പൈല്‍സ് ചികിത്സയ്ക്ക് എത്തിയ യുവതിയെ ലൈംഗികമായി പീഡിപ്പിച്ച ശേഷം അശ്ലീല ചിത്രങ്ങളെടുത്തു ബ്ലാക് മെയില്‍ ചെയ്ത ഡോക്ടര്‍ പിടിയില്‍. മുംബൈയിലെ മേഘ് വാടിയിലാണ് സംഭവം. 58കാരനായ വംശ് രാജ് ദ്വിവേദിയാണ് അറസ്റ്റിലായത്.
ജോഗേശ്വരി സ്വദേശിനിയായ 27കാരി 2015 മെയ് 28നാണ് മൂലക്കുരുവിന് ചികിത്സതേടി ഡോക്ടറുടെ അടുത്തെത്തിയത്. യുവതിയ്ക്ക് മയങ്ങാനുള്ള മരുന്നു നല്‍കിയ ശേഷം ഇവരെ പീഡിപ്പിച്ച ഡോക്ടര്‍. നഗ്നദൃശ്യങ്ങള്‍ പകര്‍ത്തുകയും ചെയ്തു. ചികിത്സയ്ക്കു ശേഷം വീട്ടിലേക്ക് മടങ്ങിയ യുവതിയ്ക്ക് ഡോക്ടര്‍ ദൃശ്യങ്ങള്‍ അയച്ചു കൊടുത്തു. ആദ്യം പണം ആവശ്യപ്പെട്ട ഇയാള്‍ പിന്നീട് ലൈംഗികമായി ബന്ധപ്പെടണമെന്ന ആവശ്യം ഉന്നയിക്കുകയായിരുന്നു.
ആരോടെങ്കിലും സംഭവം പറഞ്ഞാല്‍ വീഡിയോ പുറത്താക്കുമെന്ന് യുവതിയെ ഭീഷണിപ്പെടുത്തുകയും ചെയ്തു. തുടര്‍ന്ന് ഈ ദൃശ്യങ്ങള്‍ ഉപയോഗിച്ച് നിരവധി തവണ ഇവരെ ലൈംഗികമായി ഉപയോഗിക്കുകയും ചെയ്തു. എന്നാല്‍ 2018ല്‍ യുവതി വിവാഹിതയായി. ഇതിനു ശേഷവും ഡോക്ടര്‍ ഭീഷണി തുടര്‍ന്നെങ്കിലും യുവതി വഴങ്ങിയില്ല. ഇതോടെ ഡോക്ടര്‍ വീഡിയോ സോഷ്യല്‍ മീഡിയയില്‍ പ്രചരിപ്പിക്കുകയായിരുന്നു.
