കൊച്ചി: സംസ്ഥാനത്ത് ഇന്ധനവില ഇന്നും കുറഞ്ഞു. പെട്രോളിന് 16 പൈസയും ഡീസിന് അഞ്ചു പൈസയുമാണ് കുറഞ്ഞത്. കൊച്ചിയിൽ പെട്രോളിന് 79.83 രൂപയും, ഡീസലിന് 72.62 രൂപയുമാണ് ഇന്നത്തെ വില. ഇന്നലെ ഇത് യഥാക്രമം 79.99 രൂപയും 72.77 രൂപയുമായിരുന്നു. തിരുവനന്തപുരത്ത് പെട്രോളിന് 81.10 രൂപയും ഡീസിന് 73.81 രൂപയുമാണ് തിരുവനന്തപുരത്തെ ഇന്നത്തെ വില.
തുടർച്ചയായ ആറാം ദിവസമാണ് ഇന്ധനവില കുറയുന്നത്. രാജ്യാന്തര വിപണിയൽ എണ്ണവില കുറയുന്നതിന്‍റെ അടിസ്ഥാനത്തിലാണ് ഇന്ത്യയിലും ഇന്ധനവിലയിൽ നേരിയ കുറവുണ്ടാകുന്നത്. ആറു ദിവസത്തിനുള്ളിൽ പെട്രോളിന് 52 പൈസയും ഡീസലിന് 39 പൈസയുമാണ് കുറഞ്ഞത്. ഇതിനുപുറമേ സംസ്ഥാന സർക്കാർ പെട്രോൾ-ഡീസൽ വിൽപ്പന നികുതിയിൽ ഒരു രൂപ ഇളവ് നൽകിയിരുന്നു.
