Set us Home Page

വടക്കഞ്ചേരി ടൗണിൽ തുണിക്കടയിലെ തീപ്പിടിത്തം; ച​ട്ട​ങ്ങ​ൾ പാ​ലി​ക്കാ​തെ​യു​ള്ള കെ​ട്ടി​ട നി​ർ​മാ​ണം അ​പ​ക​ട കാ​ര​ണ​മാ​യി

വ​ട​ക്ക​ഞ്ചേ​രി: കെ​ട്ടി​ട​നി​ർ​മാ​ണ ച​ട​ങ്ങ​ളും സു​ര​ക്ഷാ​സം​വി​ധാ​ന​ങ്ങ​ളും പൂ​ർ​ണ​മാ​യും ലം​ഘി​ച്ചു​ള്ള കെ​ട്ടി​ട​നി​ർ​മാ​ണ​മാ​ണ് ഇ​ന്ന​ലെ തീ​പി​ടി​ത്ത​മു​ണ്ടാ​യ ക​നി​ഹ തു​ണി​ക്ക​ട പ്ര​വ​ർ​ത്തി​ക്കു​ന്ന കെ​ട്ടി​ടം ഉ​ൾ​പ്പെ​ടെ​യു​ള്ള വ​ട​ക്ക​ഞ്ചേ​രി ടൗ​ണി​ലെ കെ​ട്ടി​ട​ങ്ങ​ളെ​ന്ന് അ​ഗ്്നി​ശ​മ​ന​സേ​ന ജി​ല്ലാ മേ​ധാ​വി അ​രു​ണ്‍ ഭാ​സ്ക​ർ പ​റ​ഞ്ഞു.

സു​ര​ക്ഷാ​സം​വി​ധാ​ന​മി​ല്ലാ​ത്ത കെ​ട്ടി​ടം മൂ​ല​മാ​ണ് അ​ര​മ​ണി​ക്കൂ​ർ​കൊ​ണ്ട് നി​യ​ന്ത്രി​ക്കാ​വു​ന്ന തീ ​നി​യ​ന്ത്രി​ക്കാ​ൻ മൂ​ന്നു​മ​ണി​ക്കൂ​ർ അ​ശ്രാ​ന്ത​പ​രി​ശ്ര​മം വേ​ണ്ടി​വ​ന്ന​ത്. നാ​ലു​നി​ല​ക​ളു​ള്ള കെ​ട്ടി​ട​ത്തി​ൽ ഉ​ള്ളി​ൽ​നി​ന്നു മാ​ത്ര​മാ​ണ് ചെ​റി​യ കോ​ണി മു​ക​ളി​ലേ​ക്കു​ള്ള​ത്.

പു​റ​മേ കോ​ണി​ക​ളോ കെ​ട്ടി​ട​ത്തി​നു ചു​റ്റും മ​തി​യാ​യ സ്ഥ​ല​മോ ഇ​ല്ലെ​ന്നും ജി​ല്ലാ ഫ​യ​ർ ഓ​ഫീ​സ​ർ പ​റ​ഞ്ഞു. ഗ്രൗ​ണ്ട് ഫ്ളോ​റി​ന്‍റെ അ​ടി​യി​ലും മു​ക​ളി​ലു​മെ​ല്ലാം അ​ന​ധി​കൃ​ത നി​ർ​മാ​ണ​മു​ണ്ട്. ആ​ളു​ക​ൾ ക​ട​യി​ലു​ള്ള സ​മ​യ​ത്താ​യി​രു​ന്നു തീ​പി​ടി​ത്ത​മെ​ങ്കി​ൽ വ​ൻ​ദു​ര​ന്തം ഉ​ണ്ടാ​കു​മാ​യി​രു​ന്നു​വെ​ന്നും അ​ഗ്നി​ശ​മ​ന സേ​നാം​ഗ​ങ്ങ​ളു​ടെ സ​മ​യോ​ചി​ത ഇ​ട​പെ​ട​ൽ മൂ​ല​മാ​ണ് ഇ​ത്ര​യെ​ങ്കി​ലും ചെ​യ്യാ​നാ​യ​തെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

വ​ട​ക്ക​ഞ്ചേ​രി അ​ഗ്നി​ര​ക്ഷാ നി​ല​യ​ത്തി​നു കീ​ഴി​ൽ വ​രു​ന്ന ഭൂ​രി​ഭാ​ഗം കെ​ട്ടി​ട​ങ്ങ​ളു​ടെ​യും സ്ഥി​തി ഏ​റെ ഗൗ​ര​വ​ത​ര​മാ​ണ്. ഓ​ഡി​റ്റോ​റി​യ​ങ്ങ​ൾ, മ​റ്റു ബ​ഹു​നി​ല കെ​ട്ടി​ട​ങ്ങ​ൾ, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ, ഹോ​ട്ട​ലു​ക​ൾ തു​ട​ങ്ങി​യ​വ​യി​ലൊ​ന്നും ഫ​യ​ർ സ​ർ​വീ​സ് അ​നു​ശാ​സി​ക്കു​ന്ന സു​ര​ക്ഷാ​ക്ര​മീ​ക​ര​ണ​ങ്ങ​ളി​ല്ല.

ടൗ​ണി​ലെ അ​ന​ധി​കൃ​ത കെ​ട്ടി​ട​നി​ർ​മാ​ണം സം​ബ​ന്ധി​ച്ച് വൈ​കി​യാ​ണെ​ങ്കി​ലും സ​മ​ഗ്ര​മാ​യ പ​രി​ശോ​ധ​ന വേ​ണ​മെ​ന്ന ആ​വ​ശ്യ​വും ശ​ക്ത​മാ​യി​ട്ടു​ണ്ട്. പാ​ർ​ക്കിം​ഗ് ഏ​രി​യ ക​ണ്ടെ​ത്താ​തെ കെ​ട്ടി​ട​ങ്ങ​ൾ നി​ർ​മി​ച്ച് അ​വി​ടെ ഉ​ൾ​ക്കൊ​ള്ളാ​വു​ന്ന​തി​ൽ കൂ​ടു​ത​ൽ ക​ട​ക​ൾ തു​റ​ന്നു​ള്ള ബി​സി​ന​സു​ക​ളാ​ണ് ന​ട​ക്കു​ന്ന​ത്.

പ​ത്തോ​ളം ക​ട​ക്കാ​ർ​ക്കും ന​ഷ്ട​മു​ണ്ടാ​ക്കി

വ​ട​ക്ക​ഞ്ചേ​രി: തു​ണി​ക്ക​ട​യി​ലെ തീ​പി​ടി​ത്തം സ​മീ​പ​ത്തെ പ​ത്തോ​ളം ക​ട​ക്കാ​ർ​ക്കും വ​ൻ​ന​ഷ്ട​മു​ണ്ടാ​ക്കി. തീ​പ​ട​ർ​ന്ന് സ​മീ​പ​ക​ട​ക​ളി​ലെ സാ​ധ​ന​ങ്ങ​ളും ബോ​ർ​ഡു​ക​ളും ര​ണ്ടു ബൈ​ക്കു​ക​ളും ക​ത്തി​ന​ശി​ച്ചു. ക​നി​ഹ തു​ണി​ക്ക​ട​യ്ക്കു തൊ​ട്ടു​ള്ള വേ​ളാ​ന്പു​ഴ ക​ല്ല ജോ​ജി ഇ​ട്ടൂ​പ്പി​ന്‍റെ ലി​റ്റി​ൽ വേ​ൾ​ഡ് എ​ന്ന ക​ട​യ്ക്കാ​ണ് ഏ​റെ ന​ഷ്ട​മു​ണ്ടാ​യ​ത്.കു​ട്ടി​ക​ളു​ടെ ഡ്ര​സു​ക​ളും ക​ളി​പ്പാ​ട്ട​ങ്ങ​ളും വി​ല്പ​ന ന​ട​ത്തു​ന്ന ക​ട​യാ​ണി​ത്.

തീ​യു​ടെ സം​ഹാ​ര​താ​ണ്ഡ​വ​ത്തി​ൽ ഈ ​ക​ട​യു​ടെ സീ​ലിം​ഗ് പൊ​ട്ടി​പൊ​ളി​ഞ്ഞു. കെ​ട്ടി​ട​വും അ​ട​ർ​ന്നു​വീ​ഴു​ന്ന സ്ഥി​തി​യി​ലാ​യി. ഷ​ട്ട​റു​ക​ളും ബോ​ർ​ഡു​ക​ളും ചൂ​ടു​മു​ലം വ​ള​ഞ്ഞ് ഉ​പ​യോ​ഗ​ശൂ​ന്യ​മാ​യി. തൊ​ട്ടു​ള്ള ചെ​റു​കു​ന്നം സ്വ​ദേ​ശി ശ്രീ​കു​മാ​റി​ന്‍റെ ശ്രീ​ല​ക്ഷ്മി ജ്വ​ല്ല​റി​യു​ടെ മു​ന്നി​ലെ ബോ​ർ​ഡു​ക​ളും ക​ത്തി​ന​ശി​ച്ചു. ഷം​സു​ദീ​ന്‍റെ പ​ച്ച​ക്ക​റി​ക്ക​ട​യി​ലെ പ​ച്ച​ക്ക​റി​ക​ളും പ​ഴ​ങ്ങ​ളും തീ​യി​ൽ വെ​ന്തു​ന​ശി​ക്കു​ക​യും ഫാ​നി​നും തു​ലാ​സി​നും തീ​പി​ടി​ക്കു​ക​യും ചെ​യ്തു.

ക​ട​യി​ലെ ജീ​വ​ന​ക്കാ​ര​നാ​യ ഷാ​ഹു​ൽ ഹ​മീ​ദി​ന്‍റെ ബൈ​ക്ക് തി​രി​ച്ച​റി​യാ​നാ​കാ​ത്ത​വി​ധം പൂ​ർ​ണ​മാ​യി ക​ത്തി​ന​ശി​ച്ചു.
ര​ക്ഷാ​പ്ര​വ​ർ​ത്ത​ന​ത്തി​ന് എ​ത്തി​യ ടൗ​ണി​ലെ എ​ഐ​ടി​യു​സി സെ​ക്ര​ട്ട​റി എ.​വി.​അ​ബ്ബാ​സി​ന്‍റെ ബൈ​ക്കി​നും തീ​പി​ടി​ച്ചു.
തു​ണി​ക്ക​ട​യു​ടെ എ​തി​ർ​വ​ശ​ത്തെ മൂ​ന്നു​ക​ട​ക​ളു​ടെ ബോ​ർ​ഡു​ക​ൾ ചൂ​ടു​മൂ​ലം ക​ത്തി​യു​രു​കി.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS