വി​ദേ​ശ​ത്ത് ജോ​ലി വാ​ഗ്ദാ​നം ചെ​യ്ത് തട്ടിപ്പ് ; പ്ര​തി  ഉദ്യോഗാർഥികളിൽ നിന്നും തട്ടിയെടുത്തത് 25 ല​ക്ഷം

കൊ​ച്ചി: വി​ദേ​ശ​ത്ത് ജോ​ലി വാ​ഗ്ദാ​നം ചെ​യ്ത് പ​ണം ത​ട്ടി കേ​സി​ല്‍ പ​രാ​തി​ക്കാ​രി​ല്‍ നി​ന്ന് പ്ര​തി ത​ട്ടി​യെ​ടു​ത്ത​ത് 25 ല​ക്ഷം രൂ​പ. കേ​സു​മാ​യി ബ​ന്ധ​പ്പെ​ട്ട് മൂ​വാ​റ്റു​പു​ഴ മേ​ക്ക​ട​മ്പ് തെ​ക്കു​വി​ള അ​നി​ല്‍​കു​മാ​ര്‍ (49) നെ ​ക​ഴി​ഞ്ഞ ദി​വ​സം ക​ട​വ​ന്ത്ര പോ​ലീ​സ് അ​റ​സ്റ്റ് ചെ​യ്തി​രു​ന്നു.

ക​ട​വ​ന്ത്ര ക​ര്‍​ഷ​ക റോ​ഡി​ല്‍ പ്ര​വ​ര്‍​ത്തി​ക്കു​ന്ന ഒ​ഡീ​ലി​യ ഇ​ന്റ​ര്‍​നാ​ഷ​ണ​ല്‍ സ​ര്‍​വീ​സ് പ്രൈ​വ​റ്റ് ലി​മി​റ്റ​ഡ് എ​ന്ന സ്ഥാ​പ​ന വ​ഴി​യാ​ണ് ഇ​യാ​ള്‍ ത​ട്ടി​പ്പ് ന​ട​ത്തി​യ​ത്.

വി​ദേ​ശ​ത്തേ​ക്ക് വ​ര്‍​ക്ക് പെ​ര്‍​മി​റ്റും വി​സ​യും വാ​ഗ്ദാ​നം ചെ​യ്ത് നി​ര​വ​ധി പേ​രി​ല്‍ നി​ന്നാ​യി ല​ക്ഷ​ങ്ങ​ളാ​ണ് ഇ​യാ​ള്‍ വാ​ങ്ങി​യ​ത്. ജോ​ലില​ഭി​ക്കാ​താ​യ​തോ​ടെ സ്ഥാ​പ​ന​ത്തി​ലെ​ത്തി​യ പ​രാ​തി​ക്കാ​ര്‍​ക്ക് വ്യാ​ജ വ​ര്‍​ക്ക് പെ​ര്‍​മി​റ്റു​ക​ള്‍ ന​ല്‍​കി പ്ര​തി ക​ബ​ളി​പ്പി​ക്കു​ക​യാ​യി​രു​ന്നു.

നി​ല​വി​ല്‍ പ്ര​തി​ക്കെ​തി​രെ ആ​റോ​ളം കേ​സു​ക​ള്‍ ക​ട​വ​ന്ത്ര പോ​ലീ​സ് സ്‌​റ്റേ​ഷ​നി​ല്‍ ര​ജി​സ്റ്റ​ര്‍ ചെ​യ്തി​ട്ടു​ണ്ട്. വി​ദേ​ശ ജോ​ലി വാ​ഗ്ദാ​നം ചെ​യ്ത് പ​ണം ത​ട്ടി​യ തി​ന് മു​മ്പ് തൃ​ക്കാ​ക്ക​ര പോ​ലീ​സ് സ്‌​റ്റേ​ഷ​നി​ലും ഇ​യാ​ള്‍​ക്ക് ആ​റോ​ളം കേ​സു​ക​ളു​ണ്ട്.

ഈ ​കേ​സി​ല്‍ ജ​യി​ല്‍ ശി​ക്ഷ ക​ഴി​ഞ്ഞ് അ​നി​ല്‍​കു​മാ​ര്‍ അ​ടു​ത്തി​ടെ​യാ​ണ് പു​റ​ത്തി​റ​ങ്ങി​യ​ത്. തു​ട​ര്‍​ന്നാ​ണ് ര​ണ്ടാ​മ​ത്തേ ത​ട്ടി​പ്പ് ന​ട​ത്തി​യ​ത്. കൂ​ടു​ത​ല്‍ ചോ​ദ്യം ചെ​യ്യു​ന്ന​തി​നാ​യി പ്ര​തി​യെ ഉ​ട​ന്‍ ക​സ്റ്റ​ഡി​യി​ല്‍ വാ​ങ്ങു​മെ​ന്ന് ക​ട​വ​ന്ത്ര പോ​ലീ​സ് ഇ​ന്‍​സ്‌​പെ​ക്ട​ര്‍ മ​നു​രാ​ജ് പ​റ​ഞ്ഞു.

Related posts

Leave a Comment