സിഡ്നി: ഓസ്ട്രേലിയൻ ക്രിക്കറ്റ് ടീം നായകൻ സ്റ്റീവ് സ്മിത്തിന് അലൻ ബോർഡർ മെഡൽ. കഴിഞ്ഞ 12 മാസം ബാറ്റിംഗിൽ സ്മിത്ത് പുലർത്തിയ മികവാണ് ബോർഡർ മെഡലിലെത്തിച്ചത്. രണ്ടാം തവണയാണ് സ്മിത്ത് ഈ നേട്ടം കൈവരിക്കുന്നത്. ക്രിക്കറ്റ് ഇതിഹാസം ഡൊണാൾഡ് ബ്രാഡ്മാനുശേഷം ഓസ്ട്രേലിയയുടെ ഏറ്റവും മികച്ച ബാറ്റ്സ്മാനെന്നാണ് സ്മിത്തിനെ വിശേഷിപ്പിക്കുന്നത്. മെഡലിനുള്ള താരങ്ങളെ തെരഞ്ഞെടുക്കുന്നതിനുള്ള വോട്ടെടുപ്പിൽ ഓസീസ് നായകൻ 246 വോട്ട് നേടി. രണ്ടു തവണ ബോർഡർ മെഡൽ നേടിയ ഡേവിഡ് വാർണർ (162 വോട്ട്) രണ്ടാം സ്ഥാനത്തെത്തിയപ്പോൾ നഥാൻ ലിയോണ് (156 വോട്ട്) മൂന്നാംസ്ഥാനം നേടി. 2015ലാണ് സ്മിത്ത് ആദ്യമായി ബോർഡർ മെഡൽ നേടുന്നത്. കഴിഞ്ഞ വർഷത്തെ ഓസ്ട്രേലിയയുടെ ടെസ്റ്റ് പ്ലെയർ ഓഫ് ദ ഇയർ ആയി സ്മിത്തിനെ തെരഞ്ഞെടുത്തിരുന്നു.
Read MoreCategory: Sports
ദക്ഷിണാഫ്രിക്കൻ സ്പിന്നർ ഇമ്രാൻ താഹിറിനു നേരെ വംശീയാധിക്ഷേപം
ജൊഹാനസ്ബർഗ്: ദക്ഷിണാഫ്രിക്കൻ സ്പിൻ ബൗളർ ഇമ്രാൻ താഹിറിനു നേരെ ആരാധകരുടെ വംശീയാധിക്ഷേപം. ഇന്ത്യക്കെതിരായ ഏകദിന പരന്പരയിലെ നാലാം ഏകദിന മൽസരത്തിനിടെയാണ് ഇമ്രാൻ താഹിർ വംശീയമായി അധിക്ഷേപിക്കപ്പെട്ടത്. കാണികളിലൊരാൾ താഹിറിനെ വംശീയമായി അധിക്ഷേപിക്കുകയായിരുന്നുവെന്നും സംഭവം സ്റ്റേഡിയത്തിലെ സുരക്ഷ ഉദ്യോഗസ്ഥരോട് റിപ്പോർട്ട് ചെയ്തതിനെ തുടർന്ന് അവരുടെ സാന്നിധ്യത്തിൽ താഹിർ തന്നെ അധിക്ഷേപം നടത്തിയ ആളെ തിരിച്ചറിഞ്ഞതായും ഇയാളെ സ്റ്റേഡിയത്തിന് പുറത്താക്കിയതായും ദക്ഷിണാഫ്രിക്കൻ ക്രിക്കറ്റ് ബോർഡ് അറിയിച്ചു. താഹിറിനെ വംശീയമായി അധിക്ഷേപിച്ച വ്യക്തിയുടെ കൂടുതൽ വിവരങ്ങൾ ഇതുവരെ പുറത്തുവിട്ടിട്ടില്ല. എന്നാൽ താഹിറിനെതിരായ ദക്ഷിണാഫ്രിക്കൻ ആരാധകന്റെ അധിക്ഷേപത്തിന്റെ ദൃശ്യങ്ങൾ നവമാധ്യമങ്ങളിൽ പ്രചരിക്കുന്നുണ്ട്. ഇത് ശ്രദ്ധയിൽപ്പെട്ടിട്ടുണ്ടെന്ന് ദക്ഷിണാഫ്രിക്കൻ ക്രിക്കറ്റ് ബോർഡ് വ്യക്തമാക്കി. ‘
Read Moreഏകദിന റൺസിൽ ഇന്ത്യക്കാരില് കോഹ്ലി അഞ്ചാമന്
ന്യൂഡൽഹി: ഏകദിനത്തില് ഏറ്റവും കൂടുതല് റണ്സുള്ള ഇന്ത്യക്കാരില് ഇന്ത്യന് നായകന് വിരാട് കോഹ്ലി അഞ്ചാം സ്ഥാനത്ത്. ദക്ഷിണാഫ്രിക്കയ്ക്കെതിരേയുള്ള നാലാം ഏകദിനത്തില് 75 റണ്സ് നേടിക്കൊണ്ടാണ് കോഹ്ലി മുന് ഇന്ത്യന് നായകന് മുഹമ്മദ് അസ്ഹറുദിനെ (9378) മറികടന്നത്. വാണ്ടേഴ്സിലെ പ്രകടനം കഴിഞ്ഞപ്പോള് ഇന്ത്യന് നായകന്റെ സ്കോര് 206 ഏകദിനത്തില്നിന്ന് 57.45 ശരാശരിയില് 9423ലെത്തി. കോഹ്ലി വെസ്റ്റ് ഇന്ഡീസ് ബാറ്റ്സ്മാന് ക്രിസ് ഗെയ്ലിനെ മറികടന്നു. ഗെയ്ൽ 275 മത്സരങ്ങളില്നിന്ന് 9420 റണ്സ് എടുത്തിട്ടുണ്ട്. നിലവില് ബാറ്റ്സ്മാന്മാരുടെ പട്ടികയില് കോഹ്ലി 16-ാം സ്ഥാനത്താണ്. ഏകദിനത്തില് ഇതിഹാസതാരം സച്ചിന് തെണ്ടുല്ക്കര് (463 മത്സരങ്ങളില് 18426) ഒന്നാമതും ശ്രീലങ്കയുടെ കുമാര് സംഗക്കാര (14243), രണ്ടാമതുംഓസ്ട്രേലിയയുടെ റിക്കി പോണ്ടിംഗ് (13704) ആണ് മൂന്നാമത്. ഇന്ത്യക്കാരില് തെണ്ടുല്ക്കറിനു പിന്നില് സൗരവ് ഗാംഗുലി (11363), രാഹുല് ദ്രാവിഡ് (10889), എം.എസ്. ധോണി (9954) എന്നിവരാണ്. കോഹ് ലിക്ക് ഏകദിനത്തിൽ…
Read Moreറൊണാള്ഡോയ്ക്കു ഹാട്രിക്; റയലിനു വന് ജയം
മാഡ്രിഡ്: ക്രിസ്റ്റ്യാനോ റൊണാള്ഡോയുടെ ഹാട്രിക് മികവില് റയല് മാഡ്രിഡിന് തകര്പ്പന് ജയം. റയല് സോസിദാദിനെതിരേ നേടിയ 5-2ന്റെ അനായാസ ജയത്തോടെ റയല് ബുധനാഴ്ച പാരി സാന് ഷെര്മയിനെതിരേയുള്ള ചാമ്പ്യന്സ് ലീഗ് പ്രീക്വാര്ട്ടര് പോരാട്ടത്തിന് ഒരുങ്ങിത്തന്നെയാണ് വെളിപ്പെടുത്തി. ഇന്നലെ നടന്ന മത്സരത്തിൽ പോയിന്റ് നിലയിൽ ഒന്നാമതുള്ള ബാഴ്സലോണയെ ഗെറ്റഫെ ഗോൾരഹിത സമനിലയിൽ കുരുക്കി. മാഡ്രിഡിലാണ് യൂറോപ്പിലെ കരുത്തരായ റയാല് മാഡ്രിഡും പിഎസ്ജിയും ഏറ്റുമുട്ടുന്നത്. സ്വന്തം സാന്റിയാഗോ ബര്ണാബു സ്റ്റേഡിയത്തില് ആദ്യ മിനിറ്റ് മുതല് റയല് മാഡ്രിഡ് ആധിപത്യം നേടി. ആദ്യ പകുതി തീര്ന്നപ്പോള് റയല് നാലു ഗോളിന് മുന്നിലെത്തി. ആദ്യ മിനിറ്റിനുള്ളില് ലൂകാസ് വാസ്ക്വെസിന്റെ ഗോള്, റൊണാള്ഡോയുടെ ഇരട്ട ഗോള്, പിന്നെ ടോണി ക്രൂസിന്റെ തകര്പ്പനൊരു ഗോളുമായപ്പോള് ആദ്യ പകുതിയില്തന്നെ റയല് ജയം ഉറപ്പിച്ചു. രണ്ടാം പകുതിയില് പിറന്ന മൂന്നു ഗോളില് രണ്ടെണ്ണം സോസിദാദ് നേടി. ജോന് ബൗറ്റിസ്റ്റയും മുന്…
Read Moreമഴയും ഭാഗ്യവും എതിരായി; നാലാം ഏകദിനത്തിൽ ദക്ഷിണാഫ്രിക്കയ്ക്ക് ജയം
ജൊഹന്നാസ്ബര്ഗ്: മഴയും ഭാഗ്യവും ദക്ഷിണാഫ്രിക്കയെ ഇന്ത്യക്കെതിരേയുള്ള ഏകദിന പരമ്പരയിലെ നാലാം മത്സരത്തില് തുണച്ചു. കൂടാതെ ഡേവിഡ് മില്ലർക്ക് രണ്ടു തവണ ലഭിച്ച ജീവനും. പിന്നെ പിങ്ക് ജഴ്സി ഒരുക്കിയ ഭാഗ്യവും ദക്ഷിണാഫ്രിക്കയെ പരമ്പരയില് നിലനിര്ത്താന് സഹായിച്ചു. പിങ്ക് ജഴ്സിയില് ദക്ഷിണാഫ്രിക്ക ഇതുവരെ തോറ്റിട്ടില്ല. 50 ഓവര് മത്സരത്തില് ദക്ഷിണാഫ്രിക്കയുടെ ബാറ്റിംഗിനിടെ കടന്നുവന്ന മഴയെത്തുടര്ന്ന് ഡക്ക്വര്ത്ത് ലൂയിസ് നിയമമനുസരിച്ച് മത്സരം ട്വന്റി 20 ശൈലിയിലേക്കു മാറി. ഈ മാറ്റം ദക്ഷിണാഫ്രിക്കന് ബാറ്റ്സ്മാന്മാർക്കു ഗുണം ചെയ്തു. ആറു മത്സരങ്ങളുടെ പരമ്പരയില് രണ്ടു മത്സരംകൂടി ശേഷിക്കേ നാലാം മത്സരം ജയിച്ച ദക്ഷിണാഫ്രിക്ക പരമ്പര വേഗം അടിയറവുവയ്ക്കാനില്ലെന്നു വെളിപ്പെടുത്തി. പരമ്പരയില് ഇന്ത്യ 3-1ന് മുന്നിലാണ്. നാളെയാണ് അഞ്ചാം ഏകദിനം. 50 ഓവറില് 290 റണ്സ് ലക്ഷ്യമിട്ട് ബാറ്റിംഗിനിറങ്ങിയ ദക്ഷിണാഫ്രിക്കന് സ്കോര് ഒരു വിക്കറ്റിന് 43ലെത്തിയപ്പോള് മഴയും ഇടിമിന്നലുമെത്തി. അന്തരീക്ഷം തെളിഞ്ഞപ്പോള് കളിയുടെ കണക്കുകള്…
Read Moreപിങ്ക് ഏകദിനത്തിൽ ദക്ഷിണാഫ്രിക്കയിൽ ചരിത്രനേട്ടം ലക്ഷ്യമിട്ട് കോഹ്ലിപ്പട
ജൊഹന്നാസ്ബർഗ്: ദക്ഷിണാഫ്രിക്കയ്ക്കെതിരേയുള്ള ഏകദിന പരന്പരയിലെ ആദ്യ മൂന്നു മത്സരവും ജയിച്ചു നിൽക്കുന്ന ടീം ഇന്ത്യ പരന്പര നേട്ടത്തിന് ഒരു ജയം അകലെ. ഇന്നു നടക്കുന്ന നാലാം മത്സരം ജയിച്ചാൽ ഇന്ത്യ ആദ്യമായി ദക്ഷിണാഫ്രിക്കയിൽ ഏകദിന പരന്പര സ്വന്തമാക്കും. ആറു മത്സരങ്ങളുടെ പരന്പരയിൽ ഇന്ത്യ 3-0ന് മുന്നിലാണ്. 2010-11ൽ മഹേന്ദ്ര സിംഗ് ധോണി നയിച്ച ഇന്ത്യ അഞ്ചു മത്സരങ്ങളുടെ ഏകദിന പരന്പരയിൽ 2-1ന് മുന്നിൽനിന്നശേഷം 3-2ന് പരന്പര അടിയറവുവച്ചു. മൂന്നു മത്സരം ജയിച്ചു കഴിഞ്ഞ വിരാട് കോഹ്ലിയുടെ സംഘത്തിന് ഒരു ജയം മാത്രം നേടിയാൽ ദക്ഷിണാഫ്രിക്കൻ മണ്ണിൽ ഒരു പരന്പര നേട്ടം സ്വന്തമാക്കാനാകും. ആദ്യ മൂന്നു മത്സരങ്ങളിലും ആധികാരിക ജയം നേടിയ ഇന്ത്യ വാണ്ടറേഴ്സിൽ ഇന്നത്തെ മത്സരവും ജയിച്ച് പരന്പര നേട്ടം വൈകിക്കാതിരിക്കാനാകും ഇറങ്ങുക. പ്രധാന കളിക്കാർക്കെല്ലാം പരിക്കിന്റെ പിടിയിൽ അമർന്നിരിക്കുന്ന ദക്ഷിണാഫ്രിക്കൻ ടീമിൽ ഇന്നത്തെ മത്സരത്തിൽ എ.ബി.…
Read Moreകോഹ്ലി ഇന്ത്യയുടെ ഫാബുലസ് ഫോറിനൊപ്പമെന്നു ഗാംഗുലി
ന്യൂഡല്ഹി: ഇന്ത്യന് ക്രിക്കറ്റ് നായകന് വിരാട് കോഹ്ലിയെ ഇന്ത്യയുടെ ഫാബുലസ് ഫോറിനൊപ്പം ചേര്ക്കാനാകുമെന്ന് മുന് നായകന് സൗരവ് ഗാംഗുലി. ഒരുകാലത്ത് ഇന്ത്യയുടെ ബാറ്റിംഗില് പ്രധാനികളായിരുന്നു സച്ചിന് തെണ്ടുല്ക്കര്, രാഹുല് ദ്രാവിഡ്, വി.വി.എസ്. ലക്ഷ്മണ്, വിരേന്ദര് സെവാഗ് എന്നിവര്. ഇവരുടെ പാരമ്പര്യം കോഹ്ലിയിലുമുണ്ടെന്ന് ഗാംഗുലി പറഞ്ഞു. കോഹ്ലിയുടെ മികവിലാണ് ആദ്യ രണ്ടു ടെസ്റ്റിലും തോറ്റ ഇന്ത്യ മൂന്നാം ടെസ്റ്റില് ഇന്ത്യ ജയിച്ചത്. ഏകദിനത്തില് 112, 46 നോട്ടൗട്ട്, 160 നോട്ടൗട്ട് സ്കോര് ചെയ്ത നായകന് ഇന്ത്യയെ ആറു മത്സരങ്ങളുടെ ഏകദിന പരമ്പരയില് 3-0ന് മുന്നിലെത്തിച്ചു. ടെസ്റ്റ് പരമ്പര നഷ്ടമായശേഷം ഇന്ത്യ ഏകദിനത്തില് 3-0ന് മുന്നിലെത്തിരിക്കുകയാണ്. കോഹ്ലിയും സംഘവും പ്രത്യേക സ്വഭാവമാണ് ഏകദിനത്തില് പുറത്തെടുത്തിരിക്കുന്നതെന്നും ഗാംഗുലി പറഞ്ഞു. തനിക്ക് തെണ്ടുല്ക്കര്, ദ്രാവിഡ്, ലക്ഷ്മണ്, സെവാഗ് എന്നിവര്ക്കൊപ്പവും റിക്കി പോണ്ടിംഗ്, ബ്രയാന് ലാറ എന്നിവര്ക്കെതിരേയും കളിക്കാന് ഭാഗ്യം ലഭിച്ചു. ഇപ്പോള് ഇവര്ക്കൊപ്പം…
Read Moreഇന്ത്യൻ സ്പീഡ് സ്റ്റാർ: ദേശീയതലത്തിലേക്ക് എട്ടു പേർ
കൊച്ചി: ഒളിന്പിക്സിലേക്ക് കായികതാരങ്ങളെ കണ്ടെത്തുന്നതിനായി നാഷണൽ യൂത്ത് കോ-ഓപറേറ്റീവ് സൊസൈറ്റി (എൻവൈസിഎസ്) ഗെയിലിന്റെ സഹകരണത്തോടെ നടത്തുന്ന ഇന്ത്യൻ സ്പീഡ് സ്റ്റാർ മൂന്നാം സീസണിന്റെ സംസ്ഥാനതല സെലക്ഷൻ മഹാരാജാസ് കോളജ് സ്റ്റേഡിയത്തിൽ നടന്നു. ഉദ്ഘാടനം ഒളിന്പ്യൻ ടി.സി. യോഹന്നാൻ നിർവഹിച്ചു. 2020ലെയും 2024ലെയും ഒളിന്പിക്സുകളിലേക്ക് അത്ലറ്റിക് വിഭാഗത്തിൽ മത്സരിക്കുന്നതിന് പരിശീലനം നൽകുന്നതിനാണ് കുട്ടികളെ തെരഞ്ഞെടുക്കുന്നത്. സംസ്ഥാനത്തിന്റെ വിവിധ ഭാഗങ്ങളിലായി നടന്ന പ്രാഥമിക റൗണ്ടുകളിൽ നിന്ന് തെരഞ്ഞെടുക്കപ്പെട്ട കുട്ടികളാണ് സംസ്ഥാനതല സെലക്ഷനിൽ മാറ്റുരച്ചത്. 14 വയസിൽ താഴെയുള്ളവരുടെ 100 മീറ്റർ ഓട്ടമത്സരത്തിൽ പെണ്കുട്ടികളുടെ വിഭാഗത്തിൽ എറണാകുളം സ്വദേശി ആർ. രമ്യ, 17 വയസിൽ താഴെയുള്ളവരുടെ 100, 200 മീറ്റർ ഓട്ടമത്സരങ്ങളിൽ പെണ്കുട്ടികളുടെ വിഭാഗത്തിൽ തൃശൂർ സ്വദേശി ആൻസി സോജൻ, ആണ്കുട്ടികളുടെ വിഭാഗത്തിൽ എറണാകുളം സ്വദേശി മസൂദ്, തിരുവനന്തപുരം സ്വദേശി അഖിൽ ബാബു, 400 മീറ്ററിൽ പെണ്കുട്ടികളുടെ വിഭാഗത്തിൽ എറണാകുളം സ്വദേശികളായ…
Read Moreകേരള ബ്ലാസ്റ്റേഴ്സിന് ആറാം സമനില; പ്രതീക്ഷ മങ്ങി
കോൽക്കത്ത: ഇന്ത്യൻ സൂപ്പർ ലീഗ് ഫുട്ബോളിൽ കേരള ബ്ലാസ്റ്റേഴ്സിന്റെ പ്ലേ ഓഫ് സാധ്യതകൾ മങ്ങി. നിര്ണായക മത്സരത്തില് എടികെയ്ക്കെതിരെ കേരള ബ്ലാസ്റ്റേഴ്സ് 2-2 സമനില നേടിയതാണ് വിനയായത്. 15 മത്സരങ്ങളിൽനിന്ന് കേരള ബ്ലാസ്റ്റേഴ്സിന് ഇപ്പോൾ 21 പോയിന്റായി. ഏക ആശ്വാസം ഗോവയെ മറികടന്ന് അഞ്ചാം സ്ഥാനത്തേക്കു കയറുവാന് കഴിഞ്ഞുവെന്നതാണ്. മറ്റ് ടീമുകളുടെ മത്സരഫലത്തെ അടിസ്ഥാനപ്പെടുത്തിയാകും ബ്ലാസ്റ്റേഴ്സിന്റെ ഇനിയുള്ള സാധ്യതകൾ. മൂന്നു മത്സരങ്ങൾ മാത്രമാണ് ബ്ലാസ്റ്റേഴ്സിന് ഇനി അവശേ ഷിക്കുന്നത്. അതിൽ ഒരെണ്ണം ഹോം മത്സരമാണ്. 36-ാം മിനിറ്റില് ഗുയോണ് ബാല്വിന്സണിലൂടെ മുന്നിലെത്തിയ കേരളത്തിന് നാല് മിനിറ്റു മാത്രമാണ് ലീഡ് നിലനിര്ത്താനായത്. മലയാളി താരം പ്രശാന്ത് നല്കിയ പന്ത് തലകൊണ്ട് എടികെ പോസ്റ്റിലേക്ക് നിറയൊഴിച്ചാണ് കേരളം മുന്നിലെത്തിയത്. എന്നാല് 38-ാം മിനിറ്റില് റയാന് ടെയ്ലറിന്റെ ലോംഗ് ഷോട്ടിലൂടെ എടികെ തിരിച്ചടിച്ചു. ഇരുടീമുകളും പിന്നീട് ഗോളിനായി പൊരുതിയെങ്കിലും ആദ്യ പകുതി…
Read Moreകോഹ്ലിക്കും ദ്രാവിഡിനും മിയാന്ദാദിന്റെ അഭിനന്ദനം
ന്യൂഡല്ഹി : ഇന്ത്യന് താരങ്ങളെക്കുറിച്ച് ഒരിക്കലും നല്ലത് പറയാത്ത മിയാന്ദാദ് ഒടുവില് ഇന്ത്യന് നായകന് വിരാട് കോഹ്്ലിക്ക് പ്രശംസയുമായെത്തി. കോഹ്്ലിക്കു മാത്രമല്ല, അണ്ടര് 19 ടീം പരിശീലകന് രാഹുല്ദ്രാവിഡിനുമുണ്ട് മിയാന്ദാദിന്റെ പ്രശംസ. പ്രതിസന്ധികളില് ഇന്ത്യന് ബാറ്റിംഗിനെ കൈപിടിച്ചു കരകയറ്റുന്ന കോഹ്ലിയുടെ മികവിനെ മിയാന്ദാദ് പുകഴ്ത്തി. കോഹ്ലി പ്രതിഭയാണെന്നും ഇപ്പോള് ലോകത്തെ മികച്ച ബാറ്റ്സ്മാന് അദ്ദേഹമാണെന്നും ഒരു പാക് വെബ്സൈറ്റിനു നല്കിയ അഭിമുഖത്തില് മിയാന്ദാദ് പറഞ്ഞു. ഒരു വലിയ ബാറ്റ്സ്മാന്റെ ഏറ്റവും വലിയ ഗുണമാണിതെന്നും ബൗളര്മാരുടെ ശക്തിയും ദൗര്ബല്യവും മനസിലാക്കി ബാറ്റിംഗില് മാറ്റം വരുത്താന് കോഹ്ലിക്കു തുടര്ച്ചയായി കഴിയുന്നുണ്ടെന്നും അദ്ദേഹം പറഞ്ഞു.മികച്ച രീതിയിലാണ് ദ്രാവിഡ് ഇന്ത്യയുടെ യുവനിരയെ പരിശീലിപ്പിക്കുന്നതെന്ന് മിയാന്ദാദ് ചൂണ്ടിക്കാട്ടി.
Read More