തിരുവനന്തപുരം: നവംബർ ഒന്നിന് കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടക്കുന്ന ഇന്ത്യ- വെസ്റ്റ് ഇൻഡീസ് ഏകദിനത്തിന്റെ ടിക്കറ്റ് നിരക്കുകൾ കെസിഎ പ്രഖ്യാപിച്ചു. 1,000, 2,000, 3,000, 6,000 എന്നിങ്ങനെയാണ് ടിക്കറ്റ് നിരക്ക്. തിരുവനന്തപുരത്ത് ചേർന്ന കെസിഎ ജനറൽ ബോഡി യോഗമാണ് നിരക്കുകൾ നിശ്ചയിച്ചത്. ആയിരം രൂപ ടിക്കറ്റ് വാങ്ങുന്ന വിദ്യാർഥികൾക്ക് 50 ശതമാനം ഇളവ് നൽകും. മത്സരത്തിന്റെ ലാഭത്തിലെ ഒരു വിഹിതം മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന ചെയ്യുമെന്നും കെസിഎ അറിയിച്ചു.
Read MoreCategory: Sports
ഇറ്റലിക്ക് സമനില; റഷ്യക്ക് ജയം
മ്യൂണിക്ക്: പ്രഥമ യൂറോ നേഷൻസ് ലീഗ് ഫുട്ബോൾ എ ലീഗിൽ പോളണ്ടിനെതിരെ മുൻ ലോക ചാമ്പ്യന്മാരായ ഇറ്റലിക്ക് സമനില. ഗ്രൂപ്പ് മൂന്നിൽ ഇരുടീമും ഒരോ ഗോൾ വീതം അടിച്ച് സമനില പാലിച്ചു. മിഡ്ഫീൽഡർ ജോർജിൻഹോ നേടിയ പെനാൽറ്റി ഗോളാണ് ഇറ്റലിയുടെ മുഖം രക്ഷിച്ചത്. 40-ാം മിനിറ്റിൽ സീലിൻസ്കിയിലൂടെ പോളണ്ടാണ് ആദ്യം ലീഡ് നേടിയത്. 78-ാം മിനിറ്റിൽ ലഭിച്ച പെനാൽറ്റിയിലൂടെ മിഡ്ഫീൽഡർ ജോർജിൻഹോ ഇറ്റലിയെ ഒപ്പമെത്തിച്ചു. ബി ലീഗിൽ ഗ്രൂപ്പ് മൂന്നിലെ മത്സരത്തിൽ റഷ്യ തുർക്കിയെ തോൽപ്പിച്ചു. ഒന്നിനെതിരെ രണ്ടു ഗോളുകൾക്കാണ് റഷ്യയുടെ ജയം.
Read Moreവിജയ് ഹസാരെ: കേരളത്തെ സച്ചിൻ ബേബി നയിക്കും
തിരുവനന്തപുരം: വിജയ് ഹസാരെ ട്രോഫിക്കുള്ള കേരള സീനിയർ ക്രിക്കറ്റ് ടീമിനെ പ്രഖ്യാപിച്ചു. സച്ചിൻ ബേബിയാണ് ക്യാപ്റ്റൻ. 19 മുതൽ ഡൽഹിയിലാണ് വിജയ് ഹസാരെ ട്രോഫി നടക്കുന്നത്. 19ന് ആദ്യ മത്സരത്തിൽ കേരളം ആന്ധ്രയെ നേരിടും. 21ന് ഒഡീഷയെയും 23ന് ഛത്തീസ്ഗഡിനെയും 24ന് മധ്യപ്രദേശിനെയും 29ന് ഹൈദരാബാദിനെയും നേരിടും. ഒക്ടോബർ രണ്ടിന് ഹൈദരാബാദ്, നാലിന് ഉത്തർപ്രദേശ്, എട്ടിന് സൗരാഷ്ട്ര എന്നിവയ്ക്കെതിരേയാണ് തുടർന്നുള്ള മത്സരങ്ങൾ. മറ്റ് ടീം അംഗങ്ങൾ: ജലജ് സക്സേന, അരുണ് കാർത്തിക്, പി. രാഹുൽ, വിഷ്ണു വിനോദ്, സഞ്ജു വിശ്വനാഥ്, സൽമാൻ നിസാർ, വിനൂപ് എസ്. മനോഹരൻ,അക്ഷയ് ചന്ദ്രൻ, എസ്. മിഥുൻ, എം.ഡി. നിധീഷ്, അഭിഷേക് മോഹൻ, എഫ്. ഫാനൂസ്, ബേസിൽ തന്പി, കെ.സി. അക്ഷയ്.
Read Moreമാറഡോണ മെക്സിക്കൻ ക്ലബ് പരിശീലകൻ
അർജന്റൈൻ ഇതിഹാസ ഫുട്ബോൾ താരം ഡിയേഗോ മാറഡോണ മെക്സിക്കൻ രണ്ടാം ഡിവിഷൻ ക്ലബ്ബായ ഡൊറാഡോസ് ഡെ സിനാലൊവയെ പരിശീലിപ്പിക്കും. ക്ലബ്ബിന്റെ മാനേജരായി മാറഡോണ നിയമിതനായി. മേയിൽ ബെലാറുസിയൻ ക്ലബ്ബായ ഡൈനാമോ ബ്രെസ്റ്റിന്റെ ചെയർമാനായി മാറഡോണ കരാർ ഒപ്പിട്ടിരുന്നു. യുഎഇ രണ്ടാം ഡിവിഷൻ ക്ലബ്ബായ അൽ ഫുജയ്റയുടെ പരിശീലകസ്ഥാനം ഏപ്രിലിൽ മാറഡോണ രാജിവച്ചിരുന്നു. 2008 മുതൽ 2010വരെ അർജന്റീന ടീമിനെ മാറഡോണ പരിശീലിപ്പിച്ചിരുന്നു. 2010 ലോകകപ്പിലെ പുറത്താകലിനെത്തുടർന്ന് സ്ഥാനം നഷ്ടപ്പെട്ടു. 1986 ലോകകപ്പിൽ അർജന്റീനയെ കിരീടത്തിലെത്തിച്ചത് മാറഡോണയായിരുന്നു. 1977 മുതൽ 1994വരെ 91 മത്സരങ്ങളിൽ അർജന്റൈൻ ജഴ്സി അണിഞ്ഞു.
Read Moreഏഷ്യ കപ്പ് ക്രിക്കറ്റ് ട്രോഫി അനാവരണം ചെയ്തു
ദുബായ്: ഏഷ്യ കപ്പ് ക്രിക്കറ്റ് ട്രോഫി ദുബായിയിൽ ഇന്നലെ അനാവരണം ചെയ്തു. ഈ മാസം 15 മുതൽ യുഎഇയിലാണ് ഏഷ്യ കപ്പ് ക്രിക്കറ്റ് നടക്കുക. ഇന്ത്യ, പാക്കിസ്ഥാൻ, ഹോങ്കോംഗ് എന്നിവയാണ് ഗ്രൂപ്പ് എയിലുള്ളത്. ഗ്രൂപ്പ് ബിയിൽ ശ്രീലങ്ക, ബംഗ്ലാദേശ്, അഫ്ഗാനിസ്ഥാൻ എന്നിവയാണുള്ളത്. വിരാട് കോഹ്ലിക്ക് വിശ്രമം അനുവദിച്ചതിനാൽ രോഹിത് ശർമയാണ് ഇന്ത്യയെ നയിക്കുക. ആറ് തവണ കിരീടം നേടിയ ഇന്ത്യയാണ് ഏഷ്യ കപ്പ് ഏറ്റവും അധികം സ്വന്തമാക്കിയിട്ടുള്ളത്. 18ന് വൈകുന്നേരം അഞ്ചിന് ഹോങ്കോംഗിനെതിരേയാണ് ഇന്ത്യയുടെ ആദ്യ മത്സരം. 19നാണ് ഇന്ത്യ – പാക് പോരാട്ടം.
Read Moreചരിത്രവിജയവുമായി ഒസാക; ഫൈനലിൽ സെറീന എതിരാളി
ന്യൂയോർക്ക്: യുഎസ് ഓപ്പണ് ചരിത്രത്തില് ഫൈനലിലെത്തുന്ന ആദ്യ ജാപ്പനീസ് വനിതാ താരമെന്ന ബഹുമതി നവോമി ഒസാക സ്വന്തമാക്കി. ഒസാക സെമി ഫൈനലിൽ അമേരിക്കയുടെ മാഡിസണ് കീസിനെ കീഴടക്കിയത്. നേരിട്ടുള്ള സെറ്റുകൾക്കാണ് ഒസാക്കയുടെ ജയം. സ്കോർ: 6-2,6-4. അമേരിക്കയുടെ സെറീന വില്യംസാണ് ഫൈനലിൽ ഒസാകയുടെ എതിരാളി. ലാത്വിയൻ താരം അനാസ്താസ്യ സെവസ്തോവയെ 6-3, 6-0ന് തോല്പ്പിച്ചാണ് സെറീന ഫൈനലിൽ എത്തിയത്. ഒറ്റ ഗെയിംപോലും വഴങ്ങാതെയാണ് രണ്ടാം സെറ്റ് സ്വന്തമാക്കിയത്. ആദ്യ ഗ്രാൻഡ് സ്ലാം ഫൈനലിനാണ് ഒസാക ഒരുങ്ങുന്നത്. അതേസമയം, മുപ്പത്തിയൊന്നാം ഗ്രാൻഡ്സ്ലാം ഫൈനലിനാണ് സെറീന ഇറങ്ങുന്നത്. ജയിച്ചാൽ മാർഗററ്റ് കോർട്ടിന്റെ 24 ഗ്രാൻഡ് സ്ലാം കിരീടങ്ങളെന്ന റിക്കാർഡിനൊപ്പം എത്താനാവും.
Read Moreഏഷ്യൻ ഗെയിംസ് ജേതാക്കൾക്കു വരവേൽപ്
നെടുന്പാശേരി: ഏഷ്യൻ ഗെയിംസിൽ സ്വർണം, വെള്ളി മെഡലുകൾ നേടിയ വി.കെ. വിസ്മയ, ജിത്തു ബേബി എന്നിവർക്കു വിമാനത്താവളത്തിൽ സ്വീകരണം നൽകി. വിസ്മയയുടെ മാതാപിതാക്കളായ വിനോദ്, സുജാത, സഹോദരി വിജിഷ, അത്ലറ്റിക്സ് അസോസിയേഷൻ, സ്പോർട്സ് അഥോറിറ്റി ഭാരവാഹികളായ ബേബി മാത്യു, പി.ഐ. സാബു, പി.പി. പോൾ, രാജു പോൾ, വിനയചന്ദ്രൻ തുടങ്ങിയവർ വിമാനത്താവളത്തിൽ സ്വീകരിക്കാനെത്തിയിരുന്നു.
Read Moreഎംബാപ്പെയ്ക്കു മൂന്നു മത്സരങ്ങളില് വിലക്ക്
പാരീസ്: പാരീ സാന് ഷെര്മയിന് താരം കൈലിയന് എംബാപ്പെയ്ക്കു മൂന്നു ഫ്രഞ്ച് ലീഗ് വണ് മത്സരങ്ങളില്നിന്നു വിലക്ക്. കഴിഞ്ഞയാഴ്ച നിമെസിനെതിരേയുള്ള മത്സരത്തില് ചുവപ്പ് കാര്ഡ് സംഭവത്തെത്തുടര്ന്നാണ് എംബാപ്പെയ്ക്കു വിലക്കുവന്നത്. പത്തൊമ്പതുകാരനായ താരം ഫ്രാന്സിന്റെ ലോകകപ്പ് നേടിയ ടീമില് അംഗമായിരുന്നു. ലോകകപ്പിലെ മികച്ച യുവതാരത്തിനുള്ള പുരസ്കാരവും എംബാപ്പെയ്ക്കായിരുന്നു. നിമെസിനെതിരേ 4-2ന് പിഎസ്ജി ജയിച്ച മത്സരത്തില് യുവതാരം ഗോള് നേടിയിരുന്നു. കളിയുടെ അവസാന മിനിറ്റുകളില് പന്തുമായി മുന്നേറിയ എംബാപ്പെയെ തെജി സാവനിര് ഫൗള് ചെയ്തു വീഴ്ത്തിയിരുന്നു. ഇതില് പ്രകോപിതനായി താരം എഴുന്നേറ്റ് വന്ന് നിമെസ് മിഡ്ഫീല്ഡറെ തള്ളി താഴെയിട്ടു. ഇതോടെ റഫറി ഇരുവര്ക്കും ചുവപ്പ് കാര്ഡ് നല്കി. സാവനീര്ക്ക് അഞ്ചു കളിയിലാണ് വിലക്ക്. 14ന് സാന് എറ്റിനെയ്ക്കെതിരേയും 23ന് റെനേസിനെതിരേയും 26ന് റിംസിനെതിരേയുമുള്ള മത്സരങ്ങളാണ് എംബാപ്പെയ്ക്കു നഷ്ടമാകുക.
Read Moreക്രിക്കറ്റിന്റെ എല്ലാ ഫോർമാറ്റിൽനിന്നും വിരമിക്കുന്നതായി ആർ.പി. സിംഗ്
മുംബൈ: ഇന്ത്യൻ ക്രിക്കറ്റ് താരം ആർ.പി. സിംഗ് വിരമിക്കൽ പ്രഖ്യാപിച്ചു. ക്രിക്കറ്റിന്റെ എല്ലാ ഫോർമാറ്റിൽനിന്നും വിരമിക്കുന്നതായി പേസ് ബൗളർ ഇന്നലെ അറിയിച്ചു. 2005 സെപ്റ്റംബർ നാലിനാണ് ആർ.പി. സിംഗ് ഇന്ത്യക്കായി ഏകദിന അരങ്ങേറ്റം നടത്തിയത്. 2011 സെപ്റ്റംബർ 16ന് ഇംഗ്ലതണ്ടിനെതിരേയായിരുന്നു അവസാന ഏകദിനം. 58 ഏകദിനത്തിൽനിന്നായി 69 വിക്കറ്റ് വീഴ്ത്തി.2006 ജനുവരിയിൽ പാക്കിസ്ഥാനെതിരേയാണ് ടെസ്റ്റ് അരങ്ങേറ്റം. 2011 ഓഗസ്റ്റിൽ ഇംഗ്ലണ്ടിനെതിരേയാണ് അവസാന മത്സരം. 14 ടെസ്റ്റിൽനിന്ന് 40 വിക്കറ്റുകൾ സ്വന്തമാക്കി. 10 ട്വന്റി-20യിൽനിന്ന് 15 വിക്കറ്റും നേടി.
Read Moreജഡേജയും വിഹാരിയും ഓവലിൽ കളിച്ചേക്കും
ഓവൽ: ഇംഗ്ലണ്ടിനെതിരായ അഞ്ചാം ടെസ്റ്റിനിറങ്ങുന്ന ഇന്ത്യൻ ടീമിൽ മാറ്റങ്ങളുണ്ടായേക്കുമെന്ന് സൂചന. ആദ്യ നാല് ടെസ്റ്റുകൾ കളിച്ച ആർ.അശ്വിന് പകരം രവീന്ദ്ര ജഡേജയെ ഇന്ത്യ പരീക്ഷിച്ചേക്കും. ഓൾ റൗണ്ടർ എന്ന നിലയിൽ ഒരു ടെസ്റ്റിൽ മാത്രം തിളങ്ങിയ ഹർദിക് പാണ്ഡ്യയ്ക്കും സ്ഥാനചലനം സംഭവിക്കുമെന്നാണ് സൂചന. പകരം ഹനുമ വിഹാരി ടെസ്റ്റ് അരങ്ങേറ്റം നടത്തും. മോശം ഫോമിൽ കളിക്കുന്ന ഓപ്പണർമാരിൽ ഒരാളെ മാറ്റി പൃഥ്വി ഷായ്ക്ക് അവസരം നൽകുമെന്നും സ്ഥിരീകരിക്കാത്ത റിപ്പോർട്ടുണ്ട്. എന്നാൽ വിക്കറ്റ് കീപ്പർ സ്ഥാനത്ത് ഋഷഭ് പന്തിന് നിലവിൽ ഭീഷണിയില്ല. ആദ്യ രണ്ടു ടെസ്റ്റുകൾ കളിച്ച ദിനേശ് കാർത്തിക് പരാജയമായതോടെയാണ് മൂന്നും നാലും ടെസ്റ്റുകളിൽ പന്ത് വിക്കറ്റിന് പിന്നിൽ ഗ്ലൗ അണിഞ്ഞത്. ബാറ്റിംഗിൽ കാര്യമായി ശോഭിച്ചില്ലെങ്കിലും വിക്കറ്റിന് പിന്നിൽ പന്ത് മികച്ച പ്രകടനം കാഴ്ചവച്ചു. പുതുമുഖം എന്ന നിലയിൽ പന്തിന്റെ ബാറ്റിംഗിലെ പിഴവ് ടീം മാനേജ്മെന്റ് നിലവിൽ…
Read More