സമൂഹമാധ്യമങ്ങളില് താരമാകാന് എന്തും ചെയ്യാന് മടിയില്ലാത്ത ചിലരുണ്ട്. ഇവരുടെ സാഹസങ്ങള് വലിയ അപകടങ്ങൾ ക്ഷണിച്ചുവരുത്താറുമുണ്ട്. അത്തരത്തില് മധ്യപ്രദേശിൽ സംഭവിച്ച ഒരപകടം സമൂഹമാധ്യമങ്ങളില് ചർച്ചയായിരിക്കെയാണ്. പ്രാങ്ക് റീല് ചിത്രീകരിക്കുന്നതിനിടെ അബദ്ധത്തില് കഴുത്തില് കുരുക്കു മുറുകി പതിനൊന്നുകാരന് ജീവൻ നഷ്ടപ്പെടുകയായിരുന്നു. മധ്യപ്രദേശ് അംബാഹ് സ്വദേശിയായ കരണ് മരിച്ചത്. സംഭവത്തിന്റെ ദൃശ്യങ്ങളും വ്യാപകമായി പ്രചരിക്കുന്നുണ്ട്. കരണും സുഹൃത്തുക്കളും മരത്തിനു ചുറ്റുംനിന്നു കളിക്കുന്നതു ദൃശ്യങ്ങളില് കാണാം. അതിനിടെ കരൺ കഴുത്തില് കയര് കെട്ടുകയും മറ്റു കുട്ടികള് വീഡിയോ ചിത്രീകരിക്കുകയുമായിരുന്നു. കഴുത്തില് കെട്ടിയ കുരുക്കു മുറുകിയതോടെ സുഹൃത്തുക്കള് വീട്ടുകാരെ വിവരമറിയിച്ചു. ആശുപത്രിയിലെത്തിച്ചപ്പോഴേക്കും മരണം സംഭവിച്ചു.
Read MoreCategory: Today’S Special
മിഠായി പ്രേമികളേ ഒന്നു നിൽക്കൂ… ചോക്ലേറ്റിനുള്ളില് വെപ്പുപല്ല് പരാതിയുമായി റിട്ട. പ്രിൻസിപ്പൽ
ചോക്ലേറ്റിനുള്ളില്നിന്നു വെപ്പുപല്ലുകള് കിട്ടിയതായി പരാതി. ഖർഗോണിലെ റിട്ടയേർഡ് സ്കൂൾ പ്രിൻസിപ്പലായ മായാദേവി ഗുപ്തയാണു പരാതിക്കാരി. ഒരു കുട്ടിയുടെ ജന്മദിനത്തില് ലഭിച്ച ചോക്ലേറ്റിനുള്ളില്നിന്നു നാല് വെപ്പുപല്ലുകള് കിട്ടിയതെന്നാണ് ഇവരുടെ പരാതി. ഖാർഗോണിലെ ജില്ലാ ഫുഡ് ആൻഡ് ഡ്രഗ് ഡിപ്പാർട്ട്മെന്റിന് ഇവർ രേഖാമൂലം പരാതിയും നല്കി. സംഭവത്തില് പരാതി ലഭിച്ചെന്നും അന്വേഷണം നടക്കുകയാണെന്നും ഫുഡ് സേഫ്റ്റി ആൻഡ് ഡ്രഗ് അഡ്മിനിസ്ട്രേഷനിലെ ഉദ്യോഗസ്ഥനായ എച്ച്എൽ അവാസിയ പറഞ്ഞു. ഒരു ദേശീയ മാധ്യമമാണ് ഇക്കാര്യം റിപ്പോർട്ട് ചെയ്തത്. കഴിഞ്ഞ ജൂണില് ഓൺലൈനിൽ ഓർഡർ ചെയ്ത ഐസ്ക്രീം കോണിനുള്ളിൽ മനുഷ്യവിരൽ കണ്ടെത്തിയത് വലിയ വാര്ത്തയായിരുന്നു.
Read Moreഉദരത്തിൽ സർജിക്കൽ സൂചി; യുവതിക്ക് 20 വർഷത്തിനുശേഷം നഷ്ടപരിഹാരം
ശസ്ത്രക്രിയയ്ക്കുശേഷം ഉദരത്തിൽ സൂചി കണ്ടെത്തിയ സംഭവത്തില് ഒടുവിൽ യുവതിക്കു നീതി. 2004ൽ നടന്ന സംഭവത്തിൽ, അഞ്ചു ലക്ഷം രൂപയാണു കോടതി നഷ്ടപരിഹാരം വിധിച്ചത്. ന്യൂ ഇന്ത്യ അഷ്വറന്സ് കമ്പനി നഷ്ടപരിഹാരം നല്കണമെന്നാണ് ഉത്തരവ്. അശ്രദ്ധമായി സര്ജറി നടത്തിയ ഡോക്ടര്മാര് യുവതിക്ക് അന്പതിനായിരം രൂപയും നല്കണം. ബംഗളൂരുവിലെ സ്വകാര്യ ആശുപത്രിയിൽ 2004 സെപ്റ്റംബര് 29ന് ഹെര്ണിയ ശസ്ത്രക്രിയയ്ക്കു വിധേയയായ ബംഗളൂരു സ്വദേശിനി പത്മാവതിക്കാണു ദുരനുഭവമുണ്ടായത്. അന്ന് 32 വയസായിരുന്നു പത്മാവതിയുടെ പ്രായം. രണ്ടു ഡോക്ടര്മാരുടെ മേല്നോട്ടത്തിലായിരുന്നു ശസ്ത്രക്രിയ. ശസ്ത്രക്രിയയ്ക്കുശേഷം കഠിനമായ വയറുവേദനയെത്തുടര്ന്ന് യുവതി ഇതേ ഡോക്ടര്മാരെ സമീപിച്ചപ്പോള് അത് ശസ്ത്രക്രിയയുടെ ഭാഗമായുള്ളതാണെന്നും വൈകാതെ മാറുമെന്നും പറഞ്ഞ് വേദനസംഹാരികൾ നല്കി പറഞ്ഞയച്ചു. രോഗം കലശലായതിനെത്തുടർന്ന് 2010ൽ മറ്റൊരു ആശുപത്രിയിൽ പ്രവേശിപ്പിച്ചപ്പോഴാണ് ഉദരത്തിൽ 3.2 സെന്റിമീറ്റര് നീളമുള്ള സർജിക്കൽ സൂചി കണ്ടെത്തിയത്. തുടർന്ന് ശസ്ത്രക്രിയയിലൂടെ പുറത്തെടുത്തു. ഇതിനു പിന്നാലെ യുവതി നഷ്ടപരിഹാരം…
Read Moreഅഞ്ച് ലക്ഷം വിലയുള്ള ഡയമണ്ട് നെക്ലേസ് വലിച്ചെറിഞ്ഞത് മുനിസിപ്പാലിറ്റിയുടെ ചവറ്റുകുട്ടയിൽ; പിന്നീട് സംഭവിച്ചത്…
“നിനക്ക് ഈ ലോകത്തു എന്തിനേക്കാളും ഇഷ്ട്ടം ഈ മാലയോടാണോ”..? ലാൽജോസിന്റെ സംവിധാനത്തിൽ ഫഹദ് ഫാസിൽ നായകനായ ചിത്രം ഡയമണ്ട് നെക്ലേസിലെ ക്ലൈമാക്സ് രംഗത്തിലെ ഡയലോഗ് ആണിത്. നായകനിൽ നിന്ന് അപ്രതീക്ഷിതമായി ഈ ഡയലോഗ് കേൾക്കുന്ന നായിക അനുശ്രീ ഉടൻതന്നെ തന്റെ കഴുത്തിൽ കിടന്ന ഡയമണ്ട് നെക്ലേസ് ഊരി കടലിലേക്ക് എറിഞ്ഞു. മനപൂർവം അത്രയും വിലയുള്ള മാല കടലിലെറിഞ്ഞ നായികയെ സിനിമയിലൂടെ നമുക്കറിയാം. എന്നാൽ അത്രയും വിലപിടിപ്പുള്ള മാല യഥാർഥ്യത്തിൽ എറിഞ്ഞാലുള്ള അവസ്ഥ ഉണ്ടായാലോ? അത്തരത്തിൽ ഒരു സംഭവത്തിന്റെ വാർത്തയാണ് ചെന്നൈയിൽ നിന്ന് പുറത്ത് വരുന്നത്. ദേവരാജ് എന്ന ചെന്നൈ സ്വദേശി അബദ്ധത്തിൽ മുനിസിപ്പാലിറ്റിയുടെ ചവറ്റുകൊട്ടയിലേക്ക് വലിച്ചെറിഞ്ഞത് അഞ്ച് ലക്ഷം രൂപ വിലയുള്ള ഡയമണ്ട് നെക്ലേസാണ്. വിലകൊണ്ട് മാത്രമല്ല അതിനു വലിപ്പമുണ്ടാകുന്നത്, ദേവരാജന്റെ മകൾക്ക് അദ്ദേഹത്തിന്റെ അമ്മ വിവാഹത്തിന് അണിയുന്നതിനു വേണ്ടി കൊടുത്ത മാല ആയിരുന്നു അത്. നെക്ലേസിന്റെ…
Read Moreസംരംഭകത്വ വികസനപദ്ധതിയുടെ ഭാഗമായി സ്ത്രീ ശാക്തീകരണത്തിനായി ഇരുചക്ര വാഹനങ്ങൾ നൽകി
സാമൂഹിക സംരംഭകത്വ വികസനപദ്ധതിയുടെ ഭാഗമായി സ്ത്രീ ശക്തീകരണത്തിനായി ഇരുചക്ര വാഹനങ്ങൾ വിതരണം ചെയ്തു. വൈക്കം സത്യഗ്രഹ സ്മാരക ഹാളിൽ സൈൻ പ്രസിഡൻ്റ് എ.എൻ.രാധാകൃഷ്ണൻ വീട്ടമ്മയ്ക്ക് സ്കൂട്ടറിൻ്റെ താക്കോൽ നൽകി പദ്ധതി ഉദ്ഘാടനം നിർവഹിച്ചു. വൈക്കം നഗരസഭ കൗൺസിലർ എം.കെ. മഹേഷ് അധ്യക്ഷത വഹിച്ചു. സൈൻ സംസ്ഥാന ജനറൽ സെക്രട്ടറി രൂപേഷ് ആർ. മേനോൻ മുഖ്യപ്രഭാഷണം നടത്തി. സാമൂഹ്യ സേവന രംഗത്തെ സംഭാവന കണക്കിലെടുത്ത് എ.എൻ. രാധാകൃഷ്ണന് ജെസിഎ 50,000 രൂപയുടെ കാഷ് അവാർഡും ഫലകവും ജെസിഐ സോൺ പ്രസിഡന്റ് അഷറഫ് ഷെറീഫ് സമ്മാനിച്ചു. റിട്ട. ക്യാപ്റ്റൻ വിനോദ്കുമാർ, വിനൂബ് വിശ്വം, മനോജ് യെസ് ടെക്, നഗരസഭ കൗൺസിലർമാർ തുടങ്ങിയവർ പങ്കെടുത്തു.
Read Moreപെണ്ണെഴുത്ത്; രജനിയുടെ അനുഭവങ്ങളുടെ തുറന്നുപറച്ചിൽ ‘ആ നെല്ലിമരം പുല്ലാണ് ’ പാഠപുസ്തകമായി
പഠനകാലത്തും തുടര്ന്ന് ജീവിതത്തിലും ദളിത് സ്ത്രീ എന്ന നിലയില് നേരിടേണ്ടിവന്ന അനുഭവങ്ങളുടെ തുറന്നുപറച്ചിലാണ് രജനി പാലാംപറമ്പിലിന്റെ “ആ നെല്ലിമരം പുല്ലാണ്’’ എന്ന പുസ്തകം. സാഹചര്യങ്ങള് പ്രതികൂലമായിരുന്നതിനാൽ പലതിനോടും കലഹിച്ചും പൊരുതിയുമാണ് ഇവിടെവരെ എത്തിയത്. ആ അനുഭവങ്ങളാണ് പുസ്തകമായി പിറവിയെടുത്തതെന്ന് കടുത്തുരുത്തി പാലാംപറമ്പില് (പടിക്കത്താഴം) രജനി പറഞ്ഞു. രജനി പാലാംപറമ്പിലിന്റെ ആ നെല്ലിമരം പുല്ലാണ് എന്ന പുസ്തകം എംജി സര്വകലാശാലയിലെ ബിഎ മലയാളം സിലബസില് ഇടംപിടിച്ചു. അതില് ഏറെ സന്തോഷമുണ്ടെന്ന് രജനി പറഞ്ഞു. ഓര്മവച്ച കാലം മുതല് 2021 വരെയുള്ള സ്വന്തം ജീവിതമാണ് അന്പത്തൊന്നുകാരിയായ രജനി പുസ്തകത്തില് വിവരിക്കുന്നത്. രജനിയുടെ ആത്മകഥയും ആദ്യപുസ്തകവുമാണിത്. ആ നെല്ലിമരം പുല്ലാണ് എന്ന ആത്മകഥയ്ക്കുശേഷം പെണ്കനല് രേഖകള് എന്ന പുസ്തകവും പുറത്തിറക്കി. ഇപ്പോള് ചെറുകഥകള് എഴുതുന്നുണ്ട്. എംപ്ലോയ്മെന്റ് എക്സ്ചേഞ്ചില്നിന്ന് ലഭിച്ച താത്കാലിക ജോലിയുടെ ഭാഗമായി ഡിജിറ്റല് സര്വേ അസിസ്റ്റന്റായി ജോലി ചെയ്യുകയാണ് രജനിയിപ്പോള്.…
Read Moreസ്വപ്നക്കൊട്ടാരം, പക്ഷേ വൈദ്യുതിയില്ല..! ഇവിടെ താമസിച്ചത് രാജീവ് ഗാന്ധി, ബിൽ ക്ലിന്റൺ…
രാജസ്ഥാനിലെ രൺഥഭോർ ദേശീയോദ്യാനത്തിലുള്ള കൊട്ടാരം ലോകപ്രശസ്തമാണ്. രൺഥംഭോറിന്റെ ഹൃദയം എന്നു വിളിക്കപ്പെടുന്ന “ജോഗി മഹൽ’ ആണ് സഞ്ചാരികളുടെ സ്വപ്നക്കൊട്ടാരം. നാഷണൽ പാർക്കിന്റെ സോൺ മൂന്നിൽ ജോഗി മഹൽ തടാകക്കരയിലാണ് ജോഗി മഹൽ സ്ഥിതിചെയ്യുന്നത്. 700 വർഷത്തോളം പഴക്കമുള്ള, ചരിത്ര പ്രാധാന്യമുള്ള കെട്ടിടമാണ് ജോഗി മഹൽ. രൺഥംഭോറിലെ ഭരണാധികാരി റാവു ഹമ്മിർ തന്റെ ഗുരുവിനു വേണ്ടി പണികഴിപ്പിച്ചതാണിത്. ഈ ഇരുനില കെട്ടിടത്തിൽ എട്ടിലേറെ മുറികളുണ്ട്. നാഥ് വിഭാഗത്തിലെ ആളുകളെ ജോഗി എന്നും വിളിക്കും, അങ്ങനെയാണ് ഈ സ്ഥലത്തിനു ജോഗി എന്ന പേരു ലഭിക്കുന്നത്. നിലവിൽ ജോഗി മഹൽ ഫോറസ്റ്റ് റസ്റ്റ് ഹൗസ് ആണ്. അതേസമയം, കടുവാ സംരക്ഷണകേന്ദ്രമായതിനാൽ പ്രവേശനം നിയന്ത്രണവിധേയവുമാണ്. മുൻ പ്രധാനമന്ത്രി രാജീവ് ഗാന്ധി ജോഗി മഹലിൽ താമസിച്ചിട്ടുണ്ട്. അമിതാഭ് ബച്ചന്റെ കുടുംബവും ഇവിടെ താമസിച്ചിരുന്നു. മുൻ യുഎസ് പ്രസിഡന്റ് ബിൽ ക്ലിന്റൺ, സച്ചിൻ ടെൻഡുൽക്കർ എന്നിവരും…
Read Moreമൂന്ന് വർഷം മുൻപ് കാണാതായ ആൾ സർക്കാർ പരസ്യത്തിൽ; പോലീസ് അന്വേഷണം തുടങ്ങി
മഹാരാഷ്ട്രയിലെ പൂനെയിൽനിന്നു മൂന്നു വർഷം മുമ്പ് കാണാതായ വയോധികന്റെ ചിത്രം സർക്കാർ പരസ്യത്തിൽ പ്രത്യക്ഷപ്പെട്ടതിന് പിന്നാലെ പോലീസിനെ സമീപിച്ച് കുടുംബം. 68 വയസുകാരനായ ധ്യാനേശ്വർ താംബെയുടെ ഫോട്ടോയാണ് പരസ്യത്തിൽ വന്നത്. സംസ്ഥാന സർക്കാർ പദ്ധതിയായ തീർഥ് ദർശൻ യോജനയുടെ പ്രചാരണത്തിനായുള്ള പരസ്യം സാമൂഹിക മാധ്യമങ്ങളിലാണ് പ്രസിദ്ധീകരിച്ചത്. പരസ്യം കണ്ട സുഹൃത്തുക്കളിൽ ചിലർ താംബെയുടെ മകനായ ഭരത് താംബെയെ വിവരം അറിയിക്കുകയായിരുന്നു. അദ്ദേഹമാണ് അച്ഛനെ കണ്ടെത്താൻ പോലീസിന്റെ സഹായം തേടിയത്. ഈ ഫോട്ടോ ഉപയോഗിച്ച് കാണാതായ വ്യക്തിയെ കണ്ടെത്തണമെന്നാണ് പരാതിയിൽ അഭ്യർഥിച്ചിരിക്കുന്നത്. പരസ്യത്തിൽ പ്രത്യക്ഷപ്പെട്ട ആളിനെക്കുറിച്ച് അന്വേഷിക്കാൻ രണ്ട് സംഘങ്ങളെ നിയോഗിച്ചിട്ടുണ്ടെന്ന് പേലീസ് പറഞ്ഞു. അതേസമയം പരസ്യം നിലവിൽ ഡിലീറ്റ് ചെയ്തിരിക്കുകയാണ്. ധ്യാനേശ്വർ താംബെയെ കാണാതായ സമയത്ത് കുടുംബാംഗങ്ങളാരും പരാതി നൽകിയിരുന്നില്ല. വീട്ടിൽ ആരോടും പറയാതെ ചില ബന്ധു വീടുകളിൽ പോയി താമസിക്കുന്ന ശീലമുണ്ടായിരുന്നതിനാണ് അന്ന് പരാതി നൽകാതിരുന്നതെന്നാണ്…
Read Moreഐസ്ക്രീം സാൻഡ്വിച്ച്…! ഇഷ്ടപ്പെട്ടെന്ന് ഭക്ഷണപ്രേമികൾ; വീഡിയോ വൈറൽ
ആളുകളെ കൊതിപ്പിക്കാൻ ഒരു കിടിലൻ വിഭവം കൂടി -ഐസ്ക്രീം സാന്ഡ്വിച്ച്! ബ്രഡിനുള്ളില് ഐസ്ക്രീം ചേര്ത്ത് മൊരിച്ചെടുക്കുന്ന ന്യൂജൻ വിഭവം ഭക്ഷണപ്രേമികളുടെ മാത്രമല്ല, അല്ലാത്തവരുടെയും ഇഷ്ടം പിടിച്ചുപറ്റിയിരിക്കുന്നു. ഒരു ഭക്ഷണപ്രിയന് പങ്കുവച്ച വീഡിയോയയില് ഐസ്ക്രീം സാന്ഡ്വിച്ച് തയാറാക്കുന്ന രീതി വിശദമായി കാണിക്കുന്നുണ്ട്. ബ്രെഡിനുള്ളില് ചോക്ലേറ്റ് ഐസ്ക്രീം വച്ചശേഷം മൊരിച്ചെടുക്കുകയാണു ചെയ്യുന്നത്. വിഭവം തയാറാക്കിയശേഷം രുചിയോടെ കഴിക്കുന്നതും കാണാം. പാര്ട്ടികള്ക്കും ഔട്ട്ഡോര് പിക്നിക്കുകള്ക്കും വിഭവം അടിപൊളിയാണെന്നാണ് വിഭവപണ്ഡിതന്റെ അഭിപ്രായം. ചൂടുള്ള റൊട്ടിയും തണുത്ത ഐസ്ക്രീമും ചേര്ന്ന് അദ്വിതീയ അനുഭവം സൃഷ്ടിക്കുന്നുവെന്ന് ചിലര് കമന്റിട്ടു. ഈ മാസമാദ്യമാണ് വീഡിയോ ഓണ്ലൈനില് പ്രത്യക്ഷപ്പെട്ടത്. പതിനായിരക്കണക്കിന് ആളുകളാണ് വീഡിയോ കണ്ട് ലൈക്കടിച്ചത്.
Read Moreപ്രണയവിവാഹത്തിന് എതിർപ്പുമായി വീട്ടുകാർ: ഉത്തർപ്രദേശിൽ പോലീസ് സ്റ്റേഷൻ വളപ്പിലെ ക്ഷേത്രത്തിൽ വെച്ച് വിവാഹിതരായി ദമ്പതികൾ
പ്രണയവിവാഹങ്ങൾ ഇപ്പോഴും ചില കുടുംബങ്ങളിൽ അംഗീകരിക്കാറില്ല. എന്നാൽ ആളുകൾ ഇപ്പോൾ നിയമങ്ങളെക്കുറിച്ചും അവരുടെ അവകാശങ്ങളെക്കുറിച്ചും മുമ്പത്തേക്കാൾ കൂടുതൽ ബോധവാന്മാരായതിനാൽ ഈ എതിർപ്പിനെ വകവയ്ക്കാറുമില്ലെന്നതാണ് സത്യം. എന്നാൽ പ്രണയവിവാഹത്തിന് കുടുംബാംഗങ്ങൾ എന്തെങ്കിലും തടസം സൃഷ്ടിച്ചാൽ പോലീസിന്റെ സഹായം തേടാൻ പല ദമ്പതികളും മടിക്കാറില്ല. ഇതുകൊണ്ടാണ് ഇപ്പോൾ പോലീസ് സ്റ്റേഷനുകളിലും വിവാഹങ്ങൾ നടക്കുന്നതായി റിപ്പോർട്ടുകൾ വരുന്നത്. ഉത്തർപ്രദേശിലെ ബന്ദ ജില്ലയിലാണ് ഇത്തരമൊരു സംഭവം അടുത്തിടെ നടന്നത്. കാമുകനുമായുള്ള വിവാഹത്തിന് വീട്ടുകാർ വിസമ്മതിച്ചതിനെ തുടർന്ന് യുവതി പോലീസ് സ്റ്റേഷനിലെത്തി അവരോട് മുഴുവൻ കഥയും പറഞ്ഞു. ഇതിനുശേഷം പോലീസ് യുവതിയുടെ വീട്ടുകാരെ വിളിച്ച് കാര്യങ്ങൾ മനസ്സിലാക്കി കൊടുത്തു. ഒടുവിൽ, വീട്ടുകാർ ഇവരുടെ വിവാഹത്തിന് സമ്മതിക്കുകയും ചെയ്തു. അങ്ങനെ അവർ പോലീസ് സ്റ്റേഷനിൽ വച്ച് വിവാഹിതരായി. അടാര പോലീസ് സ്റ്റേഷൻ പരിധിയിലാണ് സംഭവം. ഇവിടെ താമസിക്കുന്ന യുവതി കഴിഞ്ഞ 5 വർഷമായി മധ്യപ്രദേശിലെ ചിത്രകൂട്…
Read More