മലയാള സിനിമയിലെ മിന്നുംതാരമാണ ്ഹണിറോസ്. ബോയ്ഫ്രണ്ട് എന്ന വിനയന്‍ ചിത്രത്തിലൂടെ മലയാള സിനിമയില്‍ എത്തിയ താരം പിന്നീട് ആരാധകരുടെ ഹരമായി മാറുകയായിരുന്നു.
അനൂപ് മേനോന്‍ നായകനായി എത്തിയ ട്രിവാന്‍ഡ്രം ലോഡ്ജ് എന്ന സിനിമയായിരുന്നു ഹണിയുടെ കരിയറില്‍ ബ്രേക്ക്ത്രൂ ആയത്.
മലയാളത്തിന് പിന്നാലെ തമിഴിലും തെലുങ്കിലും കന്നഡയിലുമെല്ലാം താരം സജീവമാണ്.
എന്നാല്‍ ഉദ്ഘാടന റാണി എന്നാണ് ഇന്ന് സോഷ്യല്‍മീഡിയ താരത്തെ വിളിക്കുന്നത്. പലപ്പോഴും ഉദ്ഘാടനത്തിന് എത്തുമ്പോള്‍ ഹണി റോസ് ധരിക്കുന്ന ഹോട്ട് വേഷങ്ങള്‍ ആളുകളെ ആകര്‍ഷിക്കാറുണ്ട്.
ഇപ്പോഴിതാ ഇതിലെല്ലാം പ്രതികരിച്ച് രംഗത്തെത്തിയിരിക്കുകയാണ് താരം. പര്‍ദ ധരിച്ച് പോയാലും തന്നെ വിമര്‍ശിക്കാന്‍ ആള്‍ക്കാരുണ്ടാവുമെന്നാണ് ഹണി പറയുന്നത്.
ഓരോ സാഹചര്യം നോക്കിയാണ് താന്‍ വസ്ത്രങ്ങള്‍ ധരിക്കുന്നത്. തനിക്ക് ഏറെ കംഫര്‍ട്ടബിള്‍ ആണെന്ന് തോന്നുന്ന വസ്ത്രങ്ങള്‍ മാത്രമേ താന്‍ ധരിക്കാറുള്ളൂവെന്നും പരിപാടിയില്‍ എത്തുന്ന ആള്‍ക്കാര്‍ക്ക് തന്റെ വസ്ത്രം കൊണ്ട് എന്തെങ്കിലും പ്രശ്നം ഉള്ളതായി തോന്നുന്നില്ലെന്നും തന്റെ ക്ഷണിക്കുന്നവര്‍ക്കും കുഴപ്പമില്ലെന്നും താരം പറയുന്നു.
