മാഡ്രിഡ്: ലോകമെമ്പാടമുള്ള ഫുട്ബോള് പ്രേമികള് ഉറ്റുനോക്കിയിരുന്ന യുവേഫ ചാമ്പ്യന്സ് ലീഗിലെ ആവേശപ്പോരാട്ടത്തില് ഫ്രഞ്ച് ക്ലബ് പാരി സാന് ഷെര്മയിനെ തോല്പ്പിച്ചു റയല് മാഡ്രിഡിനു മിന്നും ജയം. ഒരു ഗോളിനു പിന്നില്നിന്ന റയല് ക്രിസ്റ്റ്യാനോ റൊണാള്ഡോയുടെ ഇരട്ട ഗോള് മികവില് സ്വന്തം സാന്റിയാഗോ ബര്ണാബുവില് നടന്ന ആദ്യപാദ പ്രീക്വാർട്ടറില് 3-1ന്റെ ഗംഭീര വിജയം സ്വന്തമാക്കി. റയലിന്റെ ഒരു ഗോള് മാഴ്സലോയുടെ വകയായിരുന്നു. പിഎസ്ജിയുടെ അഡ്രിയാന് റാബിയറ്റാണ് മത്സരത്തില് ഗോളടിക്കു തുടക്കമിട്ടത്. എവേ മത്സരത്തില് ഒരു ഗോള് നേടിയതിൽ പിഎസ്ജിക്ക് ആശ്വസിക്കാം. ബാഴ്സലോണ വിട്ടു പിഎസ്ജിയിലെത്തിയ നെയ്മറും റയലിന്റെ സൂപ്പര്താരം റൊണാള്ഡോയും തമ്മിലുള്ള ഏറ്റുമുട്ടല് കാണാന് കാത്തിരിക്കുകയായിരുന്നു ഫുട്ബോള് ആരാധകര്. അതുകൊണ്ടു തന്നെ കളി വാശിയേറിയതായിരുന്നു. എന്നാല്, ആദ്യ പോരാട്ടത്തില് ജയം രണ്ടു ഗോള് നേടിയ റൊണാള്ഡോയ്ക്കൊപ്പംനിന്നു. ഒരു ഗോളിനു അവസരമൊക്കി നെയ്മര് പരാജയം സമ്മതിച്ച് രണ്ടാം പാദത്തില് പാരീസില്…
Read MoreCategory: Sports
രണ്ടാംജയം തേടി വനിതകള്
ഈസ്റ്റ് ലണ്ടന്: ദക്ഷിണാഫ്രിക്കയ്ക്കെതിരേയുള്ള ട്വന്റി 20 പരമ്പരയിലെ ആദ്യ മത്സരം ജയിച്ച ഇന്ത്യന് വനിതകള് വിജയതുടര്ച്ചയ്ക്ക് ഇന്നിറങ്ങും. ഏകദിന പരമ്പര 2-1ന് ജയിച്ച ശേഷം ആറു മത്സരങ്ങളുടെ ട്വന്റി 20 പരമ്പരയ്ക്കിറങ്ങിയ ഇന്ത്യ ആദ്യ മത്സരത്തില് മിതാലി രാജിന്റെ അര്ധ സെഞ്ചുറിയുടെ മികവില് ജയിച്ചിരുന്നു. മിതാലിക്കു പുറമെ ജെമിമ റോഡ്രിഗസ്, വേദ കൃഷ്ണമൂര്ത്തി, സ്മൃതി മാന്ഥാന എന്നിവര് മികച്ച ഫോമില് ബാറ്റ് ചെയ്തു. പേസര്മാരായ പൂജ വാസ്റ്ററാകര്, ശിഖ പാണ്ഡെ എന്നിവരിലാണ് ഇന്ത്യയുടെ പ്രതീക്ഷകള്. സ്പിന്നര് അഞ്ജും പട്ടേല് കഴിഞ്ഞ മത്സരത്തില് രണ്ടു വിക്കറ്റ് വീഴ്ത്തിയിരുന്നു. ജയത്തോടെ പരമ്പരയിലേക്കുള്ള തിരിച്ചുവരവിനാണ് ദക്ഷിണാഫ്രിക്ക ഉറ്റുനോക്കുന്നത്.
Read Moreചരിത്രം സൃഷ്ടിച്ചതിൽ വലിയ സന്തോഷം: കോഹ്ലി
പോർട്ട് എലിസബത്ത്: “വലിയ സന്തോഷം. വലിയ അദ്ഭുതം. ചരിത്രം സൃഷ്ടിക്കുന്പോൾ അനുഭവിക്കുന്ന വികാരം വാക്കുകൾക്ക് അതീതം.’’ ദക്ഷിണാഫ്രിക്കയ്ക്കെതിരായ അഞ്ചാം മത്സരവും പരന്പരയും സ്വന്തമാക്കിയതിനെക്കുറിച്ച് ഇന്ത്യൻ ക്യാപ്റ്റൻ വിരാട് കോഹ്ലിയുടെ പ്രതികരണമാണ് ഈ വാക്കുകൾ. മുഹമ്മദ് അസ്ഹറുദ്ദീൻ, സച്ചിൻ തെണ്ടുൽക്കർ, രാഹുൽ ദ്രാവിഡ്, മഹേന്ദ്ര സിംഗ് ധോണി തുടങ്ങിയ പേരു കേട്ട ക്യാപ്റ്റൻമാർക്കൊന്നും നേടാനാവാതെ പോയ നേട്ടമാണ് കോഹ് ലിയും സംഘവും സ്വന്തമാക്കിയിരിക്കുന്നത്. അതിന്റെ സന്തോഷം അദ്ദേഹത്തിന്റെ വാക്കുകളിൽ പ്രകടം. ഈ ജയം സന്തോഷം തരുന്നു. ചരിത്രനേട്ടമാണ്. പക്ഷേ, ടീമെന്ന നിലയിൽ പരന്പരയിലെ പ്രകടനം മികച്ചതാണെന്ന് കരുതാൻവയ്യ. പലപ്പോഴും എതിരാളികളുടെ ദൗർബല്യവും നമ്മുടെ വിജയത്തിനു സഹായാച്ചിട്ടുണ്ട്. കഴിഞ്ഞ മത്സരം നമ്മുടെ ബാറ്റിംഗ് ലൈനപ്പിന്റെ ദൗർബല്യം വെളിവാക്കുന്നതായിരുന്നു. രോഹിത് ശർമ്മ ശരിക്കും ഒറ്റയാൾ പ്രകടനമാണ് നടത്തിയത്. അദ്ദേഹത്തിന്റെ പ്രകടനം മാറ്റിനിർത്തിയാൽ ബാറ്റ്സ്മാൻമാരുടെ പ്രകടനം മികച്ചതല്ല. കോഹ്ലി പറഞ്ഞു
Read Moreലോകത്തെ ഏറ്റവും വിലയേറിയ ക്ലബ് മാഞ്ചസ്റ്റർ സിറ്റി തന്നെ
ലോക ഫുട്ബോളിലെതന്നെ നമ്പര് വണ് ക്ലബ് തങ്ങൾതന്നെയെന്ന് മാഞ്ചസ്റ്റർ സിറ്റി ഒരിക്കൽകൂടി ലോകത്തോടു വിളിച്ചുപറയുന്നു. ഇംഗ്ലണ്ടിലെ മാത്രമല്ല ലോകഫുട്ബോളിലെതന്നെ ഏറ്റവും വിലകൂടിയ താരങ്ങളുള്പ്പെടുന്ന ക്ലബ്ബെന്ന റിക്കാർഡ് മാഞ്ചസ്റ്റർ സിറ്റിക്ക് സ്വന്തം. സൂപ്പര് താരങ്ങളുടെ സാന്നിധ്യംകൊണ്ട് ശ്രദ്ധേയരായ റയല് മാഡ്രിഡ് അടക്കമുള്ള വന് ടീമുകളെ പിന്തള്ളിയാണ് സിറ്റിയുടെ കുതിപ്പ്. 87.8 കോടി യൂറോയാണ് മാഞ്ചസ്റ്റര് സിറ്റിയുടെ താരമൂല്യം. ഇന്ത്യന് രൂപയില് 6,393 കോടിയോളം വരും ഈ തുക. പിഎസ്ജി താരമൂല്യത്തിൽ യൂറോപ്പില് രണ്ടാമത്. 6385 കോടി രൂപയാണ് പിഎസ്ജി ചെലവിട്ടത്. ഇംഗ്ലീഷ് ഫുട്ബോളിലെ അതികായന്മാരായ മാഞ്ചസ്റ്റര് യുനൈറ്റഡും താരങ്ങള്ക്കുവേണ്ടി പണമൊഴുക്കുന്ന കാര്യത്തില് പിശുക്ക് കാണിച്ചിട്ടില്ല. 74.7 കോടി യൂറോയാണ് യുണൈറ്റഡിന്റെ താരമൂല്യം.
Read Moreധവാനെ വീഴ്ത്തിയ റബാഡയ്ക്കു പിഴശിക്ഷ
പോർട്ട് എലിസബത്ത്: ശിഖർ ധവാനെ കെണിയിൽ വീഴ്ത്തിയ കഗിസോ റബാഡയുടെ അമിതാഹ്ലാദത്തിനു മാച്ച് റഫറിയുടെ പിഴശിക്ഷ. ഇന്ത്യക്കെതിരായ അഞ്ചാം ഏകദിന പരമ്പരയിൽ ധവാനെ പുറത്താക്കിയ ശേഷം മോശം ആഗ്യം കാണിച്ചതിന് ദക്ഷിണാഫ്രിക്കൻ പേസർ റബാഡയ്ക്കു മാച്ച് ഫീയുടെ 15 ശതമാനം പിഴയിട്ടു. കളിയുടെ എട്ടാം ഓവറിലാണ് ധവാനെ റബാഡ പുറത്താക്കിയത്. റബാഡയുടെ പന്തിൽ പുൾഷോട്ടിനു ശ്രമിച്ച ധവാൻ(34) ഫെലുക്വോയ്ക്കു ക്യാച്ച് നൽകി മ ടങ്ങുകയായിരുന്നു. കഴിഞ്ഞ മത്സരങ്ങളിൽ മികച്ച പ്രകടനം നടത്തിയ ധവാനെ കൃത്യമായ ആസൂത്രണത്തോടെയാണ് ദക്ഷിണാഫ്രിക്ക പുറത്താക്കിയത്. ഇതിന്റെ ആഹ്ലാദം റബാഡ പ്രകടിപ്പിച്ചതാണ് വിനയായത്. ഐസിസിയുടെ കളിക്കാർക്കുള്ള പെരുമാറ്റച്ചട്ടം റബാഡ ലംഘിച്ചെന്നാണ് കണ്ടെത്തിയത്. ഇതോടെ റബാഡയ്ക്കു ഒരു ഡീമെറിറ്റ് പോയിന്റ് ലഭിക്കുകയും ചെയ്തു. മത്സരത്തിൽ ദക്ഷിണാഫ്രിക്കയെ 72 റൺസിന് പരാജയപ്പെടുത്തി ഇന്ത്യ പരമ്പര സ്വന്തമാക്കിയിരുന്നു. ഇന്ത്യ ആദ്യമായാണ് ദക്ഷിണാഫ്രിക്കയിൽ ഏകദിന പരമ്പര സ്വന്തമാക്കുന്നത്.
Read Moreനെയ്മർ മങ്ങി, മിന്നിത്തിളങ്ങി റൊണാൾഡോ; റയൽ പിഎസ്ജിയെ മുക്കി
മാഡ്രിഡ്: ചാന്പ്യൻസ് ലീഗ് കിരീടം സ്വപ്നം കാണുന്ന ഫ്രഞ്ച് ക്ലബ് പിഎസ്ജിക്ക് സ്പാനിഷ് വന്പമാരായ റയൽ മാഡ്രിഡിന്റെ ഷോക്ക് ട്രീറ്റ്മെന്റ്. ഒന്നിനെതിരേ മൂന്നു ഗോളുകൾക്ക് റയൽ പിഎസ്ജിയെ പരാജയപ്പെടുത്തി. ക്രിസ്റ്റ്യാനോ റൊണാൾഡോ-നെയ്മർ പോരാട്ടമായി വിശേഷിപ്പിക്കപ്പെട്ട മത്സരത്തിൽ റൊണാൾഡോ രണ്ടു ഗോളുമായി തിളങ്ങിയപ്പോൾ നെയ്മർക്കു ഗോളൊഴിഞ്ഞ ആവനാഴിയുമായി മടങ്ങേണ്ടിവന്നു. 33-ാം മിനിറ്റിൽ അഡ്രിയാൻ റാബോട്ടിലൂടെ പിഎസ്ജിയാണ് റയലിന്റെ ഗ്രൗണ്ടിൽ ലീഡ് നേടിയത്. മിഡ്ഫീൽഡിൽനിന്ന് ഓടിക്കയറിയ റാബോട്ട് പോസ്റ്റിന് 15 വാര അകലെനിന്നു നിറയൊഴിക്കുകയായിരുന്നു. സ്വന്തം ഗ്രൗണ്ടിൽ ലീഡ് വഴങ്ങിയ റയൽ മിനിറ്റുകൾക്കുള്ളിൽ തിരിച്ചടിച്ചു. ബെൻസേമയെ ബോക്സിൽ വീഴ്ത്തിയതിനു ലഭിച്ച പെനാൽറ്റി ലക്ഷ്യത്തിലെത്തിച്ച് റെണാൾഡോ റയലിന് സമനില സമ്മാനിച്ചു. മത്സരം ഗോളില്ലാതെ നീങ്ങവെ 83-ാം മിനിറ്റിൽ റയൽ ലീഡ് നേടി. അസെൻസിയോയുടെ ക്രോസ് റൊണാൾഡോ വലയിലേക്കു തിരിച്ചുവിടുകയായിരുന്നു. മൂന്നു മിനിറ്റിനുശേഷം മാഴ്സലോയും ഗോൾ കണ്ടെത്തിയതോടെ ഫ്രഞ്ച് വന്പൻമാരുടെ പരാജയം പൂർത്തിയായി.…
Read Moreദക്ഷിണാഫ്രിക്കയ്ക്കെതിരായ ട്വന്റി-20യിൽ മിതാലി മിന്നി; ഇന്ത്യക്കു ജയം
പൊച്ചെഫ്സ്ട്രൂം: ദക്ഷിണാഫ്രിക്കയ്ക്കെതിരായ ട്വന്റി-20 പരന്പരയിലെ ആദ്യ മത്സരത്തിൽ ഇന്ത്യൻ വനിതകൾക്കു വിജയം. ഏഴു വിക്കറ്റിനാണ് ഇന്ത്യൻ വനിതകൾ വിജയം നുകർന്നത്. 48 പന്തിൽ 54 റണ്സ് നേടിയ മിതാലി രാജിന്റെ പ്രകടനമാണ് ഇന്ത്യൻ വിജയം അനായാസമാക്കിയത്. സ്കോർ: ദക്ഷിണാഫ്രിക്ക 20 ഓവറിൽ നാല് വിക്കറ്റ് നഷ്ടത്തിൽ 164. ഇന്ത്യ 18.5 ഓവറിൽ മൂന്ന് വിക്കറ്റ് നഷ്ടത്തിൽ 168. ടോസ് നഷ്ടപ്പെട്ട് ബാറ്റിംഗിനിറങ്ങിയ ദക്ഷിണാഫ്രിക്കയ്ക്കുവേണ്ടി 38 റണ്സെടുത്ത ഡി വാൻ നീകേർക്കാണ് മുന്നിൽനിന്ന് പടനയിച്ചത്. അവസാന ഓവറുകളിൽ തകർത്തടിച്ച് ഏഴു പന്തിൽ 32 റണ്സെടുത്ത് പുറത്താകാതെനിന്ന കോൾ ട്രിയോണിന്റെ ബാറ്റിംഗാണ് ദക്ഷിണാഫ്രിക്കയ്ക്കു ഭേദപ്പെട്ട സ്കോർ സമ്മാനിച്ചത്. നാലു സിക്സും രണ്ടു ബൗണ്ടറിയും ട്രിയോണ് പറത്തി. നാഡിൻ ഡി ക്ലർക്ക് (25 പന്തിൽ 30) ട്രിയോണിനു മികച്ച പിന്തുണ നൽകി. ഇന്ത്യക്കായി അനൂജ പട്ടേൽ രണ്ടു വിക്കറ്റ് സ്വന്തമാക്കി. മറുപടി…
Read Moreദീപ കര്മാക്കര് കോമൺവെൽത്ത് ഗെയിംസിൽനിന്നും പുറത്ത്
ന്യൂഡൽഹി: ഈ വർഷം നടക്കുന്ന കോമണ്വെൽത്ത് ഗെയിംസിനുള്ള ഇന്ത്യൻ സംഘത്തിനൊപ്പം ജിംനാസ്റ്റിക് താരം ദീപ കർമാക്കർ ഉണ്ടാകില്ല. കാൽമുട്ടിനേറ്റ പരിക്കിനെത്തുടർന്നാണ് ദീപ പിൻമാറിയത്. കഴിഞ്ഞ വർഷം അവസാനമാണ് പരിക്കേറ്റത്. പരിക്ക് പൂർണമായി ഭേദമായിട്ടില്ലെന്നും കോമണ്വെൽത്ത് പോലുള്ള പോരാട്ടത്തിന് തയാറായിട്ടില്ലെന്നും ദീപയുടെ കോച്ച് ബിശ്വേശ്വർ നൻഡി പറഞ്ഞു. ഓഗസ്റ്റ് – സെപ്റ്റംബർ മാസത്തിൽ നടക്കുന്ന ഏഷ്യൻ ഗെയിംസ് ആകുന്പോഴേക്കും പൂർണമായി ദീപ ശാരീരിക ക്ഷമത കൈവരിക്കുമെന്നും ബിശ്വേശ്വർ ശുഭാപ്തി വിശ്വാസം പ്രകടിപ്പിച്ചു. ഏപ്രിൽ നാലു മുതൽ 15വരെയാണ് കോമണ്വെൽത്ത് ഗെയിംസ് നടക്കുക. 2016 റിയോ ഒളിന്പിക്സിൽ നാലാം സ്ഥാനത്ത് എത്തി ദീപ കർമാക്കർ ചരിത്രം കുറിച്ചിരുന്നു. 2014 ഗ്ലാസ്ഗോ കോമണ്വെൽത്ത് ഗെയിംസിൽ മെഡൽ നേടി ഈ നേട്ടം കൈവരിക്കുന്ന ആദ്യ ഇന്ത്യൻ വനിത എന്ന ചരിത്രം കുറിച്ചിരുന്നു.
Read Moreചരിത്രം കുറിച്ച് കോഹ്ലിപ്പട; ദക്ഷിണാഫ്രിക്കൻ മണ്ണിൽ കന്നി ഏകദിന പരന്പര
പോർട്ട് എലിസബത്ത്: ദക്ഷിണാഫ്രിക്കൻ മണ്ണിൽ ചരിത്രംകുറിച്ച് കോഹ്ലിപ്പട. ദക്ഷിണാഫ്രിക്കയെ അവരുടെ മണ്ണിൽ 73 റണ്സിനു പരാജയപ്പെടുത്തി ഇന്ത്യ ആദ്യമായി ഏകദിന പരന്പര സ്വന്തമാക്കി. ഇന്ത്യ ഉയർത്തിയ 275 റണ്സ് വിജയലക്ഷ്യം പിന്തുടർന്ന ദക്ഷിണാഫ്രിക്ക 42.2 ഓവറിൽ 201 റണ്സിന് എല്ലാവരും പുറത്തായി. സെഞ്ചുറി കുറിച്ച രോഹിത് ശർമയുടെയും നാലു വിക്കറ്റ് നേടിയ കുൽദീപ് യാദവിന്റെയും പ്രകടനമാണ് ഇന്ത്യൻ വിജയത്തിൽ നിർണായകമായത്. അഞ്ചാം മത്സരത്തിലെ ജയത്തോടെ 4-1 എന്ന നിലയിൽ ഇന്ത്യ പരന്പര സ്വന്തമാക്കി. പരന്പരയിൽ ഇനി ഒരു മത്സരംകൂടി അവശേഷിക്കുന്നു. ഫോം കണ്ടെത്തി ഹിറ്റ്മാന് ടോസ് നഷ്ടപ്പെട്ട് ബാറ്റിംഗിനിറങ്ങിയ ഇന്ത്യ നിശ്ചിത ഓവറിൽ 274 റണ്സിൽ ഒതുങ്ങി. രോഹിത് ശർമ(115)യുടെ സെഞ്ചുറി മികവിൽ കുതിച്ച ഇന്ത്യ പക്ഷേ, രോഹിത് പുറത്തായശേഷം ലുംഗി എൻഗിഡിയുടെ പേസിനു മുന്നിൽ തകരുകയായിരുന്നു. രോഹിതും ധവാനും ചേർന്ന് ഇന്ത്യൻ ഇന്നിംഗ്സിനു മികച്ച തുടക്കം…
Read Moreദക്ഷിണാഫ്രിക്കയില് ഏകദിനത്തിൽ ചരിത്രം കുറിക്കാന് ഇന്ത്യ
പോര്ട്ട് എലിസബത്ത്: കഴിഞ്ഞ മത്സരത്തിലെ തോല്വി മറന്ന് ഇന്ത്യ വീണ്ടും ദക്ഷിണാഫ്രിക്കയില് ഏകദിന പരമ്പര നേടാനായി ഒരുങ്ങുകയാണ്. ദക്ഷിണാഫ്രിക്കയ്ക്കെതിരേയുള്ള പരമ്പരയിലെ അഞ്ചാം മത്സരം ഇന്ന് പോര്ട്ട് എലിസബത്തില് നടക്കും. ആറു മത്സരങ്ങളുടെ പരമ്പരയിലെ ആദ്യ മൂന്നു മത്സരം ജയിച്ച ഇന്ത്യ നാലാം ഏകദിനത്തില് തോറ്റിരുന്നു. ഇന്നത്തെ മത്സരം ജയിച്ചാല് ഇന്ത്യ ആദ്യമായി ദക്ഷിണാഫ്രിക്കയില് ഏകദിന പരമ്പര നേടും. നാലാം ഏകദിനത്തിനു മുമ്പ് വരെ ഇന്ത്യയുടെ റിസ്റ്റ് സ്പിന്നര്മാരും (കുല്ദീപ് യാദവ്, യുസ്വേന്ദ്ര ചാഹല്) ദക്ഷിണാഫ്രിക്കന് ബാറ്റ്സ്മാന്മാരും തമ്മിലുള്ള മത്സരമായിരുന്നു. എന്നാല് ജൊഹന്നാസ്ബര്ഗില് രണ്ടു തവണ പെയ്ത മഴ ബാറ്റിംഗിലും ബൗളിംഗിലുമുള്ള ഇന്ത്യയുടെ പിടി അയച്ചു. നാലാം ഏകദിനത്തില് തിരിച്ചെത്തിയ എ.ബി. ഡിവില്യേഴ്സിന്റെ വരവോടെ ദക്ഷിണാഫ്രിക്കന് ബാറ്റിംഗിനു പുതിയ ഊർജം ലഭിച്ചിരി ക്കുകയാണ്. ഡിവില്യേഴ്സ് ഇട്ടുകൊടുത്ത ആവേശത്തിലാണ് പിന്നീടെത്തിയ ബാറ്റ്സ്മാന്മാര് ഇന്ത്യൻ സ്പിന്നര്മാരെ ആക്രമിച്ച് കളിച്ച് ജയിച്ചത്. ട്വന്റി…
Read More