വി​വാ​ഹാ​ഭ്യ​ർ​ഥ​ന നി​ര​സി​ച്ച വൈരാഗ്യം തീർത്ത് 23 തവണ കുത്തി; കൊച്ചിയിലെ പ്ല​സ്ടു വി​ദ്യാ​ർ​ഥിനിയുടെ കൊലപാതം കൃത്യമായ ആസൂത്രണത്തിൽ;  കുത്താൻ ഉപയോഗിച്ച കത്തി തേടി പോലീസ്

കൊ​ച്ചി: പ്ല​സ്ടു വി​ദ്യാ​ർ​ഥി​നി​യെ കു​ത്തി​ക്കൊ​ല​പ്പെ​ടു​ത്തി മൃ​ത​ദേ​ഹം ത​മി​ഴ്നാ​ട്ടി​ലെ വ​ന​പ്ര​ദേ​ശ​ത്ത് ഉ​പേ​ക്ഷി​ച്ച സം​ഭ​വ​ത്തി​ൽ പി​ടി​യി​ലാ​യ യു​വാ​വി​നെ കൊ​ച്ചി​യി​ലെ​ത്തി​ച്ചു. ത​മി​ഴ്നാ​ട്ടി​ൽ പി​ടി​യി​ലാ​യ പെ​ണ്‍​കു​ട്ടി​യു​ടെ സു​ഹൃ​ത്തും മ​ര​ടി​ലെ ഒ​രു കാ​ർ സ​ർ​വീ​സ് സെ​ന്‍റ​റി​ലെ ജീ​വ​ന​ക്കാ​ര​നു​മാ​യ കു​ന്പ​ളം കു​റ്റേ​പ്പ​റ​ന്പി​ൽ സ​ഫ​ർ ഷാ​യെ (25) എ​റ​ണാ​കു​ളം സെ​ൻ​ട്ര​ൽ എ​സ്എ​ച്ച്ഒ എ​സ്. വി​ജ​യ​ശ​ങ്ക​റി​ന്‍റെ നേ​തൃ​ത്വ​ത്തി​ലു​ള്ള പോ​ലീ​സ് സം​ഘം ഇ​ന്നു പു​ല​ർ​ച്ചെ മൂ​ന്ന​ര​യോ​ടെ​യാ​ണു കൊ​ച്ചി​യി​ലെ​ത്തി​ച്ച​ത്.

കൊ​ല​പാ​ത​കം ന​ട​ത്താ​ൻ പ്ര​തി മു​ൻ​കൂ​ട്ടി പ​ദ്ധ​തി​യി​ട്ടി​രു​ന്ന​താ​യ വി​വ​ര​മാ​ണു പോ​ലീ​സി​ൽ​നി​ന്നു ല​ഭി​ക്കു​ന്ന​ത്. കൃ​ത്യം ന​ട​ത്താ​ൻ ഉ​പ​യോ​ഗി​ച്ച ക​ത്തി ഇ​യാ​ൾ നേ​ര​ത്തെ വാ​ങ്ങി​യ​താ​യി പോ​ലീ​സ് പ​റ​യു​ന്നു. ക​ത്തി കൊ​ച്ചി​യി​ൽ​നി​ന്നു വാ​ങ്ങി​യ​തെ​ന്നാ​ണു പ്ര​തി​യു​ടെ മൊ​ഴി. കൊ​ല​പാ​ത​ക​ത്തി​നുപ​യോ​ഗി​ച്ച ഈ ​ക​ത്തി ക​ണ്ടെ​ത്താ​ൻ സാ​ധി​ച്ചി​ട്ടി​ല്ലെ​ന്നും അ​ന്വേ​ഷ​ണം തു​ട​രു​മെ​ന്നും അ​ധി​കൃ​ത​ർ പ​റ​ഞ്ഞു.

ചെ​റു​തും വ​ലു​തു​മാ​യി ഇ​രു​പ​ത്തി​മൂ​ന്നോ​ളം കു​ത്തു​ക​ളാ​ണു പെ​ണ്‍​കു​ട്ടി​യു​ടെ മൃ​ത​ദേ​ഹ​ത്തി​ൽ ക​ണ്ടെ​ത്തി​യ​ത്. കൃ​ത്യ​മാ​യ ആ​സൂ​ത്ര​ണ​ത്തി​നൊ​ടു​വി​ലാ​ണു വി​ദ്യാ​ർ​ഥി​നി​യെ ഇ​യാ​ൾ കാ​റി​ൽ ക​യ​റ്റി​ക്കൊണ്ടു​പോ​യ​ത്. ഭീ​ഷ​ണി​പ്പെ​ടു​ത്തി​യാ​ണോ അ​നു​ന​യി​പ്പി​ച്ചാ​ണോ പെ​ണ്‍​കു​ട്ടി​യെ കാ​റി​ൽ ക​യ​റ്റി​യ​തെ​ന്ന കാ​ര്യ​വും കൂ​ടു​ത​ൽ അ​ന്വേ​ഷി​ക്കു​ന്ന​താ​യും അ​ധി​കൃ​ത​ർ വ്യ​ക്ത​മാ​ക്കി.

എ​റ​ണാ​കു​ളം ക​ലൂ​രി​നു സ​മീ​പം വാ​ട​ക​യ്ക്കു താ​മ​സി​ക്കു​ന്ന ചേ​ർ​ത്ത​ല ചെ​റു​നാ​ട് ആ​ന്‍റ​ണി​യു​ടെ (വി​നോ​ദ്) മ​ക​ൾ ഇ​വ ആ​ന്‍റ​ണി​യെ (ഗോ​പി​ക-17) ആ​ണ് ആ​ണ്‍ സു​ഹൃ​ത്ത് കൊ​ല​പ്പെ​ടു​ത്തി ത​മി​ഴ്നാ​ട്ടി​ൽ വ​ന​പ്ര​ദേ​ശ​ത്ത് ത​ള്ളി​യ​ത്. ഇ​ന്ന​ലെ വൈ​കു​ന്നേ​ര​ത്തോ​ടെ കൊ​ച്ചി​യി​ലെ​ത്തി​ച്ച മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​നു​ശേ​ഷം ഇ​ന്ന് ബ​ന്ധു​ക്ക​ൾ​ക്കു വി​ട്ടു​കൊ​ടു​ക്കും. പ്ര​തി​യെ ഇ​ന്നു​ത​ന്നെ കോ​ട​തി​യി​ൽ ഹാ​ജ​രാ​ക്കു​ന്ന​തി​നു​ള്ള ന​ട​പ​ടി​ക​ളാ​ണു സ്വീ​ക​രി​ച്ചു​വ​രു​ന്ന​തെ​ന്നും പോ​ലീ​സ് പ​റ​ഞ്ഞു.

മ​ല​ക്ക​പ്പാ​റ-​വാ​ൽ​പ്പാ​റ റൂ​ട്ടി​ൽ ത​മി​ഴ്നാ​ട് പോ​ലീ​സ് ന​ട​ത്തി​യ പ​രി​ശോ​ധ​ന​യി​ലാ​ണ് ഇ​യാ​ൾ കു​ടു​ങ്ങി​യ​ത്. വി​വാ​ഹാ​ഭ്യ​ർ​ഥ​ന നി​ര​സി​ച്ച​താ​ണു കൊ​ല​യ്ക്കു കാ​ര​ണ​മെ​ന്നാ​ണു പോ​ലീ​സ് ക​ണ്ടെ​ത്തി​യി​ട്ടു​ള്ള​ത്. എ​റ​ണാ​കു​ള​ത്തെ സ്വ​കാ​ര്യ സ്കൂ​ളി​ൽ പ്ല​സ്ടു വി​ദ്യാ​ർ​ഥി​നി​യാ​യ ഇ​വ​യെ ക​ഴി​ഞ്ഞ ഏ​ഴി​ന് വൈ​കു​ന്നേ​ര​ത്തോ​ടെ കാ​ണാ​താ​കു​ക​യാ​യി​രു​ന്നു. സ്കൂ​ളി​ൽ പോ​യ മ​ക​ളെ കാ​ണാ​താ​യെ​ന്നു​കാ​ട്ടി അ​ച്ഛ​ൻ സെ​ൻ​ട്ര​ൽ പോ​ലീ​സി​ൽ പരാതി ന​ൽ​കി.

പെ​ണ്‍​കു​ട്ടി യു​വാ​വി​നൊ​പ്പം കാ​റി​ൽ പോ​യെ​ന്ന വി​വ​രം ല​ഭി​ച്ച​തോ​ടെ അ​ന്വേ​ഷ​ണം ആ ​വ​ഴി​ക്കാ​യി. ഇ​തി​ന​കം മ​ര​ടി​ലെ സ​ർ​വീ​സ് സെ​ന്‍റ​റി​ൽ​നി​ന്നു ജീ​വ​ന​ക്കാ​ര​ൻ കാ​റു​മാ​യി ക​ട​ന്നെ​ന്ന പ​രാ​തി മ​ര​ട് പോ​ലീ​സി​നും ല​ഭി​ച്ചി​രു​ന്നു. അ​തി​ര​പ്പി​ള്ളി​യി​ലും ത​മി​ഴ്നാ​ട് അ​തി​ർ​ത്തി​ക്കു സ​മീ​പ​വും കാ​ർ എ​ത്തി​യെ​ന്ന് അ​റി​ഞ്ഞ​തോ​ടെ വി​വ​രം ത​മി​ഴ്നാ​ട് പോ​ലീ​സി​നു കൈ​മാ​റി. വാ​ൽ​പ്പാ​റ​യി​ൽ കാ​റി​ൽ സ​ഞ്ച​രി​ക്കു​ക​യാ​യി​രു​ന്ന സ​ഫ​ർ ഷാ​യെ ക​ണ്ടെ​ത്തി​യെ​ങ്കി​ലും ഒ​പ്പം പെ​ണ്‍​കു​ട്ടി​യു​ണ്ടാ​യി​രു​ന്നി​ല്ല.

കാ​റി​ൽ ര​ക്ത​ക്ക​റ ക​ണ്ട​തോ​ടെ ഇ​യാ​ളെ ചോ​ദ്യം ചെ​യ്തു. പെ​ണ്‍​കു​ട്ടി​യെ കു​ത്തി​ക്കൊ​ല​പ്പെ​ടു​ത്തി​യെ​ന്നും മൃ​ത​ദേ​ഹം വ​ന​ത്തി​ൽ ത​ള്ളി​യെ​ന്നും ഇ​യാ​ൾ മൊ​ഴി ന​ൽ​കി. പ്ര​തി​യെ​യും കൂ​ട്ടി ന​ട​ത്തി​യ തെ​ര​ച്ചി​ലി​ൽ വാ​ൽ​പ്പാ​റ​യി​ൽ​നി​ന്നു നാ​ലു കി​ലോ​മീ​റ്റ​ർ മാ​റി വ​ന പ്ര​ദേ​ശ​ത്തോ​ട് ചേ​ർ​ന്നു മൃ​ത​ദേ​ഹം ക​ണ്ടെ​ത്തി​യ​ത്.