നമുക്ക് ഇഷ്ടമല്ലാത്തവരെ പലപ്പോഴും ഇടിച്ച് ചമ്മന്തി ആക്കാനുള്ള ദേഷ്യം ഉള്ളിന്റെയുള്ളിൽ കാണും. എന്നാൽ പ്രത്യക്ഷത്തിൽ അത് പ്രവർത്തികമാക്കാൻ സാധിക്കില്ലങ്കിലും മനസിൽ അവർക്ക് പത്ത് ഇടിയെങ്കിലും നമ്മൾ പണ്ടേ കൊടുത്തിട്ടുണ്ടായിരിക്കും. ഇപ്പോഴിതാ തായ്ലാൻഡിൽ നിന്നൊരു വാർത്തയാണ് വൈറലാകുന്നത്. അവിടുത്തെ ഒരു പ്രതിമ നിർമാണ കടയിൽ ദിനംതോറും നിരവധി ആളുകളാണ് എത്തുന്നത്. ഇങ്ങനെ ആളുകൾ വരുന്നതിന്റെ കാരണം തിരക്കി ചെന്നപ്പോഴാണ് ട്വിസ്റ്റ് മനസിലായത്. അവിടെ എത്തുന്നവർ അവർക്ക് ദേഷ്യം തോന്നുന്ന ആളുടെ പ്രതിമ ഉണ്ടാക്കിക്കും. എന്നിട്ട് അതിനുമുകളിൽ അവരുടെ ദേഷ്യം തീർക്കും. കേൾക്കുന്പോൾ ചിരി വരുന്നുണ്ടെങ്കിലും ഇവിടെ എത്തുന്നവരുടെ മാനസികാവസ്ഥയെ കുറിച്ച് ചിന്തിച്ചാൽ ചിരിയെല്ലാം പന്പ കടക്കും. ഇത് ഒരു തെറാപ്പിയുടെ അനുഭവം നല്കുമെന്നും നിങ്ങളെ കൂളാക്കുമെന്നുമാണ് പ്രതിമ തയാറാക്കുന്ന ആര്ട്ടിസ്റ്റുകള് പറയുന്നത്. നേരിട്ട് പ്രതികാരം ചെയ്യാൻ മനസില്ലാത്ത ആളുകളാണ് പ്രതിമയിൽ ഇടിച്ചെങ്കിലും അവരുടെ ഉള്ളിലെ ദേഷ്യത്തെ മാറ്റുന്നത്. ‘തായ്ലൻഡിലെ…
Read MoreCategory: Today’S Special
പുത്തൻ രുചിക്കൂട്ടുകളുമായി പഴയിടം: കായിക മാമാങ്കത്തിന് ഊട്ടുപുരയൊരുക്കാൻ ഇത്തവണയും മോഹനന് നമ്പൂതിരി
കായിക പൂരത്തിനെത്തുന്നവര്ക്ക് ഭക്ഷണമൊരുക്കാന് അടുക്കളകള് സജ്ജം. വയറും മനസും ഒരുപോലെ നിറയാന് ഇക്കുറിയും രുചിയുടെ രസക്കൂട്ട് ഒരുക്കുന്നത് പഴയിടം മോഹനന് നമ്പൂതിരി തന്നെ. 17 വേദികളുള്ള കായികമേളയ്ക്ക് ഏഴ് അടുക്കളകളാണ് ഒരുക്കിയിട്ടുള്ളത്. പ്രധാന അടുക്കള മുഖ്യവേദിയായ മഹാരാജാസ് ഗ്രൗണ്ടിനോടു ചേര്ന്നാണ്. കളമശേരി സെന്റ് ജോസഫ് സ്കൂള്, കൊച്ചി വെളി ഇഎംജിഎച്ച്എസ്എസ്, ജിഎച്ച്എസ്എസ് പനമ്പിള്ളി നഗര്, ജിഎച്ച്എസ്എസ്എസ് കടയിരുപ്പ്, കോതമംഗലം എംഎ കോളജ് എന്നിവിടങ്ങളിലാണ് മറ്റ് അടുക്കളകള്. ദിവസവും 26,000 ഓളം പേര്ക്കുള്ള ഭക്ഷണമാണ് ഏഴ് അടുക്കളകളിലായി പാചകം ചെയ്യുന്നത്. പുലര്ച്ചെ മൂന്നിന് ഉണരുന്ന അടുക്കളയില്നിന്നും രാവിലത്തെ ചായ മുതല് വൈകുന്നേരത്തെ അത്താഴം വരെ ലഭ്യമാണ്. പാചകക്കാര്ക്ക് പുറമെ നൂറിലധികം സഹായികളും അടുക്കളയുടെ ഭാഗമാണ്. പാചകവും മേല്നോട്ടവും നിര്ദേശങ്ങളുമായി പാചകപ്പുരയുടെ മുക്കിലും മൂലയിലും ഓടിയെത്തുന്ന പഴയിടം മോഹനന് നമ്പൂതിരി തന്നെയാണ് അടുക്കളയിലെ വേഗമേറിയ താരം. ദിവസവും പ്രഭാതഭക്ഷണം വിവിധ…
Read Moreസർപ്പങ്ങൾ ആത്മീയതയുടെ പര്യായം: വിഷനാഗങ്ങൾ ഇവർക്കു കുടുംബാംഗങ്ങൾ..! വ്യത്യസ്തമായ ആരാധനയുമായി ഗ്രാമവാസികൾ
ഇരുപത്തിയൊന്നാം നൂറ്റാണ്ടിലും ഇന്ത്യയിലെ ചില ഗ്രാമങ്ങൾ വിചിത്രമായ ആചാരങ്ങളും പാരമ്പര്യങ്ങളും കാത്തുസൂക്ഷിക്കുന്നു. മാരകവിഷമുള്ള പാമ്പുകളിലൊന്നായ മൂർഖനെ വീട്ടിൽ വളർത്തുകയും അവയോടൊപ്പം ജീവിക്കുകയും ചെയ്യുന്നവർ ഇപ്പോഴും രാജ്യത്തുണ്ട്! അത്തരത്തിലൊരു വാർത്തയാണ് ഇന്ന് സമൂഹ മാധ്യമങ്ങളിൽ വൈറലാകുന്നത്. മഹാരാഷ്ട്രയിലെ സോലാപുർ ജില്ലയിൽ ഷെത്ഫൽ ഗ്രാമവാസികളാണു നാഗങ്ങളെ വീട്ടിൽ വളർത്തുകയും ആരാധിക്കുകയും ചെയ്യുന്നത്. സർപ്പങ്ങൾ ഇവർക്ക് ആത്മീയതയുടെ പര്യായമാണ്. ഇവിടത്തെ കുട്ടികൾക്കുപോലും നാഗങ്ങളെ ഭയമില്ലെന്നു മാത്രമല്ല, പാന്പുകൾക്കായി വീടുകളിൽ പ്രത്യേക മുറി വരെ ഒരുക്കുകയും ചെയ്യുന്നു. വീടുകളിൽ പാന്പുകൾക്കു സ്വതന്ത്രമായി വിഹരിക്കാം. പാന്പുകൾക്കായി സജ്ജീകരിക്കുന്ന മുറിയെ ‘ദേവസ്ഥാനം’ എന്നു വിളിക്കുന്നു. നാഗാരാധന ജീവിതത്തിൽ ഐശ്വര്യം കൊണ്ടുവരുമെന്നാണ് വിശ്വാസം.
Read Moreഒരിക്കലും തിരികെ കിട്ടുമെന്ന് കരുതിയില്ല, അപരിചിതന് നന്ദി: അമ്മയുടെ ഫോൺ തിരികെ കിട്ടിയ അനുഭവം പങ്കുവച്ച് യുവാവ്
നമ്മുടെ കയ്യിൽ നിന്നും കളഞ്ഞ് പോകുന്ന വസ്തുക്കൾ തിരികെ ലഭിക്കുന്നത് വളരെ അപൂർവമമായി മാത്രമാകും. മിക്കപ്പോഴും പല വിലപിടിപ്പുള്ള വസ്തുക്കളും മറ്റും നമ്മുടെ ശ്രദ്ധക്കുറവിനാൽ കളഞ്ഞ് പോകാറുണ്ട്. അത്തരത്തിലൊരു വാർത്തയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. തന്റെ അമ്മയുടെ നഷ്ടപ്പെട്ട ഫോൺ തിരികെ ലഭിച്ചത് സംബന്ധിച്ച് യുവാവ് പങ്കുവച്ച കുറിപ്പാണിത്. സിനിമ കാണുന്നതിനായി കുടുംബാംഗങ്ങളോടൊപ്പം തീയറ്ററിലെത്തിയതായിരുന്നു യുവാവ്. അവിടെ പാർക്കിംഗ് സ്ഥലത്ത് വച്ച് അമ്മയുടെ ഫോൺ സഹോദരിയുടെ കയ്യിൽ നിന്നും അബദ്ധത്തിൽ താഴെവീണു. എന്നാൽ ഇക്കാര്യം ആരുടേയും ശ്രദ്ധയിൽപ്പെട്ടില്ല. തിയേറ്ററിലെത്തി സീറ്റിലിരുന്നതിന് ശേഷമാണ് ഫോൺ പോയി എന്ന് മനസിലാവുന്നത്. അപ്പോൾ തന്നെ അതിലേക്ക് വിളിച്ച് നോക്കി. ഒരു അപരിചിതനാണ് ഫോൺ എടുത്തത്. എന്നാൽ ആ സമയം അയാൾ മറ്റൊരു മാളിലാണ് ഉണ്ടായിരുന്നത്. തിരികെ ലഭിക്കില്ലന്നാണ് എല്ലാവരും കരുതിയത്. എന്നാൽ പ്രതീക്ഷകൾക്ക് വിരുദ്ധമായാണ് സംഭവിച്ചത്. താനും കസിനും ഉടൻതന്നെ…
Read Moreവിവാഹക്ഷണക്കത്തുകൾ സ്വര്ണത്തിൽ..! വില 10,000 മുതൽ 11 ലക്ഷം വരെ
വിവാഹാഘോഷം ആഡംബരമാക്കാൻ ആഗ്രഹിക്കുന്നവർക്കായി സർണത്തിൽ തയാറാക്കുന്ന ക്ഷണക്കത്തുകൾ റെഡി. ഉത്തർപ്രദേശിൽ ഫിറോസാബാദിലെ ലാലാ രവീന്ദ്ര നാഥ് കനയ്യ ലാൽ സറാഫ എന്ന കടയുടെ ഉടമ ലക്കി ജിൻഡാലാണു വിലപിടിപ്പുള്ള വിവാഹക്ഷണക്കത്തുകൾ തയാറാക്കി നൽകുന്നത്. ഒരു സ്വർണവ്യാപാരിക്കു ലക്കി നിർമിച്ചു നൽകിയ ക്ഷണക്കത്ത് ഇതിനകം വൈറലായി. ഇതിലെ അക്ഷരങ്ങള് സ്വർണവും വെള്ളിയും ഉപയോഗിച്ചാണു തയാറാക്കിയിരിക്കുന്നത്. ഗുണനിലവാരം ഉറപ്പാക്കാൻ ശുദ്ധമായ സ്വർണവും വെള്ളിയും ഉപയോഗിച്ചാണ് ഓരോ കാര്ഡും നിർമിക്കുന്നതെന്നു ലക്കി ജിൻഡാൽ അവകാശപ്പെട്ടു. സാധാരണയായി ആളുകള് വിവാഹ ക്ഷണക്കത്തുകള് വായിച്ചശേഷം കളയുകയാണു പതിവ്. എന്നാല് താന് പുറത്തിറക്കിയ കാർഡ് ആളുകള് കളയില്ലെന്നു ലക്കി പറയുന്നു. 10,000 രൂപ മുതൽ 11 ലക്ഷം രൂപ വരെ വിലയുള്ള വിവാഹ ക്ഷണക്കത്തുകള് ലക്കിയുടെ കടയില് ലഭ്യമാണ്. വിവാഹ സീസൺ അടുക്കുന്നതിനാല് ധാരാളം ഓർഡറുകൾ ലഭ്യമായി തുടങ്ങിയെന്നും അദ്ദേഹം പറയുന്നു.
Read Moreറൈഡ് കാൻസൽ ചെയ്തതിനു യുവതിയുടെ ഫോണിലേക്ക് വിളിച്ചത് 17 തവണ: വാട്ട്സാപ്പ് വഴി അശ്ലീലവീഡിയോകളും, ചിത്രങ്ങളും; പിന്നീട് സംഭവിച്ചത് എന്ത്
കാലമെത്ര പുരോഗമിച്ചെന്ന് പറഞ്ഞാലും ഇന്നും സ്ത്രീകൾക്ക് നേരെയുള്ള അക്രമങ്ങൾക്ക് ഒരു മാറ്റവുമില്ല. അത്തരത്തിലൊരു വാർത്തയാണ് ഇപ്പോൾ പുറത്ത് വരുന്നത്. കോൽക്കത്തയിലെ ഒരു ജൂണിയർ വനിതാ ഡോക്ടർ ആപ്പ് കേന്ദ്രീകരിച്ച് പ്രവർത്തിക്കുന്ന ഒരു ബൈക്കർ റൈഡ് ബുക്ക് ചെയ്തിരുന്നു. എന്നാൽ ബൈക്ക് റൈഡർ എത്താൻ വൈകുമെന്നറിയിച്ചതോടെ അവർ കാൻസൽ ചെയ്തു. പിന്നീട് മറ്റൊരു വണ്ടി വിളിച്ച് അതിൽ പോകേണ്ടി വന്നു. പക്ഷേ ആപ്പ്കാർ കാരണം യുവതി ആപ്പിലായെന്ന് പറയാം. റൈഡ് കാൻസൽ ചെയ്തതിനു പിറ്റേ നിമിഷംതന്നെ ഇവർ യുവതിയുടെ ഫോണിലേക്ക് അശ്ലീല സന്ദേശങ്ങളും ചിത്രങ്ങളും അയച്ച് ഭീഷണിപ്പെടുത്താൻ തുടങ്ങി. ശല്യം സഹിക്കാൻ വയ്യാതായതോടെ യുവതി പോലീസിൽ പരാതി നൽകി. പിന്നീട്, ഈ ബൈക്ക് റൈഡറെ പോലീസ് അറസ്റ്റ് ചെയ്തു. മുകുന്ദപൂർ സ്വദേശിയായ രാജു ദാസ് എന്ന 41 -കാരനെയാണ് പോലീസ് അറസ്റ്റ് ചെയ്തത്. വ്യാഴാഴ്ചയാണ് യുവതി റൈഡ് ബുക്ക്…
Read Moreമിഠായി തന്നാൽ പകരം വാടക കാശ് തരാം: ട്രെന്റിംഗ് ആയി യുവാവിന്റെ ഹാലോവീൻ വീഡിയോ
പല തരത്തിലുള്ള വീഡിയോകൾ സമൂഹ മാധ്യമങ്ങളിൽ വൈറലാണ്. ഇപ്പോഴിതാ ഒരു യൂട്യൂബറുടെ ഹാലോവീൻ വീഡിയോ ചലഞ്ച് ആണ് യൂട്യൂബിൽ ട്രെന്റിംഗ് ആകുന്നത്. ജുവാൻ ഗോൺസാലസിന്റെ ThatWasEpic എന്ന ചാനലിലെ വീഡിയോ ആണ് വൈറലാകുന്നത്. ‘ട്രിക്ക് ഓർ ട്രീറ്റ്’ എന്ന പേരിൽ ഹാലോവീൻ ദിവസങ്ഹളിൽ ഓരോ വീടിന് മുൻപിലും മിഠായികൾ വച്ചിട്ടുണ്ടാകും. വിവിധ വേഷങ്ങളിലെത്തുന്നവർ ഓരോ വീട്ടിലും പോയി മിഠായികൾ ചോദിക്കുന്ന പതിവും ഉണ്ട്. അതുപോലെ ഇയാളും ഹാലോവീൻ വേഷത്തിലെത്തി ഓരോ വീടിനു മുന്നിലും പോയി മിഠായികൾ ചോദിക്കുകയാണ്. എന്നാൽ യുവാവ് എന്താണ് ഇത്ര നേരത്തെ മിഠായി ചോദിച്ച് എത്തുന്നതെന്ന് പലരും സംശയിച്ചു. ചിലരൊക്കെ ഇയാൾക്ക് മിഠായി കൊടുക്കുന്നുണ്ട്. മിഠായി വാങ്ങി പകരം വീട്ടുകാർക്ക് യുവാവ് തിരിച്ച് പണം നൽകുകുന്നു. ആദ്യം പണം വാങ്ങാൻ വീട്ടുകാർ മഠിക്കുമെങ്കിലും യുവാവിന്റെ നിർബന്ധപ്രകാരം പണം വാങ്ങുന്നത് വീഡിയോയിൽ കാണാൻ സാധിക്കും. മൂന്ന്…
Read More‘വർക്ക് ഫ്രം ഹോം’ നിർത്തി ഓഫീസിലെത്താൻ പറഞ്ഞു: ഭിന്നശേഷിക്കാരനാണെന്ന് പോലും പരിഗണിക്കാതെ കന്പനി; വൈറലായി പോസ്റ്റ്
ലോകത്തെ മുഴുവൻ പിടിച്ച് കുലുക്കിയ മഹാമാരിയാണ് കോവിഡ്. അതിനു പിന്നാലെയാണ് ഓൺലൈൻ ക്ലാസുകളും വർക്ക് ഫ്രം ഹോമുമെല്ലാം വളരെ പ്രചാരത്തിലായത്. കോവിഡ് കാലം കഴിഞ്ഞിട്ടും ചില കന്പനികൾ ആ രീതി ഇന്നും തുടരുന്നു. ഓഫീസിലെത്തി ജോലി ചെയ്യാൻ സാധിക്കാത്ത ആളുകൾക്ക് വർക്ക് ഫ്രം ഹോം എന്നത് നല്ലൊരു ഓപ്ഷനായി മാറി. എന്നാൽ ഇപ്പോൾ കന്പനികളിൽ പലരും തൊഴിലാളികളോട് നേരിട്ട് ജോലിക്ക് ഹാജരാകാൻ നിർബന്ധിക്കുകയാണ്. ഇതവരുടെ ഒരു തന്ത്രമാണെന്നാണ് പുറത്ത് വരുന്ന റിപ്പോര്ട്ടുകൾ. വർക്ക് ഫ്രം ഹോം മാത്രം ചെയ്യാനാവുന്ന തൊഴിലാളികൾ ഇതുവഴി കൊഴിഞ്ഞു പോയ്ക്കോളും എന്നാണ് ഇത്തരം കമ്പനികളുടെ മനോഭാവം. ഇപ്പോഴിതാ ഭിന്നശേഷിക്കാരനായ യുവാവ് അത്തരത്തിലുള്ള അനുഭവം പങ്കുവയ്ക്കുകയാണ് റെഡ്ഡിറ്റിൽ. ഭിന്നശേഷിക്കാരനായ താൻ കമ്പനിയിൽ ആദ്യം തന്നെ തന്റെ അവസ്ഥ അറിയിച്ചിരുന്നു. വർക്ക് ഫ്രം ഹോം മാത്രമേ ചെയ്യാനാവൂ എന്നും പറഞ്ഞതാണ്. എന്നാൽ, ഇപ്പോൾ കമ്പനിയിൽ നിന്നും…
Read More‘വീട്ടിൽ ആരെങ്കിലും മരിച്ചാൽ പോലും ജോലി തീർത്തിട്ടല്ലാതെ തിരിഞ്ഞ് നോക്കരുത്, മരിച്ചവർ അഴുകി പോകട്ടെയെന്ന് കരുതി ജോലി തുടരണം’: വിവാദമായി പ്രോജക്ട് ഹെഡിന്റെ ഉപദേശം
തൊഴിലിടങ്ങളിൽ പലരും മാനസിക പീഡനത്തിനിരയാകാറുണ്ട്. ഇപ്പോഴിതാ അത്തരത്തിലൊരു വാർത്തയാണ് ചൈനയിൽ നിന്നും പുറത്ത് വരുന്നത്. തന്റെ ജീവനക്കാർക്ക് ചൈനയിലെ പ്രോജക്ട് മാനേജരായ പൂ നൽകിയ ഉപദേശമാണ് സമൂഹ മാധ്യമങ്ങളിൽ വൈറലാകുന്നത്. നിങ്ങൾ സ്വന്തം കുടുംബത്തേക്കാൾ നിങ്ങളുടെ ജോലിക്കാണ് മുൻഗണന നൽകേണ്ടത്. ‘വീട്ടിൽ ആരെങ്കിലും മരിച്ചാൽ പോലും ജോലി തീർത്തിട്ടല്ലാതെ തിരിഞ്ഞ് പോലും നോക്കരുത്’ എന്നാണ് മാനേജർ ജീവനക്കാരോട് പറഞ്ഞത്. മരിച്ചവർ ചീഞ്ഞഴുകിയാലും ജോലിയിലായിരിക്കണം ശ്രദ്ധ. തൽക്കാലം മരിച്ചവർ അഴുകി പോകട്ടെയെന്ന് കരുതി ജോലി തുടരണമെന്നും ഇതോടൊപ്പം അയാള് കൂട്ടിച്ചേര്ത്തു. സോഷ്യൽ മീഡിയയിൽ ഇയാൾക്കെതിരേ ധാരാളം വിമർശനമാണ് ഉയർന്നത്. സംഭവം വിവാദമായതോടെ എല്ലാ ജീവനക്കാരോടും പൂ മാപ്പ് പറഞ്ഞു എന്നാണ് പുറത്ത് വരുന്ന റിപ്പോർട്ടുകൾ.
Read Moreഇതെന്തോ പോപ്പിൻസോ… അമ്പരപ്പിക്കുന്ന കളറുകളും ഇനങ്ങളും, 35 തരം മുളകുകളുടെ വീഡിയോ പങ്കുവച്ച് യുവാവ്
മുളകെന്ന് കേൾക്കുന്പോൾ തന്നെ മനസിലേക്ക് എത്തുന്നത് രണ്ടേ രണ്ട് നിറങ്ങളാണ്. ഒന്ന് ചുമപ്പും മറ്റൊന്ന് പച്ചയും. എന്നാൽ ഇവയ്ക്ക പുറമേ പല നിറത്തിലുള്ള മുളകുകളുമായി സോഷ്യൽ മീഡിയയിൽ കയ്യടി വാങ്ങിയിരിക്കുകയാണ്. plantedinthegarden എന്ന യൂസറാണ് മുളകുകളുടെ വീഡിയോ ഇൻസ്റ്റഗ്രാമിൽ പങ്കുവച്ചിരിക്കുന്നത്. 35 തരത്തിലുള്ള മുളകുകളാണ് വീഡിയോയിലുള്ളത്. പച്ച, മഞ്ഞ,നീല,വയലറ്റ്,വെള്ള, ഓറഞ്ച് എന്നീ നിറങ്ങളിലുള്ള പല വലിപ്പത്തിലുള്ള മുളകുകളുടെ ഒരു ശേഖരംതന്നെ വീഡിയോയിൽ കാണാൻ സാധിക്കും. എന്തായാലും വീഡിയോ പെട്ടന്ന് വൈറലായതോടെ നിരവധി ആളുകളാണ് അതിൽ കമന്റുമായി എത്തിയത്. ഇതെല്ലാം നിങ്ങളുടെ വീട്ടിൽ തന്നെ വിളഞ്ഞതാണോ അതോ കടയിൽ നിന്ന് വാങ്ങിയതാണോ അങ്ങനെ നൂറ് നൂറ് സംശയങ്ങളാണ് എല്ലാവരും ചോദിക്കുന്നത്.
Read More