പാരീസ്: ഫ്രഞ്ച് ഓപ്പണ് ടെന്നീസ് പുരുഷ വിഭാഗം സിംഗിള്സ് ഫൈനലിൽ നിലവിലെ ചാന്പ്യനും ലോക ഒന്നാം നന്പർ താരവുമായ സ്പെയിനിന്റെ റാഫേൽ നദാലും ഓസ്ട്രിയയുടെ ഡൊമിനിക് തീമും ഏറ്റുമുട്ടും. 11-ാം ഫ്രഞ്ച് ഓപ്പൺ കിരീടത്തിനായി ലക്ഷ്യംവയ്ക്കുന്ന നദാൽ സെമിയിൽ അർജന്റീനയുടെ ഹ്വാൻ മാർട്ടിൻ ഡെൽപൊട്രോയെയാണ് കീഴടക്കിയത്. സ്കോർ: 6-4, 6-1, 6-2. സെമിയില് ഇറ്റലിയുടെ മാര്ക്കോ ചെക്കിനാറ്റോയെ കീഴടക്കിയാണ് തീം കലാശപ്പോരാട്ടത്തിനു യോഗ്യത കരസ്ഥമാക്കിയത്. സ്കോര്: 7-5, 7-6(12-10), 6-1. ടൈബ്രേക്കറിലൂടെയായിരുന്നു ഓസ്ട്രിയന് താരം രണ്ടാം സെറ്റ് നേടിയത്. ആറ് എയ്സുകള് ഓസ്ട്രിയന് താരത്തിന്റെ റാക്കറ്റില്നിന്ന് പാഞ്ഞപ്പോള് ചെക്കിനാറ്റോ മൂന്നെണ്ണം പായിച്ചു. വനിതാ ഫൈനല് ഇന്ന് വനിതാ വിഭാഗം സിംഗിള്സ് ജേതാവിനെ ഇന്ന് അറിയാം. ഇന്ത്യന് സമയം വൈകുന്നേരം 6.30ന് നടക്കുന്ന മത്സരത്തില് ലോക ഒന്നാം നമ്പര് താരം റൊമാനിയയുടെ സിമോണ ഹാലെപ്പ് പത്താം സീഡായ അമേരിക്കയുടെ…
Read MoreCategory: Sports
കോഹ്ലിക്കു ബിസിസിഐ പുരസ്കാരം
ന്യൂഡൽഹി: കഴിഞ്ഞ രണ്ടു സീസണുകളിലെ മികച്ച അന്താരാഷ്ട്ര ക്രിക്കറ്റ് താരത്തിനുള്ള ബിസിസിഐയുടെ പോളി ഉമ്രിഗർ പുരസ്കാരം ഇന്ത്യൻ ക്യാപ്റ്റൻ വിരാട് കോഹ്ലിക്ക്. ബിസിസിഐ ആദ്യമായി പ്രഖ്യാപിച്ച മികച്ച വനിതാ താരത്തിനുള്ള അവാർഡ് ലോകകപ്പ് സൂപ്പർ സ്റ്റാറുകളായ ഹർമൻപ്രീത് കൗർ, സ്മൃതി മന്ദാന എന്നിവർ നേടി. 2016-17 സീസണിലെ അവാർഡും ഹർമൻപ്രീത് കൗറിനും 2017-18 സീസണിലെ അവാർഡ് സ്മൃതി മന്ദാനയ്ക്കുമാണ്. 12ന് ബംഗളൂരുവിൽവച്ച് അവാർഡുകൾ വിതരണം ചെയ്യും. 2016-17 സീസണിൽ കോഹ്ലി 13 ടെസ്റ്റ് മത്സരങ്ങളിൽ നിന്നായി 74 ശരാശരിയിൽ 1,332 റണ്സും 27 ഏകദിനങ്ങളിൽനിന്നായി 84.22 ശരാശരിയിൽ 1,516 റൺസും സ്വന്തമാക്കിയിട്ടുണ്ട്. 2017-18 സീസണിൽ എട്ടു ടെസ്റ്റുകളിൽ നിന്ന് 89.6 ശരാശരിയിൽ കോഹ്ലിക്ക് 896 റണ്സും ഏകദിനത്തിൽ 75.50 ശരാശരിയുമുണ്ട്. 2016-17 സീസണിൽ വനിതാ താരങ്ങളിലെ ലൈഫ് ടൈം അച്ചീവ്മെന്റ് അവാർഡ് ഡയാന എഡുൾജി നിരസിച്ചു. കമ്മിറ്റി…
Read Moreഅർജുൻ തെണ്ടുൽക്കർ അണ്ടർ 19 ടീമിൽ
മുംബൈ: ഇന്ത്യൻ ക്രിക്കറ്റ് ഇതിഹാസമായ സച്ചിൻ തെണ്ടുൽക്കറിന്റെ മകൻ അർജുൻ ശ്രീലങ്കൻ പര്യടനത്തിനുള്ള അണ്ടർ 19 ടീമിൽ. ഇടങ്കയ്യൻ സീമറും ബാറ്റ്സ്മാനുമായ അർജുൻ തെണ്ടുൽക്കർ മുംബൈ അണ്ടർ 14, 16 ടീമുകളിൽ കളിച്ചിട്ടുണ്ട്. ഈ വർഷം ആദ്യം സിഡ്നിയിൽ നടന്ന ക്രിക്കറ്റ് ഗ്ലോബൽ ചലഞ്ചിലെ ഒരു മത്സരത്തിൽ 27 പന്തിൽ 48 റണ്സ് നേടുകയും നാല് വിക്കറ്റ് സ്വന്തമാക്കുകയും ചെയ്തിരുന്നു. അടുത്ത മാസമാണ് പര്യടനം. പതിനെട്ടുകാരനായ അർജുൻ തെണ്ടുൽക്കറെ ചതുർദിന ടീമിലാണ് ഉൾപ്പെടുത്തിയിരിക്കുന്നത്.
Read Moreഹാലെപ്പ് ഫൈനലിൽ; നദാൽ സെമിയിൽ
പാരീസ്: ഫ്രഞ്ച് ഓപ്പണ് ടെന്നീസ് വനിതാ സിംഗിൾസിൽ ലോക ഒന്നാം നന്പർ താരം റൊമാനിയയുടെ സിമോണ ഹാലെപ്പ് ഫൈനലിൽ. മൂന്നാം സീഡായ സ്പെയിനിന്റെ ഗാർബിനെ മുഗുരുസയെയാണ് ഹാലെപ്പ് നേരിട്ടുള്ള സെറ്റുകൾക്ക് സെമിയിൽ കീഴടക്കിയത്. സ്കോർ: 6-1, 6-4. തലേ ദിവസത്തെ മഴയ്ക്കുശേഷം പുരുഷ വിഭാഗം സിംഗിൾസ് പോരാട്ടത്തിനിറങ്ങിയ റാഫേൽ നദാലും യുവാൻ മാർട്ടിൻ ഡെൽ പൊട്രോയും സെമിയിൽ. ആദ്യ സെറ്റ് നഷ്ടമായശേഷം ശക്തമായി തിരിച്ചുവന്നാണ് നിലവിലെ ചാന്പ്യനായ നദാൽ സെമിയിലെത്തിയത്. അർജന്റീനയുടെ ഡിയേഗോ ഷ്വാർട്സ്മാനെ 4-6, 6-3, 6-2, 6-2നാണ് നദാൽ കീഴടക്കിയത്. സെമിയിൽ നദാൽ അർജന്റീനയുടെ യുവാൻ മാർട്ടിൻ ഡെൽ പൊട്രോയെ നേരിടും. ഡെൽ പൊട്രോ 7-6, 5-7, 6-3, 7-5ന് മരീൻ സിലിച്ചിനെ പരാജയപ്പെടുത്തി.
Read Moreറൊണാൾഡോ റയൽ വിട്ടു!
ബർലിൻ: പോർച്ചുഗീസ് സൂപ്പർ ഫുട്ബോളർ ക്രിസ്റ്റ്യാനോ റൊണാൾഡോ സ്പാനിഷ് ക്ലബ്ബായ റയൽ മാഡ്രിഡ് വിടാൻ തീരുമാനിച്ചു. പോർച്ചുഗീസ് പത്രമായ റിക്കാർഡ് ആണ് ഇക്കാര്യം റിപ്പോർട്ട് ചെയ്തത്. 2009 മുതൽ റൊണാൾഡോ റയലിലായിരുന്നു. റൊണാൾഡോ ഇംഗ്ലീഷ് ക്ലബ്ബായ മാഞ്ചസ്റ്റർ യുണൈറ്റഡിലെത്തുമെന്നും റിപ്പോർട്ടുണ്ട്. ഫ്രഞ്ച് മധ്യനിരതാരമായ പോൾ പോഗ്ബയും 1,108 കോടി രൂപയുമാണ് റൊണാൾഡോയുടെ ട്രാൻസ്ഫർ മൂല്യമെന്നും ലണ്ടനിൽനിന്നുള്ള പത്രങ്ങൾ റിപ്പോർട്ട് ചെയ്തു. പ്രതിഫലം വർധിപ്പിക്കണമെന്ന റൊണാൾഡോയുടെ അഭ്യർഥന റയൽ ബോസ് ഫ്ലോറന്റീനോ പെരസ് മാനിച്ചില്ലെന്നതാണ് റൊണാൾഡോ റയൽ വിടാനുള്ള കാരണം എന്നാണ് റിപ്പോർട്ട്. റൊണാൾഡോ പണത്തിന്റെ പിറകെ പോകുന്നില്ല, പക്ഷെ കൂടുതൽ അംഗീകാരം ഇഷ്ടപ്പെടുന്നു, എന്നാൽ പ്രതിഫലം കൂട്ടാതെ വരുന്പോൾ ഒരു കൂടുമാറ്റത്തിനായി പ്രേരിപ്പിക്കപ്പെടുന്നു എന്നും പത്രം പറയുന്നു. സ്പാനിഷ് ക്ലബ്ബായ റയലിന്റെ ഉടമകളും റൊണാൾഡോയുെട കണ്സൾട്ടന്റായ ജോർജ് മെൻഡസും തമ്മിൽ കൂടിക്കാഴ്ച നടത്തിയിരുന്നു. ഇപ്പോഴത്തെ പ്രതിഫലമായ 21…
Read Moreസുവാരസും സലയുമുള്ള എ
ലോകകപ്പ് ഫുട്ബോൾ ഗ്രൂപ്പ് എ രണ്ട് താരങ്ങളാൽ ശ്രദ്ധേയം. ഒന്ന് ഉറുഗ്വെയുടെ ‘കടിയൻ’ എന്നുവിശേഷിപ്പിക്കപ്പെടുന്ന ലൂയിസ് സുവാരസ്. രണ്ട് ഈ സീസണിൽ ഏവരും ചർച്ച ചെയ്ത ഈജിപ്ഷ്യൻ താരം മുഹമ്മദ് സല. ഈ സീസണിൽ ഇംഗ്ലീഷ് ക്ലബ് ലിവർപൂളിനായി 44 ഗോളടിച്ച സലയുടെ മികവാണ് ഈജിപ്തിന് പ്രതീക്ഷയേകിയിരുന്നത്. എന്നാൽ, ചാന്പ്യൻസ് ലീഗ് ഫൈനലിൽ സലയുടെ തോളിനു പരിക്കേറ്റതോടെ ഈജിപ്ത് ആശങ്കയിലായി. ഗ്രൂപ്പിലെ എല്ലാ കളികളിലും സല ഉണ്ടാകുമോ എന്ന് ഇതുവരെ സ്ഥിരീകരിച്ചിട്ടില്ല. ഈജിപ്തിന്റെ ലോകകപ്പ് മുന്നൊരുക്കത്തിന് കനത്ത പ്രഹരമായിരിക്കുകയാണ് സലയുടെ പരിക്ക്. ലൂയിസ് സുവാരസ്, എഡിസൻ കവാനി തുടങ്ങിയവരുടെ കരുത്താണ് ഉറുഗ്വെയ്ക്ക് ശക്തി പകരുന്നത്. ആതിഥേയരായ റഷ്യക്ക് സ്വന്തം കാണികളുടെ അകമഴിഞ്ഞ പിന്തുണ ഉണ്ട്. തങ്ങളുടെ രാജ്യത്ത് നടക്കുന്ന ആദ്യ ലോകകപ്പിൽ മികച്ച പ്രകടനം പുറത്തെടുക്കേണ്ട ഉത്തരവാദിത്തമാണ് റഷ്യക്കുള്ളത്. ലോകകപ്പ് കളിക്കുന്ന രാജ്യങ്ങളിൽ ഫിഫ റാങ്കിൽ ഏറ്റവും…
Read Moreബെൽജിയത്തിന്റെ ടെക്ബോൾ ടേബിൾ തന്ത്രം!
ലോകകപ്പ് ഫുട്ബോളിനു സജ്ജമാകാൻ ബെൽജിയൻ ടീമിനു പരിശീലനത്തിനായി പുതിയ സാങ്കേതിക വിദ്യ. 2000 പൗണ്ട് വില വരുന്ന ടെക്ബോൾ ടേബിളാണ് കോച്ച് റോബർട്ടോ മാർട്ടിനസ് അവതരിപ്പിച്ചിരിക്കുന്നത്. ബെൽജിയം ടീമിന്റെ കഴിഞ്ഞ തിങ്കളാഴ്ചത്തെ പരിശീലനത്തിൽ പ്രധാന ഘടകമായിരുന്നു ഈ ടെക്ബോൾ ടേബിൾ. പന്തടക്കം സൂക്ഷമമായി പരിശീലിക്കാൻ ഈ കളി സഹായിക്കുമെന്നാണ് വിലയിരുത്തൽ. ടേബിൾ വയർ ചെയ്യപ്പെടുകയും കളിക്കാർ എതിരാളിയുടെ വശത്തുനിന്ന് നിലത്ത് തൊടാതെ പന്ത് അടിക്കാൻ ശ്രമിക്കുകയുമാണ് ചെയ്യുന്നത്. മറ്റു കളിക്കാർ പന്തിന്റെ നീക്കം ശ്രദ്ധിക്കുകയും തുടർന്നു ഗോൾ പോസ്റ്റിനെ ലക്ഷ്യമാക്കുകയും ചെയ്യുന്ന ഒരു വിശേഷപ്പെട്ട രീതിയാണ് കോച്ച് അവതരിപ്പിക്കുന്നത്. ലോകകപ്പിന്റെ സമയബന്ധിതമായ ഷെഡ്യൂളിനു മുന്നോടിയായി ബെൽജിയം കളിക്കാർ ഈ രീതി സ്വായത്തമാക്കിയെന്നാണ് കോച്ച് അവകാശപ്പെടുന്നത്. ഗ്രൂപ്പ് ജിയിൽ ബെൽജിയത്തിന്റെ എതിരാളികൾ പാനമ, ടുണീഷ്യ ഇംഗ്ലണ്ട് എന്നിവയാണ്. ജൂണ് 18 നാണ് ബെൽജിയത്തിന്റെ ആദ്യ മൽസരം. പാനമയുമായി സോച്ചിയിലാണ്…
Read Moreഇന്ത്യയെ ബംഗ്ലാദേശ് ഞെട്ടിച്ചു
ക്വലാംപുര്: ഏഷ്യ കപ്പ് വനിതാ ട്വന്റി-20 ക്രിക്കറ്റില് ഇന്ത്യക്ക് അപ്രതീക്ഷിത തോല്വി. ബംഗ്ലാദേശ് ഏഴു വിക്കറ്റിന് ഇന്ത്യയെ തകര്ത്തു. ആദ്യം ബാറ്റ് ചെയ്ത ഇന്ത്യ 20 ഓവറില് ഏഴു വിക്കറ്റിന് 141 റണ്സ് എടുത്തു. മറുപടിയില് ബംഗ്ലാദേശ് 19.4 ഓവറില് മൂന്നു വിക്കറ്റിന് 142 റൺസ് നേടി. വനിത ക്രിക്കറ്റില് ഏതു ഫോര്മാറ്റിലും ഇന്ത്യക്കെതിരേ ബംഗ്ലാദേശിന്റെ ആദ്യ ജയമാണ്. ബംഗ്ലാദേശിനായി മികച്ച ഓള് റൗണ്ട് പ്രകടനം നടത്തിയ റുമാന അഹമ്മദാണ് പ്ലയര് ഓഫ് ദ മാച്ച്. ഈ മത്സരത്തിനു മുമ്പുവരെ 2013 ഏപ്രില് മുതല് പത്ത് ട്വന്റി-20യിലും ബംഗ്ലാദേശിന് തോല്വിയായിരുന്നു. ആദ്യ മത്സരങ്ങളില് തായ്ലന്ഡിനെയും മലേഷ്യയെയും പരാജയപ്പെടുത്തിയ ഇന്ത്യയുടെ ബാറ്റിംഗ് ബംഗ്ലാദേശിനെതിരേ തീര്ത്തും മോശമായി. നായിക ഹര്മന്പ്രീത് കൗർ (37 പന്തില് 42), ദീപ്തി ശര്മ (28 പന്തില് 32) എന്നിവര്ക്കു മാത്രമേ ഭേദപ്പെട്ട പ്രകടനം നടത്താനായുള്ളൂ.…
Read Moreഫ്രഞ്ച് ഓപ്പൺ: ഹാലപ്പ് സെമിയിൽ
പാരീസ്: ലോക ഒന്നാം നമ്പർ സിമോണ ഹാലപ്പ് ഫ്രഞ്ച് ഓപ്പൺ സെമിയിൽ കടന്നു. ആംഗലിക് കെർബറെ പരാജയപ്പെടുത്തിയാണ് ഹാലപ്പ് അവസാന നാലിൽ കടന്നത്. ആദ്യ സെറ്റ് ശക്തമായ പോരാട്ടത്തിനൊടുവിൽ ടൈബ്രേക്കറിൽ നഷ്ടമായ ഹാലപ്പ് രണ്ടും മൂന്നും സെറ്റുകൾ അനായാസം ജയിച്ചാണ് തിരിച്ചടിച്ചത്. സ്കോർ: 6-7 (2-7), 6-3, 6-2. ഹാലപ്പ് സെമിയിൽ മുഗുരുസയെ നേരിടും. റഷ്യയുടെ ഷറപ്പോവയെ പരാജയപ്പെടുത്തിയാണ് മുഗുരുസ സെമിയിൽ കടന്നത്.
Read Moreസൈനയ്ക്കും സിന്ധുവിനും രണ്ടിടത്ത് പരിശീലനം!
ഹൈദരാബാദ്: ഇന്ത്യയുടെ വനിതാ ബാഡ്മിന്റണ് സൂപ്പർ താരങ്ങളായ സൈന നെഹ്വാളിനും പി.വി. സിന്ധുവിനും രണ്ട് കേന്ദ്രങ്ങളിലായി പരിശീലനം നല്കി ദേശീയ ടീം പരിശീലകൻ പുല്ലേല ഗോപിചന്ദ്. ഒരേ സ്ഥലത്ത് പരിശീലനം നടത്താൻ ഇരുവരും വൈമുഖ്യം കാണിച്ചതാണ് രണ്ട് താരങ്ങൾക്കും രണ്ട് സ്ഥലങ്ങളിലായി ക്രമീകരിക്കാൻ കാരണമെന്നാണ് റിപ്പോർട്ട്. കോമണ്വെൽത്ത് ഗെയിംസിൽ ടീം ഇനത്തിൽ ഇന്ത്യ സ്വർണം നേടിയതിനുശേഷമാണ് ഈ ക്രമീകരണം ഉണ്ടായത്. ഇന്ത്യൻ കോച്ചിംഗ് സംഘത്തിന്റെയും താരങ്ങളുടെയും തീരുമാനപ്രകാരമാണ് പുതിയ ക്രമീകരണം നടത്തിയതെന്നാണ് ഗോപിചന്ദിന്റെ വിശദ്ധീകരണം. കഴിഞ്ഞ സെപ്റ്റംബറിലാണ് സൈന ഗോപീചന്ദ് അക്കാദമിയിലേക്ക് തിരിച്ചെത്തിയത്. സിന്ധുവിനു കൂടുതൽ ശ്രദ്ധ ലഭിക്കുന്നെന്ന കാരണത്താൽ സൈന ഗോപിചന്ദിന്റെ ശിക്ഷണത്തിൽനിന്ന് 2014 സെപ്റ്റംബറിൽ മാറിയിരുന്നു. തുടർന്ന് ബംഗളൂരുവിൽ വിമൽ കുമാറിന്റെ കീഴിലായിരുന്നു സൈനയുടെ പരിശീലനം.
Read More