സോഷ്യൽ മീഡിയയിൽ ഇപ്പോൾ ഭക്ഷണ പ്രേമികളും ഫുഡ് വ്ലോഗർമാരും വളരെയധികം പ്രശസ്തി നേടുകയാണ്. ഫുഡ് വ്ലോഗിംഗിന് യുട്യൂബിൽ ധാരാളം കാഴ്ചക്കാരുമുണ്ട്. ഭക്ഷണം ഉണ്ടാക്കുന്ന വീഡിയോകൾ പോലെ, ഉണ്ടാക്കിയ ഭക്ഷണം ഒരു നിശ്ചിത സമയത്തിനുള്ളിൽ ആസ്വദിച്ചു കഴിക്കുന്ന വീഡിയോകളും ഇപ്പോൾ സോഷ്യൽ മീഡിയയിൽ ഇടംപിടിക്കാറുണ്ട്. ചിക്കൻ മുതൽ ചോക്ലേറ്റ് വരെ നീളുന്നു അവയിൽ. അത്തരത്തിലൊരു വീഡിയോ ആണ് ഇപ്പോൾ വൈറലായിരിക്കുന്നത്. ദാൽ ചവൽ, ആലു ബോർത്ത, ബെംഗൻ ഭജ, കരേല ഭാജി, കഡി പക്കോഡ, ബെംഗൻ ഭോർത്ത, ചില്ലി പനീർ എന്നിവയുൾപ്പെടെയുള്ള വിഭവങ്ങൾ 20 മിനിറ്റുകൊണ്ട് കഴിച്ച് തീർത്തിരിക്കുകയാണ് ഒരു യൂട്യൂബർ. ഇത്രയധികം വിഭവങ്ങൾ നിറഞ്ഞിരിക്കുന്നതും, അവ ഓരോന്നും ആസ്വദിച്ച് കഴിക്കുന്നതുമൊക്കെ വീഡിയോയെ കൂടുതൽ ശ്രദ്ധേയമാക്കുന്നു. ഈ യൂട്യൂബർ കഴിക്കുന്ന രീതിയെ കുറിച്ച് നിരവധിപേരാണ് കമന്റിട്ടിരിക്കുന്നത്. എന്നാൽ മറ്റ് ചിലർ വിമർശനവുമായെത്തി. വീഡിയോ ഒറ്റ ദിവസം ഷൂട്ട് ചെയ്തതല്ലെന്നാണ് അവരുടെ…
Read MoreCategory: Today’S Special
എട്ടുലക്ഷം രൂപ വിലവരുന്ന ഷൂ സംഭാവന നല്കി അജ്ഞാതന്
ചാരിറ്റിക്കായി പണവും വസ്ത്രങ്ങളുമെല്ലാം സംഭാവന നല്കുന്നത് കണ്ടിട്ടുണ്ട്. അമേരിക്കയിലെ പോര്ട്ട്ലാന്റിൽ ഒരാള് ഷൂവാണ് സംഭാവനയായി ബേണ്സൈഡ് ഷെല്ട്ടര്ഹോമില് ഉപേക്ഷിച്ചുപോയത്. എന്നാല് ഇത് സാധാരണ ഒരു ഷൂവല്ല 834100 ഇന്ത്യന് രൂപ വിലവരുന്ന പ്രശ്ത ഷൂഡിസൈനര് ടിഹ്കര് ഹാറ്റ്ഫീല്ഡ് നിര്മിച്ച എയര് ജോര്ദാന് 3-എസ് എന്ന ഷൂവാണ് ഇത്. 2019 ലെ ഒസ്കാര് വേദിയില് അമേരിക്കന് സംവിധായകന് സ്പൈക്ക് ലീ ധരിച്ചിരുന്നതും ഈ ഷൂ തന്നെയാണ്. ഇത്രയേറെ വിലപിടിച്ച ഷൂ ആരാണ് സംഭാവനപ്പെട്ടിയില് ഉപേക്ഷിച്ച് പോയതെന്ന് ആര്ക്കുമറിയില്ല. എന്നാല് ബേണ്സൈഡ് ഷല്ട്ടര്ഹോം നടത്തുന്ന പോര്ട്ട്ലാന്റ് റെസ്ക്യൂ മിഷന് എന്ന സംഘടന വിലപിടിച്ച ഈ ഷൂ ലേലത്തില് വയ്ക്കാനാണ് തീരുമാനിച്ചിരിക്കുന്നത്. നിലവില് ലേലം പുരോഗമിച്ചുകൊണ്ടിരിക്കുന്ന ഈ ഷുവിന് 1667013 രൂപയോളം ലഭിക്കുമെന്നാണ് പ്രതീക്ഷിക്കുന്നത്. അങ്ങനെയെങ്കില് ഇത് ശരിക്കും ഒരു സിന്ഡ്രല്ല ഷൂപോലെ അത്ഭുതഷൂവയി മാറും എന്നതില് സംശയമില്ല.
Read Moreവീട്ടുജോലിക്കാരിക്ക് ഫോണ് സമ്മാനമായി നല്കി കൊച്ചുമിടുക്കന്; കൈയടിച്ച് സോഷ്യൽ മീഡിയ
മാതാപിതാക്കള്ക്കും വേണ്ടപ്പെട്ടവര്ക്കുമെല്ലാം നമ്മള് സമ്മാനങ്ങള് നല്കാറുണ്ട്. എന്നാല് വീട്ടുജോലിക്കാരിയായ സ്ത്രീക്ക് 2000 രൂപ വിലവരുന്ന ഫോണ് സമ്മാനമായി നല്കി സമൂഹമാധ്യമങ്ങളില് കൈയടി നേടുകയാണ് അങ്കിത് എന്ന കൊച്ചുമിടുക്കന്. അങ്കിതിന്റെ പിതാവ് ബാലാജിയാണ് എക്സിലൂടെ മകന്റെ ഈ പ്രവൃത്തി പങ്കുവച്ചത്. മകന് ടൂര്ണമെന്റ് കളിച്ച് സമ്മാനമായി ലഭിച്ച 7000 രൂപയില്നിന്നാണ് വീട്ടില് പാചകംചെയ്യുന്ന സരോജയ്ക്ക് 2000 രൂപയുടെ ഫോണ് സമ്മാനമായി നല്കിയത്. സരോജ, അങ്കിതിന് ആറുമാസം പ്രായമുള്ളപ്പോള് മുതല് പരിചരിച്ചുവരികയാണെന്നും മാതാപിതാക്കളെന്ന നിലയില് തങ്ങള്ക്ക് ഇതിലധികം എന്താണ് വേണ്ടതെന്നും ബാലാജി ചിത്രത്തോടൊപ്പം എക്സില് കുറിച്ചു. ചിത്രം സമൂഹമാധ്യമങ്ങളില് വൈറലായതോടെ നിരവധിപേരാണ് കൊച്ചുമിടുക്കനെയും മാതാപിതാക്കളെയും അഭിനന്ദിച്ചെത്തിയത്. Ankit has so far earned 7K by playing weekend tournaments. And today he got our Cook Saroja a mobile phone for 2K from his…
Read Moreകാണാതായിട്ട് 6 വര്ഷങ്ങള്; കുടുംബവുമായി പുനസംഗമം കാത്ത് അലക്സ് ബാറ്റി
വഴിതിരിവുകള്ക്കൊടുവില് കൗമാരകാരനെ കണ്ടുകിട്ടുന്നത് 6 വര്ഷങ്ങള്ക്കുശേഷം. 2017ലാണ് 11 കാരനായ അലക്സ് അമ്മയ്ക്കും മുത്തച്ഛനുമൊപ്പം സ്പെയിനില് അവധികാലം ആഘോഷിക്കാനെത്തുന്നത്. ഇതിനിടെയാണ് അലക്സിനെ കാണാതാകുന്നത്. മാഞ്ചെസ്റ്ററിലെ ഓള്ഡ്ഹാം സ്വദേശിയായ അലക്സിനായുള്ള തിരച്ചിലുകള് പുരോഗമിക്കുന്നതിനിടെയാണ് ഫ്രാന്സിലെ ടുളൂസില് നിന്ന് കണ്ടെത്തുന്നത്. പൈറനീസ് താഴ്വരയിലൂടെ അലക്സ് നടന്ന് പോകുന്നത് കണ്ട് സംശയം തോന്നിയ ബൈക്ക് യാത്രികന് നടത്തിയ ഇടപെടലിലൂടെയാണ് ആളെ തിരിച്ചറിയുന്നത്. തുടര്ന്ന് ബൈക്ക് യാത്രികനായ ഫാബിയന് അക്കിഡിനിയുടെ ഫേസ്ബുക്ക് അക്കൗണ്ട് വഴി അലക്സ് കുടുംബവുമായി ആശയവിനിമയം നടത്തി കുറിപ്പിട്ടിരുന്നു. ഐ വാണ്ട് ടു കം ഹോം എന്നാണ് അലക്സ് ഫേസ്ബുക്കിലൂടെ കുറിച്ചത്. അലക്സിന്റെ തിരോധാനവുമായി ബന്ധപ്പെട്ടുള്ള അന്വേഷണം തുടരുന്നതിനിടെയാണ് നാടകീയ തിരിച്ചുവരവ്. സംഭവത്തില് കൂടുതല് വ്യക്തവരേണ്ടതുണ്ടെന്ന് അധികൃതര് അറിയിച്ചു. സ്പെയിനില് നിന്ന് കാണാതായ അലക്സ് എങ്ങനെ ഫ്രാന്സിലെത്തിതയില് തുടങ്ങി ഉത്തരം കിട്ടാത്ത അനവധി ചോദ്യങ്ങള് ബാക്കിയാണ്. നിലവില് ടുളൂസിലെ യുവജന…
Read More‘ബുള്ളറ്റ് ബാബ’യുടെ അനുഗ്രഹം തേടി എൽഫീൽഡ് ബുള്ളറ്റിനെ പ്രതിഷ്ഠയാക്കി ആരാധന
രാജസ്ഥാനിലെ ഒരു ക്ഷേത്രം ജനശ്രദ്ധയാകർഷിച്ചത് അതിന്റെ വാസ്തുകലയിലോ ഉത്സവാഘോഷങ്ങളുടെ പ്രത്യേകതയിലോ ഒന്നുമല്ല, അവിടത്തെ പ്രതിഷ്ഠയുടെ പേരിലാണ്. ആ ക്ഷേത്രത്തിലെ പ്രതിഷ്ഠ എന്താണെന്നല്ലേ, എൻഫീൽഡ് ബുള്ളറ്റ്! രാജസ്ഥാനിലെ ജോധ്പുരിനടുത്ത് ഛോട്ടില എന്ന ഗ്രാമത്തിലാണ് ഇരുചക്രവാഹനത്തെ ആരാധിക്കുന്ന ക്ഷേത്രമുള്ളത്. 1991 മുതലാണ് എന്ഫീല്ഡ് ബുള്ളറ്റിൽ ദൈവാംശം ഉള്ളതായി കണ്ടെത്തി ആരാധന നടത്താൻ തുടങ്ങിയതത്രെ! ‘ഓംബന’ അഥവ ‘ബുള്ളറ്റ് ബാബ’ എന്നാണു വിശ്വാസികള് ബുള്ളറ്റിനെ വിളിക്കുന്നത്.സുരക്ഷിതയാത്ര, വാഹന ഇടപാടുകൾ തുടങ്ങിയ കാര്യങ്ങളിൽ അനുഗ്രഹം തേടിയാണ് ബുള്ളറ്റ് ബാബയുടെ നടയ്ക്കൽ ഭക്തർ എത്തുന്നത്. നിത്യവും നൂറുകണക്കിന് ആളുകൾ ഇവിടെ പ്രാർഥിക്കാൻ എത്തുന്നു. ജോധ്പുരിലെത്തുന്ന സഞ്ചാരികളും ബുള്ളറ്റ് ബാബയുടെ നടയ്ക്കൽ എത്തുന്നു. പുഷ്പങ്ങൾ, കര്പ്പൂരം അഭിഷേകം എന്നിവയ്ക്കു പുറമെ പ്രധാനപ്പെട്ട മറ്റൊരു വഴിപാടുകൂടി ഇവിടെയുണ്ട്. ബിയർ അഭിഷേകം! ബുള്ളറ്റിനു മുകളിലൂടെ ബിയർ ഒഴിച്ച് അഭിഷേകം നടത്തിയാൽ ബുള്ളറ്റ് ബാബ പ്രസാദിക്കുമെന്നാണ് വിശ്വാസം. വിചിത്രമായ ഇവിടത്തെ…
Read Moreവീണ്ടും പണി കൊടുത്ത് ഫ്ലിപ്കാര്ട്ട്; ഓര്ഡര് ചെയ്തത് ഐ ഫോണ് കിട്ടിയത് പിയേഴ്സ് സോപ്പ്..!
ഉപഭോക്താക്കൾക്കു പണി കൊടുത്ത് ഫ്ലിപ്കാര്ട്ടിനു മതിയായില്ലെന്നു തോന്നുന്നു. ഏറ്റവുമൊടുവിൽ ഐ ഫോണ് ഓര്ഡര് ചെയ്തയാൾക്കു ഫ്ലിപ്കാര്ട്ട് എത്തിച്ച് കൊടുത്തത് പിയേഴ്സ് സോപ്പ്! വ്ലോഗറായ വിദുർ സിരോഹിയാണ് ഈ പരാതിയുമായി രംഗത്തെത്തിയിരിക്കുന്നത്. അദ്ദേഹം പറയുന്നത് ഇങ്ങനെ: ഫ്ലിപ്കാര്ട്ട് ഇന്ത്യയില്നിന്നു കഴിഞ്ഞ നവംബർ 16ന് ഞാൻ ഐ ഫോണ് 15 ഓർഡർ ചെയ്തു. ഡെലിവറി പ്രതീക്ഷിച്ചിരുന്ന തീയതി നവംബർ 17 ആയിരുന്നു. എന്നാല് അന്നു ഡെലിവറി നടന്നില്ല. അടുത്ത ദിവസം ഡെലിവറി ചെയ്യേണ്ടതായിരുന്നെങ്കിലും ഞാന് സ്ഥലത്ത് ഇല്ലാതിരുന്നതിനാല് ഡെലിവറി തീയതി നവംബർ 22ന് ഷെഡ്യൂൾ ചെയ്തു. ഡെലിവറിക്കാരനു വൈകീട്ട് വരാന് പറ്റില്ലെന്നു പറഞ്ഞതിനാൽ 25 ലേക്കു മാറ്റി. പക്ഷേ അന്നും നടന്നില്ല. ഒടുവിൽ 26ന് ഫ്ലിപ്കാര്ട്ടില്നിന്ന് ഡെലിവറി എത്തി. ഐ ഫോണിനു പകരം എനിക്ക് ലഭിച്ചത് ഒരു പിയേഴ്സ് സോപ്പ്! പരിഹാരത്തിനായി ഫ്ലിപ്കാര്ട്ടിന്റെ സഹായം ലഭിക്കുന്നില്ലെന്നും എന്റെ ധാരാളം സമയവും…
Read Moreവൈറല് വിമാനയാത്ര; 80 പരുന്തുകള്ക്ക് വിമാന ടിക്കറ്റുകള് വാങ്ങി സൗദി രാജകുമാരന്
പലതരം വിമാനയാത്രകള് കണ്ടിട്ടുണ്ടെങ്കിലും ഇത്തരത്തിലൊരു വൈറല് യാത്ര ഇതാദ്യമാകും. സമൂഹമാധ്യമങ്ങളില് വൈറലായിയിരിക്കുകയാണ് സൗദി രാജകുമാരനും പരുന്തുകളും. സൗദി രാജകുമാരന് തന്റെ 80 പരുന്തുകള്ക്കായി പ്രത്യേകം ടിക്കറ്റുകള് എടുത്ത് യാത്ര ചെയ്യുന്ന വീഡിയോ ആണ് ഇപ്പോള് സോഷ്യൽ മീഡിയയിൽ ശ്രദ്ധ നേടുന്നത്. 2017ല് നടന്ന വിമാനയാത്രയുടെ ദൃശ്യങ്ങളാണ് ഇത്. യാത്രക്കാര്ക്കൊപ്പം വിമാനത്തില് പരുന്തുകള് യാത്ര ചെയ്യുന്ന ഫോട്ടോ പൈലറ്റിന്റെ സുഹൃത്താണ് സമൂഹമാധ്യങ്ങളിലുടെ പങ്കുവച്ചത്. സീറ്റുകളില് ചേര്ത്ത് കണ്ണ് മുടിയ നിലയിലാണ് പക്ഷികളെ വിമാനത്തില് കൊണ്ടുപോയത്. യുഎഇയുടെ ദേശീയ പക്ഷിയാണ് ഫാല്ക്കണ്. ചരിത്രപരമായി പരുന്തുകള്ക്ക് പ്രാധാന്യം നല്കുന്ന സാംസ്കാരമാണ് അറേബ്യന് രാജ്യങ്ങള്ക്കുള്ളത്. ഇവിടെ പക്ഷികളെ വിമാനത്തില് കൊണ്ടുപോകുന്നത് പുതുമയല്ല. പക്ഷികള്ക്ക് പാസ്പോര്ട്ടും ഉണ്ട്. പക്ഷികളുടെ സുരക്ഷ ഉറപ്പാക്കാന് ഏതറ്റം വരെയും പോകും എന്നതിന്റെ തെളിവാണ് ഈ വിമാനയാത്ര. ആളുകള്ക്കൊപ്പമുള്ള പരുന്തുകളുടെ യാത്രക്ക് ആരാധകരേറെയാണ്. കാഴ്ചക്കാരെ അമ്പരപ്പിച്ച യാത്ര സമൂഹമാധ്യമങ്ങളില് ചര്ച്ചയാവുകയാണ്.
Read More2023-ൽ ഏറ്റവുമധികം ഓർഡർ കിട്ടിയ ഭക്ഷണം; സ്വിഗ്ഗി റിപ്പോർട്ടിൽ പറയുന്നതിങ്ങനെ…
ഓൺലൈൻ ഫുഡ് ഡെലിവറി ആപ്പായ സ്വിഗ്ഗി അതിന്റെ വാർഷിക ട്രെൻഡ് റിപ്പോർട്ട്: ഹൗ ഇന്ത്യ സ്വിഗ്ഗിഡ് 2023, തുടർച്ചയായ എട്ടാം വർഷവും പുറത്തിറക്കി. ഈ വർഷങ്ങത്തിലുടനീളം ഇന്ത്യക്കാർ ഏറ്റവുമധികം ഓർഡർ ചെയ്ത ഭക്ഷണങ്ങൾ, എത്ര, എവിടെ നിന്ന്, എന്നിങ്ങനെയുള്ള രസകരമായ ചില വസ്തുതകളാണ് ഇതിൽ വെളിപ്പെടുത്തിയിരിക്കുന്നത്. 7.7 ദശലക്ഷത്തിലധികം ഓർഡറുകളുമായി ദുർഗാ പൂജയ്ക്ക് ഗുലാബ് ജാമുൻ മുന്നിലുണ്ട്. നവരാത്രിയിലെ ഒമ്പത് ദിവസങ്ങളിലെയും മികച്ച വെജ് ഓർഡറായി മസാല ദോശയും ഒപ്പമുണ്ട്. ഹൈദരാബാദിൽ ഒരു ഉപഭോക്താവ് 6 ലക്ഷം രൂപ മുടക്കിയാണ് ഇഡലി സ്വന്തമാക്കിയത്. സെക്കൻഡിൽ 2.5 ബിരിയാണികൾ ഓർഡർ ചെയ്യുന്നതിലൂടെ തുടർച്ചയായ എട്ടാം വർഷവും ഏറ്റവും കൂടുതൽ ഓർഡർ ചെയ്യപ്പെട്ട വിഭവമായി ബിരിയാണി ലിസ്റ്റിൽ ഭരണം തുടർന്നു. ചോക്ലേറ്റ് കേക്കിന് 8.5 ദശലക്ഷം ഓർഡറുകൾ നേടി ബാംഗ്ലൂർ ‘കേക്ക് ക്യാപിറ്റൽ’ എന്ന പദവി സ്വന്തമാക്കി. വാലന്റൈൻസ് ദിനത്തിൽ…
Read Moreപൂരത്തിന്റെ നാട്ടിൽനിന്ന് ആനവണ്ടിയിൽ ഉല്ലാസയാത്ര
ക്രിസ്മസ് അവധിക്കാലം വരാൻ പോവുകയല്ലേ, ഇത്തവണ എന്താ പരിപാടി, എവിടേക്കാണ് അടിപൊളി യാത്ര പോകേണ്ടത് – വെക്കേഷൻ അടുക്കുമ്പോൾ ഉയരുന്ന ഈ ചോദ്യത്തിന് ഇപ്പോൾ തൃശൂർക്കാർക്ക് മറുപടി ഒന്നേയുള്ളൂ. മ്മക്ക് മ്മ്ടെ ആനവണ്ടില് അങ്ങട് ഒരു റൗണ്ട് പൂവാലോ… അതെ, ഇപ്പോൾ തൃശൂർക്കാർ അവധി ദിവസങ്ങൾ ആഘോഷമാക്കാൻ ആനവണ്ടി അഥവാ കെഎസ്ആർടിസിയുടെ വിനോദസഞ്ചാര യാത്രകളാണ് തെരഞ്ഞെടുക്കുന്നത്. കുറഞ്ഞ ചെലവിൽ കാടും മലയും കടലും ഒക്കെ കണ്ട് സുരക്ഷിതമായി തിരിച്ചത്താൻ, കുടുംബസമേതം ഒരു ദിവസം ഉല്ലസിക്കാൻ, ഇതിലും നല്ല യാത്ര വേറെയില്ലെന്ന് ആനവണ്ടിയിൽ ഉല്ലാസ് യാത്രയ്ക്ക് പോയവർ പറയുന്നു. കുറഞ്ഞ ചിലവിലുള്ള ലോ ബജറ്റ് ടൂർ പാക്കേജുകൾ ആണ് തൃശൂർ അടക്കം പല യൂണിറ്റുകളിൽ നിന്നും കെഎസ്ആർടിസി അവധി ദിനങ്ങളിൽ ഓപ്പറേറ്റ് ചെയ്യുന്നത്. തൃശൂരിൽ നിന്നും മലക്കപ്പാറ, നെല്ലിയാമ്പതി, കാന്തല്ലൂർ, ഗവി തുടങ്ങിയ വിനോദ സഞ്ചാര കേന്ദ്രങ്ങളിലേക്കാണ് ഉല്ലാസയാത്ര…
Read Moreഇമ്മിണി വല്യ മനുഷ്യർ; ഗിന്നസ് റിക്കാര്ഡ് ജേതാക്കളുടെ കണ്ടുമുട്ടല് ഏറ്റെടുത്ത് സൈബര് ലോകം
ലോകത്തിലെ ഉയരം കൂടിയ മനുഷ്യനുള്ള ഗിന്നസ് റിക്കാര്ഡ് ഉടമയായ സുല്ത്താന് കോസെയും(8 അടി 3 ഇഞ്ച്) ഏറ്റവും ഉയരം കുറഞ്ഞ മനുഷ്യനുള്ള റിക്കാര്ഡിനുടമയായ ചന്ദ്ര ബഹദുര് ഡാംഗിയുടെയും(251സെന്റിമീറ്റര്) വീഡിയോ ആണ് സമൂഹമാധ്യമങ്ങളില് വൈറലായിരിക്കുന്നത്. 2014 ല് ലണ്ടണില് വച്ച് ഇരുവരും കണ്ടുമുട്ടിയപ്പോഴുള്ള വീഡിയോ ആണ് ഇത്. കഴിഞ്ഞ ഞായറാഴ്ച തന്റെ 41 ാം ജന്മദിനം ആഘോഷിച്ച തുര്ക്കിക്കാരനായ സുല്ത്താന് കോസന് ആശംസയറിയിച്ച് ഗിന്നസ് റിക്കാര്ഡ്സാണ് വീഡിയോ പങ്കുവച്ചത്. ഏട്ട് അടി മൂന്ന് ഇഞ്ച് ഉയരമുള്ള കോസന് 2009ലാണ് ലോക റിക്കാര്ഡ് സ്വന്തമാക്കുന്നത്. ഏറ്റവും വലുപ്പമുള്ള കൈയുള്ള മനുഷ്യന് എന്ന റിക്കാര്ഡും കോസന്റെ പേരിലാണ്. പിറ്റൂറ്ററി ജൈജാന്റിസം എന്ന രോഗാവസ്ഥയാണ് കോസനെ റിക്കാര്ഡിനര്ഹനാക്കിയത്. 2014ലെ ലോക റിക്കാര്ഡ് ദിന ആഘോഷത്തിന്റെ ഭാഗമായാണ് കോസനും നേപ്പാള് സ്വദേശിയുമായ ചന്ദ്രയും ആദ്യമായി കണ്ടുമുട്ടുന്നത്. ഗിന്നസ് റിക്കാര്ഡ് എഡിറ്റര് ഇന് ചീഫും ഇവര്ക്കൊപ്പം…
Read More