മറയൂര് മലനിരകളില് മരത്തക്കാളി വിളവെടുപ്പു തുടങ്ങി. കാന്തല്ലൂരിലെ പെരുമല, കീഴാന്തൂര് തുടങ്ങിയ പ്രദേശങ്ങളിലാണ് മരത്തക്കാളി വിളവെടുപ്പിന് പാകമായിരിക്കുന്നത്. ഇന്ത്യയില് അപൂര്വം ചില ഭൂപ്രദേശങ്ങളില് മാത്രമാണ് മരത്തക്കാളി വിളയുന്നത്. വൈകി എത്തിയ മഴയില് ഹരിതാഭമായി തീര്ന്ന തോട്ടങ്ങളില് ചുവന്നുതുടുത്ത പഴങ്ങള് വിളഞ്ഞുകിടക്കുന്നത് കര്ഷകർക്കും സഞ്ചാരികൾക്കും മനംമയക്കുന്ന കാഴ്ചയാണ്. മറയൂര്, കാന്തല്ലൂര്, മൂന്നാര് പ്രദേശങ്ങളില് എത്തുന്ന വിനോദ സഞ്ചാരികളാണ് പ്രധാന ഉപയോക്താക്കള്. കിലോയ്ക്ക് 100 മുതല് 150 രൂപ വരെ കര്ഷകന് ലഭിക്കുന്നുണ്ട്. ഓവല് ആകൃതിയില് കാണപ്പെടുന്ന പഴത്തിന്റെയുള്ളില് തക്കാളിയുടെ ഉള്വശത്തിനു സമാനമായി വിത്തുകളോടുകൂടി കാണപ്പെടുന്ന ഭാഗമാണ് ഭക്ഷിക്കുന്നത്. ഒട്ടും മധുരമില്ലാതെതന്നെ ആസ്വാദ്യമായ രുചി അനുഭവം കഴിക്കുന്നവര്ക്ക് നല്കുന്ന മരത്തക്കാളി വാങ്ങാന് ധാരാളം പേര് എത്തുന്നുണ്ട്. ഏഥന്സ്, പെറു എന്നീ രാജ്യങ്ങളിലാണ് ഇത് ആദ്യം കണ്ടെത്തിയതായി രേഖപ്പെടുത്തിയിരിക്കുന്നത്. തോട്ടം നിര്മാണത്തിനായി മൂന്നാറിലെത്തിയ യൂറോപ്യന്മാരാണ് ഇത് ഇവിടെ വച്ചുപിടിപ്പിച്ചതെന്ന് കരുതുന്നു. വര്ഷങ്ങളായി…
Read Moreഇന്ത്യയില് അപൂര്വം ചില ഭൂപ്രദേശങ്ങളില് മാത്രം വിളയുന്ന മരത്തക്കാളി ഇനി മറയൂരിലും; വിളവെടുപ്പ് തുടങ്ങി; ആവശ്യക്കാരേറെ
