ഗുവാംഗ്ഷു: ബിഡബ്ല്യൂഎഫ് വേൾഡ് ടൂർ ഫൈനൽസ് ബാഡ്മിന്റണിൽ ഇന്ത്യയുടെ പി.വി.സിന്ധു ഫൈനലിൽ കടന്നു. സെമിഫൈനലിൽ തായ്ലൻഡിന്റെ മുൻ ലോക ചാന്പ്യൻ റാറ്റ്ച്നോക് ഇന്റനോണിനെ നേരിട്ടുള്ള ഗെയിമുകൾക്ക് തോൽപ്പിച്ചാണ് സിന്ധു കലാശ പോരാട്ടത്തിന് അർഹത നേടിയത്. 54 മിനിറ്റുകൊണ്ട് സിന്ധു മത്സരം കൈയിലാക്കി. സ്കോർ: 21-16, 25-23. കഴിഞ്ഞ വർഷം വേൾഡ് ടൂർ ഫൈനൽസിൽ റണ്ണർ അപ്പായിരുന്നു സിന്ധു. ഫൈനലിൽ ജപ്പാന്റെ നൊസോമി ഒകുഹാരയാണ് സിന്ധുവിന്റെ എതിരാളി. പ്രാഥമിക റൗണ്ടിൽ ആദ്യ മൂന്ന് മത്സരങ്ങളും ജയിച്ചാണ് സിന്ധു സെമിഫൈനലിന് യോഗ്യത നേടിയത്.
Read MoreCategory: Sports
പെർത്ത് ടെസ്റ്റ്: രോഹിതും അശ്വിനും പുറത്ത്; പൃഥി ഷായ്ക്ക് അവസരമില്ല
പെർത്ത്: ഓസ്ട്രേലിയയ്ക്കെതിരായ ടെസ്റ്റ് പരന്പരയിലെ രണ്ടാം മത്സരത്തിൽനിന്ന് സ്പിന്നർ രവിചന്ദ്രൻ അശ്വിനെയും മധ്യനിര ബാറ്റ്സ്മാൻ രോഹിത് ശർമയെയും ഒഴിവാക്കി. പരിക്കിനെ തുടർന്നാണ് ഇരുതാരങ്ങളും പുറത്താവുന്നത്. അശ്വിന്റെ വയറിനും രോഹിതിന്റെ പുറത്തുമാണ് പരിക്കേറ്റത്. ആദ്യ ടെസ്റ്റിൽ ഫീൽഡ് ചെയ്യുന്നതിനിടെയാണ് രോഹിതിനു പരിക്കേറ്റതെന്നു ബിസിസിഐ പത്രക്കുറിപ്പിൽ അറിയിച്ചു. ഇതേസമയം, പരിക്കിൽനിന്നു മുക്തനാകാത്ത പൃഥി ഷായ്ക്ക് രണ്ടാം ടെസ്റ്റിലും അവസരം ലഭിക്കില്ല. ഹനുമ വിഹാരി, രവീന്ദ്ര ജഡേജ, ഉമേഷ് യാദവ്, ഭുവനേശ്വർ കുമാർ എന്നിവരെയാണു പകരക്കാരായി 13 അംഗ സ്ക്വാഡിൽ ഉൾപ്പെടുത്തിയിട്ടുള്ളത്. വെള്ളിയാഴ്ചയാണ് രണ്ടാം ടെസ്റ്റ് പെർത്തിൽ ആരംഭിക്കുന്നത്. ആദ്യ ടെസ്റ്റ് ജയിച്ച ഇന്ത്യ പരന്പരയിൽ ലീഡ് ചെയ്യുകയാണ്.
Read Moreഇതിഹാസമായ കുംബ്ലെയെ വില്ലനാക്കിയതിനു പിന്നിൽ കോഹ്ലി; വെളിപ്പെടുത്തൽ
മുംബൈ: ഇന്ത്യൻ ക്രിക്കറ്റ് ടീം മുൻ പരിശീലകൻ അനിൽ കുംബ്ലെയുടെ പുറത്താക്കലിൽ വഴിത്തിരിവ്. നായകൻ വിരാട് കോഹ്ലി കുംബ്ലെയെ പുറത്താക്കാൻ തുടർച്ചയായി പരിശ്രമിച്ചിരുന്നെന്നാണു വനിതാ ക്രിക്കറ്റ് ടീം അഡ്മിനിസ്ട്രേറ്റർ ഡയാന എഡുൽജിയുടെ വെളിപ്പെടുത്തൽ. ഇക്കാര്യം ചൂണ്ടിക്കാട്ടി എഡുൽജി ബിസിസിഐക്കെഴുതിയ കത്ത് വാർത്താ ഏജൻസിയായ എഎഫ്പി പുറത്തുവിട്ടു. പരിശീലകനെ മാറ്റണമെന്ന് ആവശ്യപ്പെട്ട് വിരാട് കോഹ്ലി ബിസിസിഐ സിഇഒ രാഹുൽ ജോഹ്റിക്ക് തുടർച്ചയായി എസ്എംഎസുകൾ അയച്ചിരുന്നെന്നു കത്തിൽ പറയുന്നു. എന്നാൽ ഇന്ത്യ ടീമിൽ വിഭാഗീയത ഉണ്ടായിരുന്നെന്ന റിപ്പോർട്ടുകൾ ബിസിസിഐ നിഷേധിച്ചു. കഴിഞ്ഞ വർഷം ജൂണിലാണ് കോഹ്ലിയുമായുള്ള ഉരസലിനെ തുടർന്ന് കുംബ്ലെ പരിശീലക സ്ഥാനം ഒഴിയുന്നത്. ഇതിഹാസമായ കുംബ്ലെയുടെ അവകാശങ്ങൾ നിഷേധിക്കപ്പെട്ടെന്നും അദ്ദേഹത്തെ ഒരു വില്ലനാക്കി ചിത്രീകരിച്ചെന്നും എഡുൽജിയുടെ കത്തിൽ ആരോപണമുണ്ട്. വനിതാ ക്രിക്കറ്റ് ടീം പരിശീലക സ്ഥാനത്തുനിന്ന് രമേശ് പവാറിനെ നീക്കിയതുമായും വനിതാ ട്വന്റി 20 ലോകകപ്പ് സെമിഫൈനലിൽ ഏകദിന…
Read Moreദീപിക ഇനി അതാനുവിനു സ്വന്തം
റാഞ്ചി: ഇന്ത്യൻ കായിക ലോകത്ത് മറ്റൊരു വിവാഹത്തിനുകൂടി വേദിയൊരുങ്ങുന്നു. ബാഡ്മിന്റണ് താരങ്ങളായ സൈന നെഹ് വാളും പി. കശ്യപും ഈ മാസം വിവാഹിതരാകാനിരിക്കേ അടുത്ത വിവാഹ വാർത്ത എത്തിയിരിക്കുന്നത് ഇന്ത്യൻ അന്പെയ്ത്ത് ടീമിൽനിന്ന്. ഇന്ത്യൻ അന്പെയ്ത്ത് താരങ്ങളായ ദീപിക കുമാരിയും അതാനു ദാസും അടുത്ത വർഷം വിവാഹിതരാകും. ഇവരുടെ മോതിരംമാറൽ തിങ്കളാഴ്ച കഴിഞ്ഞു. ജാർഖണ്ഡ് മുൻ മുഖ്യമന്ത്രിയായ അർജുൻ മുണ്ഡ അടക്കമുള്ള പ്രമുഖർ ചടങ്ങിൽ പങ്കെടുത്തു. ഒളിന്പിക് യോഗ്യതാ മത്സരങ്ങളുടെ തിരക്കുള്ളതിനാൽ അടുത്ത നവംബറിലേ വിവാഹം ഉണ്ടാകൂഎന്ന് മനസമ്മതത്തിനുശേഷം ഇരുവരും അറിയിച്ചു. ഇരുപത്തിനാലുകാരിയായ ദീപിക മുൻ ലോക ഒന്നാം നന്പർ താരവും കോമണ്വെൽത്ത് ഗെയിംസ് സ്വർണ ജേതാവുമാണ്. നിലവിൽ അഞ്ചാം സ്ഥാനത്താണ് ദീപിക. ഇരുപത്താറുകാരനായ അതാനു ദാസ് നിലവിൽ ലോക 17-ാം നന്പറിലാണ്. ഇന്ത്യ ടീമിലെ സ്ഥിരസാന്നിധ്യമാണ്.
Read Moreകോഹ്ലി ഒന്നിൽ, അശ്വിനും ബുംറയും മുന്നോട്ട്
ദുബായ്: ഐസിസി ടെസ്റ്റ് റാങ്കിംഗിൽ ഇന്ത്യൻ നായകൻ വിരാട് കോഹ്ലി ബാറ്റിംഗ് ഒന്നാം സ്ഥാനം നിലനിർത്തി. 15 പോയിന്റ് നഷ്ടപ്പെട്ടെങ്കിലും 920 പോയിന്റുമായി കോഹ്ലി ഒന്നിൽ തുടർന്നു. അഡ്ലെയ്ഡിലെ പ്രകടനം റാങ്കിംഗിൽ ഇന്ത്യൻ താരങ്ങൾക്ക് ഗുണകരമായി. അഡ്ലെയ്ഡിൽ മാൻ ഓഫ് ദ മാച്ച് ആയ ചേതേശ്വർ പൂജാര നാലാം റാങ്കിലേക്ക് ഉയർന്നു. പേസർ ജസ്പ്രീത് ബുംറ കരിയറിലെ മികച്ച റാങ്കായ 33ൽ എത്തി. 913 പോയിന്റുമായി ന്യൂസിലൻഡ് ക്യാപ്റ്റൻ കെയ്ൻ വില്യംസണ് ആണ് ബാറ്റിംഗ് റാങ്കിംഗിൽ രണ്ടാമത്. ഓസീസ് മുൻ ക്യാപ്റ്റൻ സ്റ്റീവ് സ്മിത്ത് മൂന്നാം സ്ഥാനത്ത് തുടരുന്നു. ഇംഗ്ലണ്ടിന്റെ ജോ റൂട്ടിനെയും ഓസ്ട്രേലിയയുടെ ഡേവിഡ് വാർണറെയും പിന്തള്ളിയാണ് പൂജാര നാലാം സ്ഥാനത്ത് എത്തിയത്. അജിങ്ക്യ രഹാനെ ഒരു സ്ഥാനം മെച്ചപ്പെടുത്തി 18ൽ എത്തി. ബൗളിംഗിൽ ഒരു സ്ഥാനം മുന്നേറി ആർ. അശ്വിൻ ആറാം റാങ്കിലെത്തി. 786…
Read Moreകായികതാരങ്ങൾക്ക് ഒരു ശതമാനം സംവരണം ഏർപ്പെടുത്തും: കായിക മന്ത്രി
തിരുവനന്തപുരം: സർക്കാർ ജോലിയ്ക്ക് കായികതാരങ്ങൾക്ക് ഒരുശതമാനം സംവരണം ഏർപ്പെടുത്തുമെന്നു മന്ത്രി ഇ.പി. ജയരാജൻ. ഇതിന്റെ വിശദാംശം തയാറാക്കി വരികയാണെന്നും മന്ത്രി അറിയിച്ചു. ജില്ലാ സ്പോർട്സ് കൗണ്സിലുകളിലേക്കുള്ള തെരഞ്ഞെടുപ്പ് ജനുവരി 11നും നടക്കും. സംസ്ഥാന സർക്കാർ കായിക നിയമത്തിൽ വരുത്തിയ ഭേദഗതിയുടെ അടിസ്ഥാനത്തിലാണ് സംസ്ഥാന സ്പോർട്സ് കൗണ്സിലിലേക്കും ജില്ലാ സ്പോർട്സ് കൗണ്സിലുകളിലേക്കും തെരഞ്ഞെടുപ്പ് നടത്തുന്നത്. നിലവിലെ നാമനിർദ്ദേശനടപടി ഇതോടെ ഇല്ലാതാകുമെന്നും മന്ത്രി കൂട്ടിച്ചേർത്തു.
Read Moreപൂനയ്ക്കു ജയം; ബ്ലാസ്റ്റേഴ്സിനെ പിന്തള്ളി ഏഴാം സ്ഥാനത്ത്
പൂന: ഐഎസ്എൽ ഫുട്ബോളിൽ പൂന സിറ്റി സ്വന്തം തട്ടകത്തിൽ ഗോവയെ കീഴടക്കി. എതിരില്ലാത്ത രണ്ടു ഗോളുകൾക്കായിരുന്നു വിജയം. മാഴ്സെലീനോ (74ാം മിനിറ്റ്), മാർക്കോ സ്റ്റാൻകോവിച്ച് (90+4പെനൽറ്റി) എന്നിവരാണ് ഗോൾ നേടിയത്. ജയത്തോടെ 11 പോയിന്റുമായി കേരള ബ്ലാസ്റ്റേഴ്സിനെ പിന്തള്ളി പൂന ഏഴാം സ്ഥാനത്ത് എത്തി. തോറ്റെങ്കിലും ഗോവ ലീഗില് നാലാംസ്ഥാനം നിലനിര്ത്തി. 10 മത്സരങ്ങളില് പതിനേഴ് പോയന്റാണ് അവരുടെ സമ്പാദ്യം.
Read More‘മെസീ, ധൈര്യമുണ്ടെങ്കിൽ ഇറ്റലിയിലേക്കു വരൂ’
ഇറ്റാലിയൻ സീരി എ ഫുട്ബോളിലേക്ക് വരാൻ അർജന്റൈൻ താരമായ ലയണൽ മെസിയെ വെല്ലുവിളിച്ച് യുവന്റസിന്റെ പോർച്ചുഗീസ് താരം ക്രിസ്റ്റ്യാനോ റൊണാൾഡോ. സ്പാനിഷ് ലീഗിൽ ബാഴ്സലോണയുടെ താരമാണ് മെസി. ബാഴ്സലോണ വിട്ട് സീരി എയിലേക്ക് വരാനാണ് റൊണാൾഡോ മെസിയെ ചലഞ്ച് ചെയ്തിരിക്കുന്നത്. മെസിക്ക് ഒരുപക്ഷേ എന്നെ മിസ് ചെയ്യുന്നുണ്ടാകും. സുരക്ഷിത സ്ഥാനത്തുനിന്ന് ഇറങ്ങിയാണ് ഞാൻ യുവന്റസിൽ എത്തിയത്. ഇംഗ്ലണ്ട്, സ്പെയിൻ, പോർച്ചുഗൽ, ഇറ്റലി എന്നിവിടങ്ങളിൽ ഞാൻ കളിച്ചു. മെസിക്കും അതുപോലെ ആകാം. എന്തെങ്കിലും വ്യത്യസ്തമായി ചെയ്യൂ- റൊണാൾഡോ പറഞ്ഞു.
Read Moreഅസഭ്യപ്രയോഗം; ശാസ്ത്രി വിവാദത്തിൽ
അഡ്ലെയ്ഡ്: ഓസ്ട്രേലിയയ്ക്കെതിരായ ഒന്നാം ക്രിക്കറ്റ് ടെസ്റ്റിൽ ഇന്ത്യ ചരിത്ര വിജയം നേടിയതിനു പിന്നാലെ അസഭ്യവർഷം നടത്തിയ കോച്ച് രവി ശാസ്ത്രി വിവാദത്തിൽ. ജയത്തിനു പിന്നാലെ കമന്ററി ബോക്സിലിരുന്ന സുനിൽ ഗാവസ്ക്കർ, ബൗച്ചർ, ക്ലാർക്ക് എന്നിവരോട് പ്രതികരിക്കുന്നതിനിടെയാണ് ശാസ്ത്രി ഹിന്ദിയിൽ മോശം പദപ്രയോഗം നടത്തിയത്. ഇതിനെതിരേ സമൂഹമാധ്യമങ്ങളിലടക്കം പ്രതിഷേധം ഉയർന്നിട്ടുണ്ട്. ഓസീസ് വാലറ്റം നടത്തിയ ചെറുത്തു നിൽപ്പിനെ കുറിച്ചുള്ള ചോദ്യത്തിനാണ് ശാസ്ത്രി മോശം പദപ്രയോഗത്തിലൂടെ മറുപടി നൽകിയത്. ക്ലാർക്കും ബൗച്ചറും കാര്യമെന്തെന്ന് തിരക്കിയെങ്കിലും തർജ്ജമ ചെയ്യില്ലെന്നും ഇത് കുടുംബങ്ങൾ അടക്കം കാണുന്ന ചാനലാണെന്നുമായിരുന്നു ഗാവസ്ക്കറിന്റെ മറുപടി.
Read Moreഅന്നു ദ്രാവിഡ്, ഇന്നു പൂജാര
അഡ്ലെയ്ഡിൽ ഇത് രണ്ടാം തവണയാണ് ഇന്ത്യ ജയം നേടുന്നത്. 2003-04ലായിരുന്നു ആദ്യ ജയം. അന്ന് രാഹുൽ ദ്രാവിഡ് ആയിരുന്നു ഇന്ത്യൻ വിജയശിൽപ്പി. ദ്രാവിഡിന്റെ പിൻഗാമിയായ പുതിയ വൻമതിലായി വിശേഷിപ്പിക്കപ്പെടുന്ന ചേതേശ്വർ പൂജാരയാണ് അഡ്ലെയ്ഡിൽ ഇന്ത്യക്ക് മറ്റൊരു ജയം സമ്മാനിച്ചതെന്നതും രസകരം. 2003ൽ റിക്കി പോണ്ടിംഗിന്റെ (242 റണ്സ്) ഇരട്ട സെഞ്ചുറിയുടെ പിൻബലത്തിൽ 556 റണ്സടിച്ച ഓസ്ട്രേലിയയ്ക്കെതിരേ ഇന്ത്യ, രാഹുൽ ദ്രാവിഡിന്റെ (233 റണ്സ്) ഇരട്ട സെഞ്ചുറിയുടെ കരുത്തിൽ 523 റണ്സ് നേടി. വി.വി.എസ്. ലക്ഷ്മണ് 148 റണ്സോടെ ദ്രാവിഡിനു പിന്തുണ നല്കി. 33 റണ്സ് ലീഡ് വഴങ്ങിയെങ്കിലും ആറു വിക്കറ്റ് വീഴ്ത്തിയ അജിത് അഗാർക്കറിന്റെ മികവിൽ രണ്ടാം ഇന്നിംഗ്സിൽ ഓസ്ട്രേലിയയെ 196ന് ഇന്ത്യ ചുരുട്ടിക്കെട്ടി. 230 റണ്സ് വിജയലക്ഷ്യത്തിനായി ഇറങ്ങിയ ഇന്ത്യ നാലു വിക്കറ്റ് നഷ്ടത്തിൽ ലക്ഷ്യം മറികടന്നു. രണ്ടാം ഇന്നിംഗ്സിലും ദ്രാവിഡ് (72 നോട്ടൗട്ട്) രക്ഷകനായി…
Read More