ദി​വ്യ​യും സു​ഹൃ​ത്തു​ക്ക​ളും പോ​ള​ണ്ടി​ലെ​ത്തി​യെ​ങ്കി​ലും…! ദി​വ്യ​യു​ടെ മ​ട​ങ്ങിവ​ര​വി​നായി ക​ര​ളു​രു​കും പ്രാ​ർ​ഥ​ന​യോടെ കു​ടും​ബം

തൊ​ടു​പു​ഴ: യു​ക്രെ​യ്നി​ലെ യു​ദ്ധഭൂ​മി​യി​ൽനി​ന്നു പ​ലാ​യ​നം ചെ​യ്ത മ​ക​ളെ​ക്കുറി​ച്ചോ​ർ​ത്ത് ഉ​ള്ളു​രു​കി ക​ഴി​യു​ക​യാ​ണ് വ​ണ്ണ​പ്പു​റം ചേ​ല​ച്ചു​വ​ട് അ​രീ​ക്ക​ൽ ജോ​സ​ഫും അ​ച്ചാ​മ്മ​യും.

ഇ​വ​രു​ടെ ഇ​ള​യ മ​ക​ളാ​യ ദി​വ്യ ജോ​സ​ഫ് യു​ദ്ധ​ക്ക​ള​മാ​യി മാ​റി​യ കാ​ർ​ക്കീ​വി​ൽനി​ന്നു ത​ല​നാ​രി​ഴ​യ്ക്കാ​ണ് ര​ക്ഷ​പ്പെ​ട്ട് അ​തി​ർ​ത്തി രാ​ജ്യ​മാ​യ പോ​ള​ണ്ടി​ലെ​ത്തി​യ​ത്.

കാ​ർ​ക്കീ​വി​ൽ ഷെ​ല്ലാ​ക്ര​മ​ണ​ത്തി​ൽ ഇ​ന്ത്യ​ൻ വി​ദ്യാ​ർ​ഥി കൊ​ല്ല​പ്പെ​ടു​ന്ന​തി​നു മു​ന്പാ​ണ് ദി​വ്യ ഉ​ൾ​പ്പെ​ടെ​യു​ള്ള വി​ദ്യാ​ർ​ഥി സം​ഘം ഇ​വി​ടെനി​ന്നു ര​ക്ഷ​പ്പെ​ട്ട​ത്.

ക​ഴി​ഞ്ഞ ദി​വ​സം ദി​വ്യ​യും കൂ​ട്ടു​കാ​രാ​യ സു​ഹൃ​ത്തു​ക്ക​ളും പോ​ള​ണ്ടി​ലെ​ത്തി​യെ​ങ്കി​ലും ഇ​ന്ത്യ​യി​ലേ​ക്ക് മ​ട​ങ്ങാ​നു​ള്ള ലി​സ്റ്റി​ലു​ൾ​പ്പെ​ടാ​ത്ത​തി​നാ​ൽ ഇ​പ്പോ​ഴും അ​വി​ടെ ക്യാ​ന്പി​ൽ ക​ഴി​യു​ക​യാ​ണ്.

നൂ​റു​ക​ണ​ക്കി​നാ​ളു​ക​ൾ ക​ഴി​യു​ന്ന ക്യാ​ന്പി​ൽ പ​രി​മി​ത​മാ​യ ഭ​ക്ഷ​ണ​വും വെ​ള്ള​വും ഉ​പ​യോ​ഗി​ച്ച് ദു​രി​ത​ത്തി​ലാ​ണിവർ.

കാ​ർ​ക്കീ​വി​ലെ നാ​ഷ​ണ​ൽ മെ​ഡി​ക്ക​ൽ യൂ​ണി​വ​ഴ്സി​റ്റി​യി​ലെ മൂ​ന്നാം​വ​ർ​ഷ മെ​ഡി​സി​ൻ വി​ദ്യാ​ർ​ഥി​നി​യാ​ണ് ദി​വ്യ.

കീ​വി​ൽ യു​ദ്ധം ആ​രം​ഭി​ച്ച​തു മു​ത​ൽ ദി​വ്യ​യും മ​റ്റു വി​ദ്യാ​ർ​ഥി​ക​ളും ബ​ങ്ക​റു​ക​ളി​ലേ​ക്ക് മാ​റി​യി​രു​ന്നു.

ഇ​തി​നി​ടെ​യാ​ണ് റ​ഷ്യ​ൻ സേ​ന കാ​ർ​ക്കീ​വി​നെ ല​ക്ഷ്യ​മി​ട്ട​ത്. ഇ​തോ​ടെ ഇ​വി​ടെ​യു​ള്ള വി​ദ്യാ​ർ​ഥി​ക​ൾ ഉ​ൾ​പ്പെ​ടെ​യു​ള്ള​വ​ർ അ​ടി​യ​ന്ത​ര​മാ​യി ര​ക്ഷാകേ​ന്ദ്ര​ങ്ങ​ളി​ലേ​ക്ക് മാ​റ​ണ​മെ​ന്ന് ഇ​ന്ത്യ​ൻ എം​ബ​സി മു​ന്ന​റി​യി​പ്പു ന​ൽ​കി​യി​രു​ന്നു. എ​ന്നാ​ൽ ഇ​തി​നു​ള്ള സ​ഹാ​യ​ങ്ങ​ളൊ​ന്നും ഇ​വ​ർ​ക്ക് ല​ഭി​ച്ചി​ല്ല.

ഇ​തോ​ടെ ര​ണ്ടും ക​ൽ​പ്പി​ച്ച് ഏ​തു വി​ധേ​ന​യും ര​ക്ഷ​പ്പെടാ​ൻ ഇ​വ​ർ തീ​രു​മാ​നി​ക്കു​ക​യാ​യി​രു​ന്നു.

യു​ക്രെ​യ്ൻ അ​തി​ർ​ത്തിപ​ട്ട​ണ​മാ​യ കാ​ർ​ക്കീ​വി​ൽനി​ന്നു കീ​വ്, ലി​യ വ​ഴി മെ​ട്രോ​യി​ലും ട്രെ​യി​നി​ലു​മാ​യി ഒ​രു ദി​വ​സ​ത്തോ​ളം യാ​ത്ര ചെ​യ്താ​ണ് ഇ​വ​ർ പോ​ള​ണ്ടി​ലെ​ത്തി​യ​ത്.

ത​ല​സ്ഥാ​ന ന​ഗ​ര​മാ​യി​രു​ന്ന കീ​വി​ൽ പ്ര​ഖ്യാ​പി​ച്ചി​രു​ന്ന ക​ർ​ഫ്യൂ മാ​റി​യ​പ്പോ​ഴാ​ണ് ഇ​വ​ർ​ക്ക് അ​പ​ക​ടംകൂ​ടാ​തെ പോ​ള​ണ്ടി​ലെ​ത്താ​നാ​യ​ത്.

കാ​ർ​ക്കീ​വി​ൽനി​ന്നു ഇ​വ​ർ പ​ലാ​യ​നം ചെ​യ്ത ഉ​ട​ൻതന്നെ അവിടെ കനത്ത ഷെല്ലാക്രമണമുണ്ടാ യി.

പോ​ള​ണ്ടി​ൽ ഇ​വ​ർ സു​ര​ക്ഷി​ത​രാ​യി എ​ത്തി​യെ​ങ്കി​ലും ദി​വ്യ​യ്ക്ക് എ​ന്നു നാ​ട്ടി​ലെ​ത്താ​നാ​കു​മെ​ന്ന ആ​ശ​ങ്ക​യി​ലാ​ണ് വീ​ട്ടു​കാ​ർ.

ഭ​ക്ഷ​ണ​വും വെ​ള്ള​വും തീ​രാ​റാ​യെ​ന്ന് ദി​വ്യ വീ​ട്ടി​ൽ അ​റി​യി​ച്ചി​രു​ന്നു. പോ​ള​ണ്ടി​ലെ​ത്തി​യ​പ്പോ​ൾ കൈ​യി​ലു​ള്ള​ത് യു​ക്രെ​യ്ൻ ക​റ​ൻ​സി മാ​ത്ര​മാ​യി​രു​ന്നു.

അ​തി​നാ​ൽ വീ​ട്ടി​ൽനി​ന്നു പ​ണം അ​യ​ച്ചു കൊ​ടു​ത്താ​ണ് ക​ട​ക​ളി​ൽ നി​ന്നു ഭ​ക്ഷ്യ​വ​സ്തു​ക്ക​ൾ വാ​ങ്ങി​യ​ത്.

തി​രി​കെ നാ​ട്ടി​ലെ​ത്താ​നാ​യി എം​ബ​സി​യി​ൽ പേ​രു ര​ജി​സ്റ്റ​ർ ചെ​യ്തു കാ​ത്തി​രി​ക്കു​ക​യാ​ണ് ദി​വ്യ​യും കൂ​ട്ടു​കാ​രി​ക​ളും.

ദിവ്യയുടെ പി​താ​വ് ജോ​സ​ഫ് ര​ണ്ടു ത​വ​ണ സ്ട്രോ​ക്ക് വ​ന്ന​തി​നെത്തുട​ർ​ന്ന് ചി​കി​ത്സ​യി​ലാ​ണ്.