ചപ്പാത്തിക്കുള്ള ഗോതമ്പുപൊടി സ്വന്തം മൂത്രം കൊണ്ടു കുഴച്ച സംഭവത്തില് വീട്ടുജോലിക്കാരി അറസ്റ്റില്. ഉത്തർപ്രദേശിലെ ഗാസിയാബാദിലാണു സംഭവം. വീട്ടുടമ നല്കിയ പരാതിയിലാണ് 32കാരിയായ വീട്ടുജോലിക്കാരി പിടിയിലായത്. വീട്ടുടമയോടുള്ള വിരോധംമൂലം ഇവർ പതിവായി ഇങ്ങനെ ചെയ്തിരുന്നുവത്രെ! കുടുംബാംഗങ്ങളിൽ ചിലർക്ക് തുടർച്ചയായി അസുഖം ബാധിച്ചതിനു പിന്നാലെ സംശയം തോന്നിയ വീട്ടുടമ അടുക്കളയില് ഒളിക്കാമറ വയ്ക്കുകയായിരുന്നു. തുടർന്നാണ്, ജോലിക്കാരി മൂത്രമൊഴിച്ച് ഗോതന്പുപൊടി കുഴയ്ക്കുന്ന ദൃശ്യങ്ങൾ ലഭിച്ചത്. ഇതിനു പിന്നാലെ ഗൃഹനാഥൻ പോലീസിൽ പരാതി കൊടുക്കുകയും ദൃശ്യങ്ങൾ സമൂഹമാധ്യമങ്ങളിൽ പങ്കുവയ്ക്കുകയുമായിരുന്നു. വീട്ടുടമയില്നിന്നു നിരന്തരം ശകാരവും അസഭ്യവർഷവും കേൾക്കേണ്ടിവന്നതിന്റെ ദേഷ്യത്തിലാണ് താനിങ്ങനെ ചെയ്തതെന്നു ജോലിക്കാരി പോലീസിന് മൊഴിനൽകി. അവരുടെ ക്രിമിനല് പശ്ചാത്തലവും പോലീസ് അന്വേഷിക്കുന്നുണ്ട്.
Read MoreCategory: Today’S Special
ചരിത്രം കുറിച്ച് യൂണിവേഴ്സിറ്റി കോളജ്; ആദ്യ വനിതാ ചെയർപേഴ്സണായി എൻ.എസ്. ഫരിഷ്ത
യൂണിവേഴ്സിറ്റി കോളജിലെ ആദ്യ വനിതാ ചെയർപേഴ്സണായി എൻ.എസ്.ഫരിഷ്തയെ തെരഞ്ഞെടുത്തു. 1427 വോട്ടുനേടിയാണ് ഫരിഷ്ത പുതുചരിത്രമെഴുതിയത്. കോഴിക്കോട് സ്വദേശിയായ ഫരിഷ്ത ബാലസംഘം ഫറോക്ക് ഏരിയ മുൻ പ്രസിഡന്റായിരുന്നു. കെഎസ്യു സ്ഥാനാർഥി എ.എസ്. സിദ്ധിയെയാണ് ഫരിഷ്ത പരാജയപ്പെടുത്തിയത്. കേരള സർവകലാശാലക്ക് കീഴിലെ കോളജ് യൂണിയൻ തെരെഞ്ഞെടുപ്പിൽ 77 ൽ 64 കോളജുകളിലും എസ്എഫ്ഐ വിജയിച്ചു. മാർ ഇവാനിയോസ് കോളജ് കെഎസ്യു നിലനിർത്തി. കൊല്ലം ശ്രീ വിദ്യാധി രാജ കോളജ് 20 വർഷങ്ങൾക്ക് ശേഷവും കൊല്ലം ഫാത്തിമ കോളജ് 13 വർഷങ്ങൾക്കു ശേഷവും കെഎസ്യു പിടിച്ചെടുത്തു. ആലപ്പുഴ എസ്ഡി കോളജിൽ 30 വർഷങ്ങൾക്ക് ശേഷം ചെയർമാൻ, കൗൺസിലർ സ്ഥാനങ്ങളിൽ കെഎസ്യു വിജയിച്ചു.
Read Moreകടിച്ച പാന്പിനെ കഴുത്തിൽ ചുറ്റി ആശുപത്രിയിൽ: അന്പരന്ന് ജീവനക്കാർ; വൈറലായി വീഡിയോ
പാറ്റ്ന: പാമ്പുകടിയേറ്റ മധ്യവയസ്കൻ കടിച്ച വിഷപ്പാന്പിനെ കഴുത്തിൽ ചുറ്റി ആശുപത്രിയിലെത്തി. ബിഹാറിലെ ഭഗൽപുരിലാണ് അന്പരപ്പുളവാക്കിയ സംഭവം. പ്രകാശ് മണ്ഡൽ എന്നയാളാണു പാന്പുമായി ചികിത്സ തേടി ആശുപത്രിയിലെത്തിയത്. ആശുപത്രിയിലെത്തിയിട്ടും പാമ്പിനെ താഴെയിടാൻ ഇയാൾ വിസമ്മതിച്ചു. ഒരുവേള പാമ്പുമായി ഇയാൾ തറയിൽ കിടക്കുകവരെ ചെയ്തു. ഡോക്ടർമാർ ഉൾപ്പെടെയുള്ളവർ ഇതു കണ്ട് പകച്ചുനിന്നു. ഏറെനേരത്തെ അനുനയശ്രമങ്ങൾക്കൊടുവിലാണു പാമ്പിനെ കൈവിടാൻ പ്രകാശ് മണ്ഡൽ തയാറായത്. ഉടൻതന്നെ ഇയാൾക്കു ചികിത്സയും നൽകി. വിഷപ്പാന്പിനെ കഴുത്തിൽ ചുറ്റി ആശുപത്രിൽ ചികിത്സയ്ക്ക് എത്തിയ ദൃശ്യങ്ങൾ സോഷ്യൽ മീഡിയയിൽ തരംഗമായി. വീഡിയോ കാണാൻ ഇവിടെ ക്ലിക് ചെയ്യുക.
Read Moreആടു പാമ്പേ ആടാടു പാമ്പേ ആടാടു പാമ്പേ…മദ്യലഹരിയിലായ ഡ്രൈവറെ പെരുമ്പാമ്പ് ചുറ്റിവരിഞ്ഞു: ആളുകൾ കണ്ടതുകൊണ്ട് രക്ഷപ്പെട്ടു
കർണൂൽ (ആന്ധ്ര): മദ്യലഹരിയിൽ ശരീരം കുഴഞ്ഞ് വീട്ടില് പോകാനാകാതെ റോഡരുകിലെ കടയുടെ മുന്നിലിരുന്ന ലോറി ഡ്രൈവറെ പെരുമ്പാമ്പ് ചുറ്റിവരിഞ്ഞു. ആന്ധ്രയിൽ കർണൂൽ ജില്ലയിലെ സിംഗാനപ്പള്ളി ഗ്രാമത്തിലാണു സംഭവം.ജോലി കഴിഞ്ഞിറങ്ങിയ ലോറി ഡ്രൈവര് അമിതമായി മദ്യപിച്ച് ലക്ക് കെട്ടിരിക്കുന്പോൾ സമീപത്തെ കുറ്റിക്കാട്ടില്നിന്ന് ഇഴഞ്ഞെത്തിയ പെരുമ്പാമ്പ് ദേഹത്ത് ചുറ്റിവരിയുകയായിരുന്നു. സംഭവം കണ്ട് ഓടിക്കൂടിയ നാട്ടുകാർ വിറക് കന്പ് ഉപയോഗിച്ച് പാമ്പിന്റെ പിടിയില്നിന്നു ഡ്രൈവറെ രക്ഷപ്പെടുത്തി. തക്കസമയത്ത് ആളുകൾ കണ്ടില്ലായിരുന്നെങ്കിൽ ഇയാൾക്കു ജീവൻതന്നെ നഷ്ടപ്പെടുമായിരുന്നു. ട്വിറ്റര് ഹാന്റില് വഴി തെലുങ്ക് സ്ക്രിബ് പുറത്തുവിട്ട ഇതിന്റെ വീഡിയോ അഞ്ച് ലക്ഷത്തോളം പേരാണു കണ്ടത്.
Read Moreകണ്ണുകെട്ടിയ നീതിദേവത ഇനിയില്ല, കൈയിൽ വാളിനു പകരം ഭരണഘടന; സമഗ്രമാറ്റവുമായി സുപ്രീം കോടതി
ഒരു കൈയില് ത്രാസും മറുകൈയില് വാളും പിടിച്ച്, കറുത്ത തുണി കൊണ്ട് കണ്ണ് കെട്ടി നില്ക്കുന്ന ഒരു സ്ത്രീ പ്രതിമയായിരുന്നു ഇത്രയും കാലംനീതി ദേവതയായി വാണിരുന്നത്. എന്നാൽ ഇനി മുതൽ രാജ്യത്ത് നിയമം അന്ധമല്ലെന്ന സന്ദേശമുയർത്തി കോടതി മുറികളില് ഇനി നീതിദേവത കണ്തുറന്നു നില്ക്കും. നീതിദേവതയുടെ കണ്ണിലെ കെട്ടഴിച്ച് സുപ്രീംകോടതി ചരിത്രം കുറിച്ചിരിക്കുകയാണ്. ചീഫ് ജസ്റ്റിസ് ഡി. വൈ. ചന്ദ്രചൂഢിന്റെ നേതൃത്വത്തിലാണ് ഈ തീരുമാനമെടുത്തത്. വലതുകൈയിലെ തുല്യതയുടെ തുലാസിനുനേരെ തലയുയര്ത്തി ഇടതുകൈയില് പുസ്തകവുമേന്തിക്കൊണ്ടായിരിക്കും നീതിദേവത ഇനി നിലയുറപ്പിക്കുക. ‘നിയമം ഒരിക്കലും അന്ധമല്ല, അത് എല്ലാവരേയും തുല്യമായി കാണുന്നു. പ്രതിമയുടെ കൈയിൽ ഭരണഘടന ഉണ്ടായിരിക്കണം. വാളല്ല. അത് നീതി നടപ്പാക്കുന്നു എന്ന സന്ദേശം രാജ്യത്തിന് നല്കും. വാള് അക്രമത്തിന്റെ പ്രതീകമാണ്. കോടതികള് നീതിവിധിക്കുന്നത് ഭരണഘടന അനുശാസിക്കുന്ന നിയമത്തിലൂടെയാണ്’എന്ന് ജസ്റ്റിസിന്റെ ഓഫീസ് വൃത്തങ്ങള് പറയുന്നു.
Read Moreവീടിനോ ഓഫീസിനോ കടകൾക്കോ എന്തിനേറെ പൊലീസ് സ്റ്റേഷനു പോലും വാതിലില്ലാത്ത ഒരു ഗ്രാമം; പിന്നിലെ കാരണമിങ്ങനെ
അടച്ചുറപ്പുള്ളൊരു വീടാണ് എല്ലാവരുടേയും സ്വപ്നം. എന്നാൽ എത്ര വലിയ വീടാണെങ്കിലും അതിനു വാതിൽ ഇല്ലെങ്കിലുള്ള അവസ്ഥ എന്താകും. മഹാരാഷ്ട്രയിലെ ശനി ശിംഗ്നാപൂർ ഗ്രാമത്തിൽ ഒരു വീടിനും വാതിലുകളില്ല. ഇതിനു പിന്നിലുള്ള കാരണം ആണ് ഏവരേയും ഞെട്ടിപ്പിക്കുന്നത്. ശനിദേവൻ ഗ്രാമവാസികളെ കാത്തുകൊള്ളും അതിനാൽ ഒരു കള്ളനും ആ ഗ്രാമത്തിൽ നിന്ന് മോഷ്ടിക്കാൻ ധൈര്യപ്പെടില്ല. 400 വർഷങ്ങൾക്ക് മുമ്പ്, പനസ്നാല നദിയുടെ തീരത്ത് ഒരു കറുത്ത കല്ല് വന്നടിഞ്ഞു. നാട്ടുകാരിലൊരാൾ കല്ല് കണ്ട് മൂർച്ചയുള്ളൊരു വടികൊണ്ട് അതിൽ കുത്തിനോക്കി. അപ്പോൾ അതിൽ നിന്ന് രക്തം പൊടിയാൻ തുടങ്ങി. അയാൾ ആ കല്ല് അവിടെ ഉപേക്ഷിച്ച് പോയി. അന്നു രാത്രി, ആ നാട്ടുകാരന്റെ സ്വപ്നത്തിൽ ശനി ഭഗവാൻ പ്രത്യക്ഷപ്പെട്ടു, ആ കല്ല് തന്റെ വിഗ്രഹമാണെന്നു അയാളോട് ദേവൻ പറഞ്ഞത്രെ. ഒരു ക്ഷേത്രം പണിത് അദ്ദേഹത്തിന് ആ കല്ല് സമർപ്പിക്കട്ടെ എന്ന് ഈ…
Read Moreമെട്രോ ട്രാക്കിൽ മൂത്രമൊഴിച്ച് യുവാവ്; വൈറലായി വീഡിയോ; മൂക്കത്ത് വിരൽവച്ച് സൈബറിടം
മെട്രോയെ സംബന്ധിച്ച് പല തരത്തിലുള്ള വാർത്തകൾ വൈറലാകാറുണ്ട്. പതിവു പോലെ ഒരു മെട്രോ വാർത്തയാണ് ഇന്നും സൈബറിടങ്ങളിലെ ചർച്ച. മെട്രോ സ്റ്റേഷനിൽ ആകസ്മികമായി മൂത്രമൊഴിക്കുന്ന ഒരു ജാപ്പനീസ് യുവാവിന്റെ വീഡിയോ ആണ് വൈറൽ. പൊതുവെ സിറ്റികളും പരിസരവുമൊക്കെ ഏറ്റവും വൃത്തിയോടെ പരിപാലിക്കുന്ന രാജ്യങ്ങളുടെ കൂട്ടത്തിൽ മുൻപന്തിയിലാണ് ജപ്പാൻ. അതിനാൽത്തന്നെ ജാപ്പനീസ് യുവാവോ എന്ന് പലരും ഞെട്ടലോടെയാണ് വീഡിയോയ്ക്ക് താഴെ കമന്റ് ചെയ്തത്. നമ്മുടെ നാട്ടിൽ പല സ്ഥലങ്ങളിലും പൊതു ഇടങ്ങളിൽ മൂത്രമൊഴിക്കാറുണ്ട്. എന്നാൽ മറ്റുള്ള രാജ്യങ്ങളൊക്കെ പൊതു ഇടങ്ങളിൽ മൂത്രമൊഴിച്ചാൽ ഫൈൻ ഈടാക്കാറുണ്ട്. എന്നിട്ടും ജാപ്പനീസ് യുവാവിന്റെ ഭാഗത്തു നിന്നും ഇത്തരത്തിലൊരു പ്രവൃത്തി ആരും പ്രതീക്ഷിച്ചില്ല. എല്ലാ ഇന്ത്യക്കാരും അറിയാന്. അതെ, ഇന്ത്യയിൽ ഇത് സംഭവിക്കുന്നു, പക്ഷേ, ഇത് ഇന്ത്യയിൽ മാത്രം സംഭവിക്കരുത്. മറ്റ് രാജ്യങ്ങൾ എന്തുകൊണ്ടോ സ്വർഗമല്ല, കാരണം, ലോകമെമ്പാടും എന്താണ് സംഭവിക്കുന്നതെന്ന് മാധ്യമങ്ങൾ നിങ്ങൾക്ക്…
Read Moreഅടിപൊളി… വെയിറ്റിംഗ് ഷെഡ് മനോഹരമാക്കി ആം ആദ്മി പ്രവർത്തകർ
കാടും പടലും പിടിച്ച് ഉപയോഗ ശൂന്യമായി കിടന്ന കരിങ്കുന്നം വെയിറ്റിംഗ് ഷെഡ് ആം ആദ്മി പാർട്ടി പ്രവർത്തകരുടെ നേതൃത്വത്തിൽ പെയിന്റു ചെയ്ത് ഭംഗിയാക്കി. കരിങ്കുന്നം പ്ലാന്റേഷൻ കവലയിലെ ബസ് കാത്തിരിപ്പു കേന്ദ്രമാണ് കരിങ്കുന്നം പഞ്ചായത്ത് മെംബർ ബീന കുര്യന്റെ നേതൃത്വത്തിൽ വൃത്തിയാക്കിയത്. പാതയുടെ വികസനം വന്നതോടെ റോഡ് നിരപ്പിൽനിന്നും താഴെയായതോടെയാണ് വെയിറ്റിംഗ് ഷെഡ് അവഗണിക്കപ്പെട്ടത്. കാടും പടലും കയറി ഇഴജന്തുക്കൾ വാസമുറപ്പിക്കാൻ തുടങ്ങിയതോടെ യാത്രക്കാരും ഇവിടെ കയറാതായി. മഴയും വെയിലുമേറ്റ് യാത്രക്കാർ വഴിയോരത്ത് ബസ് കാത്തുനിൽക്കേണ്ട ഗതികേടിലായിരുന്നു. ഇതോടെയാണ് ആം ആദ്മി പ്രവർത്തകർ മുന്നിട്ടിറങ്ങി കാടുവെട്ടി വൃത്തിയാക്കിയത്. ഇവിടെ ആളുകൾക്ക് കയറാൻ പടിക്കെട്ടുകൾ നിർമിക്കുകയും ഇരിപ്പിടങ്ങളിൽ ടൈലുകൾ പാകുകയും ചെയ്തു.
Read Moreഒന്ന് പോയി ഉറങ്ങ് പെണ്ണേ… പുറത്ത് പിടിച്ചിരിക്കുന്ന പക്ഷിയെ താഴെയിറക്കാൻ ശ്രമിക്കുന്ന പേർഷ്യൻ പൂച്ചയുടെ ശ്രമം ചിരിപടർത്തുന്നു
കടുവയേയും പാമ്പിനെയും ഒപ്പം മനുഷ്യനേയും വട്ടംചുറ്റിക്കുന്നതിൽ മുൻപന്തിയിലാണ് പൂച്ച. എന്നാൽ ഇപ്പോൾ ഒരു പക്ഷിയുടെ മുന്പിൽ അടിയറവു പറയുകയാണ് പൂച്ചസെർ. അടുത്തിടെ എക്സിലെത്തിയ ഒരു വീഡിയോയാണ് ഇപ്പോൾ വൈറലാകുന്നത്. വീഡിയോയില് ഒരു വലിയ പേര്ഷ്യന് പൂച്ച വീടിനുള്ളില് കൂടി നടക്കുന്നു. അതിന്റെ മുതുകിലായി ഈ കിളി ഇരിക്കുന്നു. പൂച്ച എന്തൊക്കെ പരാക്രമം കാട്ടിയിട്ടും കിളി അവിടെത്തന്നെ ഇരുന്നു. പൂച്ച ആ മുറി മുഴുവന് വട്ടംക്കറങ്ങി വന്നിട്ടും കിളി കുലുങ്ങിയില്ല. ആകെ ചിരി പടര്ത്തിയ ദൃശ്യങ്ങള്ക്ക് നിരവധി കമന്റുകള് ലഭിച്ചു. “പക്ഷിയെ മുതുകില് കയറ്റി താമസസ്ഥലത്തെ മുറികളിലുടനീളം കൊണ്ടുപോകുന്ന പൂച്ച ഒരു ടൂര് ഗൈഡ് ആണെന്ന് തോന്നുന്നു’ എന്നാണൊരാള് കുറിച്ചത്. എന്നാല് ഇവര് രണ്ടും വലിയ ചങ്ങാതിമാരാണെന്നാണ് പലരും ചൂണ്ടിക്കാട്ടുന്നത്. .
Read Moreദൈവത്തിന്റെ സ്വന്തം നാടിനെ മാലിന്യ മുക്തമാക്കണം; കുമരകത്തെ മാലിന്യങ്ങൾ പെറുക്കി സ്പെയിൻ സ്വദേശിനി സൂസന്നെ കാതറിൻ മാതൃകയാകുന്നു
കുമരകം: വിനോദസഞ്ചാര കേന്ദ്രമായ കുമരകത്തെ മാലിന്യമുക്തമാക്കാൻ സ്പെയിൻ സ്വദേശിനിയും. വിനോദസഞ്ചാരത്തിനും ഒപ്പം ആയുർവേദ ചികിത്സയ്ക്കുമായി കുമരകത്തെത്തിയ സ്പെയിൻ സ്വദേശിനി സുസന്നെ കാതറീനാണ് മാലിന്യങ്ങൾ ശേഖരിച്ചത്. ദൈവത്തിന്റെ സ്വന്തം നാടിനെ മാലിന്യസങ്കേതമാക്കുന്ന നാട്ടുകാർക്ക് ഇവിടെ തങ്ങുന്ന ഏതാനും ദിവസങ്ങളിലെങ്കിലും മാതൃക കാട്ടാനാണ് സൂസന്നെയുടെ തീരുമാനം. ആശാരിശേരി – ബസാർ റോഡിലെ പ്ലാസ്റ്റിക് കവറുകളും കുപ്പികളും ശേഖരിച്ചാണ് സൂസന്നെ കുമരകത്തെ മാലിന്യമുക്തമാക്കാൻ ശ്രമം ആരംഭിച്ചത്. ശേഖരിക്കുന്ന മാലിന്യങ്ങൾ എന്തുചെയ്യുമെന്ന ചോദ്യത്തിന് താൻ താമസിക്കുന്ന റിസോർട്ടിൽ ഇവ നിക്ഷേപിക്കാൻ സംവിധാനം ഉണ്ടെന്നായിരുന്നു മറുപടി. നാലു ദിവസങ്ങളായി സുസന്നെ കാതറിൻ കുമരകത്തെത്തിയിട്ട്. ആയുർവേദ ചികിത്സയ്ക്കു ശേഷം വൈകുന്നേരങ്ങളിൽ സവാരിക്കിറങ്ങുമ്പോൾ സൂസന്നെ പ്ലാസ്റ്റിക് ശേഖരിക്കാൻ ചാക്കും കൈയിൽ കരുതും. മൂന്നു ദിവസങ്ങൾക്കൊണ്ടാണ് അഞ്ച് ചാക്കു നിറയെ പ്ലാസ്റ്റിക് മാലിന്യങ്ങൾ ശേഖരിച്ചതെന്നു സുസന്നെ പറഞ്ഞു. കുര്യൻ കുമരകം
Read More