സെന്റ് അഗസ്റ്റിന്സ് ഹയര് സെക്കൻഡറി സ്കൂളിലെ എന്എസ്എസ് വോളണ്ടിയര്മാര് ജൈവരീതിയില് കൃഷി ചെയ്ത നെല്ലിന്റെ കൊയ്ത്തുത്സവം ആവേശമായി. കൊണ്ടാട് ചൂരവേലില് പാടശേഖരത്താണ് ഇന്നലെ കൊയ്ത്തുത്സവം നടന്നത്. താളമേളങ്ങളോടെ കുട്ടികള് ഇത് ആഘോഷമാക്കി. പുഴുങ്ങിയ ചെണ്ടന്കപ്പയും മുളക് പൊട്ടിച്ചതും കട്ടന്കാപ്പിയുമൊക്കെയായി തനി നാടന് രീതിയിലായിരുന്നു കൊയ്ത്തുത്സവം. അധ്യാപകരുടെ നേതൃത്വത്തില് ആണ്കുട്ടികളും പെണ്കുട്ടികളും ഉള്പ്പെട്ട അമ്പതോളം എന്എസ്എസ് വോളണ്ടിയര്മാര് കൊയ്ത്തുത്സവത്തില് പങ്കെടുത്തു. എന്എസ്എസ് പ്രോഗ്രാം ഓഫീസര് മെല്വിന് കെ. അലക്സ്, മധു ചൂരവേലില് എന്നിവര് കുട്ടികള്ക്കു കാര്ഷിക നിര്ദേശങ്ങള് നല്കി. നാലുമാസം മുമ്പ് തവളക്കണ്ണന് വിത്താണ് കുട്ടികള് പാടത്ത് വിതച്ചത്. ജൈവവളവും ജൈവകീടനാശിനിയുമാണ് കൃഷിയില് ഉപയോഗിച്ചത്. സുഭാഷ് പാലേക്കറിന്റെ സീറോ ബജറ്റ് കൃഷി രീതിയാണ് അവലംബിച്ചത്. മികച്ച രീതിയില് നെല്കൃഷി ചെയ്ത വോളണ്ടിയര്മാരെയും പ്രോഗ്രാം ഓഫീസര് മെല്വിന് കെ. അലക്സിനെയും പ്രിന്സിപ്പല് സാബു മാത്യു, സ്കൂള് മാനേജര് ഫാ. ബെര്ക്കുമാന്സ്…
Read MoreCategory: Today’S Special
വർധിച്ചുവരുന്ന റോഡപകടം: മൂന്നുതരത്തില് രക്ഷാകവചം ഒരുക്കി ശാസ്ത്രമേളയിൽ ശ്രദ്ധനേടി അഖിലും ലക്ഷ്മിയും
ചേര്ത്തല: കേരളത്തിന്റെ ശാപമായി മാറുകയാണ് ദൈനംദിനം വര്ധിച്ചുവരുന്ന റോഡ് അപകടങ്ങള്. ഇതിനു പരിഹാരമായി ചെട്ടികുളങ്ങര ഹൈസ്കൂളിലെ അഖില്ജിത്ത് പ്രസാദും എസ്. ലക്ഷ്മിയും അവതരിപ്പിച്ച സൊല്യൂഷന് ഫോര് റോഡ് ആക്സിഡന്റ് ശാസ്ത്രമേളയിലെത്തിയവരുടെ ശ്രദ്ധയാകര്ഷിച്ചു. മൂന്നുതരത്തിലുള്ള അപകടങ്ങളെ തിരിച്ചറിയുന്ന എംക്യൂ-മൂന്ന് സെന്സറിംഗ് ഉപകരണങ്ങളാണ് മേളയില് അവതരിപ്പിച്ചത്.എതിരേ വരുന്ന വാഹനങ്ങളുടെ ശക്തിയേറിയ പ്രകാശം കാരണം ഉണ്ടാകുന്ന അപകടങ്ങളെ തടയുന്നതിന് ഓട്ടോമാറ്റിക്കായി ഡിം ആകുന്ന ഉപകരണമാണ് ഒന്ന്. മദ്യപിച്ച് വാഹനം ഓടിച്ച് അപകടം ഉണ്ടാക്കുന്നവരെ തടയിടാനായി ആല്ക്കഹോള് ഡിറ്റെക്ടറാണ് രണ്ടാമത്തെ സെന്സര്. മദ്യപിച്ച് വാഹനം ഓടിക്കാന് ശ്രമിച്ചാല് വാഹനം അലാറം ശബ്ദം മുഴക്കുകയും ഓട്ടോമാറ്റിക്കായി ഓഫായി പോകുന്നതാണ് സിസ്റ്റം. കൂടാതെ ഈയിടെയായി വാഹനങ്ങള് തനിയെ തീപിടിക്കുന്ന സംഭവം നിരവധി ഉണ്ടാകുന്നുണ്ട്. ഇതിനു തടയിടാനായി വാഹനത്തിനുള്ളില് തീപിടിക്കുമ്പോള് ഉടന് തന്നെ അലാറം ശബ്ദം മുഴക്കി യാത്രക്കാരെ മൂന്നാമത്തെ സെന്സര് അറിയിക്കും. അപായശബ്ദം കേട്ട് യാത്രക്കാര്ക്ക്…
Read Moreരണ്ടാമതും അച്ഛനായതോടെ യുവാവ് വീട് വിട്ടു, താമസം മുറ്റത്തെ ടെന്റിൽ! പിന്തുണച്ച് ഭാര്യ
ലണ്ടൻ: കുഞ്ഞുങ്ങളുടെ പരിപാലനം ഒട്ടും ഈസിയായ പണിയല്ല. എന്നിരുന്നാലും സ്വന്തം ചോരയിൽ പിറന്ന കുട്ടികളെ ബഹുഭൂരിഭാഗം മാതാപിതാക്കളും ശല്യമായി കാണുകയോ അവരെ നോക്കാതിരിക്കുകയോ ചെയ്യാറില്ല. എന്നാൽ, യുകെയിലെ കേംബ്രിഡ്ജ് സ്വദേശിയായ ഒരു അച്ഛനെക്കുറിച്ചുള്ള വാർത്ത അൽപം വ്യത്യസ്തമാണ്. രണ്ടാമത്തെ കുഞ്ഞിന്റെ ജനനത്തോടെ വീടുവിട്ടിറങ്ങി പൂന്തോട്ടത്തിൽ ടെന്റ് കെട്ടി താമസമാക്കിയിരിക്കുകയാണു സ്റ്റുവർട്ട് എന്ന യുകെക്കാരൻ. മുപ്പത്തിയെട്ടുകാരനായ ഇയാൾ ഒരു സ്കൂൾ അധ്യാപകനാണ്. ഇദ്ദേഹത്തിനും ഭാര്യ ക്ലോ ഹാമിൽട്ടണും രണ്ടു മക്കൾ. ഇവരുടെ മൂത്ത മകൻ ഫാബിയന് രണ്ടു വയസുള്ളപ്പോഴാണു രണ്ടാമത്തെ കുഞ്ഞു പിറന്നത്. സന്തോഷത്തോടെതന്നെ രണ്ടാമനെ ഇരുവരും വരവേറ്റു. എന്നാൽ, ഏതാനും ദിവസം കഴിഞ്ഞപ്പോൾതന്നെ, അച്ഛന്റെയും അധ്യാപകന്റെയും ഉത്തരവാദിത്വങ്ങൾ ഒരുമിച്ചു കൊണ്ടുപോകാൻ കഴിയാതെ കടുത്ത സമ്മർദത്തിലായ യുവാവ് വീടു വിടുകയായിരുന്നു. ഭാര്യയെയും മക്കളെയും വിട്ട് മുറ്റത്തെ ടെന്റിൽ താമസമാക്കിയതറിഞ്ഞ് ബന്ധുക്കളും നാട്ടുകാരുമൊക്കെ സ്റ്റുവർട്ടിനെ കുറ്റപ്പെടുത്തി. എന്നാൽ തന്റെ ഭർത്താവിന്റെ…
Read Moreഇതൊക്കെ ശ്രദ്ധിക്കണ്ടേ അംബാനേ… പോലീസിനെ ചീത്ത വിളിച്ച് ദമ്പതികൾ, പിന്നാലെ അറസ്റ്റ്
നൈറ്റ് പട്രോളിംഗിനിറങ്ങിയ പോലീസ് ഉദ്യോഗസ്ഥരെ അസഭ്യം പറയുന്ന വീഡിയോ ചിത്രീകരിച്ച് സോഷ്യൽ മീഡിയയിൽ പ്രചരിപ്പിച്ച ദമ്പതികൾ ചെന്നൈയിൽ അറസ്റ്റിൽ. മറീന ബീച്ചിലെ ലൂപ്പ് റോഡിലാണ് സംഭവം. സംഭവദിവസം രാത്രി പതിവ് റൗണ്ടിനിടെ ചന്ദ്രമോഹൻ, ധനലക്ഷ്മി എന്നീ ദമ്പതികളെ പോലീസ് ചോദ്യം ചെയ്തിരുന്നു. ഇതിൽ പ്രകോപിതരായി ദമ്പതികൾ പോലീസുകാരോടു തട്ടിക്കയറി. ഇതിന്റെ ദൃശ്യങ്ങൾ പോലീസ് പകർത്തിയപ്പോൾ ഇവർ കാമറയ്ക്ക് പോസ് ചെയ്ത് പോലീസിനെ തരംതാഴ്ത്തുന്ന തരം പേരുകൾ വിളിക്കുകയും അസഭ്യമായ ഭാഷയിൽ അധിക്ഷേപിക്കുകയും ചെയ്തു. തമിഴ്നാട് ഉപമുഖ്യമന്ത്രി ഉദയനിധി സ്റ്റാലിനെ വിളിക്കുമെന്ന് ഭീഷണിപ്പെടുത്തി. അശ്ലീല പദപ്രയോഗം ഉൾപ്പെടെ നടത്തിയ ദമ്പതികളുടെ പെരുമാറ്റം വ്യക്തമാക്കുന്ന വീഡിയോ സോഷ്യൽ മീഡിയയിൽ വൈറലായി. ദന്പതികളെ അറസ്റ്റ് ചെയ്ത മൈലാപ്പുർ പോലീസ് അന്വേഷണം ആരംഭിച്ചു.
Read Moreവീൽചെയറിൽ ഭക്ഷണവിതരണം നടത്തി സൊമാറ്റോ ഏജന്റ്: നമിക്കുന്നെന്നു സോഷ്യൽ മീഡിയ
രാജ്യ തലസ്ഥാനത്തെ തിരക്കേറിയ റോഡിലൂടെ വീൽചെയറിൽ ഭക്ഷണ വിതരണത്തിനു പോകുന്ന യുവാവിനു സോഷ്യൽ മീഡിയയുടെ ആദരം. ഡൽഹി ടെക്നിക്കൽ യൂണിവേഴ്സിറ്റിയുടെ സമീപത്തു കൂടി സൊമാറ്റോയുടെ യൂണിഫോമിൽ ഭക്ഷണബാഗുമായി വീൽചെയറിൽ പോകുന്ന യുവാവിന്റെ ചിത്രം റെഡ്ഡിറ്റിലാണ് പങ്കുവച്ചത്. “ബഹുമാനം’ എന്ന അടിക്കുറിപ്പോടെ നൽകിയ ചിത്രം ഇതിനകം വൈറലായി കഴിഞ്ഞു. മോട്ടോറൈസ്ഡ് വീൽചെയറിലാണ് ഇദ്ദേഹത്തിന്റെ സഞ്ചാരം. പിന്നിൽനിന്നുള്ള ചിത്രമാണെങ്കിലും വീൽചെയറിന്റെ കണ്ണാടിയിൽ യുവാവിന്റെ മുഖം കാണാം. ചിത്രം കണ്ട് നിരവധിപ്പേർ ഈ യുവാവിനെ തിരിച്ചറിയുകയും കമന്റിടുകയും ചെയ്തു. യുവാവ് ഒരിക്കൽ തനിക്ക് ഭക്ഷണം എത്തിച്ചിട്ടുണ്ടെന്നായിരുന്നു ഒരാളുടെ കമന്റ്. തിരക്കുള്ള റോഡിലൂടെ വീൽചെയർ യാത്ര നടത്തുന്ന അദ്ദേഹത്തെ സമ്മതിക്കണമെന്നും എനിക്കൊരിക്കലും ഇത്ര ബുദ്ധിമുട്ടുള്ള ജോലി ചെയ്യാനാവില്ലെന്നും മറ്റൊരാൾ എഴുതി. “എന്റെ ബഹുമാനം അദ്ദേഹത്തിനു വേണ്ട. കാരണം അദ്ദേഹം എന്നേക്കാൾ കരുത്തനാണ്’ എന്നായിരുന്നു വേറൊരു കമന്റ്.
Read Moreഭാര്യയുടെ പ്രസവം ചിത്രീകരിച്ചു; പൊക്കിൾക്കൊടി സ്വയം മുറിച്ചു; ദൃശ്യങ്ങൾ പ്രചരിപ്പിച്ച യുട്യൂബർക്ക് സംഭവിച്ചത് എന്ത്
ചെന്നൈ: ഭാര്യയുടെ പ്രസവവുമായി ബന്ധപ്പെട്ട ദൃശ്യങ്ങൾ സ്വകാര്യ ആശുപത്രിയിൽനിന്നു ചിത്രീകരിക്കുകയും കുട്ടിയുടെ പൊക്കിൾക്കൊടി സ്വയം വേർപെടുത്തുകയും ചെയ്ത സംഭവത്തിൽ തമിഴ്നാട്ടിലെ യുട്യൂബർ മുഹമ്മദ് ഇർഫാനെതിരേ കേസ്. പെൺകുഞ്ഞിനാണ് ഇർഫാന്റെ ഭാര്യ ജന്മം നൽകിയത്. കുഞ്ഞിന്റെ പൊക്കിൾക്കൊടി വേർപെടുത്തുന്ന ദൃശ്യങ്ങൾ അടങ്ങിയ വിഡിയോ തന്റെ യുട്യൂബ് ചാനലിൽ ഇർഫാൻ പുറത്തുവിട്ടതിനു പിന്നാലെയാണ് ആരോഗ്യ വകുപ്പ് നടപടി സ്വീകരിച്ചത്. പൊക്കിൾക്കൊടി വേർപെടുത്താൻ ഡോക്ടർമാർക്ക് മാത്രമേ അനുമതിയുള്ളൂവെന്നിരിക്കെ, ഇർഫാനെ ഇതിന് അനുവദിച്ച ഡോക്ടർക്കെതിരെയും ഷോളിംഗനല്ലൂരിലെ ആശുപത്രിക്കെതിരെയും നടപടി സ്വീകരിക്കുമെന്നും അധികൃതർ അറിയിച്ചു. ജൂലൈയിൽ പ്രസവത്തിനായി ഭാര്യ വീട്ടിൽനിന്ന് പുറപ്പെടുന്നത് മുതൽ സ്വകാര്യ ആശുപത്രിയിലെ ഓപ്പറേഷൻ തിയറ്ററിൽ കുഞ്ഞു ജനിക്കുന്നത് വരെയുള്ള സംഭവങ്ങൾ 16 മിനിട്ടുള്ള വീഡിയോയിൽ ഉണ്ട്. ലക്ഷക്കണക്കിനു പേരാണ് വീഡിയോ കണ്ടത്. വിവാദമായതിനു പിന്നാലെ വീഡിയോ ചാനലിൽനിന്ന് നീക്കി. ഭാര്യ ഗർഭിണിയായിരിക്കെ കുട്ടിയുടെ ലിംഗ നിർണയ പരിശോധന നടത്തുകയും വിവരങ്ങൾ…
Read Moreഒരു നാവികനെ മൂന്ന് പേര് ചേര്ന്ന് കൊലപ്പെടുത്തിയ ശേഷം കഴുമരത്തില് കെട്ടി തൂക്കി: ഡ്രാക്കുളക്ക് മുൻപ് ബ്രാം സ്റ്റോക്കര് എഴുതിയ പ്രേതകഥ 134 വര്ഷത്തിന് ശേഷം പ്രസിദ്ധീകരിക്കുന്നു
രക്തദാഹിയായ ഡ്രാക്കുള എന്ന് കേട്ടാൽ പേടിക്കാത്ത ആളുകൾ ഇല്ലന്ന് തന്നെ പറയാം. ഡ്രാക്കുളയെ അനശ്വരമാത്തിയ കഥാകൃത്ത് ബ്രാം സ്റ്റോക്കറുടെ മറ്റൊരു പ്രേതകഥ ‘ഗിബെറ്റ് ഹില്’ 134 വര്ഷത്തിന് ശേഷം വായനക്കാരിലേക്ക് എത്തുന്നു. ഡ്രാക്കുളയ്ക്കും മുൻപാണ് അദ്ദേഹം ഇത് എഴുതിയത്. അയര്ലന്ഡിലെ നാഷണല് ലൈബ്രറിയില് സൂക്ഷിച്ചിരുന്ന ഈ ഗ്രന്ഥം ചരിത്രകാരനും ബ്രാം സ്റ്റോക്കറിന്റെ ആരാധകനും ആയ ബ്രയാന് ക്ലിയറിയാറാണ് കണ്ടെടുത്തത്. അയര്ലൻഡിലെ നാഷണല് ലൈബ്രറിയില് റിസര്ച്ച് നടത്തുന്നതിനിടയിലാണ് ക്ലിയർ ബ്രാം സ്റ്റോക്കറുടെ ചെറുകഥ പൊടിതട്ടിയെടുത്തത്. ഡ്രാക്കുള പോലെ ഒരു ഹൊറര് കഥയാണിതും. ഒരു നാവികനെ മൂന്ന് പേര് ചേര്ന്ന് കൊലപ്പെടുത്തിയ ശേഷം കഴുമരത്തില് കെട്ടി തൂക്കിയ കഥ പറയുന്നതാണ് ഗിബെറ്റ് ഹിൽ. ഒക്ടോബര് 28ന് ഡബ്ലിനില് നടക്കുന്ന ബ്രാംസ്റ്റോക്കര് ഫെസ്റ്റിവലില് പ്രകാശനം നടത്തുന്ന പുസ്തകത്തില് ഗിബെറ്റ് ഹില് പുനര്പ്രസിദ്ധീകരിക്കും.
Read Moreസുരേഷ് ഗോപിക്കൊപ്പം ചേർന്ന് നിൽക്കുന്ന മകൾ ലക്ഷ്മി: സോഷ്യൽ മീഡിയയിൽ വൈറലായി ചിത്രം; ജീവനോടെ ഉണ്ടായിരുന്നെങ്കിൽ ഇതുപോലെ തന്നെയെന്ന് കമന്റ്
ഇന്ന് എന്തും വൈറലാകുന്ന കാലമാണ്. അത്തരത്തിലൊരു വൈറൽ ചിത്രമാണ് ഇന്ന് സൈബറിടം ഓറ്റെടുത്തിരിക്കുന്നത്. ഇത് കണ്ടാൽ ഒരുപോലെ ദുഃഖവും എന്നാൽ സന്തോഷവും പ്രധാനം ചെയ്യും. നടൻ സുരേഷ്ഗോപിക്ക് തന്റെ ഏറ്റവും മൂത്ത മകൾ ലക്ഷ്മിയെ നഷ്ടമായ കഥ അദ്ദേഹം തന്നെ പറഞ്ഞ് നമ്മൾ കേട്ടിട്ടുണ്ട്. ഇപ്പോഴിതാ ലക്ഷ്മി ഇന്ന് ജീവനോടെ ഉണ്ടായിരുന്നു എങ്കിൽ ഇതുപോലെ കണ്ടേനെ എന്ന് കുറിപ്പോടെ സോഷ്യൽ മീഡിയയിൽ പങ്കുവച്ച ചിത്രമാണ് വൈറലാകുന്നത്. ഡിജിറ്റൽ ആർട്ടിലൂടെയാണ് ലക്ഷ്മിയുടെ ചിത്രം വരച്ചത്. ലക്ഷ്മിയുടെ ഒന്നര വയസിലുള്ള ഫോട്ടോ ഉപയോഗിച്ചാണ് മുപ്പത്തിനാലാം വയസിൽ ലക്ഷ്മി എങ്ങനെ ഉണ്ടാകുമെന്ന് വരച്ച് ചേർത്തിട്ടുള്ളത്. ആർട്ടോമാനിക് എന്ന ഇൻസ്റ്റഗ്രാം പേജിലാണ് ചിത്രം പങ്കുവച്ചത്. അച്ഛൻ സുരേഷ് ഗോപിക്കൊപ്പം ചേർന്ന് നിൽക്കുന്ന ലക്ഷ്മിയുടെ ഫോട്ടോ ഇതിനോടകം വൈറലാണ്. വീഡിയോ കാണാൻ ഇവിടെ ക്ലിക് ചെയ്യുക. ഒന്നര വയസിൽ ഒരു കാറപകടത്തിലാണ് ലക്ഷ്മി മരണപ്പെട്ടത്.…
Read Moreമുന്നിൽകാണുന്ന പാഴ്വസ്തുക്കളെല്ലാം തനിക്ക് വിലപ്പെട്ടത്; നസീമിന്റെ കരവിരുതിൽ വിരിയുന്നത് ഒറിജിനലിനെ വെല്ലുന്ന മിനിയേച്ചറുകൾ
വീട്ടുമുറ്റത്ത് പാർക്ക് ചെയ്ത ഓട്ടോറിക്ഷയും ബൈക്കും കണ്ട് അത് ഒറിജിനലാണെന്ന് കരുതിയവർ ഒട്ടേറെ. അടുത്തുചെന്ന് സൂക്ഷിച്ചു നോക്കുമ്പോഴാണ് അതി വിദഗ്ധ കൈയടക്കത്തോടെ നിർമിച്ച കളിപ്പാട്ടമാണെന്ന് അറിയുക. ഇത് നിർമിച്ചത് പത്താം ക്ലാസിൽ പഠിക്കുന്ന നസീം എന്ന വിദ്യാർഥിയാണെന്ന് അറിയുമ്പോൾ അദ്ഭുതമേറും. നസീമിന്റെ വീട്ടിൽ ഇങ്ങനെ നിരവധി വാഹനങ്ങളുടെ ഒറിജിനൽ പോലെ തോന്നിക്കുന്ന മിനിയേച്ചറുകളുണ്ട്. എരുമേലി വാവർ സ്മാരക ഹയർ സെക്കൻഡറി സ്കൂളിൽ പഠിക്കുന്ന നസീം പഠനം കഴിഞ്ഞു കിട്ടുന്ന സമയങ്ങളിലാണ് തന്റെ കരവിരുത് പ്രകടമാക്കുന്നത്. ഹെലികോപ്റ്റർ, എർത്ത് മൂവർ, ലോറി, ടൂറിസ്റ്റ് ബസ്, സ്വകാര്യ ബസ് എന്നിങ്ങനെ ഒട്ടേറെ മിനിയേച്ചറുകൾ നസീം നിർമിച്ചിട്ടുണ്ട്. മുന്നിൽ കാണുന്ന പല പാഴ്വസ്തുക്കളും തനിക്ക് വിലപ്പെട്ടതാണെന്ന് നസീം പറയുന്നു. പട്ടിമറ്റം പുത്തനങ്ങാടി നിസാം-റജീന ദമ്പതികളുടെ മകനാണ് നസീം.
Read Moreസ്ത്രീകള് കഠിനാധ്വാനത്തിലൂടെ സൃഷ്ടിച്ച വിജയം… തരിശുഭൂമിയിൽ വിളഞ്ഞത് നൂറുമേനി സ്വപ്നം; വെണ്മണിയിൽ കാരറ്റ് വിളവെടുപ്പ്!
വെണ്മണിയിലെ തരിശുഭൂമിയില്നിന്ന് ഒരു കാരറ്റ് വിപ്ലവം! ആവണി ജെഎല്ജി ഗ്രൂപ്പിന്റെ സെക്രട്ടറി സുഭദ്രാമ്മയുടെ ആശയം മുന്നോട്ടുവച്ച കാരറ്റ് കൃഷി വിജയകരമായി പൂര്ത്തിയായി. കോട്ടയത്തുനിന്ന് കൊണ്ടുവന്ന തൈകള് മാവനാല് ഭാഗത്ത് പത്തു വര്ഷത്തോളം തരിശുകിടന്ന സ്ഥലത്ത് നട്ടുപിടിപ്പിച്ചു. ജൂണില് നട്ട തൈകള് ഒക്ടോബറില് വിളവെടുപ്പിനു പാകമായി. പഞ്ചായത്തിന്റെ തൊഴിലുറപ്പ് പദ്ധതിയിലൂടെയാണ് കൃഷി നടത്തിയത്. കാരറ്റ് കൃഷിയോടൊപ്പം നിലക്കടലയും കൃഷി ചെയ്തു. വെണ്മണിയിലെ തരിശുഭൂമിയില്നിന്ന് വിളഞ്ഞത് കാരറ്റല്ല, പ്രതീക്ഷയാണന്ന് ആവണി ഗ്രൂപ്പിന്റെ സെക്രട്ടറി സുഭദ്രാമ്മ പറഞ്ഞു. സ്ത്രീകള് കഠിനാധ്വാനത്തിലൂടെ സൃഷ്ടിച്ച ഈ വിജയം, മറ്റുള്ളവര്ക്ക് പ്രചോദനമാകും. തരിശുഭൂമി ഉപയോഗപ്പെടുത്തി കൃഷി ചെയ്യുന്നത് പരിസ്ഥിതിയെ സംരക്ഷിക്കുന്നതിനൊപ്പം സ്ത്രീകളുടെ സാമ്പത്തിക സ്വാശ്രയത്വം വര്ധിപ്പിക്കുകയും ചെയ്യുമെന്ന് സെക്രട്ടറി പറഞ്ഞു. ഈ വിജയത്തിലൂടെ ശാസ്ത്രീയമായും കഠിനാധ്വാനത്തിലൂടെയും ഏത് വിളയും നമ്മുടെ ഭൂമിയില് കൃഷി ചെയ്ത് വിളിയിക്കാമെന്ന് കൃഷി ഓഫീസര് കെ. എസ്. സന്ദീപ് പറഞ്ഞു. പഞ്ചായത്ത്…
Read More