അഡ്ലെയ്ഡ്: ഓസ്ട്രേലിയയ്ക്കെതിരായ ആദ്യ ക്രിക്കറ്റ് ടെസ്റ്റിൽ ഇന്ത്യയ്ക്ക് 31 റണ്സിന്റെ വിജയം. ഇതോടെ നാല് മത്സരങ്ങളുടെ പരന്പരയിൽ ഇന്ത്യ 1-0ന് മുന്നിലെത്തി. 323 റണ്സ് വിജയലക്ഷ്യം പിന്തുടർന്ന ഓസീസ് 291 റണ്സിന് ഓൾഒൗട്ടായി. ആദ്യ ഇന്നിംഗ്സിൽ സെഞ്ചുറിയും (123) രണ്ടാം ഇന്നിംഗ്സിൽ അർധ സെഞ്ചുറിയും (71) നേടിയ ചേതേശ്വർ പൂജാരയാണ് മാൻ ഓഫ് ദ മാച്ച്. ഓസ്ട്രേലിയൻ പര്യടനത്തിലെ ആദ്യ ടെസ്റ്റിൽ ഇന്ത്യ ചരിത്രത്തിൽ ആദ്യാമായാണ് വിജയം നേടുന്നത്. ഓസീസ് മണ്ണിലെ ആറാം വിജയമാണ് വിരാട് കോഹ്ലിയും സംഘവും നേടിയത്. അഡ്ലെയ്ഡിൽ സൗരവ് ഗാംഗുലിയുടെ നേതൃത്വത്തിലുള്ള ഇന്ത്യൻ ടീമാണ് മുൻപ് ടെസ്റ്റ് ജയിച്ചിട്ടുള്ളത്.
Read MoreCategory: Sports
മാൻ ഓഫ് ദ മാച്ച് ‘ചങ്കിനു’ നല്കി സല
ഇംഗ്ലീഷ് പ്രീമിയർ ലീഗ് ഫുട്ബോളിൽ ബോണ്മത്തിനെതിരേ ലിവർപൂളിനു 4-0ന്റെ ജയം സമ്മാനിച്ച ഹാട്രിക്ക് നേടിയ മുഹമ്മദ് സല തനിക്ക് ലഭിച്ച മാൻ ഓഫ് ദ മാച്ച് ചങ്ക് ബ്രോ ആയ ജയിംസ് മിൽനർക്കു സമ്മാനിച്ചു. മാൻ ഓഫ് ദ മാച്ച് പുരസ്കാരം സ്വീകരിക്കാൻ വിസമ്മതിച്ച സല അത് മിൽനർക്കു നല്കാൻ ആവശ്യപ്പെടുകയായിരുന്നു. സീസണിൽ സലയുടെ ഗോൾ നേട്ടം ഇതോടെ 12 ആയി. പ്രീമിയർ ലീഗിൽ 500 മത്സരങ്ങൾ എന്ന നാഴികക്കല്ല് മിൽനൽ പിന്നിട്ട മത്സരമായിരുന്നു ബോണ്മത്തിനെതിരേ നടന്നത്. മുപ്പത്തിരണ്ടുകാരനായ താരത്തിന്റെ അപൂർവ നേട്ടത്തിനായാണ് സല തന്റെ മാൻ ഓഫ് ദ മാച്ച് പുരസ്കാരം സമ്മാനിച്ചത്. പ്രീമിയർ ലീഗിൽ 500 മത്സരങ്ങൾ തികയ്ക്കുന്ന 13-ാമത് കളിക്കാരനാണ് മിൽനർ.
Read Moreപരിശീലകനാകാൻ ഗംഭീർ
ന്യൂഡൽഹി: രഞ്ജി ട്രോഫി ക്രിക്കറ്റിൽ ആന്ധ്രപ്രദേശിനെതിരായ സമനിലയോടെ ഡൽഹി താരം ഗൗതം ഗംഭീർ സജീവ ക്രിക്കറ്റിൽനിന്ന് വിരമിച്ചു. ആന്ധ്രയ്ക്കെതിരായ മത്സരത്തോടെ ക്രിക്കറ്റ് മത്സരങ്ങളിൽനിന്ന് വിടപറയുമെന്ന് ഗംഭീർ കഴിഞ്ഞ ആഴ്ച അറിയിച്ചിരുന്നു. മത്സരത്തിൽ ഡൽഹിയുടെ ആദ്യ ഇന്നിംഗ്സിൽ ഗംഭീർ (112 റണ്സ്) സെഞ്ചുറി നേടിയിരുന്നു. സ്കോർ: ആന്ധ്ര 390, 130. ഡൽഹി 433, രണ്ട് വിക്കറ്റ് നഷ്ടത്തിൽ 41. വിരമിക്കലിനുശേഷം രാഷ്ട്രീയത്തിൽ ഇറങ്ങുമെന്ന വാർത്ത മുൻ ഇന്ത്യൻ താരം തള്ളി. പരിശീലക വേഷമണിയാനാണ് താൻ ഒരുങ്ങുന്നതെന്ന് ലോകകപ്പ് കിരീടം നേടിയ ഇന്ത്യൻ ടീമിലെ നിർണായക താരമായ ഗംഭീർ പറഞ്ഞു. സാമൂഹ്യകാര്യങ്ങളിൽ ഇടപെടുന്നതാകാം താൻ രാഷ്ട്രീയത്തിലേക്ക് ഇറങ്ങുമെന്ന അഭ്യൂഹത്തിനു കാരണമെന്നും ഗംഭീർ കൂട്ടിച്ചേർത്തു.
Read Moreബംഗളൂരുവിനെ മുംബൈ തളച്ചു
ബംഗളൂരു: ഐഎസ്എൽ ഫുട്ബോൾ പോയിന്റ് പട്ടികയിൽ ഒന്നാം സ്ഥാനത്തുള്ള ബംഗളൂരു എഫ്സിയെ അവരുടെ തട്ടകത്തിൽവച്ച് മുംബൈ സിറ്റി 1-1 സമനിലയിൽ തളച്ചു. ഉഡ്ത സിംഗ് (23-ാം മിനിറ്റ്) ബംഗളൂരുവിനായും മൊഡു സൗഗു (31-ാം മിനിറ്റ്) മുംബൈക്കായും ഗോൾ നേടി. സേനഹ് സിംഗ് (52-ാം മിനിറ്റ്) ചുവപ്പ് കാർഡ് കണ്ട് പുറത്തായതോടെ മുംബൈ പത്ത് പേരായി. ബംഗളൂരുവിന് (24 പോയിന്റ്) പിന്നിൽ മുംബൈ (21 പോയിന്റ്) രണ്ടാമതാണ്.
Read Moreഫിഞ്ചും മാക്സ്വെല്ലും ഐപിഎലിനില്ല
അടുത്ത വർഷത്തെ ഐപിഎലിന് ഓസ്ട്രേലിയൻ താരങ്ങളായ ആരോണ് ഫിഞ്ചും ഗ്ലെൻ മാക്സ്വെല്ലും ഉണ്ടാകില്ല. തിരക്കേറിയ രാജ്യാന്തര ഷെഡ്യൂളിനെത്തുടർന്നാണ് ഇരുവരും പിൻവാങ്ങുന്നതെന്നാണ് സൂചന. ഓസ്ട്രേലിയയ്ക്ക് ഏകദിന പരന്പരകളും തുടർന്ന് ഇംഗ്ലണ്ടിൽ ലോകകപ്പും ആഷസും 2019ൽ ഉണ്ട്. നവംബറിൽ ഐപിഎൽ ഫ്രാഞ്ചൈസികൾ റിലീസ് ചെയ്ത കളിക്കാരുടെ കൂട്ടത്തിലുള്ളതാണ് മാക്സ്വെല്ലും ഫിഞ്ചും. കഴിഞ്ഞ സീസണിൽ മാക്സ്വെൽ ഡൽഹി ഡെയർ ഡെവിൾസിനൊപ്പവും (ഇപ്പോൾ ഡൽഹി ക്യാപിറ്റൽസ്) ഫിഞ്ച് കിംഗ്സ് ഇലവണ് പഞ്ചാബിനൊപ്പവുമായിരുന്നു. അതേസമയം, ഇംഗ്ലണ്ടിന്റെ സാം കറൻ ഐപിഎലിൽ രണ്ട് കോടി അടിസ്ഥാന വിലയുള്ള താരമാക്കപ്പെട്ടു. ശ്രീലങ്കയുടെ പേസർ ലസിത് മലിംഗയും രണ്ട് കോടി അടിസ്ഥാന വിലയുള്ളവരുടെ ഗണത്തിലുണ്ട്.
Read Moreരാജ്യാന്തര പായ്വഞ്ചിയോട്ടം: ഇറ്റലി ജേതാക്കൾ
ഏഴിമല: ഏഴിമല നാവിക അക്കാദമിയുടെ ആഭിമുഖ്യത്തിൽ എട്ടിക്കുളം ഉൾക്കടലിൽ നടത്തിയ അഡ്മിറൽസ് കപ്പിനുവേണ്ടിയുള്ള രാജ്യാന്തര പായ്വഞ്ചിയോട്ട മത്സരത്തിൽ ഇറ്റലി ജേതാക്കളായി. വിൻസെൻസ് റോക്കോ, ആൽബർട്ടോക്കബ്രാസ് എന്നിവരടങ്ങുന്ന ടീമാണ് ഇറ്റലിയെ പ്രതിനിധീകരിച്ചു മത്സരിച്ചത്. സിംഗപ്പൂരാണ് റണ്ണേഴ്സപ്പ്. സെക്കൻഡ് ലഫ്റ്റനന്റുമാരായ കോഹ് ഇ ക്യുയാൻ, ദിലോൺ എന്നിവരാണ് സിംഗപ്പുരിനു വേണ്ടി മത്സരിച്ചത്. അമേരിക്കയ്ക്കാണു മൂന്നാംസ്ഥാനം. ആതിഥേയരായ ഇന്ത്യ നാലാം സ്ഥാനത്തെത്തി. ബഹറിന്റെ ഫസ്റ്റ് ലഫ്റ്റനന്റ് ഇബ്രാഹിം ഷൊവൈത്തർ പുരുഷവിഭാഗത്തിൽ വ്യക്തിഗത ചാന്പ്യനായി. വനിതാ വിഭാഗത്തിൽ അമേരിക്കയുടെ ജെസീക്ക മെക്ജോൺസ് ആണ് വ്യക്തിഗത ചാന്പ്യൻ. ഏഴിമല നാവിക അക്കാദമി കമൻഡാന്റ് വൈസ് അഡ്മിറൽ ആർ.ബി. പണ്ഡിറ്റ് സമ്മാനദാനം നിർവഹിച്ചു.
Read Moreബ്ലാസ്റ്റേഴ്സ് പൂന സിറ്റിക്കെതിരേ
കൊച്ചി: ഇന്ത്യൻ സൂപ്പർ ലീഗ് ഫുട്ബോളിൽ ജയമില്ലാത്ത തുടർച്ചയായ ഒന്പതു മത്സരങ്ങൾക്കുശേഷം കേരള ബ്ലാസ്റ്റേഴ്സ് ഇന്നു സ്വന്തം തട്ടകത്തിൽ. കലൂർ ജവഹർലാൽ നെഹ്റു സ്റ്റേഡിയത്തിൽ രാത്രി 7.30ന് പൂന സിറ്റിക്കെതിരേയാണ് മത്സരം. 10 മത്സരങ്ങൾ, ഒരു ജയം, ആറു സമനില, മൂന്നു തോൽവി എന്നിവയുമായി ഒന്പതു പോയിന്റാണ് ഏഴാം സ്ഥാനത്തുള്ള ബ്ലാസ്റ്റേഴ്സിനുള്ളത്. ഇന്നത്തേതടക്കം നാലു ഹോം മത്സരങ്ങൾ ഉൾപ്പെടെ ഇനി എട്ടു കളികളാണു ബ്ലാസ്റ്റേഴ്സിനു ബാക്കിയുള്ളത്. ഈ മത്സരങ്ങളിലെല്ലാം ജയിച്ചാൽ പോലും നിലവിലെ സ്ഥിതിവച്ചു സെമി പ്രവേശനം ഉറപ്പില്ല. എന്നാൽ മറ്റു ടീമുകളുടെ ജയപരാജയങ്ങളും കണക്കിലെ കളികളുമായി പ്ലേ ഓഫിനുള്ള സാധ്യതകൾ അവശേഷിക്കുന്നു. പത്തു കളികളിൽനിന്ന് അഞ്ചു പോയിന്റുമായി ഒന്പതാം സ്ഥാനത്താണ് പൂന സിറ്റി.
Read Moreവൻജയവുമായി റയൽ മാഡ്രിഡ് അവസാന പതിനാറിൽ
മാഡ്രിഡ്: കോപ്പ ഡെൽ റെ ഫുട്ബോളിൽ വൻജയവുമായി റയൽ മാഡ്രിഡ് അവസാന പതിനാറിൽ കടന്നു. സ്വന്തം മൈതാനത്ത് നടന്ന പോരാട്ടത്തിൽ മെലില്ലയെ 1-6നു തകർത്താണ് റയൽ പ്രീക്വാർട്ടറിൽ പ്രവേശിച്ചത്. ഇരു പാദങ്ങളിലുമായി 10-1നായിരുന്നു റയലിന്റെ ജയം. റയലിനായി അസെൻസിയോ(33,35 മിനിറ്റുകൾ), ഇസ്കോ(47, 83 മിനിറ്റുകൾ) എന്നിവർ ഇരട്ട ഗോൾ നേടി. സാഞ്ചസ് ഡെ ഫിലിപ്പി(39-ാം മിനിറ്റ്), , ഒലിവീര ജൂണിയർ (75-ാം മിനിറ്റ്) എന്നിവർ ഗോൾ പട്ടിക പൂർത്തിയാക്കി. ക്വാസ്മി(81-ാം മിനിറ്റ്) പെനാൽറ്റിയിലൂടെ മെലില്ലയ്ക്കായി ഗോൾ മടക്കി. ഒക്ടോബർ അവസാനം അൽവാരസ് ക്ലാരോയിൽ നടന്ന ആദ്യപാദത്തിൽ മെലില്ലയെ എതിരില്ലാത്ത നാലു ഗോളുകൾക്ക് റയൽ തോൽപ്പിച്ചിരുന്നു.
Read Moreസ്പൈഡർമാർ, സൂപ്പർമാൻ, ഹനുമാന്, ഉസ്മാൻ… കണ്ണുതള്ളി കോഹ്ലി
അഡ്ലെയ്ഡ്: ഓസ്ട്രേലിയയ്ക്കെതിരായ ടെസ്റ്റ് പരന്പരയിൽ ഇന്ത്യൻ നായകൻ വിരാട് കോഹ്ലിക്ക് നിരാശപ്പെടുത്തുന്ന തുടക്കമാണ് ലഭിച്ചത്. ഓസീസ് താരം ഉസ്മാൻ ഖവാജയാണ് കോഹ്ലിയുടെ നിരാശയ്ക്കു കാരണം. കാരണം ഖവാജയുടെ സൂപ്പർമാൻ ക്യാച്ചാണ് കോഹ്ലിയെ മടക്കിയത്. പാറ്റ് കമ്മിൻസിന്റെ പന്ത് ഡ്രൈവ് ചെയ്യാനായിരുന്നു കോഹ്ലിയുടെ ശ്രമം. എന്നാൽ ഓഫ് സ്റ്റംപിനു പുറത്തുപോയ ഫുൾ ലെംഗ്ത് പന്തിൽ ബാറ്റുവച്ച കോഹ്ലിക്കു പിഴച്ചു. ഗള്ളിയിലേക്കു പോയ പന്ത് ഖവാജയുടെ ഇടത് വശത്താണ് എത്തിയത്. മിന്നൽവേഗത്തിൽ ഒരു മുഴുനീള ഡൈവിലൂടെ ഇടംകൈയിൽ ഖവാജ പന്ത് കൈയിലാക്കി. നാലു പന്തിനിടെ ഇത് രണ്ടാം തവണയാണ് കോഹ്ലി കമ്മിൻസിന് ഇരയാകുന്നത്. അഡ്ലെയ്ഡിൽ പുറത്താകുന്പോൾ 16 പന്തിൽ മൂന്നു റണ്സായിരുന്നു ഏറെ പ്രതീക്ഷകളുമായി തുടങ്ങിയ നായകന്റെ സന്പാദ്യം.
Read Moreലോകകപ്പ്: സാന്പത്തിക നേട്ടത്തിൽ മാഞ്ചസ്റ്റർ സിറ്റി
ലണ്ടൻ: റഷ്യൻ ലോകകപ്പ് ഫുട്ബോളിൽ താരങ്ങളെ വിട്ടുനല്കിയതുവഴി ഏറ്റവും അധികം സാന്പത്തിക നേട്ടം ലഭിച്ച ക്ലബ്ബുകളുടെ പട്ടികയിൽ മാഞ്ചസ്റ്റർ സിറ്റി ഒന്നാമത്. 35.27 കോടി രൂപയാണ് സിറ്റിയെ പ്രതിനിധീകരിച്ച് വിവിധ രാജ്യങ്ങൾക്കായി കളിച്ച താരങ്ങൾ മുഖാന്തരം ക്ലബ്ബിനു ലഭിച്ചത്. ഫിഫയാണ് വിവിധ ക്ലബ്ബുകൾക്കു നല്കിയ തുക വെളിപ്പെടുത്തിയത്. 1475 കോടി രൂപയാണ് വിവിധ ക്ലബ്ബുകൾക്കായി ഫിഫ നല്കുക. ഇംഗ്ലീഷ് ക്ലബ്ബിനു പിന്നിൽ രണ്ടാം സ്ഥാനത്ത് സ്പാനിഷ് വന്പന്മാരായ റയൽ മാഡ്രിഡ് (33.93 കോടി രൂപ) ആണ്. ഇംഗ്ലീഷ് താരങ്ങളാൽ സന്പന്നമായ ടോട്ടനംഹോട്സ്പറിന് 30.90 കോടി രൂപ ലഭിച്ചു. ഹാരി കെയ്ന്റെ നേതൃത്വത്തിലിറങ്ങിയ ഇംഗ്ലണ്ട് ലോകകപ്പ് സെമിയിൽ എത്തിയിരുന്നു. ബാഴ്സലോണ (29.20 കോടി രൂപ), പിഎസ്ജി (27.43 കോടി രൂപ) എന്നിവയാണ് ഇവയ്ക്കു പിന്നിൽ. ലോകകപ്പിൽ പങ്കെടുക്കുന്ന ഓരോ താരത്തിനും ഓരോ ദിവസവും 6.01 ലക്ഷം രൂപ വീതം…
Read More