ഹൈ​മാ​സ്റ്റ് മി​ഴി​യ​ട​ച്ചു,  മാ​ന്നാ​ർ ടൗ​ണ്‍ കു​റ്റാ​ക്കൂ​രി​രു​ട്ടി​ൽ; പരാതി നൽകിയിട്ടും കണ്ടില്ലെന്ന് നടിച്ച് പഞ്ചായത്ത് അധികൃതർ

മാ​ന്നാ​ർ: പ​രു​മ​ല ജം​ഗ്ഷ​നി​ലെ ഹൈ​മാ​സ്റ്റ് ലൈ​റ്റ് പ്ര​കാ​ശി​ക്കാ​താ​യ​തോ​ടെ ടൗ​ണ്‍ കൂ​രി​രി​ട്ടി​ലാ​യി. രാ​ത്രി ടൗ​ണി​ലെ​ത്തു​ന്ന​വ​ർ ഇ​രു​ട്ടി​ൽ ത​പ്പേ​ണ്ട അ​വ​സ്ഥ​യാ​ണ്. പു​ല​ർ​ച്ചെ ദീ​ർ​ഘ​ദൂ​ര യാ​ത്ര​ക്കാ​രും വി​വി​ധ ആ​രാ​ധ​നാ​ല​ങ്ങ​ളി​ൽ എ​ത്തു​ന്ന​വ​രും വെ​ളി​ച്ചം ഇ​ല്ലാ​ത്തി​നാ​ൽ ഏ​റെ ബു​ദ്ധി​മു​ട്ടാ​ണ് അ​നു​ഭ​വി​ക്കു​ന്ന​ത്.

ക​ഴി​ഞ്ഞ ആ​റു വ​ർ​ഷം മു​ന്പാ​ണ് കൊ​ടി​ക്കു​ന്നി​ൽ സു​രേ​ഷ് എം​പി​യു​ടെ ആ​സ്തി​വി​ക​സ​ന ഫ​ണ്ട് ഉ​പ​യോ​ഗി​ച്ച് മാ​ന്നാ​റി​ലെ ആ​ദ്യ​ത്തെ ഹൈ​മാ​സ്റ്റ് ടൗ​ണി​ൽ സ്ഥാ​പി​ക്കു​ന്ന​ത്. 5.5 ല​ക്ഷം ചി​ല​വി​ൽ നി​ർ​മ്മി​ച്ച ഈ ​ലൈ​റ്റ് കൂ​ടു​ത​ൽ കാ​ലം തെ​ളി​ഞ്ഞി​ല്ല. പ​രാ​തി​ക​ൾ ശ​ക്ത​മാ​കു​ന്പോ​ൾ അ​ധി​കൃ​ത​ർ താ​ത്ക്കാ​ലി​ക​മാ​യി എ​ന്തെ​ങ്കി​ലും ചെ​യ്ത് ചി​ല ലൈ​റ്റു​ക​ൾ മാ​ത്രം തെ​ളി​ക്കാ​റാ​ണ് പ​തി​വ്.

ഇ​തി​ന്‍റെ അ​റ്റ​കു​റ്റ പ​ണി​ക​ൾ​ക്ക് പ​ഞ്ചാ​യ​ത്താ​ണ് തു​ക ന​ൽ​കേ​ണ്ട​ത്. മു​ൻ കാ​ല​ങ്ങ​ളി​ൽ പ​ഞ്ചാ​യ​ത്തി​ൽ ഇ​തി​നാ​യി ഫ​ണ്ട് നീ​ക്കി വ​ച്ചി​ട്ടി​ല്ലാ​ത്ത​തി​നാ​ൽ വ്യാ​പാ​രി​ക​ളി​ൽ നി​ന്നും മ​റ്റും പി​രി​വെ​ടു​ത്താ​ണ് അ​റ്റ​കു​റ്റ പ​ണി​ക​ൾ ന​ട​ത്തി​യി​രു​ന്ന​ത്. എ​ന്നാ​ൽ ഇ​പ്പോ​ൾ അ​റ്റ​കു​റ്റ പ​ണി​ക​ൾ​ക്കാ​യി വാ​ർ​ഷി​ക ഫ​ണ്ട് ന​ൽ​കി​യി​ട്ടു​ണ്ട്. ഇ​തി​നാ​യി ക​രാ​റു​കാ​രെ ഏ​ൽ​പ്പി​ച്ചി​ട്ടു​മു​ണ്ട്.

എ​ന്നാ​ൽ പ​ഞ്ചാ​യ​ത്തി​ൽ നി​ന്ന് അ​റി​യി​ച്ചാ​ൽ പോ​ലും ഇ​വ​ർ കൃ​ത്യ​മാ​യി എ​ത്തി അ​റ്റ​കു​റ്റ പ​ണി​ക​ൾ ന​ട​ത്താ​ത്ത​താ​ണ് പ്ര​ശ്നം. കാ​യം​കു​ളം-​തി​രു​വ​ല്ല സം​സ്ഥാ​ന പാ​ത​യി​ലെ ഏ​റ്റ​വും പ്ര​ധാ​ന ടൗ​ണാ​ണ് മാ​ന്നാ​ർ. അ​തേ​സ​മ​യം എ​ത്ര​യും വേ​ഗം ലൈ​റ്റി​ന്‍റെ അ​റ്റ​കു​റ്റ പ​ണി​ക​ൾ ന​ട​ത്തു​ന്ന​തി​നാ​യി ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ടെ​ന്ന് ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് ഷൈ​നാ ന​വാ​സ് പ​റ​ഞ്ഞു.