ആ​രാ​ണ് സ​രി​ത​യെ പ​ത്ത​നാ​പു​ര​ത്ത് താമസിപ്പിച്ചത്; കത്ത് പുറത്തെത്തിക്കാൻ ജയിലിൽ വേഷം മാറിയെത്തിയതാര്?; ഗ​ണേ​ഷ് കു​മാ​റി​ന്‍റെ മു​ൻ ഡ്രൈ​വ​ർ​മാ​രുടെ മ​ര​ണ​ത്തി​ലെ ദു​രൂ​ഹ​ത​ അന്വേഷിക്കണമെന്ന ആവശ്യം ശക്തമാകുന്നു

കൊ​ട്ടാ​ര​ക്ക​ര: പ​ത്ത​നാ​പു​രം എംഎ​ൽഎ ​കെ.ബി ഗ​ണേ​ഷ് കു​മാ​റി​ന്‍റെ മു​ൻ ഡ്രൈ​വ​ർ​മാ​രാ​യ ഷാ​ജി, റി​ജോ എ​ന്നി​വ​രു​ടെ മ​ര​ണ​ത്തി​ന്‍റെ ദു​രൂ​ഹ​ത​യെ കു​റി​ച്ചും സ​രി​ത ന​ട​ത്തി​യ ക​ള്ള പ്ര​സ്താവ​ന​ക​ളെ​കു​റി​ച്ചും സ​മ​ഗ്ര​മാ​യ പോ​ലീ​സ് അ​ന്വേ​ഷ​ണം ന​ട​ത്ത​ണ​മെ​ന്ന് കോ​ൺ​ഗ്ര​സ് നേ​താ​ക്ക​ൾ പ​ത്ര സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു.

പ​ത്ത​നാ​പു​ര​ത്തി​ന്‍റെ വി​വി​ധ പ്ര​ദേ​ശ​ങ്ങ​ളി​ൽ സ​രി​ത. എ​സ്. നാ​യ​ർ ര​ണ്ട് മാ​സ​ത്തോ​ളം താ​മ​സി​ച്ച​തെ​ന്തി​നാ​ണെ​ന്നും ആ​രാ​ണ് സ​രി​ത​യെ അ​വി​ടെ താ​മ​സി​പ്പി​ച്ച​തെ​ന്നും അ​ന്വേ​ഷ​ണ വി​ധേ​യ​മാ​ക്ക​ണം.

പ​ത്ത​നം​തി​ട്ട ജ​യി​ലി​ൽ ക​ഴി​ഞ്ഞി​രു​ന്ന സ​മ​യ​ത്ത് സ​രി​ത എ​ഴു​തി​യ​തെ​ന്ന് പ​റ​യു​ന്ന ക​ത്ത് ആ​രാ​ണ് വേ​ഷം മാ​റി ജ​യി​ലി​ലെ​ത്തി പു​റ​ത്ത് കൊ​ണ്ട് വ​ന്ന​ത്. ഇ​തി​ന് പി​ന്നി​ൽ പ്ര​വ​ർ​ത്തി​ച്ച​ത് അ​ന്ന് യു​ഡിഎ​ഫി​ൽ നി​ൽ​ക്കു​ക​യും പി​ന്നീ​ട് എ​ൽഡിഎ​ഫി ലേ​ക്ക് ചേ​ക്കേ​റു​ക​യും ചെ​യ്ത പാ​ർ​ട്ടി​യി​ലെ പ​ത്ത​നാ​പു​ര​ത്തെ​യും കൊ​ട്ടാ​ര​ക്ക​ര​യി​ലെ​യും ചി​ല നേ​താ​ക്ക​ന്മാ​രാ​ണെ​ന്ന് സം​ശ​യി​ക്കു​ന്നു.

പ്ര​മു​ഖ​ന്മാ​രു​ടെ പേ​രു​ക​ൾ ഉ​ൾ​പ്പെ​ടു​ത്തി ത​യാ​റാ​ക്കി​യ വ്യാ​ജ ക​ത്ത് കി​ട്ടി​യ ഉ​ട​ൻ ത​ന്നെ ക​ത്തി​ന്‍റെ വി​ശ്വ​സ്ത​ത പ​രി​ശോ​ധി​ക്കാ​തെ സോ​ളാ​ർ ക​മ്മീ​ഷ​നി​ൽ ഉ​ൾ​പ്പെ​ടു​ത്തി​യ ന​ട​പ​ടി നി​യ​മ​പ​ര​മാ​ണോ എ​ന്ന് പ​രി​ശോ​ധി​ക്ക​ണം. പ്ര​മു​ഖ​ന്മാ​രു​ടെ പേ​രു​ക​ൾ ഉ​ൾ​പ്പെ​ടു​ത്തി ഭീ​ഷ​ണി പെ​ടു​ത്തി കോ​ടി​ക​ളു​ടെ ത​ട്ടി​പ്പ് ന​ട​ത്തി​യ​താ​യും സം​ശ​യി​ക്കു​ന്നു.​

കോ​ൺ​ഗ്ര​സി​ലെ ഏ​റ്റ​വും ജ​ന​കീ​യ​നാ​യ നേ​താ​വ് ഉ​മ്മ​ൻ ചാ​ണ്ടിക്കെ​തി​രെ ആ​രോ​പ​ണ​മു​ന്ന​യി​ച്ച് കേ​സി​ൽ പെ​ടു​ത്തി അ​തു വ​ഴി കോ​ൺ​ഗ്ര​സി​നെ ത​ക​ർ​ക്കാ​മെ​ന്ന് വ്യാ​മോ​ഹി​ച്ച പ​ത്ത​നാ​പു​ര​ത്തെ​യും കൊ​ട്ടാ​ര​ക്ക​ര​യി​ലെ​യും ഭ​ര​ണ​ക​ക്ഷി​യി​ൽ​പെ​ട്ട ചി​ല​ർ പി​ണ​റാ​യി വി​ജ​യ​ന്‍റെ അ​റി​വോ​ട് കൂ​ടി ന​ട​ത്തി​യ രാ​ഷ്ട്രീ​യ ഗൂ​ഢാ​ലോ​ച​ന​യാ​ണ് ഈ ​ക​ള്ള കേ​സ്.

ക​ള്ള കേ​സെ​ടു​ക്ക​ൽ അ​വ​സാ​നി​പ്പി​ക്കാ​ൻ പി​ണ​റാ​യി സർക്കാർ ത​യാ​റാ​യി​ല്ലെ​ങ്കി​ൽ നി​യ​മ പ​ര​മാ​യും രാ​ഷ്ട്രീ​യ പ​ര​മാ​യും ശ​ക്ത​മാ​യി അ​തി​നെ നേ​രി​ടു​മെ​ന്നും ഇ​തി​നെ കു​റി​ച്ചെ​ല്ലാം സ​മ​ഗ്ര അ​ന്വേ​ഷ​ണം ആ​വ​ശ്യ​പ്പെ​ട്ട് അ​ന്വേ​ഷ​ണ സം​ഘ​ത്തി​ന് പ​രാ​തി ന​ൽ​കു​മെ​ന്നും പ​ത്ര സ​മ്മേ​ള​ന​ത്തി​ൽ നേ​താ​ക്ക​ൾ പ​റ​ഞ്ഞു. സോ​ളാ​ർ കേ​സി​ൽ പ​ത്ത​നാ​പു​രം എംഎ​ൽഎ ​ കെ. ബി ​ഗ​ണേ​ഷ് കു​മാ​റി​ന്‍റെ പ​ങ്കി​നെ കു​റി​ച്ച് ബി​ജു രാ​ധാ​കൃ​ഷ്ണ​ൻ ന​ട​ത്തി​യ വെ​ളി​പ്പെ​ടു​ത്ത​ലി​നെ കു​റി​ച്ചും അ​ന്വേ​ഷ​ണം ന​ട​ക്ക​ണ​മെ​ന്നും അ​വ​ർ ആ​വ​ശ്യ​പ്പെ​ട്ടു.

കെ​പി​സി​സി നി​ർ​വാ​ഹ​ക സ​മി​തി​യം​ഗ​ങ്ങ​ളാ​യ സി. ​ആ​ർ ന​ജീ​ബ്, ​അ​ല​ക്സ് മാ​ത്യു, റെ​ജി​മോ​ൻ വ​ർ​ഗീ​സ്, ഡിസിസി ​ജ​ന​റ​ൽ സെ​ക്ര​ട്ട​റി ന​ടു​ക്കു​ന്നി​ൽ വി​ജ​യ​ൻ, കോ​ൺ​ഗ്ര​സ് സേ​വാ​ദ​ൾ നി​യോ​ജ​ക മ​ണ്ഡ​ലം ചെ​യ​ർ​മാ​ൻ ഷി​ജു പ​ടി​ഞ്ഞാ​റ്റി​ൻ​ക​ര, യൂ​ത്ത് കോ​ൺ​ഗ്ര​സ് മു​ൻ നി​യോ​ജ​ക മ​ണ്ഡ​ലം പ്ര​സി​ഡ​ന്‍റ് കു​ള​ക്ക​ട അ​നി​ൽ എ​ന്നി​വ​ർ പ​ത്ര സ​മ്മേ​ള​ന​ത്തി​ൽ പ​ങ്കെ​ടു​ത്തു.