പു​ല്ലൂ​ര്‍-​പെ​രി​യ​യി​ലും കോ​ഴി​ക​ള്‍ കൂ​ട്ട​ത്തോ​ടെ ച​ത്തൊ​ടു​ങ്ങു​ന്നു! രോ​ഗ​ബാ​ധ ഉ​ണ്ടാ​യ​തെ​ങ്ങ​നെ​യെ​ന്ന ചോ​ദ്യ​ത്തി​ന് ഉ​ത്ത​ര​മില്ലാതെ അധികൃതര്‍

പെ​രി​യ: ജി​ല്ല​യി​ല്‍ നാ​ലാ​മ​തൊ​രു പ​ഞ്ചാ​യ​ത്തി​ല്‍​ക്കൂ​ടി വ​നി​താ വി​ക​സ​ന പ​ദ്ധ​തി പ്ര​കാ​രം വി​ത​ര​ണം ചെ​യ്ത മു​ട്ട​ക്കോ​ഴി​ക​ള്‍ കൂ​ട്ട​ത്തോ​ടെ ച​ത്തൊ​ടു​ങ്ങു​ന്നു.

പു​ല്ലൂ​ര്‍-​പെ​രി​യ​യി​ലാ​ണ് വി​ത​ര​ണം ചെ​യ്ത് ര​ണ്ടു​ദി​വ​സ​ത്തി​ന​കം കോ​ഴി​ക​ള്‍​ക്ക് രോ​ഗ​ബാ​ധ പ്ര​ത്യ​ക്ഷ​പ്പെ​ട്ട​ത്.

മ​റ്റി​ട​ങ്ങ​ളി​ലേ​തു​പോ​ലെ ഇ​വി​ടെ​യും രോ​ഗ​ബാ​ധ മ​റ്റു കോ​ഴി​ക​ളി​ലേ​ക്ക് പ​ട​രാ​ന്‍ തു​ട​ങ്ങി​യി​ട്ടു​ണ്ട്.

ഈ​സ്റ്റ് എ​ളേ​രി, മു​ളി​യാ​ര്‍, ചെ​ങ്ക​ള പ​ഞ്ചാ​യ​ത്തു​ക​ളി​ലാ​ണ് നേ​ര​ത്തേ മു​ട്ട​ക്കോ​ഴി വി​ത​ര​ണം രോ​ഗ​ബാ​ധ​യ്ക്കും കൂ​ട്ട​മ​ര​ണ​ത്തി​നും വ​ഴി​തെ​ളി​ച്ച​ത്.

ഒ​ന്നി​ന് 60 രൂ​പ നി​ര​ക്കി​ല്‍ നാ​ലാ​യി​ര​ത്തോ​ളം കോ​ഴി​ക​ളെ​യാ​ണ് പു​ല്ലൂ​ര്‍-​പെ​രി​യ പ​ഞ്ചാ​യ​ത്തി​ല്‍ വി​ത​ര​ണം ചെ​യ്ത​ത്. ആ​ദ്യ​ഘ​ട്ട​ത്തി​ല്‍ വി​ത​ര​ണം ചെ​യ്ത കോ​ഴി​ക​ള്‍​ക്ക് രോ​ഗ​ബാ​ധ​യു​ണ്ടാ​യി​രു​ന്നി​ല്ല.

ഒ​രാ​ഴ്ച മു​മ്പ് ര​ണ്ടാം​ഘ​ട്ട​ത്തി​ല്‍ ന​ല്കി​യ കോ​ഴി​ക​ള്‍​ക്കാ​ണ് രോ​ഗം പ്ര​ത്യ​ക്ഷ​പ്പെ​ട്ട​ത്.

താ​ളി​ക്കു​ണ്ടി​ലെ ത​ങ്ക​മ​ണി​യു​ടെ വീ​ട്ടി​ല്‍ പ​ഞ്ചാ​യ​ത്തി​ല്‍​നി​ന്നും ല​ഭി​ച്ച കോ​ഴി​ക​ളി​ല്‍​നി​ന്ന് രോ​ഗം പ​ട​ര്‍​ന്ന് നേ​ര​ത്തേ​യു​ണ്ടാ​യി​രു​ന്ന എ​ട്ട് മു​ട്ട​ക്കോ​ഴി​ക​ളാ​ണ് ച​ത്തൊ​ടു​ങ്ങി​യ​ത്.

മ​റ്റു പ​ല​രും പ​ഞ്ചാ​യ​ത്തി​ല്‍​നി​ന്നും വാ​ങ്ങി​യ കോ​ഴി​ക​ളെ​ല്ലാം ഇ​തി​ന​കം​ത​ന്നെ രോ​ഗം ബാ​ധി​ച്ച് ച​ത്തു.

പ്ര​തി​രോ​ധ കു​ത്തി​വ​യ്‌​പ്പെ​ടു​ത്ത കോ​ഴി​ക​ളെ​യാ​ണ് വി​ത​ര​ണം ചെ​യ്ത​തെ​ന്ന് അ​ധി​കൃ​ത​ര്‍ പ​റ​യു​മ്പോ​ഴും രോ​ഗ​ബാ​ധ ഉ​ണ്ടാ​യ​തെ​ങ്ങ​നെ​യെ​ന്ന ചോ​ദ്യ​ത്തി​ന് ഉ​ത്ത​ര​മി​ല്ല.

രോ​ഗ​ബാ​ധ​യു​ള്ള കോ​ഴി​ക​ളെ എ​ത്തി​ക്കാ​നി​ട​യാ​യ​തി​നെ​ക്കു​റി​ച്ച് അ​ന്വേ​ഷ​ണം ന​ട​ത്ത​ണ​മെ​ന്നും ന​ഷ്ട​പ്പെ​ട്ട​വ​യ്ക്ക് പ​ക​രം കോ​ഴി​ക​ളെ ന​ല്ക​ണ​മെ​ന്നും നേ​ര​ത്തേ​യു​ണ്ടാ​യി​രു​ന്ന കോ​ഴി​ക​ളെ ന​ഷ്ട​മാ​യ​വ​ര്‍​ക്ക് ന​ഷ്ട​പ​രി​ഹാ​രം ന​ല്ക​ണ​മെ​ന്നു​മാ​ണ് ക​ര്‍​ഷ​ക​രു​ടെ ആ​വ​ശ്യം.