കൊച്ചി: എറണാകുളം പ്രിന്സിപ്പല് സെഷന്സ് കോടതി ജഡ്ജി ഹണി എം. വര്ഗീസിന് സ്ഥലം മാറ്റം. ആലപ്പുഴ പ്രിന്സിപ്പല് സെഷന്സ് ജഡ്ജിയായാണ് സ്ഥലം മാറ്റം നല്കിയത്. സ്റ്റേറ്റ് ട്രാന്സ്പോര്ട്ട് അപ്പലേറ്റ് ട്രൈബ്യൂണല് ജഡ്ജിക്കാണ് പകരം ചുമതല. ഹൈക്കോടതിയിലെ ജില്ലാ ജുഡീഷ്യറി രജിസ്ട്രാര് ആണ് സ്ഥലം മാറ്റ ഉത്തരവിറക്കിയത്. കൊച്ചിയില് നടിയെ ആക്രമിച്ച കേസിലെ വിധി പറഞ്ഞ ജഡ്ജിയാണ് ഹണി എം. വര്ഗീസ്.
നേരത്തെ പുറത്തിറങ്ങിയ ജഡ്ജിമാരുടെ സ്ഥലംമാറ്റ പട്ടികയില് ഹണി എം. വര്ഗീസിന്റെ പേരുണ്ടായിരുന്നു. എന്നാല് അന്ന് നടി ആക്രമിക്കപ്പെട്ട കേസിന്റെ വിചാരണ നടന്നുകൊണ്ടിരിക്കുന്നതിനാല് അന്ന് സ്ഥലംമാറ്റം മരവിപ്പിക്കുകയായിരുന്നു. കേസിന്റെ വിധി പ്രസ്താവം പൂര്ത്തിയായ പശ്ചാത്തലത്തിലാണ് സ്ഥലംമാറ്റം പ്രാബല്യത്തില് വരുന്നത്.
കേസ് വനിത ജഡ്ജി പരിഗണിക്കണമെന്ന അതിജീവിതയുടെ അഭ്യര്ഥന മാനിച്ചായിരുന്നു ഹണി എം. വര്ഗീസിന് മുന്പാകെ നടി ആക്രമിക്കപ്പെട്ട കേസ് എത്തിയത്. ഹണി എം. വര്ഗീസിന് പകരം ആലപ്പുഴ പ്രിന്സിപ്പല് ജില്ലാ ജഡ്ജിയായിരുന്ന കെ. കെ ബാലകൃഷ്ണനെ എറണാകുളത്ത് ഇതേ പദവിയില് നിയമിച്ചു.
