എന്തിനും ഏതിനും അമിതവില ഈടാക്കുന്ന അവസ്ഥയാണ് ഇന്ന്. കഴിഞ്ഞ ദിവസം എക്സിൽ പങ്കിട്ട ഒരു വീഡിയോയിൽ, ട്രെയിനിൽ 15 രൂപ വിലയുള്ള റെയിൽ നീർ മിനറൽ വാട്ടർ ബോട്ടിലുകൾ 20 രൂപയ്ക്ക് വിൽക്കുന്ന ഐആർസിടിസിയിലെ ഒരു പാൻട്രി സ്റ്റാഫിനെ കാണിക്കുന്നു. ഗുജറാത്തിലെ ഗാന്ധിധാം ജംഗ്ഷനിൽ നിന്ന് അസമിലെ കാമാഖ്യ ജംഗ്ഷനിലേക്ക് പോകുന്ന ഒരു എക്സ്പ്രസ് ട്രെയിനിലാണ് സംഭവം. സ്റ്റാഫ് തുടക്കത്തിൽ യാത്രക്കാർക്ക് കുപ്പി 20 രൂപയ്ക്ക് വിൽക്കുന്നു. അധികമായി ഈടാക്കുന്ന 5 രൂപ ചോദ്യം ചെയ്യുമ്പോൾ, ജീവനക്കാരൻ മടിക്കുകയും ഒടുവിൽ യാത്രക്കാരന് അധിക തുക തിരികെ നൽകുകയും ചെയ്യുന്നു. വൈറലായ വീഡിയോയോട് പ്രതികരിച്ചുകൊണ്ട് റെയിൽവേ സേവ എഴുതി, “സർ, ദയവായി പിഎൻആറും മൊബൈൽ നമ്പറും ഡയറക്ട് മെസേജിൽ (ഡിഎം) പങ്കിടുക. @AshwiniVaishnaw @RailMadad @RailwaySeva @drmbct @grpmumbai @RailMinIndia 22511 Express Passengers R openly looted…
Read MoreCategory: Today’S Special
വെറൈറ്റിയല്ലേ…! സ്വിഗ്ഗി ഷർട്ടും, സൊമാറ്റോ ബാഗുമായി ഡെലിവറി ഏജന്റ്
സമീപകാലത്തായി ബംഗളൂരു നഗരത്തിൽ സംഭവിക്കുന്ന രസകരമായ കാര്യങ്ങൾ സോഷ്യൽ മീഡിയയിൽ വൈറലാണ്. നഗരത്തിലെ ഒരു ഡെലിവറി ഏജന്റ് സ്വിഗ്ഗിയുടെ ഓറഞ്ച് ടി-ഷർട്ട് ധരിച്ച് സൊമാറ്റോ ഡെലിവറി ബാഗുമായി നിൽക്കുന്ന ചിത്രമാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ഇരുചക്ര വാഹനം ഓടിക്കുമ്പോൾ അദ്ദേഹം ധരിച്ചിരുന്ന ഹെൽമെറ്റിൽ ലോജിസ്റ്റിക് സർവീസ് സ്റ്റാർട്ടപ്പായ പോർട്ടറിന്റെ ലോഗോ ഉണ്ടായിരുന്നു. “ഇതുകൊണ്ടാണ് ഞാൻ ബെംഗളൂരുവിനെ സ്നേഹിക്കുന്നത്!! ഇത് എന്റെ ഏറ്റവും മികച്ച ബംഗളൂരു നിമിഷമാണ്. സ്റ്റാർട്ടപ്പുകൾക്കുള്ള ഹോളി ഗ്രെയ്ൽ,” ഡെലിവറി ബോയ്യുടെ ചിത്രം പങ്കിട്ടുകൊണ്ട് എക്സ് ഉപയോക്താവ് മഞ്ജു ഇങ്ങനെ എഴുതി. ഒന്നിലധികം ബ്രാൻഡുകളുടെ ഈ സംയോജനം കണ്ട് ആളുകൾ അത്ഭുതപ്പെട്ടു. എന്നാൽ ഈയിടെ, നഗരത്തിൽ ജോലി ഉപേക്ഷിച്ച് ഭക്ഷണ വിൽപ്പനക്കാരനായി മാറിയ ഒരു ആർക്കിടെക്റ്റിനെ കണ്ടുമുട്ടിയ സംഭവം എക്സിൽ ഒരു ഉപയോക്താവ് പങ്കിട്ടതും വൈറലായിരുന്നു. This is why I love Bengaluru!!…
Read Moreഅല്പം ലഷ്വറി ആയിക്കോട്ടെ: ഹോട്ടലിൽ സ്ഥിരതാമസമാക്കി കുടുംബം; പ്രതിദിനം ചിലവാക്കുന്നത് 11,000 രൂപ
ചൈനയിലെ എട്ട് പേരടങ്ങുന്ന ഒരു കുടുംബം സോഷ്യൽ മീഡിയയിൽ ഇപ്പോൾ ചർച്ചയാവുകയാണ്. വീട്ടിൽ താമസിക്കുന്നതിനുപകരം, കഴിഞ്ഞ 229 ദിവസമായി ഒരു ആഡംബര ഹോട്ടലിലാണ് ഈ കുടുംബം താമസിക്കുന്നത്. സൗത്ത് ചൈന മോണിംഗ് പോസ്റ്റ് പറയുന്നതനുസരിച്ച്, കുടുംബത്തിലെ എല്ലാ അംഗങ്ങളും നന്യാങ് നഗരത്തിലെ ഒരു ഹോട്ടലിലാണ് താമസം. പ്രതിദിനം 1,000 യുവാൻ (ഏകദേശം 11,000 രൂപ) നൽകിയാണ് കുടുംബം ഹോട്ടലിൽ കഴിയുന്നത് എന്നാൽ അസാധാരണമായ ഈ ജീവിത ക്രമീകരണം അവർ ഉടൻ ഉപേക്ഷിക്കുമെന്ന് തോന്നുന്നില്ല. എട്ട് പേരടങ്ങുന്ന കുടുംബം ഒരു സ്വീകരണമുറിയും രണ്ട് മുറികളുമുള്ള ഒരു സ്യൂട്ടിലാണ് താമസിക്കുന്നത്. മുറിയുടെ ചിലവിൽ എല്ലാം ഉൾക്കൊള്ളുന്നതിനാൽ വൈദ്യുതി, വെള്ളം, പാർക്കിംഗ് എന്നിവയ്ക്കായി കുടുംബം അധിക ചാർജുകൾ നൽകേണ്ടതില്ല. കുടുംബം ഇപ്പോൾ അവരുടെ ജീവിതരീതിയിൽ സംതൃപ്തരാണ്. തങ്ങളുടെ ശിഷ്ടജീവിതവും ആഡംബരത്തിൽ ചെലവഴിക്കാനാണ് ഇവർ പദ്ധതിയിടുന്നതും. സോഫയും ടിവിയും കസേരയും ഉള്ള ഒരു…
Read Moreബുർജ് ഖലീഫ പിന്നാലാകുമോ? ലോകത്തിലെ ഏറ്റവും ഉയരം കൂടിയ കെട്ടിടമാകാനൊരുങ്ങി ഈ ടവർ…
പതിനാല് വർഷം മുമ്പ് ദുബായിലെ ബുർജ് ഖലീഫ 828 മീറ്റർ ഉയരത്തിൽ ലോകത്തിലെ ഏറ്റവും ഉയരം കൂടിയ കെട്ടിടമായി മാറി. ഇത് നിരവധി റെക്കോർഡുകൾ സൃഷ്ടിക്കുകയും ലോകം മുഴുവൻ പ്രശസ്തമാവുകയും ചെയ്തു. ബുർജിന്റെ നിർമ്മാണം 2004-ലാണ് ആരംഭിച്ചത്, എന്നാൽ 2010-ലാണ് ഔദ്യോഗികമായി തുറന്നത്. അങ്ങനെ ദുബായുടെ മധ്യഭാഗത്തുള്ള വലിയ, വൈവിധ്യമാർന്ന വികസനത്തിൽ ഈ കെട്ടിടം പ്രധാന ആകർഷണമായി മാറി. എണ്ണയെ ആശ്രയിക്കുന്നതിൽ നിന്ന് ബിസിനസ്സ്, ടൂറിസം, ആഡംബരങ്ങൾ എന്നിവയിൽ ശ്രദ്ധ കേന്ദ്രീകരിക്കുന്ന സമ്പദ്വ്യവസ്ഥ കെട്ടിപ്പടുക്കുന്നതിനുള്ള തന്ത്രത്തിന്റെ ഭാഗമായിരുന്നു ഇത്. എന്നിരുന്നാലും, അതിനെ മറികടക്കുന്ന ഒരു പുതിയ കെട്ടിടത്തെക്കുറിച്ചുള്ള ചർച്ചകൾ ഇപ്പോൾ നടക്കുന്നുണ്ട്. ഗിന്നസ് വേൾഡ് റെക്കോർഡ്സ് അനുസരിച്ച്, സൗദി അറേബ്യയിൽ നിലവിൽ നിർമാണത്തിലിരിക്കുന്ന ഈ കെട്ടിടം പൂർത്തിയായാൽ ബുർജ് ഖലീഫയേക്കാൾ ഉയരത്തിൽ എത്തുമെന്നാണ് കരുതുന്നത്. കിംഗ്ഡം ടവർ എന്നും അറിയപ്പെടുന്ന ജിദ്ദ ടവറിന് 1,000 മീറ്ററിലധികം (1…
Read Moreറെഡി..സ്റ്റെഡി…ഗോ… ഒരു വര്ഷത്തിനിടെ 242 മാരത്തണുകളില് മത്സരിച്ച ആള്
ചില മനുഷ്യര് വളരെ വ്യത്യസ്തരായിരിക്കും. അവരുടെ ചെയ്തികളും നേട്ടങ്ങളും നമ്മളെ അമ്പരപ്പിക്കും. അത്തരത്തില് തികച്ചും വ്യത്യസ്തനായി ഗിന്നസ് റിക്കാര്ഡില് ഇടംപിടിക്കാനൊരുങ്ങുന്ന ഒരാളുടെ കാര്യമാണിത്. ടൊറന്റോ നിവാസിയായ ബെന് പോബ്ജോയിയെ കുറിച്ചാണ് പറയാനുള്ളത്. ഇദ്ദേഹം ഒരു ദീര്ഘദൂര ഓട്ടക്കാരനാണ്. എന്നാല് സാധാരണ ഓട്ടക്കാരില് നിന്നും വ്യത്യസ്തപ്പെട്ട ഒരുകാര്യം അദ്ദേഹം കഴിഞ്ഞവര്ഷം ചെയ്യുകയുണ്ടായി. 2023 ഇദ്ദേഹം 242 മാരത്തണുകളില് പങ്കെടുത്തു.ആഫ്രിക്കയിലെ ചുട്ടുപൊള്ളുന്ന ചൂട് മുതല് അന്റാര്ട്ടിക്കയിലെ മഞ്ഞുമൂടിയ കാലാവസ്ഥയില്വരെ ഇദ്ദേഹം ഓടിയിട്ടുണ്ട്. 239 മാരത്തണുകളില് പങ്കെടുത്ത ലാറി മാക്കന്റെ പേരിലുള്ള ലോക റിക്കാര്ഡ് ആണ് അദ്ദേഹം തകര്ത്തത്. എന്നാല് ഇക്കാര്യം ഗിന്നസ് അധികൃതര് ഔദ്യോഗികമായി അംഗീകരിച്ചിട്ടില്ല. ബെന് ഗിന്നസ് വേള്ഡ് റിക്കാര്ഡിലേക്ക് അപേക്ഷിച്ചു കാത്തിരിക്കുകയാണ്. എന്തായാലും നെറ്റിസണ് ബെന്നിന്റെ നേട്ടത്തില് കൈയടിക്കുകയാണ്. “വേറിട്ട പ്രതിഭ’ എന്നാണൊരാള് കുറിച്ചത്.
Read Moreചീങ്കണ്ണിയെ പോലെയുള്ള ഭീമാകാരൻമാരായ പല്ലികൾ
ചീങ്കണ്ണികളുടെ സ്വഭാവ സവിശേഷതകളോട് സാമ്യമുള്ള പല്ലികളെ കുറിച്ച് കേട്ടിട്ടുണ്ടോ. അത്തരത്തിലുള്ള പല്ലികളെ കുറിച്ചാണ് ഇപ്പോൾ പറയാൻ പോകുന്നത്. ‘അർബോറിയൽ അലിഗേറ്റർ ലിസാർഡ്’എന്നാണ് ഇത്തരം പല്ലികൾ അറിയപ്പെടുന്നത്. സാധാരണ പല്ലികളെക്കാൾ വലിപ്പ കൂടുതയാണ് ഇവയ്ക്ക്. 9.8 ഇഞ്ച് ആണ് ഇവയുടെ വലിപ്പം. കറുത്ത പാടുകളോട് കൂടിയ ഇളം മഞ്ഞ നിറത്തിലുള്ള കണ്ണുകളോട് കൂടിയ പല്ലികളുടെ നിറം മഞ്ഞയും തവിട്ടും കലർന്നതാണ്. കോപ്പില്ലയിലെ ഏറ്റവും ഉയർന്ന കൊടുമുടികളിൽ മാത്രമാണ് അർബോറിയൽ അലിഗേറ്റർ ലിസാർഡുകൾ കാണപ്പെടുന്നത്. സാധാരണ നമ്മുടെ നാട്ടിലെ പല്ലികളെപ്പോലെ ശത്രുക്കൾ വരുന്പോൾ വാല് മുറിച്ച് കടന്നു കളയുകയല്ല ഇവ ചെയ്യുന്നത്. പകരം ശത്രുവിൽ നിന്നു രക്ഷ നേടുന്നതിനു ഇലകളുടെ മറവിൽ ഒളിക്കുകയാണ് ‘അർബോറിയൽ അലിഗേറ്റർ ലിസാർഡ്’ ചെയ്യുന്നത്.
Read Moreവീണ്ടും വിചിത്രവിഭവം..! മയോണൈസ് കൂട്ടി തണ്ണിമത്തൻ അടിച്ചാലോ…വെെറലായി വീഡിയോ
സിംഗപ്പുർ: പൊരിച്ച ഐസ്ക്രീം, ഫാന്റ ഓംലെറ്റ്, ന്യൂഡിൽസ് ഷെയ്ക്ക്, ഐസ്ക്രീം സമൂസ, പോപ്കോൺ ഓംലെറ്റ് തുടങ്ങിയ അതിവിചിത്രമായ ഫുഡ് കോംപിനേഷനുകൾക്ക് സോഷ്യൽ മീഡിയ സാക്ഷ്യം വഹിച്ചിട്ടുണ്ട്. ഇപ്പോഴിതാ പുതിയൊരു കോംപിനേഷൻ തരംഗമാകുന്നു. സോഷ്യൽ മീഡിയയിൽ സജീവനായ സിംഗപ്പുരിലെ ഒരു യുവാവിന്റെ വീഡിയോ ആണ് ചർച്ചയാകുന്നത്. തണ്ണിമത്തൻ-മയോണൈസ് കോംബോ ആണ് ഇഷ്ടൻ അവതരിപ്പിച്ചിരിക്കുന്നത്. തണ്ണിമത്തൻ മുറിച്ചെടുത്തശേഷം മയോണൈസ് ക്രീം തേച്ചുപിടിപ്പിക്കുന്നു. തുടർന്നു കഴിക്കുന്നു. വിഭവം രുചികരമാണെന്നു വീഡിയോയിലെ യുവാവിന്റെ മുഖം കണ്ടാൽതന്നെ മനസിലാകും. തന്റെ പരീക്ഷണവിഭവത്തെക്കുറിച്ചു ലഘുവിവരണവും യുവാവ് നൽകുന്നുണ്ട്. എന്തായാലും വിചിത്രവിഭവം നെറ്റിസൺസ് ഏറ്റെടുത്തു. നിരവധിപ്പേർ കോംപിനേഷൻ പരീക്ഷിച്ചെന്നും രുചികരമാണെന്നും അഭിപ്രായപ്പെട്ടു. വീഡിയോ കാണാൻ ഇവിടെ ക്ലിക് ചെയ്യുക.
Read Moreയേശുദാസ് @84: ഡോ.കെ.ജെ. യേശുദാസിന് ഇന്ന് ശതാഭിഷേകം
വർഷങ്ങൾക്കു മുന്പാണ്, അന്ന് ഗുരുവായൂർ ക്ഷേത്രത്തിനു സമീപമുള്ള ചെറിയ പാർഥസാരഥി ക്ഷേത്രം ഇന്നത്തെ പോലെയായിരുന്നില്ല. പാടത്തിന്റെ കരയിൽ ശ്രീകോവിൽ മാത്രമുള്ള ഒരു കൊച്ചുക്ഷേത്രം. മുന്നിൽ ഒരു ഷെഡ് പോലെ വച്ച് കെട്ടിയിരുന്നു. നാലന്പലമോ, മതിൽക്കെട്ടോ ഒന്നുമില്ല. ഗുരുവായൂരന്പലത്തിൽ ചെന്പൈ വൈദ്യനാഥ ഭാഗവതർ ഉദയാസ്തമന പൂജ നടത്തുന്ന ദിവസങ്ങളിൽ ചെന്പൈ സ്വാമിയുടെ കച്ചേരി ക്ഷേത്രത്തിൽ പതിവായിരുന്നു. ഗുരുവായൂർ ക്ഷേത്രത്തിൽ നാല്പതോ, നാല്പത്തി ഒന്നോ ഉദയാസ്തമന പൂജ നടത്തിയിട്ടുണ്ട് ചെന്പൈ. ഗുരുവായൂരപ്പന്റെ പരമഭക്തനായ ചെന്പൈ പുറത്തു നടത്തുന്ന കച്ചേരിയിൽ നിന്നും ലഭിക്കുന്ന പണം ശേഖരിച്ചുവച്ച് ഒരു ഉദയാസ്തമന പൂജ നടത്തുവാനുള്ള പണം തികയുന്പോൾ പൂജ നടത്തുകയായിരുന്നു പതിവ്. അങ്ങനെ ചെന്പൈ സ്വാമി ഉദയാസ്തമന പൂജ നടത്തിയ ഒരു സന്ധ്യയ്ക്കു കച്ചേരി നടത്തുവാൻ ഗുരുവായൂരന്പല നടയിൽ അദ്ദേഹം എത്തി. ഒപ്പം ശിഷ്യനായ ഒരു ചെറുപ്പക്കാരനുണ്ടായിരുന്നു. നീണ്ടുമെലിഞ്ഞ ആ യുവാവിന്റെ പേര് യേശുദാസ്…
Read Moreമനുഷ്യന്റെ അസ്ഥി നിഷ്പ്രയാസം കടിച്ചു പൊട്ടിക്കുന്ന കൊടും ഭീകരനായ നായകളെ കുറിച്ച് കേട്ടിട്ടുണ്ടോ
മനുഷ്യനോട് വേഗത്തിൽ അടുക്കുന്ന ജീവിയാണ് നായ. വീടിന്റെ കാവൽക്കാരൻ എന്നാണ് നായകളെ അറിയപ്പെടുന്നത്. പലതരം ഇനങ്ങളിൽപെട്ട നായകളെ മനുഷ്യൻ വീടുകളിൽ വളർത്താറുണ്ട്. എന്നാൽ മനുഷ്യ ജീവനു പോലും ഭീഷണിയാകുന്ന തരത്തിലുള്ള നായകളും ഉണ്ട്. XL ബുള്ളി ഡോഗ് എന്നാണ് ഈ നായ ഇനം അറിയപ്പെടുന്നത്. മനുഷ്യന്റെ അസ്ഥികൾ പോലും കടിച്ച് മുറിക്കാൻ ശേഷിയുള്ള നായകളാണ് ഇവ. വലിപ്പത്തിലും ശക്തിയിലും മറ്റ് നായ്ക്കളേക്കാൾ മുന്പനാണ് ഇത്തരം നായകൾ. സ്റ്റാൻഡേർഡ്, ക്ലാസിക്, പോക്കറ്റ് എന്നിങ്ങനെ ഈ നായ ഇനത്തിൽ മറ്റ് മൂന്ന് ഇനങ്ങൾ കൂടി ഉണ്ട്. 2023 ഡിസംബർ 31 മുതൽ ഈ നായയുടെ ഉടമസ്ഥാവകാശം യുകെ സർക്കാർ നിരോധിച്ചിട്ടുണ്ട്. ഇത്തരം നായകളെ വളർത്തുന്നതിനും വിൽക്കുന്നതിനും ഉപേക്ഷിക്കുന്നതിനും അവകാശമില്ല. ഇവയെ പൊതു സ്ഥലങ്ങളിൽ കൊണ്ടുവരുന്നവർ നിർബന്ധമായും നായകളുടെ മുഖം ക്ലിപ്പ് ചെയ്ത് വയ്ക്കണം. മറ്റുള്ളവരെ ഉപദ്രവിക്കുന്നത് തടയാനാണ് ഇങ്ങനെ ചെയ്യണമെന്ന്…
Read Moreസ്ത്രീകൾ വളയിടുന്നത് എന്തിന്?
പാരമ്പര്യങ്ങളിലും ആചാരങ്ങളിലും വിശ്വാസങ്ങളിലും ആഴത്തിൽ വേരൂന്നിയ രാജ്യമാണ് ഇന്ത്യ. ഏറെപ്പേരും ഇന്നും ആചാരങ്ങൾ പാലിക്കുന്നു. പുരോഗമനചിന്താഗതിക്കാർ ഇതിനെയെല്ലാം എതിർക്കുന്നുണ്ടെങ്കിലും ചില പാരമ്പര്യങ്ങൾ കൗതുകകരവും അതിനേക്കാൾ ആകർഷകവുമാണ്. ശാസ്ത്രീയമായ അടിത്തറയും കുറവല്ല. ഇന്ത്യയിൽ സ്ത്രീകൾ വളകൾ ധരിക്കുന്നതിൽ പോലും ചില ആചാരങ്ങളുണ്ട്. പ്രത്യേകിച്ചും വിവാഹിതരായ സ്ത്രീകൾക്കിടയിൽ..! വളകൾ ഇന്ത്യൻ സ്ത്രീകളുടെ വിവാഹത്തെ പ്രതിനിധീകരിക്കുന്നു. വിവാഹശേഷം പല നിറത്തിലുള്ള വളകൾ ധരിക്കുന്നതു കുടുംബത്തിനു ഭാഗ്യവും സന്തോഷവും സമൃദ്ധിയും നൽകുമെന്നാണു വിശ്വാസം. വള ധരിക്കുന്നതിൽ ആരോഗ്യപരമായ ഗുണങ്ങളും കണക്കാക്കുന്നുണ്ട്. കൈത്തണ്ടയിൽ വളകൾ ധരിക്കുമ്പോൾ അവ ഘർഷണം സൃഷ്ടിക്കുകയും രക്തചംക്രമണത്തെ സഹായിക്കുകയും ചെയ്യുന്നതായി മേഖലയിലെ വിദഗ്ധർ അഭിപ്രായപ്പെടുന്നു. ശരീരത്തിലെ ഹോർമോൺ സന്തുലിതാവസ്ഥയ്ക്ക് കാരണമാകുന്ന ഒരു അക്യുപങ്ചർ പോയിന്റാണിത്. കുപ്പിവളകൾ നെഗറ്റീവ് എനർജിയെ അകറ്റുമെന്നും കരുതപ്പെടുന്നു. വ്യത്യസ്ത നിറങ്ങളിലുള്ള വളകൾക്കു വ്യത്യസ്ത അർഥങ്ങളുണ്ട്. പച്ച ശാന്തതയെ അടയാളപ്പെടുത്തുന്നു. ചുവപ്പ് ഫലഭൂയിഷ്ഠതയുമായും നെഗറ്റീവ് എനർജി നീക്കം…
Read More