ഹ​നാ​ൻ ചെ​റു​ത്തു​നി​ൽ​പ്പി​ന്‍റെ പ്ര​തീ​കം; ഹനാനെതിരെ നടന്നത് സോഷ്യൽ മീഡിയാ ഗുണ്ടായിസമെന്ന് വനിതാ കമ്മീഷൻ

തി​രു​വ​ന​ന്ത​പു​രം: കോ​ള​ജ് യൂ​ണി​ഫോ​മി​ൽ റോ​ഡ​രി​കി​ൽ മീ​ൻ വി​റ്റ ഹ​നാ​നെ​തി​രെ ന​ട​ന്ന​ത് സോ​ഷ്യ​ൽ മീ​ഡി​യാ ഗു​ണ്ടാ​യി​സ​മെ​ന്ന് വ​നി​താ ക​മ്മീ​ഷ​ൻ അ​ധ്യ​ക്ഷ എം.​സി. ജോ​സ​ഫൈ​ൻ. ഹ​നാ​ൻ ചെ​റു​ത്തു​നി​ൽ​പ്പി​ന്‍റെ പ്ര​തീ​ക​മാ​ണ്. സ​മൂ​ഹ​മാ​ധ്യ​ങ്ങ​ളി​ൽ ഹ​നാ​നെ അ​പ​കീ​ർ​ത്തി​പ്പെ​ടു​ത്തി​യ​വ​ർ​ക്കെ​തി​രെ കേ​സെ​ടു​ക്കു​മെ​ന്നും അ​വ​ർ പ​റ​ഞ്ഞു.

ശ​നി​യാ​ഴ്ച ഹ​നാ​നെ നേ​രി​ൽ കാ​ണു​മെ​ന്നും ജോ​സ​ഫൈ​ൻ കൂ​ട്ടി​ച്ചേ​ർ​ത്തു. ത​മ്മ​ന​ത്തു യൂ​ണി​ഫോ​മി​ൽ മീ​ൻ വി​ൽ​ക്കു​ന്ന ഹ​നാ​നെ​ക്കു​റി​ച്ച് ഒ​രു മാ​ധ്യ​മം റി​പ്പോ​ർ​ട്ട് ചെ​യ്ത​തോ​ടെ​യാ​ണു ഹ​നാ​ൻ ശ്ര​ദ്ധാ​കേ​ന്ദ്ര​മാ​യ​ത്. ഒ​ട്ടേ​റെ​പ്പേ​ർ സ​ഹാ​യ​വാ​ഗ്ദാ​ന​വു​മാ​യി രം​ഗ​ത്തു​മെ​ത്തി. തൊ​ടു​പു​ഴ അ​ൽ അ​സ​ർ കോ​ള​ജി​ൽ മൂ​ന്നാം വ​ർ​ഷ ബി​രു​ദ വി​ദ്യാ​ർ​ഥി​നി​യാ​യ ഈ ​തൃ​ശൂ​ർ സ്വ​ദേ​ശി​നി പ​ഠി​ക്കാ​നും കു​ടും​ബ​ത്തെ പോ​റ്റാ​നു​മു​ള്ള വ​ക തേ​ടി​യാ​ണു മീ​ൻ ക​ച്ച​വ​ട​മെ​ന്നാ​യി​രു​ന്നു പ​റ​ഞ്ഞി​രു​ന്ന​ത്.

വാ​ർ​ത്ത​യ്ക്കു പി​ന്നാ​ലെ ത​ന്‍റെ അ​ടു​ത്ത സി​നി​മ​യി​ൽ ഹ​നാ​ന് അ​വ​സ​രം ന​ൽ​കു​മെ​ന്നു സം​വി​ധാ​യ​ക​ൻ അ​രു​ണ്‍ ഗോ​പി​യു​ടെ വാ​ഗ്ദാ​ന​വു​മു​ണ്ടാ​യി. ഇ​തി​നു പി​ന്നാ​ലെ​യാ​ണു സി​നി​മ​യു​ടെ പ്ര​മോ​ഷ​നു വേ​ണ്ടി​യാ​ണു മീ​ൻ വി​ൽ​പ​ന​യെ​ന്ന ആ​ക്ഷേ​പം ഉ​യ​ർ​ന്ന​ത്.

ഹ​നാ​നെ​തി​രേ സ​മൂ​ഹ​മാ​ധ്യ​മ​ങ്ങ​ളി​ലൂ​ടെ മോ​ശം പ്ര​ചാ​ര​ണം ന​ട​ത്തി​യ​വ​രെ കേ​ര​ള പോ​ലീ​സി​ന്‍റെ സൈ​ബ​ർ സു​ര​ക്ഷാ​വി​ഭാ​ഗം നി​രീ​ക്ഷി​ച്ചു​വ​രി​ക​യാ​ണ്.