മകൻ സന്തോഷവനായിരുന്നു, സച്ചിൻ അവന്‍റെ ഉറ്റ സുഹൃത്തും; ന​ഗ​ര​മ​ധ്യ​ത്തി​ൽ യു​വാ​വ് ക​ഴു​ത്ത​റു​ത്ത് ആ​ത്മ​ഹ​ത്യ ചെ​യ്ത സം​ഭ​വത്തിൽ ക്രിസ്റ്റഫറിന്‍റെ പിതാവിന് പറയാനുള്ളത് ഇങ്ങനെയൊക്കെ….

കൊ​ച്ചി: ന​ഗ​ര​മ​ധ്യ​ത്തി​ൽ ആ​ളു​ക​ൾ നോ​ക്കി​നി​ൽ​ക്കെ യു​വാ​വ് ക​ഴു​ത്ത​റു​ത്ത് ആ​ത്മ​ഹ​ത്യ ചെ​യ്ത സം​ഭ​വ​ത്തി​ൽ ആ​ശു​പ​ത്രി​യി​ൽ ക​ഴി​യു​ന്ന സു​ഹൃ​ത്ത് സ​ച്ചി​ന്‍റെ മൊ​ഴി എ​റ​ണാ​കു​ളം നോ​ർ​ത്ത് പോ​ലീ​സ് ഇ​ന്ന് രേ​ഖ​പ്പെ​ടു​ത്തും.

സ​ച്ചി​ന്‍റെ മൊ​ഴി ല​ഭി​ച്ചാ​ൽ മാ​ത്ര​മേ സം​ഭ​വ​ത്തെ​ക്കു​റി​ച്ച് കൂ​ടു​ത​ൽ വ്യ​ക്ത​ത ​വ​രു​വെ​ന്ന് കേ​സ് അ​ന്വേ​ഷി​ക്കു​ന്ന എ​റ​ണാ​കു​ളം നോ​ർ​ത്ത് പോ​ലീ​സ് ഇ​ൻ​സ്പെ​ക്ട​ർ ഇ.​ആ​ർ. ബൈ​ജു പ​റ​ഞ്ഞു.

സ​ച്ചി​ൻ എ​റ​ണാ​കു​ളം ജ​ന​റ​ൽ ആ​ശു​പ​ത്രി​യി​ലാ​ണ് ചി​കി​ത്സ​യി​ൽ ക​ഴി​യു​ന്ന​ത്. മു​റി​വ് ആ​ഴ​ത്തി​ലു​ള്ള​ത​ല്ല. പെ​ട്ടെ​ന്നു​ള്ള പ്ര​കോ​പ​ന​മാ​ണോ അ​തോ ല​ഹ​രി​ക്കോ മ​റ്റോ അ​ടി​മ​പ്പെ​ട്ടാ​ണോ കൃ​ത്യം ചെ​യ്ത​തെ​ന്നു പോ​ലീ​സ് പ​രി​ശോ​ധി​ക്കു​ന്നു​ണ്ട്.

ഇ​രു​വ​ർ​ക്കു​മി​ട​യി​ലെ ത​ർ​ക്ക​മെ​ന്തെ​ന്ന് വ്യ​ക്ത​മ​ല്ല.ഇ​ന്ന​ലെ വൈ​കു​ന്നേ​രം അ​ഞ്ചോ​ടെ തി​ര​ക്കു​ള്ള ക​ലൂ​ർ ദേ​ശാ​ഭി​മാ​നി ജം​ഗ്ഷ​നി​ൽ റോ​ഡ​രി​കി​ലാ​യി​രു​ന്നു തോ​പ്പും​പ​ടി പ്യാ​രി​ജം​ഗ്ഷ​നി​ൽ പ​ള്ളി​ച്ചാ​ൽ റോ​ഡ് കൂ​ട്ടു​ങ്ങ​ൽ സി​റി​ൾ ക്രൂ​സി​ന്‍റെ​യും മാ​രി ക്രൂ​സി​ന്‍റെ​യും ഏ​ക മ​ക​ൻ ക്രി​സ്റ്റ​ഫ​ർ (24) ക​ഴു​ത്ത​റു​ത്ത് മ​രി​ച്ച​ത്.

സു​ഹൃ​ത്ത് സ​ച്ചി​നെ ക​ത്തി​യു​പ​യോ​ഗി​ച്ച് ആ​ക്ര​മി​ച്ച​ശേ​ഷ​മാ​ണ് ഇ​യാ​ൾ ആ​ത്മ​ഹ​ത്യ ചെ​യ്ത​ത്.ദേ​ശാ​ഭി​മാ​നി ജം​ഗ്ഷ​നി​ലെ മാ​ർ​ക്ക​റ്റി​നു സ​മീ​പം പെ​റ്റ് ഷോ​പ്പി​ന് മു​ന്നി​ലെ പോ​സ്റ്റി​നു ചു​വ​ട്ടി​ൽ വ​ന്നി​രു​ന്ന യു​വാ​വ് ക​ത്തി​യെ​ടു​ത്ത് കൈ​യി​ൽ മു​റി​വു​ണ്ടാ​ക്കു​ക​യും ക​ഴു​ത്തു മു​റി​ക്കു​ക​യു​മാ​യി​രു​ന്നു.

ഉ​ട​ൻ​ത​ന്നെ യു​വാ​വ് കു​ഴ​ഞ്ഞു​വീ​ണു. സ​മീ​പ​മു​ണ്ടാ​യി​രു​ന്ന​വ​ർ അ​റി​യി​ച്ച​തി​നെ​തു​ട​ർ​ന്ന് പോ​ലീ​സെ​ത്തി യു​വാ​വി​നെ സ്വ​കാ​ര്യ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും മ​ര​ണം സം​ഭ​വി​ച്ചി​രു​ന്നു.

യു​വാ​വ് സ്വ​യം മു​റി​വേ​ൽ​പ്പി​ക്കു​ന്ന​തും ക​ഴു​ത്ത​റു​ക്കു​ന്ന​തും ഉ​ൾ​പ്പെ​ടെ​യു​ള്ള ദൃ​ശ്യ​ങ്ങ​ൾ ക​ലൂ​ർ മാ​ർ​ക്ക​റ്റി​നു​സ​മീ​പ​ത്തെ ക​ട​ക​ളി​ലെ സി​സി​ടി​വി​യി​ൽ പ​തി​ഞ്ഞി​ട്ടു​ണ്ട്.

സം​ഭ​വസ്ഥ​ല​ത്തു​നി​ന്ന് അ​ന്പ​തു മീ​റ്റ​ർ മാ​റി സ​ച്ചി​ന്‍റെ ക​ഴു​ത്തി​ൽ ക്രി​സ്റ്റ​ഫ​ർ ക​ത്തി​കൊ​ണ്ട് വ​ര​യു​ക​യാ​യി​രു​ന്നു. ഇ​തേ ക​ത്തി​യു​പ​യോ​ഗി​ച്ചാ​ണ് ക്രി​സ്റ്റ​ഫ​ർ ആ​ത്മ​ഹ​ത്യ ചെ​യ്ത​ത്.

ക്രി​സ്റ്റ​ഫ​ർ അ​ടു​ത്തി​ടെ​യാ​ണ് ക​ലൂ​രി​ലെ സ്വ​കാ​ര്യ ക​ന്പ​നി​യി​ൽ ജോ​ലി​യി​ൽ പ്ര​വേ​ശി​ച്ച​തെ​ന്നും എ​ന്തെ​ങ്കി​ലും പ്ര​ശ്ന​ങ്ങ​ൾ ഉ​ണ്ടാ​യി​രു​ന്ന​താ​യി അ​റി​യി​ല്ലെ​ന്നും ബ​ന്ധു​ക്ക​ൾ പ​റ​ഞ്ഞു.

അ​തേ​സ​മ​യം പോ​ലീ​സ് ന​ട​പ​ടി​ക​ൾ​ക്കു​ശേ​ഷം പോ​സ്റ്റ്​മോ​ർട്ടം ന​ട​ത്തി​യ ക്രി​സ്റ്റ​ഫ​റി​ന്‍റെ മൃ​ത​ദേ​ഹം ബ​ന്ധു​ക്ക​ൾ​ക്ക് വി​ട്ടു​കൊ​ടു​ക്കും.

മ​ക​ൻ ആ​ത്മ​ഹ​ത്യ ചെ​യ്യു​മെ​ന്ന് വി​ശ്വ​സി​ക്കു​ന്നി​ല്ല: ക്രി​സ്റ്റ​ഫ​റി​ന്‍റെ പി​താ​വ്
മ​ക​ൻ ആ​ത്മ​ഹ​ത്യ ചെ​യ്യു​മെ​ന്ന് വി​ശ്വ​സി​ക്കു​ന്നി​ല്ലെ​ന്ന് ക്രി​സ്റ്റ​ഫ​റി​ന്‍റെ പി​താ​വ് സി​റി​ൾ ഡി​ക്രൂ​സ്. ഇ​ന്ന​ലെ​യും ക്രി​സ്റ്റ​ഫ​ർ സ​ന്തോ​ഷ​വാ​നാ​യി​രു​ന്നു.

മ​ക​ൻ ആ​ക്ര​മി​ച്ചു​വെ​ന്നു പ​റ​യു​ന്ന സ​ച്ചി​ൻ ക്രി​സ്റ്റ​ഫ​റി​ന്‍റെ ഉ​റ്റ സു​ഹൃ​ത്താ​ണ്. സം​ഭ​വ​ത്തെ​ക്കു​റി​ച്ച് വി​ശ​ദ​മാ​യ അ​ന്വേ​ഷ​ണം വേ​ണ​മെ​ന്നും സി​റി​ൾ പ​റ​ഞ്ഞു.