മക്ഡൊണാൾഡ്സിനെതിരേ പരാതിയുമായി ഒരു 33 -കാരൻ. ബില്ലിംഗിൽ തെറ്റ് പറ്റിയതിനെ തുടർന്നാണ് യുവാവ് പരാതിയുമായി കോടതിയെ സമീപിച്ചത്. ബംഗളൂരുവിലെ ലിഡോ മാളിലെ മക്ഡൊണാൾഡ്സ് ഔട്ട്ലെറ്റിലാണ് സംഭവം. തനിക്ക് മക്ഡൊണാൾഡ്സ് രണ്ട് കോടി രൂപ നഷ്ടപരിഹാരം നൽകണമെന്നാവശ്യപ്പെട്ടാണ് യുവാവ് രംഗത്തെത്തിയത്. യുവാവ് ഫ്രഞ്ച് ഫ്രൈസ് ആണ് കഴിക്കാനായി ഓർഡർ ചെയ്തത്. എന്നാൽ ബില്ലടിച്ചപ്പോൾ ചിക്കൻ ബർഗറിനാണ് ബില്ല് വന്നത്. വെജിറ്റേറിയനായ തനിക്ക് ബില്ലിൽ ചിക്കൻ ബർഗർ എന്ന് കണ്ടത് മാനസികപ്രയാസമുണ്ടാക്കി എന്നും അതിനാൽ രണ്ട് കോടി രൂപ നഷ്ടപരിഹാരം വേണം എന്നും പറഞ്ഞാണ് യുവാവ് പരാതി നൽകിയത്. ബില്ലിൽ ഓർഡർ ചെയ്ത ഐറ്റം മാറിയത് ശ്രദ്ധയിൽപ്പെട്ടപ്പോൾ തന്നെ മക്ഡൊണാൾഡ്സ് തെറ്റ് തിരുത്തുകയും ഖേദം പ്രകടിപ്പിക്കുകയും നഷ്ടപരിഹാരം എന്ന നിലയിൽ 100 രൂപ നൽകാൻ തയ്യാറാവുകയും ചെയ്തു. എന്നിട്ടും അത് ക്ഷമിക്കാൻ തയാറാകാതെയാണ് പരാതിയുമായി കോടതിയെ സമീപിച്ചത്.
Read MoreCategory: Today’S Special
ശിവഗിരിയിൽ സർവമത ആരാധനാ കേന്ദ്രം: രൂപരേഖ മാർപാപ്പ പ്രകാശനം ചെയ്തു
വത്തിക്കാൻ സിറ്റി: വർക്കല ശിവഗിരിയിൽ പുതുതായി നിർമിക്കുന്ന സർവമത ആരാധനാ കേന്ദ്രത്തിന്റെ രൂപരേഖ, വത്തിക്കാനിൽ നടന്ന ലോക സർവമത സമ്മേളനത്തിൽ, ഫ്രാൻസിസ് മാർപാപ്പ പ്രകാശനം ചെയ്തു. ഹിന്ദു, ക്രിസ്ത്യൻ, മുസ്ലീം ആരാധനാലയങ്ങളും ധ്യാനകേന്ദ്രവും ഉൾപ്പെടുന്നതാണ് സർവമത ആരാധനാ കേന്ദ്രം. വത്തിക്കാൻ സർവമത സമ്മേളനത്തിന്റെ സ്മാരകമെന്നോണമാണ് ആരാധനാകേന്ദ്രം സ്ഥാപിക്കുന്നതെന്ന് ശിവഗിരിമഠം പ്രസിഡന്റ് സ്വാമി സച്ചിദാനന്ദ പറഞ്ഞു. ശിവഗിരി മഠമാണ് ആരാധനാ കേന്ദ്രത്തിന്റെ രൂപരേഖ തയാറാക്കിയത്.
Read Moreഇനി ആ സമസ്യയ്ക്ക് വിരാമം: ട്രെയിനിലെ കന്പിളിപ്പുതപ്പുകൾ മാസത്തിൽ രണ്ടു തവണ കഴുകാറുണ്ടെന്ന് റെയിൽവേ
ന്യൂഡൽഹി: ട്രെയിനുകളിലെ ശുചിത്വം നിലവാരമുള്ളതാണെന്ന് ഇന്ത്യൻ റെയിൽവേ. എസി കോച്ചുകളിൽ യാത്രക്കാർക്ക് നൽകുന്ന കന്പിളിപ്പുതപ്പുകൾ ഇപ്പോൾ മാസത്തിൽ രണ്ടു തവണ കഴുകാറുണ്ടെന്ന് നോർത്തേണ് റെയിൽവേ വ്യക്തമാക്കി. കന്പിളിപ്പുതപ്പുകളുടെ ശുചിത്വത്തെച്ചൊല്ലി പൊതുജനങ്ങളുടെ ആശങ്ക വർധിക്കുന്നതിനിടെയാണ് യാത്രക്കാരുടെ ശുചിത്വത്തിന് അങ്ങേയറ്റം പ്രാധാന്യം നൽകാറുണ്ടെന്നു റെയിൽവേ വ്യക്തമാക്കിയത്. 2010നു മുന്പ് ട്രെയിൻ യാത്രക്കാർക്ക് നൽകുന്ന കന്പിളികൾ സാധാരണയായി മൂന്നു മാസത്തിലൊരിക്കലാണ് കഴുകിയിരുന്നത്. പിന്നീട് ഇത് മാസത്തിലൊരിക്കലായെന്നും ഇപ്പോൾ 15 ദിവസത്തിലൊരിക്കൽ കഴുകാറുണ്ടെന്നും നോർത്തേണ് റെയിൽവേ അറിയിച്ചു. എസി കോച്ചുകളിൽ യാത്രക്കാർക്ക് നൽകുന്ന ബെഡ് കിറ്റിനോടൊപ്പം അധികമായി ഒരു ബെഡ്ഷീറ്റ് കൂടി നൽകാറുണ്ട്. എല്ലാ രണ്ടാഴ്ച കൂടുന്പോഴും ചൂടുള്ള നാഫ്തലീൻ നീരാവി ഉപയോഗിച്ച് അണുനശീകരണവും നടത്താറുണ്ട്. കന്പിളികളോടൊപ്പം നൽകുന്ന ലിനൻ പുതപ്പ് എല്ലാ ഉപയോഗത്തിന് ശേഷവും കഴുകാറുണ്ട്. അൾട്രാവയലറ്റ് രശ്മികൾ ഉപയോഗിച്ച് അണുക്കളെ കൊല്ലുന്ന പദ്ധതി ചില ട്രെയിനുകളിൽ ഉടൻ ആരംഭിക്കുമെന്ന് റെയിൽവേ…
Read Moreചരിത്രസന്ദർശനത്തിന് അറുപതാണ്ട്: പോൾ ആറാമൻ മാർപാപ്പയുടെ ഇന്ത്യാ സന്ദർശനത്തിന്റെ അറുപതാം വാർഷികം ഇന്ന്
കോട്ടയം: ഇന്ത്യയിൽ ആദ്യമായൊരു മാർപാപ്പ കാലുകുത്തിയതിന്റെ അറുപതാം വാർഷിക ദിനമാണ് ഇന്ന്. 1964 ഡിസംബർ രണ്ടിനു 38-ാമത് അന്താരാഷ്ട്ര ദിവ്യകാരുണ്യ കോൺഗ്രസിൽ പങ്കെടുക്കാനായി മുംബൈയിൽ പോൾ ആറാമൻ മാർപാപ്പ എത്തിയത് പുതിയൊരു ചരിത്രം സൃഷ്ടിച്ചു. നാലു ദിവസത്തെ ഇന്ത്യാ സന്ദർശനം ക്രൈസ്തവ സമൂഹത്തിലും മതാന്തര ബന്ധങ്ങളിലും മായാത്ത മുദ്ര പതിപ്പിച്ചു. പ്രധാനമന്ത്രി ലാൽ ബഹദൂർ ശാസ്ത്രി, രാഷ്ട്രപതി ഡോ.എസ്. രാധാകൃഷ്ണൻ ഉൾപ്പെടെയുള്ള നേതാക്കളുമായി കൂടിക്കാഴ്ച നടത്തിയ മാർപാപ്പ സമാധാനത്തിന്റെയും സ്നേഹത്തിന്റെയും പരസ്പരധാരണയുടെയും പ്രാധാന്യം ഊന്നിപ്പറഞ്ഞുകൊണ്ട് രാഷ്ട്രത്തെ അഭിസംബോധന ചെയ്തു. ബോംബെയിൽ മാർപാപ്പയ്ക്കു ലഭിച്ചതു പോലുള്ള ഒരു ഗംഭീര സ്വീകരണം ലോകത്തിൽ ഒരു രാഷ്ട്രത്തലവനും ഒരുകാലത്തും ഒരുരാജ്യത്തും ലഭിച്ചിട്ടില്ലെന്നു ദേശീയവും അന്തർദേശീയവുമായ പത്രങ്ങളെല്ലാം റിപ്പോർട്ട് ചെയ്തിരുന്നു.”വന്നു, കണ്ടു, കീഴടക്കി’എന്ന് ഒരു ദേശീയപത്രം ലീഡ് വാർത്ത എഴുതി. മാർപാപ്പ ഇന്ത്യൻ ജനതയോട് പറഞ്ഞു; “കേവലം വിനോദ സഞ്ചാരിയെപ്പോലെയല്ല; ദൈവത്തെ കണ്ടെത്താൻ…
Read Moreആന ഭരതനാട്യം കളിക്കുന്നതാണോ? വീഡിയോ ഷെയർ ചെയ്യും മുമ്പ് സത്യമറിയണം, വ്യക്തമാക്കി ഐഎഫ്എസ് ഓഫീസർ
രണ്ട് പെൺകുട്ടികൾ നൃത്തം ചെയ്യുന്നു. അത് കണ്ട് അവർക്ക് കുറച്ചു പിന്നിലായി നിന്ന ഒരു ആന തുന്പിക്കെ കൊണ്ടും മസ്തകം കൊണ്ടുമൊക്ക് താളം പിടിക്കുന്നു. കഴിഞ്ഞ കുറച്ചു ദിവസങ്ങൾക്ക് മുൻപേ ഭൂമിക മഹേശ്വരി എന്ന യൂസർ എക്സിൽ ഇതിന്റെ വീഡിയോ പങ്കുവച്ചിരുന്നു. അൽപസമയത്തിനുള്ളിൽ വീഡിയോ ലോകമെങ്ങും പ്രചരിച്ചിരുന്നു. വൗ… കൊള്ളാമല്ലോ, എന്താ അത്ഭുതമെന്ന് നിരവധി ആളുകൾ അതിൽ കമന്റം ചെയ്തിരുന്നു. ഇപ്പോഴിതാ അതിന്റെ സത്യാവസ്ഥ വെളിപ്പെടുത്തിക്കൊണ്ട് പോസ്റ്റിട്ടിരിക്കുകയാണ് ഒരു ഐഎഫ്എസ് ഓഫീസർ പർവീൺ കസ്വാൻ. വീഡിയോയിൽ കാണുന്ന ആന നൃത്തത്തിനൊപ്പം ചേരുകയല്ല. മറിച്ച് ആനയ്ക്ക് സമ്മർദ്ദം അനുഭവപ്പെടുന്നുണ്ട് എന്നും അതിന്റെ തെളിവാണ് ആനയുടെ ചലനങ്ങളെന്നുമാണ് അദ്ദേഹം പറയുന്നത്. ഇത് ആനയ്ക്ക് സമ്മർദ്ദം (സ്ട്രെസ്സ്) ഉള്ളതിന്റെ അടയാളമാണ് എന്നും അല്ലാതെ നൃത്തമല്ല എന്നും അദ്ദേഹം പറയുന്നു.
Read More‘ കാമുകി ശ്രുതി ചതിച്ചു, എന്റെ പ്രോട്ടീൻ ഷേക്ക് പോലും അവനു കൊടുത്തു, അവളെ അവൻ എന്നിൽ നിന്നും തട്ടിയെടുത്തു’; വൈറലായി യുവാവിന്റെ വൺ സ്റ്റാർ റിവ്യൂ
വളരെ രസകരമായ സംഭവങ്ങൾ സോഷ്യൽ മീഡിയയിൽ ദിവസവും വൈറലാകാറുണ്ട്. അത്തരത്തിൽ ഒരു റേറ്റിംഗ് കഥയാണ് സോഷ്യൽ മീഡിയയിൽ ചിരി പടർത്തുന്നത്. ഒരു ജിമ്മിന് ഒരാൾ നൽകിയ റിവ്യൂവിന്റെ സ്ക്രീൻഷോട്ടാണ് ആ ചിരിക്ക് കാരണം. വൺ സ്റ്റാറാണ് ഇയാൾ ജിമ്മിന് നൽകിയിരിക്കുന്നത്. അതിനുള്ള കാരണമാണ് ആളുകളെ ചിരിപ്പിക്കുന്നത്. ‘അടുത്തുള്ള നല്ല ജിമ്മുകൾക്ക് വേണ്ടി തിരയുകയായിരുന്നു ഞാൻ. അപ്പോഴാണ് ഇങ്ങനെ ഒരു റിവ്യൂ കണ്ടത്’ എന്ന് കുറിച്ച് റിവ്യൂവിന്റെ സ്ക്രീൻഷോട്ട് പങ്കുവച്ചുകൊണ്ട് സോഷ്യൽ മീഡിയയിൽ സോഹം എന്ന ഉപയോക്താവിന്റെ പോസ്റ്റാണ് വൈറലാകുന്നത്. കൾട്ട് കല്യാണി നഗർ ജിമ്മിനാണ് യുവാവ് റിവ്യൂ നൽകിയിരിക്കുന്നത്. വൺ സ്റ്റാർ നൽകാനുള്ള കാരണമായി യുവാവ് പറയുന്നത് ഇങ്ങനെയാണ്: “ഞാൻ എന്റെ കാമുകിയുമായി കുറച്ച് മാസങ്ങൾക്ക് മുമ്പാണ് ഇവിടെ ക്ലാസിൽ ചേർന്നത്. ഈ സ്ഥലം മനോഹരമാണ്, ആളുകളും നല്ലതാണ്, പക്ഷേ എന്റെ കാമുകി ശ്രുതി എന്നെ ഇവിടെ…
Read Moreതണുത്തുറഞ്ഞ നദിയിൽ നിന്നും ഉടമ കയറിവരുന്നതും കാത്ത് അവനിരുന്നു; ഒടുവിൽ ഉടമ എത്തിയത്ത് തണുത്തുറഞ്ഞ ശരീരമായി; നൊന്പരമായി ബെൽക്കയുടെ കഥ
മനുഷ്യരുമായി വേഗത്തിൽ അടുക്കുന്ന ജീവികളാണ് നായകൾ. അതുകൊണ്ട് തന്നെ നായകളുടേയും മനുഷ്യരുടേയും പല തരത്തിലുള്ള വീഡിയോകളും വാർത്തകളുമൊക്കെ വൈറലാകാറുണ്ട്. റഷ്യയിൽ നിന്നുള്ള ബെൽക്കയുടെ കഥയാണ് ഇപ്പോൾ സൈബർ ലോകത്ത് ഏറ്റവും കൂടുതൽ ചർച്ചയാകുന്നത്. റഷ്യയിലെ ഉഫ മേഖലയിലെ നദിക്ക് സമീപത്ത് കൂടി സൈക്കിൾ ചവിട്ടുകയായിരുന്നു ബെൽക്കയുടെ 59 -കാരനായ ഉടമ. അദ്ദേഹം സൈക്കിളിൽ പോകുന്പോൾ ബെൽക്കയും അദ്ദേഹത്തെ പിന്തുടരുമായിരുന്നു. അപ്പോൾ സൈക്കിൾ മറിഞ്ഞ് ബെൽക്കയുടെ ഉടമ തടാകത്തിലേക്ക് വീണു. അതുവഴി കടന്നുപോയ മറ്റൊരു യാത്രക്കാരൻ ഇയാളെ രക്ഷിക്കാൻ ശ്രമിച്ചെങ്കിലും നദിയുടെ ശക്തമായ ഒഴുക്കു കാരണം അതിന് സാധിച്ചില്ല. പിന്നാലെ, അദ്ദേഹത്തിന് വേണ്ടിയുള്ള രക്ഷാപ്രവർത്തനം ആരംഭിച്ചു. പക്ഷേ, നദിയുടെ ശക്തമായ അടിയൊഴുക്കിൽ കണ്ടെത്താനായില്ല. ദിവസങ്ങൾക്ക് ശേഷമാണ് അദ്ദേഹത്തിന്റെ മൃതദേഹം കണ്ടെത്തുന്നത്. എന്നാൽ അദ്ദേഹത്തിനായുള്ള തിരച്ചിൽ നടക്കുന്പോഴെല്ലാം തണുത്തുറഞ്ഞ ആ തടാകക്കരയിൽ ബെൽക്ക ഉടമയ്ക്കായി കാത്തിരുന്നു. വെയിലും തണുപ്പുമൊന്നും ബെൽക്കയ്ക്ക്…
Read Moreകടൽ കടന്ന തിരുമംഗൈ ആൾവാർ തിരികെയെത്തുന്നു..! തമിഴ്നാട്ടിൽനിന്നു മോഷ്ടിച്ച വിഗ്രഹം ലണ്ടനിൽനിന്ന് തിരികെയെത്തിക്കും
തമിഴ്നാട്ടിലെ കുംഭകോണത്തുള്ള സൗന്ദരരാജ പെരുമാൾ ക്ഷേത്രത്തിൽനിന്ന് പതിറ്റാണ്ടുകൾക്ക് മുമ്പ് മോഷ്ടിക്കപ്പെട്ട കോടികൾ വിലമതിക്കുന്ന സന്യാസി-കവി തിരുമംഗൈ ആൾവാറിന്റെ വെങ്കല വിഗ്രഹം ലണ്ടനിൽനിന്ന് ആരാധനാലയത്തിൽ തിരികെയെത്തിക്കും. 1957നുശേഷം ക്ഷേത്രത്തിൽനിന്നു മോഷ്ടിക്കപ്പെട്ട ഈ വിഗ്രഹം കള്ളക്കടത്തുകാർ വിൽക്കുകയും വിദേശത്തേക്ക് കടത്തുകയുമായിരുന്നു. 1967ൽ ഇംഗ്ലണ്ടിലെ ഓക്സ്ഫോർഡ് യൂണിവേഴ്സിറ്റി വിഗ്രഹം ഏറ്റെടുത്തശേഷം ആഷ്മോലിയൻ മ്യൂസിയത്തിലാണ് സൂക്ഷിച്ചിരിക്കുന്നത്. വിശദമായ അന്വേഷണത്തിനുശേഷം വിഗ്രഹം തിരികെ നൽകാൻ സമ്മതിച്ചതായി തമിഴ്നാട് ഐഡൽ വിംഗ് സിഐഡി സ്ഥിരീകരിച്ചു. വിഗ്രഹം ഒരു മാസത്തിനകം തമിഴ്നാട്ടിൽ എത്തുമെന്നാണു പ്രതീക്ഷിക്കുന്നത്. ആൾവാറിന്റെ വിഗ്രഹത്തിനു പുറമെ മൂന്ന് വിഗ്രഹങ്ങൾ കൂടി കവർന്നിരുന്നു. ഇവ അമേരിക്കയിലെ മ്യൂസിയങ്ങളിൽനിന്നു നാട്ടിലെത്തിക്കാനുള്ള ശ്രമങ്ങൾ പുരോഗമിക്കുകയാണ്.
Read Moreലൈറ്റ് ഹൗസിലെ കുപ്പിയിൽ കണ്ടത് 132 വർഷം പഴക്കമുള്ള കുറിപ്പ്!
റൈൻസ് ഓഫ് ഗാലോവേ: സ്കോട്ട്ലാൻഡിലെ റൈൻസ് ഓഫ് ഗാലോവേയിലെ ലൈറ്റ് ഹൗസിൽ അറ്റകുറ്റപ്പണിക്കെത്തിയതായിരുന്നു റോസ് റസൽ (36) എന്ന എൻജിനീയറും സംഘവും. അവിടത്തെ കബോഡിന്റെ പാനലുകൾ നീക്കി പുതിയവ സ്ഥാപിക്കുന്നതിനിടയിൽ പഴയൊരു കുപ്പി ഇവരുടെ ശ്രദ്ധയിൽപ്പെട്ടു. ഭദ്രമായി അടച്ചിരുന്ന കുപ്പി തുറന്നപ്പോൾ കണ്ടത് വടിവൊത്ത അക്ഷരങ്ങളിൽ 132 വർഷം മുൻപെഴുതിയ ഒരു കുറിപ്പ്. പക്ഷികളുടെ തൂവലുകൾ ഉപയോഗിച്ചാണു ചെറുകുറിപ്പ് എഴുതിയിരുന്നത്. 1892 സെപ്റ്റംബർ നാലിന് എഴുതിയതാണിതെന്നും ലൈറ്റ് ഹൗസ് സ്ഥാപിച്ച അന്നത്തെ എൻജിനീയർമാരാണ് ഇത് തയാറാക്കി കുപ്പിയിലടച്ചുവച്ചതെന്നും കുറിപ്പിലുണ്ടായിരുന്നു. ലൈറ്റ് ഹൗസിൽ വെളിച്ചം പുനഃസ്ഥാപിച്ച പ്രവൃത്തിയിൽ ഭാഗമായവരെക്കുറിച്ചും അവിടെ ഉപയോഗിച്ച ലെൻസ് ലഭ്യമാക്കിയ സ്ഥാപനത്തെക്കുറിച്ചും കുറിപ്പിലുണ്ടായിരുന്നു. അക്കാലത്തെ ലൈറ്റ് ഹൗസിലെ കാവൽക്കാരെയും അതിൽ പരാമർശിച്ചിരുന്നു. കുപ്പിയിലെ കത്തിൽ പരാമർശിച്ച ഒരു ജീവനക്കാരന്റെ നാലാം തലമുറയിലെ ചെറുമകൻ, കുറിപ്പ് കണ്ടെത്തിയ സംഘത്തിലുണ്ടായിരുന്നുവെന്നത് മറ്റൊരു കൗതുകമായി. 20 സെന്റി മീറ്റർ…
Read Moreഅരിച്ചാക്കല്ല ഭായ്, മുതലയാണ്… മുതലയെ തോളിലെടുത്ത് വനംവകുപ്പ് ജീവനക്കാരൻ
ഉത്തർപ്രദേശിലെ ഹാമിർപുരിൽ വനംവകുപ്പ് ജീവനക്കാരൻ കൂറ്റൻ മുതലയെ ചുമലിലേറ്റി കൊണ്ടുപോകുന്ന വീഡിയോ സമൂഹമാധ്യമങ്ങളിൽ വൈറലായി. ആക്രമണകാരിയായ മുതലയെ അരിച്ചാക്ക് എന്നപോലെയാണ് ഇയാൾ തോളിലേറ്റിയത്. ഹാമിർപുരിലെ ജനവാസമേഖലയിൽ ഇറങ്ങിയതായിരുന്നു മുതല. ദിവസങ്ങളോളം പരിശ്രമിച്ചശേഷമാണു മുതലയെ വനംവകുപ്പുകാർ കുടുക്കിയത്. മുതലയെ പിടികൂടിയ ഇടംവരെ വാഹനമെത്താതെ വന്നപ്പോൾ ജീവനക്കാരിൽ ഒരാൾ മുതലയെ ചുമന്നെത്തിക്കാൻ തയാറാകുകയായിരുന്നു. തുണിയും കയറും ഉപയോഗിച്ച് വായും കൈകാലുകളും ബന്ധിച്ചശേഷമാണു മുതലയെ തോളിലെടുത്തത്. മുതലയുമായി ഇയാൾ നീങ്ങിയപ്പോൾ നാട്ടുകാർ ആഹ്ലാദാരവങ്ങളോടെ അകന്പടി സേവിച്ചു. മുതലയെ പിന്നീട് മറ്റൊരിടത്തു കൊണ്ടുപോയി തുറന്നുവിട്ടു. മഴക്കാലത്ത് മുതലകൾ ജനവാസമേഖലയിലേക്ക് എത്തുന്നതു ഹാമിർപുരിൽ സാധാരണമാണെന്നു നാട്ടുകാർ പറഞ്ഞു. ഈവർഷം വെള്ളപ്പൊക്കമുണ്ടായപ്പോൾ 72 മണിക്കൂറിനിടെ 24 മുതലകളെയാണു ഗുജറാത്തിലെ വഡോദരയിൽനിന്നു പിടികൂടിയത്.
Read More