സ്വത്ത് തർക്കത്തെ തുടർന്ന് മ​ക​നെ​യും കു​ടും​ബ​ത്തെ​യും അച്ഛൻ തീ ​കൊ​ളു​ത്തി കൊ​ന്നു; ദാ​രു​ണ സം​ഭ​വം തൊ​ടു​പു​ഴ ചീ​നി​ക്കു​ഴി​യി​ൽ

തൊ​ടു​പു​ഴ: സ്വ​ത്തു ത​ർ​ക്ക​ത്തെ തു​ട​ർ​ന്ന് മ​ക​നെ​യും മ​ക​ന്‍റെ ഭാ​ര്യ​യേയും ര​ണ്ടു പേ​ര​ക്കു​ട്ടി​ക​ളെ​യും അച്ഛൻ പെ​ട്രോ​ളൊ​ഴി​ച്ച് തീ ​കൊ​ളു​ത്തി കൊ​ല​പ്പെ​ടു​ത്തി.

ചീ​നി​ക്കു​ഴി ആ​ലി​യ​ക്കു​ന്നേ​ൽ സ്വ​ദേ​ശി മു​ഹ​മ്മ​ദ് ഫൈ​സ​ൽ(​ഷി​ബു-45), ഭാ​ര്യ ഷീ​ബ (40), മ​ക്ക​ളാ​യ മെ​ഹ്ർ (16), അ​സ്ന (13) എ​ന്നി​വ​രാ​ണ് ദാ​രു​ണ​മാ​യി കൊ​ല്ല​പ്പെ​ട്ട​ത്.​ ഇ​ന്നു പു​ല​ർ​ച്ചെ ഒ​ന്നോ​ടെ​യാ​ണ് നാ​ടി​നെ ന​ടു​ക്കി​യ സം​ഭ​വ​മു​ണ്ടാ​യ​ത്.

സം​ഭ​വ​ത്തി​ൽ മു​ഹ​മ്മ​ദ് ഫൈ​സ​ലി​ന്‍റെ പി​താ​വ് ഹ​മീ​ദി (71) നെ ​പോ​ലീ​സ് അ​റ​സ്റ്റ് ചെ​യ്തു. കു​ടും​ബ​ത്തെ കൂ​ട്ട​ത്തോ​ടെ കൊ​ല​പ്പെ​ടു​ത്ത​ണ​മെ​ന്ന ഉ​ദ്ദേ​ശ​ത്തോ​ടെ ആ​സൂ​ത്രി​ത​മാ​യാ​ണ് ഹ​മീ​ദ് കൃ​ത്യം ന​ട​ത്തി​യ​തെ​ന്ന് പോ​ലീ​സ് പ​റ​ഞ്ഞു.

വീ​ടി​ന്‍റെ വാ​തി​ലു​ക​ൾ എ​ല്ലാം പു​റ​ത്തു നി​ന്നും പൂ​ട്ടി​യ​തി​നു ശേ​ഷം വാ​തി​ലി​ന​ടി​യി​ലൂ​ടെ പെ​ട്രോ​ൾ മു​റി​ക്ക​ക​ത്തേ​ക്ക് ഒ​ഴി​ച്ച് ജ​ന​ലി​ലൂ​ടെ തീ ​കൊ​ളു​ത്തു​ക​യാ​യി​രു​ന്നു.

തീ ​കെ​ടു​ത്താ​തി​രി​ക്കാ​ൻ വീ​ട്ടി​ലേ​ക്കു​ള്ള വാ​ട്ട​ർ ക​ണ​ക്ഷ​നു​ക​ളും ഇ​യാ​ൾ വി​ച്ഛേ​ദി​ച്ചി​രു​ന്നു.വീ​ടി​നു തീ ​പി​ടി​ച്ച വി​വ​രം അ​യ​ൽ​വാ​സി​യാ​യ രാ​ഹു​ൽ ആ​ണ് ആ​ദ്യം അ​റി​യു​ന്ന​ത്.

വീ​ട്ടി​ൽ തീ പ​ട​ർ​ന്ന​തോ​ടെ ര​ക്ഷി​ക്ക​ണ​മെ​ന്ന അ​ഭ്യ​ർ​ഥ​ന​യോ​ടെ ഫൈ​സ​ലും മ​ക്ക​ളും രാ​ഹു​ലി​നെ വി​ളി​ക്കു​ക​യാ​യി​രു​ന്നു. രാ​ഹു​ൽ ഓ​ടി​യെ​ത്തി​യ​പ്പോ​ൾ മു​റി​ക​ളി​ൽ തീ ​ആ​ളി​പ്പ​ട​ർ​ന്നി​രു​ന്നു.

പ്ര​ധാ​ന ക​ത​ക് പൂ​ട്ടി​യി​രു​ന്ന​തി​നാ​ൽ ഇ​ത് ച​വു​ട്ടി​പ്പൊ​ളി​ച്ചു. അ​ക​ത്തു ക​യ​റി​യ​പ്പോ​ൾ ഫൈ​സ​ലും കു​ടും​ബ​വും കി​ട​ന്നു​റ​ങ്ങി​യി​രു​ന്ന കി​ട​പ്പു മു​റി​യും പു​റമേ നി​ന്നും പൂ​ട്ടി​യ നി​ല​യി​ലാ​യി​രു​ന്നു. ഇ​തു ച​വു​ട്ടി​ പൊ​ളി​ച്ചെ​ങ്കി​ലും ഉ​ള്ളി​ൽ ക​യ​റാ​നാ​യി​ല്ല.

ഇ​തി​നി​ടെ ര​ക്ഷ​പ്പെ​ടാ​ൻ ബാ​ത്ത്റൂ​മി​നു​ള്ളി​ൽ ക​യ​റി​യ ഫൈ​സ​ലും ഭാ​ര്യ​യും മ​ക്ക​ളും ഇ​തി​നു​ള്ളി​ൽ വെ​ന്തു മ​രി​ക്കു​ക​യാ​യി​രു​ന്നു. വാ​ട്ട​ർ ക​ണ​ക്ഷ​ൻ വി​ച്ഛേ​ദി​ച്ച​തി​നാ​ൽ ബാ​ത്ത്റൂ​മി​നു​ള്ളി​ലും വെ​ള്ള​മു​ണ്ടാ​യി​രു​ന്നി​ല്ല.

വീ​ട്ടി​നു​ള്ളി​ൽ കു​ടു​ങ്ങി​യ​വ​രെ ര​ക്ഷ​പ്പെ​ടു​ത്താ​ൻ ശ്ര​മി​ച്ച രാ​ഹു​ലി​നു നേ​രെ​യും ഹ​മീ​ദ് പെ​ട്രോ​ൾ നി​റ​ച്ച കു​പ്പി​യെ​റി​ഞ്ഞു.ഇ​തി​നി​ടെ നാ​ട്ടു​കാ​രും ഓ​ടി​ക്കൂ​ടി​യെ​ങ്കി​ലും തൊ​ടു​പു​ഴ​യി​ൽ നി​ന്നും ഫ​യ​ർ​ഫോ​ഴ്സ് എ​ത്തി​യാ​ണ് തീ ​പൂ​ർ​ണ​മാ​യും അ​ണ​യ്ക്കാ​നാ​യ​ത്.

തൊ​ടു​പു​ഴ ഡി​വൈ​എ​സ്പി എ.​ജി.​ലാ​ലി​ന്‍റെ നേ​തൃ​ത്വ​ത്തി​ൽ വി​വി​ധ സ്റ്റേ​ഷ​നു​ക​ളി​ൽ നി​ന്നു​ള്ള പോ​ലീ​സ് സം​ഘ​വും സ്ഥ​ല​ത്തെ​ത്തി.

പ്ര​തി പി​ന്നീ​ട് ബ​ന്ധു​വീ​ട്ടി​ലെ​ത്തി മ​ക​നെ​യും കു​ടും​ബ​ത്തെ​യും കൊ​ല​പ്പെ​ടു​ത്തി​യെ​ന്ന വി​വ​രം പ​റ​ഞ്ഞ​തി​നു ശേ​ഷം ഇ​വി​ടെ നി​ന്നും പോ​യി. ഓ​ട്ടോ​യി​ൽ ര​ക്ഷ​പ്പെ​ടാ​ൻ ശ്ര​മി​ക്കു​ന്ന​തി​നി​ടെ പോ​ലീ​സ് പി​ന്തു​ട​ർ​ന്നെ​ത്തി പി​ടികൂ​ടു​ക​യാ​യി​രു​ന്നു.

ഇ​യാ​ളെ പോ​ലീ​സ് വി​ശ​ദ​മാ​യി ചോ​ദ്യം ചെ​യ്തു വ​രി​ക​യാ​ണ്. മൃ​ത​ദേ​ഹ​ങ്ങ​ൾ ഇ​ൻ​ക്വ​സ്റ്റി​നു ശേ​ഷം പോ​സ്റ്റ്മോ​ർ​ട്ട​ത്തി​നാ​യി കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക് കൊ​ണ്ടു പോ​യി.

ചീ​നി​ക്കു​ഴി ടൗ​ണി​ൽ പ​ല​ച​ര​ക്കു വ്യാ​പാ​രം ന​ട​ത്തു​ക​യാ​ണ് മു​ഹ​മ്മ​ദ് ഫൈ​സ​ൽ. മ​ങ്കു​ഴി ചീ​നി​യ്ക്ക​ൽ ഇ​ബ്രാ​ഹീമി​ന്‍റെ മ​ക​ളാ​ണ് ഷീ​ബ. മു​ത​ല​ക്കോ​ടം എ​സ്എ​ച്ച് ഹൈ​സ്കൂ​ൾ പ്ല്സ് ​ടു വി​ദ്യാ​ർ​ഥി​നി​യാ​ണ് മെ​ഹ്ർ. കോ​ടി​ക്കു​ളം സാ​ൻ​ജോ പ​ബ്ലി​ക് സ്കൂ​ളി​ൽ ഏ​ഴാം ക്ലാ​സ് വി​ദ്യാ​ർ​ഥി​നി​യാ​ണ് അ​സ്ന.

അ​ട​ങ്ങാ​ത്ത പ​ക
ഹ​മീ​ദി​ന് മ​ക​നോ​ട് ഉ​ണ്ടാ​യി​രു​ന്ന ക​ടു​ത്ത പ​ക​യാ​ണ് കൂ​ട്ട​ക്കൊ​ല​യി​ലേ​ക്ക് ന​യി​ച്ച​തെ​ന്നാ​ണ് പോ​ലീ​സ് പ​റ​യു​ന്ന​ത്. കാ​ല​ങ്ങ​ളാ​യി ഇ​വ​ർ ത​മ്മി​ൽ സ്വ​ത്തു​മാ​യി ബ​ന്ധ​പ്പെ​ട്ട് ത​ർ​ക്കം നി​ല നി​ന്നി​രു​ന്നു.

ഹ​മീ​ദി​ന്‍റെ ആ​ദ്യ​ഭാ​ര്യ​യി​ലെ മ​ക​നാ​ണ് മു​ഹ​മ്മ​ദ് ഫൈ​സ​ൽ. മു​ന്നു​മ​ക്ക​ളി​ൽ ഒ​രു മ​ക​ൾ ഇ​തേ വീ​ട്ടി​ൽ ജീ​വ​നൊ​ടു​ക്കി​യി​രു​ന്നു. ര​ണ്ടാ​മ​ത്തെ ഭാ​ര്യ​യി​ൽ മ​ക്ക​ളി​ല്ല.

ഈ ​വീ​ട്ടി​ൽ ത​ന്നെ​യാ​ണ് ഹ​മീ​ദ് ക​ഴി​ഞ്ഞി​രു​ന്ന​തെ​ങ്കി​ലും മ​ക​നും കു​ടും​ബ​വു​മാ​യി ന​ല്ല ബ​ന്ധ​ത്തി​ലാ​യി​രു​ന്നി​ല്ല. ത​നി​ച്ച് ഒ​രു മു​റി​യി​ൽ ഭ​ക്ഷ​ണം വ​ച്ചു ക​ഴി​ച്ചാ​ണ് ഇ​യാ​ൾ ക​ഴി​ഞ്ഞി​രു​ന്ന​ത്.

ക​ഴി​ഞ്ഞ ദി​വ​സ​വും ഇ​വ​ർ ത​മ്മി​ലു​ള്ള സ്വ​ത്തു ത​ർ​ക്കം തീ​ർ​ക്കാ​ൻ മ​ധ്യ​സ്ഥ ച​ർ​ച്ച ന​ട​ത്തി​യി​രു​ന്നെ​ങ്കി​ലും ഇ​തു പ​രാ​ജ​യ​പ്പെ​ട്ടി​രു​ന്നു.

ഇ​തി​നി​ടെ​യാ​ണ് മ​ക​നോ​ടു​ള്ള പ​ക​യി​ൽ കു​ടും​ബ​ത്തെ ഒ​ന്നാ​കെ കൊ​ല​പ്പെ​ടു​ത്താ​ൻ ഹ​മീ​ദ് പ​ദ്ധ​തി ത​യാ​റാ​ക്കി​യ​ത്. മു​റി​ക​ൾ പു​റ​ത്തു നി​ന്നു പൂ​ട്ടു​ക​യും വീ​ട്ടി​ലേ​ക്കു​ള്ള വെ​ള്ളം വി​ച്ഛേ​ദി​ക്കു​ക​യും ചെ​യ്ത​തോ​ടെ കു​ട്ടി​ക​ൾ ഉ​ൾ​പ്പെ​ടെ ര​ക്ഷ​പ്പെ​ട​രു​തെ​ന്നാ​യി​രു​ന്നു ഇ​യാ​ളു​ടെ ക​ണ​ക്കു​കൂ​ട്ട​ൽ.

ഞെ​ട്ട​ലി​ൽനി​ന്ന് മു​ക്ത​നാ​കാ​തെ രാ​ഹു​ൽ
ര​ക്ഷ​പ്പെ​ടാ​നാ​യി ഫൈ​സ​ലും കു​ടും​ബ​വും ഫോ​ണ്‍ വി​ളി​ച്ച അ​യ​ൽ​വാ​സി​യാ​യ രാ​ഹു​ൽ സം​ഭ​വ​ത്തി​ന്‍റെ ഞെ​ട്ട​ലി​ൽ നി​ന്നും മു​ക്ത​നാ​യി​ട്ടി​ല്ല.

ഫോ​ണി​ലൂ​ടെ ഇ​വ​രു​ടെ ര​ക്ഷി​ക്ക​ണേ​യെ​ന്നു​ള്ള ക​ര​ച്ചി​ൽ കേ​ട്ട് ഓ​ടി​യെ​ത്തി​യ രാ​ഹു​ലി​ന് ആ​ദ്യം ഒ​ന്നും ചെ​യ്യാ​നാ​യി​ല്ല. അ​പ്പോ​ഴും വീ​ട്ടി​ലേ​ക്ക് പെ​ട്രോ​ൾ ഒ​ഴി​ക്കു​ന്ന ഹ​മീ​ദി​നെ​യാ​ണ് രാ​ഹു​ൽ കാ​ണു​ന്ന​ത്.

പി​ന്നെ മു​ൻ വാ​തി​ൽ ച​വിട്ടി​ പൊ​ളി​ച്ച് അ​ക​ത്തു ക​യ​റി​യ​പ്പോ​ൾ കി​ട​പ്പു മു​റി​ അ​ക​ത്തു നി​ന്നും പൂ​ട്ടി​യി​രു​ന്നു. ഇ​തും പൊ​ളി​ച്ച് അ​ക​ത്തു ക​യ​റി​യെ​ങ്കി​ലും തീ ​പ​ട​ർ​ന്ന​തി​നാ​ൽ ഒ​ന്നും ചെ​യ്യാ​നാ​യി​ല്ല.

തീ​യി​ൽ അ​ക​പ്പെ​ട്ട​വ​രോ​ട് പു​റ​ത്തേ​ക്കു വ​രാ​ൻ ആ​വ​ശ്യ​പ്പെ​ട്ടെ​ങ്കി​ലും ഇ​വ​ർ പ്രാ​ണ​ര​ക്ഷാ​ർ​ഥം ബാ​ത്ത്റൂ​മി​ൽ ക​യ​റി​യി​രി​ക്കു​ക​യാ​യി​രു​ന്നു.

എ​ന്നാ​ൽ തീ ​കെ​ടു​ത്താ​ൻ ഇ​വി​ടെ​യും വെ​ള്ള​മു​ണ്ടാ​യി​രു​ന്നി​ല്ല. തു​ട​ർ​ന്ന് ര​ണ്ടു കു​ട്ടി​ക​ൾ ഉ​ൾ​പ്പെ​ടെ നാ​ലു പേ​രും ഇ​വി​ടെ ത​ന്നെ വെ​ന്തു​മ​രി​ച്ചു. ഇ​തി​നി​ടെ രാ​ഹു​ലി​നു നേ​രെ​യും ആ​ക്രോ​ശ​ത്തോ​ടെ പ്ര​തി പെ​ട്രോ​ൾ ഒ​ഴി​ച്ചു.

സ്വ​പ്നം ബാ​ക്കി​യാ​യി
ചീ​നി​ക്കു​ഴി ടൗ​ണി​നു സ​മീ​പം നി​ർ​മി​ച്ച പു​തി​യ വീ​ട്ടി​ലേ​ക്ക് ഇ​വ​ർ അ​ടു​ത്ത മാ​സം താ​മ​സം മാ​റാ​നി​രി​ക്കെ​യാ​ണ് മു​ഹ​മ്മ​ദ് ഫൈ​സ​ലി​നെ​യും കു​ടും​ബ​ത്തെ​യും തേ​ടി പി​താ​വി​ന്‍റെ രൂ​പ​ത്തി​ൽ ദു​ർ​വി​ധി​യെ​ത്തി​യ​ത്.

വീ​ട്ടി​ലെ വ​ഴ​ക്കു മൂ​ല​മാ​ണ് കു​ടു​ബ​ത്തെ​യു​മൊ​ത്ത് മാ​റി താ​മ​സി​ക്കാ​ൻ ഫൈ​സ​ൽ തീ​രു​മാ​നി​ച്ച​ത്. ഇ​തി​നാ​യാ​ണ് ന​ല്ല രീ​തി​യി​ലു​ള്ള പു​തി​യ വീ​ടു നി​ർ​മി​ച്ച​ത്.

നി​ർ​മാ​ണ​മെ​ല്ലാം പൂ​ർ​ത്തി​യാ​ക്കി വീ​ട്ടി​ലേ​ക്ക് ഉ​ട​ൻ മാ​റാ​നി​രി​ക്കു​ക​യാ​യി​രു​ന്നു. ഉ​ടു​ന്പ​ന്നൂ​രി​ലെ​യും ചീ​നി​ക്കു​ഴി​യി​ലെ​യും നാ​ട്ടു​കാ​ർ​ക്കും ഏ​റെ പ്രി​യ​ങ്ക​ര​രാ​യി​രു​ന്നു ഈ ​കു​ടും​ബം.

മി​ക​ച്ച രീ​തി​യി​ൽ പ​ഠി​ച്ചി​രു​ന്ന ര​ണ്ടു കു​ട്ടി​ക​ളു​ടെ മ​ര​ണം അ​വ​ർ പ​ഠി​ച്ചി​രു​ന്ന സ്കൂ​ളു​ക​ളി​ലെ അ​ധ്യാ​പ​ക​രെ​യും വി​ദ്യാ​ർ​ഥി​ക​ളെ​യും ഏ​റെ ദു​ഃഖ​ത്തി​ലാ​ഴ്ത്തി.