പത്തനംതിട്ട: ഇലന്തൂരില് നരബലി നടന്ന ഭഗവല്സിംഗിന്റെ വീടുതേടി വിദൂരങ്ങളില് നിന്നുപോലും ആളുകളെത്തുന്നു. ഇതര ജില്ലകളില് നിന്ന് ബസിലും സ്വകാര്യ വാഹനങ്ങളിലുമൊക്കെയായി നിരവധിപേരാണ് എത്തുന്നത്. ഇലന്തൂര് എന്ന സ്ഥലം എവിടെയെന്നു മുന് പരിചയമില്ലാത്തവരാണ് എത്തുന്നവരിലേറെയും ഇവര്ക്കു വഴികാട്ടിയാകാന് ഇലന്തൂര് ജംഗ്ഷനിലെ ഓട്ടോറിക്ഷ ഡ്രൈവര്മാര് രംഗത്തുവന്നു. 50 രൂപ നല്കിയാല് യാത്രക്കാരുമായോ മറ്റു വാഹനങ്ങള്ക്ക് പൈലറ്റായോ ഭഗവല്സിംഗിന്റെ വീട്ടിലെത്താന് സഹായിക്കാമെന്നാണ് വാഗ്ദാനം. ഭഗവല്സിംഗിന്റെ വീടുവരെ 50 രൂപ എന്നെഴുതിയ പോസ്റ്ററുമായി ഓട്ടോറിക്ഷകള് ഇന്നലെ സ്റ്റാന്ഡിലെത്തി. ഞായറാഴ്ച കൂടിയായിരുന്നതിനാല് ഇന്നലെ ഇവിടേക്ക് വന്തിരക്കാണ് ഉണ്ടായത്. വീട്ടുപരിസരത്തേക്ക് ആരെയും കടത്തിവിടാത്തതിനാല് സമീപ വീടുകളുടെ പുരയിടങ്ങളില് കയറി നിന്ന് സ്ഥലവീക്ഷണം നടത്തി ചിത്രങ്ങളെടുത്തു മടങ്ങുകയാണ് ഏറെപ്പേരും.
Read Moreനരബലി ഹൗസ്..! ഭഗവല്സിംഗിന്റെ വീടുതേടി എത്തുന്നവർക്ക് യാത്രാ ആനുകൂല്യം പ്രഖ്യാപിച്ച് ഓട്ടോറിക്ഷ ഡ്രൈവര്മാർ; മറ്റ് ചില ഓഫറുകൾ ഇങ്ങനെ…
