കളമശേരി നഗരസഭയിൽ നിന്ന്നൂറോളം ക​പ്പു​ക​ളും സോ​സ​റു​ക​ളും അപ്രത്യക്ഷമായി;  പരസ്പരം പഴിചാരി  സ്ഥിരം ജീവനക്കാരും താൽക്കാലിക ജീവനക്കാരും

ക​ള​മ​ശേ​രി: ന​ഗ​ര​സ​ഭ​യി​ലെ നൂ​റോ​ളം ക​പ്പു​ക​ളും സോ​സ​റു​ക​ളും ആ​റ് മാ​സ​ത്തി​നു​ള്ളി​ൽ അ​പ്ര​ത്യ​ക്ഷ​മാ​യ​താ​യി ആ​ക്ഷേ​പം. ക​ള​മ​ശേ​രി ന​ഗ​ര​സ​ഭ​യി​ൽ കൗ​ൺ​സി​ൽ യോ​ഗ​ത്തി​ലും മ​റ്റും ചാ​യ വി​ത​ര​ണ​ത്തി​നാ​യി ഉ​പ​യോ​ഗി​ച്ചി​രു​ന്ന പോ​ർ​സ​ലി​ൻ ക​പ്പു​ക​ളും സോ​സ​റു​ക​ളു​മാ​ണ് കാ​ണാ​താ​യ​ത്.

കു​റ​ച്ച് മാ​സ​ങ്ങ​ളാ​യി ഇ​വ​യു​ടെ എ​ണ്ണം കു​റ​ഞ്ഞു വ​ന്നെ​ങ്കി​ലും ആ​രു​ടേ​യും ശ്ര​ദ്ധ​യി​ൽ പെ​ട്ടി​രു​ന്നി​ല്ല. ഏ​പ്രി​ൽ മാ​സം അ​വ​സാ​നി​ച്ച​തോ​ടെ ക​പ്പു​ക​ളി​ൽ ഏ​താ​നും എ​ണ്ണം മാ​ത്ര​മേ ബാ​ക്കി വ​ന്നു​ള്ളൂ. ഇ​തി​നെ തു​ട​ർ​ന്ന് സ്റ്റീ​ൽ ഗ്ലാ​സു​ക​ളി​ലാ​ണ് ചാ​യ വി​ത​ര​ണം ചെ​യ്യു​ന്ന​ത്. ചെ​റി​യ ഗ്ലാ​സു​ക​ൾ ആ​യ​തി​നാ​ൽ ഇ​വ​യും എ​പ്പോ​ൾ വേ​ണ​മെ​ങ്കി​ലും മോ​ഷ​ണം പോ​കാ​വു​ന്ന സ്ഥി​തി​യി​ലാ​ണ്.

എ​ന്നാ​ൽ ക​പ്പു​ക​ൾ എ​ങ്ങ​നെ ന​ഷ്ട​പ്പെ​ട്ട​തെ​ന്ന് അ​ധി​കൃ​ത​ർ​ക്ക് ക​ണ്ടെ​ത്താ​നാ​യി​ട്ടി​ല്ല. ശു​ചീ​ക​ര​ണ തൊ​ഴി​ലാ​ളി​ക​ളാ​ണെ​ന്ന് ന​ഗ​ര​സ​ഭാ ജീ​വ​ന​ക്കാ​രും ജീ​വ​ന​ക്കാ​രാ​ണെ​ന്ന് താ​ത്ക്കാ​ലി​ക ജീ​വ​ന​ക്കാ​രാ​യ ശു​ചീ​ക​ര​ണ തൊ​ഴി​ലാ​ളി​ക​ളും പ​ര​സ്പ​രം ആ​രോ​പി​ക്കു​ന്നു​ണ്ട്.ഇ​ത്ര​യെ​ണ്ണം ഒ​റ്റ​യ​ടി​ക്ക് കൊ​ണ്ടു​പോ​കാ​നാ​കാ​ത്ത​തി​നാ​ൽ ദി​വ​സ​വും ഒ​ന്നോ ര​ണ്ടോ വീ​തം മാ​റ്റി​യ​താ​യ​താ​ണ് സൂ​ച​ന.

ന​ഗ​ര​സ​ഭ​യി​ൽ വ​രു​ന്ന അ​തി​ഥി​ക​ൾ​ക്ക് സ്റ്റീ​ൽ ഗ്ലാ​സി​ൽ കൊ​ടു​ക്കു​ന്ന​ത് അ​ഭം​ഗി​യാ​ണെ​ന്നും അ​വ മാ​റ്റ​ണ​മെ​ന്നും കൗ​ൺ​സി​ല​ർ​മാ​ർ ക​ഴി​ഞ്ഞ ദി​വ​സം ന​ട​ന്ന കൗ​ൺ​സി​ൽ യോ​ഗ​ത്തി​ൽ ആ​വ​ശ്യ​പ്പെ​ട്ടു. അ​തി​നി​ട​യി​ൽ ക​ഴി​ഞ്ഞ ദി​വ​സം മു​ത​ൽ ന​ഗ​ര​സ​ഭ ഓ​ഫീ​സി​ൻെ​റ പ്ര​ധാ​ന മേ​ഖ​ല​ക​ളി​ൽ നി​രീ​ക്ഷ​ണ കാ​മ​റ​ക​ൾ പ്ര​വ​ർ​ത്ത​ന​ക്ഷ​മ​മാ​യി.

ഇ​വ​യു​ടെ ദൃ​ശ്യ​ങ്ങ​ൾ ന​ഗ​ര​സ​ഭാ ചെ​യ​ർ​പേ​ഴ്സ​ൺ, സെ​ക്ര​ട്ട​റി എ​ന്നി​വ​രു​ടെ മേ​ശ​പ്പു​റ​ത്തു​ള്ള ടി​വി​യി​ൽ കാ​ണാ​നാ​കും. ഇ​വ റി​ക്കാ​ർ​ഡ് ചെ​യ്യ​പ്പെ​ടു​ന്നു​മു​ണ്ട്.