തൊണ്ടി കണ്ടോ തൊണ്ടി..! എ​ട​യാ​റി​ലെ സ്വ​ർ​ണ​ക്ക​വ​ർ​ച്ച; പ്രതികളെല്ലാം പോലീസ് പിടിയിലായെങ്കിലും സ്വ​ർ​ണം ക​ണ്ടെ​ത്താ​നാ​കാ​തെ പോ​ലീ​സ്

കൊ​ച്ചി: എ​ട​യാ​റി​ലെ ശു​ദ്ധീ​ക​ര​ണ കേ​ന്ദ്ര​ത്തി​ലേ​ക്ക് കൊ​ണ്ടു​പോ​കു​ന്ന​തി​നി​ടെ ക​വ​ർ​ച്ച ചെ​യ്യ​പ്പെ​ട്ട 20 കി​ലോ സ്വ​ർ​ണം ക​ണ്ടെ​ത്താ​നാ​കാ​തെ പോ​ലീ​സ്. കേ​സു​മാ​യി ബ​ന്ധ​പ്പെ​ട്ട് മു​ഴു​വ​ൻ പ്ര​തി​ക​ളെ​യും അ​റ​സ്റ്റ് ചെ​യ്യാ​ൻ ക​ഴി​ഞ്ഞെ​ങ്കി​ലും സ്വ​ർ​ണം ക​ണ്ടെ​ത്താ​നാ​കാ​ത്ത​ത് ത​ല​വേ​ദ​ന​യാ​യി. റി​മാ​ൻ​ഡി​ൽ ക​ഴി​യു​ന്ന അ​ഞ്ച് പ്ര​തി​ക​ളെ പ​ല ആ​വ​ർ​ത്തി ചോ​ദ്യം ചെ​യ്തി​ട്ടും സ്വ​ർ​ണം എ​ങ്ങോ​ട്ടാ​ണ് കൊ​ണ്ടു​പോ​യ​തെ​ന്ന സൂ​ച​ന​പോ​ലും കി​ട്ടി​യി​ട്ടി​ല്ല.

ഇ​വ​രെ കൂ​ടാ​തെ കു​റ്റ​കൃ​ത്യ​ത്തി​ൽ മ​റ്റു സം​ഘ​ങ്ങ​ളു​ടെ പി​ന്തു​ണ​യും ഉ​ണ്ടാ​യി​ട്ടു​ണ്ടെ​ന്ന് പോ​ലീ​സ് ക​രു​തു​ന്നു. ഇ​തി​നാ​യി പ്ര​തി​ക​ളു​മാ​യി ബ​ന്ധ​പ്പെ​ട്ട​വ​രെ ചോ​ദ്യം ചെ​യ്യാ​നു​ള്ള ശ്ര​മ​ത്തി​ലാ​ണ് അ​ന്വേ​ഷ​ണ സം​ഘം. മു​ഖ്യ​പ്ര​തി സ​തീ​ഷി​ന്‍റെ അ​ക​ന്ന ബ​ന്ധു​വാ​യ ബി​പി​ൻ സെ​ബാ​സ്റ്റ്യ​നെ പി​ടി​കൂ​ടാ​ൻ പോ​ലീ​സ് വ്യ​പ​ക​മാ​യ തി​ര​ച്ചി​ൽ തു​ട​ങ്ങി.

ഇ​യാ​ളെ കി​ട്ടി​യാ​ൽ അ​ന്വേ​ഷ​ണ​ത്തി​ൽ വ​ഴി​ത്തി​രി​വ് ഉ​ണ്ടാ​കു​മെ​ന്നാ​ണ് നി​ഗ​മ​നം. ക​വ​ർ​ച്ച​യി​ൽ ഉ​ൾ​പ്പെ​ട്ട മു​ഴു​വ​നാ​ളു​ക​ളെ​യും ര​ണ്ടാ​ഴ്ച​യ്ക്കു​ള്ളി​ൽ വ​ല​യി​ലാ​ക്കി​യ​തു നേ​ട്ട​മാ​യെ​ങ്കി​ലും തൊ​ണ്ടി ക​ണ്ടെ​ടു​ത്താ​ലേ അ​തി​നു പൂ​ർ​ണ​ത കൈ​വ​രൂ. അ​തി​നാ​ൽ ഏ​തു​വി​ധേ​ന​യും സ്വ​ർ​ണം വീ​ണ്ടെ​ടു​ക്കാ​നാ​ണു നീ​ക്കം.

പ്ര​തി​ക​ളെ തെ​ളി​വെ​ടു​പ്പി​നു ക​സ്റ്റ​ഡി​യി​ൽ കി​ട്ടാ​ൻ കോ​ട​തി​യി​ൽ അ​പേ​ക്ഷ ന​ൽ​കി. പ്യൂ​രി​റ്റി വ​ർ​ധി​പ്പി​ക്കാ​ൻ എ​ട​യാ​ർ സി​ജി​ആ​ർ മെ​റ്റ​ലോ​യ്സി​ലേ​ക്കു കൊ​ണ്ടു​വ​ന്ന മ​ല​ർ രൂ​പ​ത്തി​ലു​ള്ള സ്വ​ർ​ണ​മാ​ണു ക​വ​ർ​ന്ന​ത്. ക​വ​ർ​ച്ച ന​ട​ന്ന വി​വ​രം അ​റി​യാ​വു​ന്ന​തി​നാ​ൽ ചെ​റു​കി​ട ജ്വ​ല്ല​റി​ക്കാ​രാ​രും ഇ​തു വാ​ങ്ങാ​നി​ട​യി​ല്ല എ​ന്നാ​ണ് പോ​ലീ​സ് ക​രു​തു​ന്ന​ത്.

സ്വ​ർ​ണ ശു​ദ്ധീ​ക​ര​ണ​ശാ​ല​ക​ളു​മാ​യി അ​ടു​ത്ത ബ​ന്ധ​മു​ള്ള​വ​ർ​ക്കേ ഇ​ത് ഉ​പ​യോ​ഗി​ക്കാ​ൻ ക​ഴി​യൂ. എ​ന്നാ​ൽ പോ​ലീ​സ് റി​ക്ക​വ​റി പേ​ടി​ച്ച് അ​വ​രും വാ​ങ്ങാ​നി​ട​യി​ല്ല. ക​വ​ർ​ച്ചാ​വേ​ള​യി​ൽ സ​തീ​ഷും റാ​ഷി​ദും സ​ഞ്ച​രി​ച്ച ബൈ​ക്കും ബി​ബി​ൻ, ന​സീ​ബ് എ​ന്നി​വ​ർ സ​ഞ്ച​രി​ച്ച കാ​റും ക​ണ്ടെ​ടു​ത്തു. കാ​ർ തൊ​ടു​പു​ഴ​യി​ൽ നി​ന്നു റെ​ന്‍റ് എ ​കാ​ർ വ്യ​വ​സ്ഥ​യി​ൽ എ​ടു​ത്ത​താ​ണ്.