മുംബൈയിലെ ഒരു പോലീസ് ഉദ്യോഗസ്ഥൻ സമൂഹ മാധ്യമങ്ങളിൽ പങ്കുവച്ച ഹൃദയസ്പർശിയായ വീഡിയോയാണ് ഇപ്പോൾ ആളുകൾ ഏറ്റെടുത്തിരിക്കുന്നത്. വഴിയരികിൽ വയ്യാതെ ദയനീയമായി കിടന്ന ഒരു നായയെ ആശുപത്രിയിലെത്തിച്ച ഒരു യുവാവാണ് സമൂഹ മാധ്യമങ്ങളിലെ താരം. അയാൾ നല്ല മനുഷ്യനാണ്, അയാൾക്ക് നല്ല ഹൃദയമുണ്ടെന്ന് സമൂഹ മാധ്യമങ്ങൾ അയാളെ പുകഴ്ത്തുന്നു.
റോഡരികിൽ വയ്യാതെ തളർന്ന് കിടക്കുന്ന നായയെ സ്വന്തം സൈക്കിളിൽ ആശുപത്രിയിൽ ചികിത്സയ്ക്കായി എത്തിക്കുന്ന യുവാവ്. ഡോക്ടർമാർക്കും ഓഫീസർമാർക്കും വേണ്ടിയൊന്നും കാത്തുനില്ക്കാതെ, പരാതികളും പരിഭവങ്ങളുമില്ലാതെ സ്വന്തം സൈക്കിളിലാണ് യുവാവ് നായയെ ആശുപത്രിയിൽ എത്തിക്കുന്നത്.
തനിക്കു ചുറ്റും ആൾക്കൂട്ടങ്ങളോ ബഹളങ്ങളോ ഇല്ലാതെ, മറ്റാരും സഹായിക്കാനില്ലാതെ ആ യുവാവ് ആ നായയെ ഒരു സഞ്ചിക്കുള്ളിലാക്കി ആ സഞ്ചിസൈക്കിളിനോട് ചേർത്തുകെട്ടികൊണ്ടാണ് ആശുപത്രിയിൽ എത്തിക്കുന്നത്. നിശബ്ദമായി ആശുപത്രിയിൽ എത്തികഴിഞ്ഞും നായ വേണ്ട പരിചരണങ്ങൾ നല്കുന്നതിൽ വീഴ്ച്ചവരുത്താതെ അവിടെ മാറി നില്ക്കുന്ന യുവാവ്.
സംഭവത്തെത്തുടർന്ന് ഹൃദയസ്പർശിയായ കുറിപ്പുകളാണ് സമൂഹ മാധ്യമങ്ങളിൽ ഈ വീഡിയോയ്ക്ക് താഴെ പ്രത്യക്ഷപ്പെട്ടത്. എല്ലാവരും യുവാവിനോടുള്ള സ്നേഹവും കരുതലുമാണ് സമൂഹ മാധ്യമങ്ങളിൽ പ്രചരിക്കുന്നത്. നായ സ്നേഹികളും ഇതെതുടർന്ന് അഭിനന്ദനപ്രവാഹങ്ങളുമായി രംഗത്തെത്തി.
