്ഞു; സി.കെ. വിനീത് കേസ് പിൻവലിച്ചു
കൊച്ചി: കേരളാ ബ്ലാസ്റ്റേഴ്സ് ആരാധക കൂട്ടായ്മയായ മഞ്ഞപ്പടയ്ക്കെതിരായ കേസ് ചെന്നൈയിൻ എഫ്സി സ്ട്രൈക്കറും ബ്ലാസ്റ്റേഴ്സ് മുൻതാരവുമായ സി.കെ.വിനീത് പിൻവലിച്ചു. തെറ്റായ കാര്യം പ്രചരിപ്പിച്ചതിന് മഞ്ഞപ്പട അംഗം രേഖാമൂലം ക്ഷമ ചോദിച്ചിരുന്നു. മഞ്ഞപ്പടയുടെ വിശദീകരണത്തിന്റെ അടിസ്ഥാനത്തിൽ കേസ് അവസാനിപ്പിച്ചതായി വിനീത് പോലീസിനെ അറിയിച്ചു. കൊച്ചിയിൽ നടന്ന കേരള ബ്ലാസ്റ്റേഴ്സ്-ചെന്നൈയിൻ എഫ്സി മത്സരത്തിനിടെ വിനീത് ബോൾബോയിയെ അസഭ്യം പറഞ്ഞെന്നായിരുന്നു പ്രചരണം. വാട്സ്ആപ്പ് ഗ്രൂപ്പുകളിൽ ഇക്കാര്യം പ്രചരിച്ചിരുന്നു. സംഭവത്തിൽ മഞ്ഞപ്പടയ്ക്കെതിരെ വിനീത് രംഗത്തെത്തുകയും പോലീസിൽ പരാതി നൽകുകയുമായിരുന്നു. എന്നാൽ ഗ്രൂപ്പിലെ ഒരു അംഗം വിനീതിനെതിരായി തെളിവില്ലാത്ത ആരോപണം പ്രചരിപ്പിച്ചതിൽ മഞ്ഞപ്പട ഖേദം പ്രകടിപ്പിച്ചിരുന്നു. രു വ്യക്തിക്ക് പറ്റിയ വീഴ്ചയുടെ പേരിൽ മഞ്ഞപ്പടയെ മോശമാക്കി ചിത്രീകരിക്കാൻ ശ്രമിക്കരുത്. കളിക്കാർക്കെതിരെ വ്യക്തിപരമായ അധിക്ഷേപങ്ങളെ പിന്തുണയ്ക്കില്ലെന്നും മഞ്ഞപ്പട വ്യക്തമാക്കിയിന്നു.
Read Moreലോകകപ്പിന് ഇവരും തയാർ
സ്വന്തം മണ്ണിൽ ഇംഗ്ലണ്ട് ക്രിക്കറ്റ് ജനിച്ചു വളർന്ന നാടാണ് ഇംഗ്ലണ്ട്. അഞ്ചു തവണ ലോകകപ്പ് ക്രിക്കറ്റിനു വേദിയാവുകയും ചെയ്തു. പക്ഷേ, ഏകദിന ലോകകപ്പ് മാത്രം ഇംഗ്ലണ്ടുകാർക്ക് അന്യം. മൂന്നു തവണ ലോകകപ്പ് ഫൈനലിൽ കളിച്ചെങ്കിലും തോൽക്കാനായിരുന്നു വിധി (1979, 87, 92). തുടർച്ചയായി ഫൈനലിൽ എത്തിയിട്ടു പോലും കപ്പടിക്കാനുള്ള ഭാഗ്യം ഇംഗ്ലീഷുകാർക്ക് ലഭിച്ചിട്ടില്ല. കഴിഞ്ഞ 27 വർഷത്തിന് ഇടയിൽ ഒരിക്കൽ പോലും സെമിഫൈനലിലെത്താൻ പോലും സാധിച്ചിട്ടില്ല. ഇത്തവണയും സ്ഥിതി വ്യത്യസ്തമല്ല. വന്പൻ താരനിരയ്ക്ക് സാധിക്കാതെ പോയ കിരീട നേട്ടം ഇയോൻ മോർഗൻ, ജോസ് ബട്ലർ, അലക്സ് ഹെയ്സ്ൽസ്, ബെൻ സ്റ്റോക്സ്, ജോണി ബെയർസ്റ്റോ എന്നിവര ടങ്ങുന്ന സംഘം നേടിത്തരുമെന്ന പ്രതീക്ഷയിലാണ് ഇംഗ്ലീഷ് ആരാധകർ. പ്രതാപം വീണ്ടെടുക്കാൻ വിൻഡീസ് ക്രിക്കറ്റിലെ കരിന്പുലികൾ എന്ന് ഒാമനപ്പേരിട്ട് വിളിക്കപ്പെട്ടിരുന്ന ടീമായിരുന്നു വിൻഡീസ്. ആദ്യ രണ്ടു ലോകകപ്പുകളും ഇവർക്കു സ്വന്തം. പക്ഷേ, 2011…
Read Moreചാന്പ്യൻസ് ലീഗിൽ ഗോളില്ലാ കളികള്
ലിവര്പൂള്/ലിയോണ്: യുവേഫ ചാമ്പ്യന്സ് ലീഗ് പ്രീക്വാര്ട്ടറിൽ സുന്ദരമായ നീക്കങ്ങളും അവിസ്മരണീയമായ ഗോളുകളും അതിനുള്ള തിരിച്ചടികളുമുണ്ടാകുമെന്നു പ്രതീക്ഷിച്ച മത്സരങ്ങളിൽ ഗോള് പിറക്കാതെ പോയത് ഏവരെയും ഞെട്ടിച്ചു. ലിവര്പൂളും ബയേണ് മ്യൂണിക്കും ആന്ഫീല്ഡില് ഏറ്റുമുട്ടിയപ്പോള് ആരും ഗോളടിച്ചില്ല. ഇതേ അവസ്ഥതന്നെയായിരുന്നു ഫ്രാന്സില് ലിയോണും ബാഴ്സലോണയും ഏറ്റുമുട്ടിയപ്പോഴും. ഗോൾ പിറക്കാതെ പോയ മത്സരത്തിൽ പ്രതിരോധക്കാരും ഗോള്കീപ്പര്മാരുമാണ് താരങ്ങളായത്. ആദ്യപാദം ഗോള്രഹിതമായതോടെ ഇനി അടുത്ത മാസം 13ന് നടക്കുന്ന രണ്ടാം പാദത്തില് വന്പോരാട്ടം തന്നെ പ്രതീക്ഷിക്കാം. എവേ ഗോള് വഴങ്ങാത്തതില് ലിവര്പൂളിനും ലിയോണും ആശ്വസിക്കാം. അതോടൊപ്പം കരുത്തരായ ലിവര്പൂളിന് സ്വന്തം കളത്തില് നിര്ണായക ലീഡ് നേടാനാവാതെ പോയതില് ദുഃഖിക്കുകയും ചെയ്യാം. ഗോള്രഹിത സമനിലയായത് രണ്ടാംപാദത്തില് സ്വന്തം ഗ്രൗണ്ടിലിറങ്ങുന്ന ബയേണും ബാഴ്സലോണയ്ക്കും കൂടുതല് ആത്മവിശ്വാസം നല്കി. ചാമ്പ്യന്സ് ലീഗിലെ ഹോം ഗ്രൗണ്ട് മത്സരങ്ങളില് വ്യക്തമായ റിക്കാര്ഡുള്ള ടീമുകളാണ് ബയേണും ബാഴ്സയും. മൂര്ച്ചകുറഞ്ഞ ബാഴ്സ മത്സരത്തില്…
Read More