പ്ര​ള​യമേഖലകളിൽ തട്ടിപ്പു സംഘങ്ങൾ ഇറങ്ങാൻ സാധ്യത; മുന്നറിയിപ്പു നൽകി ഐ​ജി ശ്രീ​ജി​ത്ത്

കൊ​ച്ചി: പ്ര​ള​യ​ത്തി​ന്‍റെ ദു​രി​ത​മ​നു​ഭ​വി​ക്കു​ന്ന​വ​രെ ചൂ​ഷ​ണം ചെ​യ്യാ​ൻ നെ​ത്തു​ന്ന ജോ​ലി വാ​ഗ്ദാ​നം ചെ​യ്തും പു​തി​യ വ​രു​മാ​ന​മാ​ർ​ഗം പ​രി​ച​യ​പ്പെ​ടു​ത്തി​യും ത​ട്ടി​പ്പു​കാ​ർ രം​ഗ​ത്തെ​ത്താ​ൻ സാ​ധ്യ​ത​യു​ണ്ടെ​ന്നും ഇ​ത്ത​ര​ക്കാ​രെ സം​ഘ​ടി​ത​മാ​യി നേ​രി​ട​ണ​മെ​ന്നും ഐ​ജി എ​സ്. ശ്രീ​ജി​ത്ത്.

ഇ​ത്ത​രം ത​ട്ടി​പ്പു​ക​ളെ​ക്കു​റി​ച്ചു ബോ​ധ​വ​ൽ​ക്ക​ര​ണം ന​ട​ത്ത​ണ​മെ​ന്നും അ​ദ്ദേ​ഹം പ​റ​ഞ്ഞു. പ്ര​ള​യാ​ന​ന്ത​ര സ​മൂ​ഹ​ങ്ങ​ളി​ൽ ക​ണ്ടു​വ​രു​ന്ന മ​നു​ഷ്യ​ക്ക​ട​ത്തി​നെ സം​ബ​ന്ധി​ച്ചു സാ​മൂ​ഹ്യ​നീ​തി വ​കു​പ്പ് ഇ​ന്‍റ​ർ​നാ​ഷ​ണ​ൽ ജ​സ്റ്റീ​സ് മി​ഷ​ൻ എ​ന്ന സ​ന്ന​ദ്ധ സം​ഘ​ട​ന​യു​മാ​യി ചേ​ർ​ന്നു പ​ത്ത​ടി​പ്പാ​ലം ഗ​വ​ണ്‍​മെ​ന്‍റ് റ​സ്റ്റ് ഹൗ​സി​ൽ സം​ഘ​ടി​പ്പി​ച്ച സെ​മി​നാ​റി​ൽ സം​സാ​രി​ക്കു​ക​യാ​യി​രു​ന്നു ഐ​ജി. കൗ​മാ​ര​പ്രാ​യ​ക്കാ​രും യു​വാ​ക്ക​ളും യു​വ​തി​ക​ളു​മാ​ണ് ഇ​ത്ത​രം ത​ട്ടി​പ്പു​ക​ൾ​ക്കു കൂ​ടു​ത​ൽ ഇ​ര​ക​ളാ​കു​ന്ന​ത്.

വി​ശ്വ​സ​നീ​യ​മാ​യ രീ​തി​യി​ലാ​യി​രി​ക്കും വി​വി​ധ പേ​രു​ക​ളി​ൽ ത​ട്ടി​പ്പു​കാ​ർ ദു​ര​ന്ത​ബാ​ധി​ത പ്ര​ദേ​ശ​ങ്ങ​ളി​ൽ അ​വ​ത​രി​ക്കു​ന്ന​ത്. പ്ര​ള​യ​ത്തി​ൽ എ​ല്ലാം ന​ഷ്ട​പ്പെ​ട്ട​വ​ർ​ക്കു പു​തി​യ ജീ​വി​ത​മാ​ർ​ഗം വാ​ഗ്ദാ​നം ചെ​യ്താ​ണ് ഏ​റ്റ​വു​മ​ധി​കം ത​ട്ടി​പ്പു​ക​ൾ ന​ട​ക്കു​ക. ഇ​ത്ത​ര​ത്തി​ലു​ള്ള ഗു​രു​ത​ര കു​റ്റ​കൃ​ത്യ​ങ്ങ​ൾ​ക്ക് ലോ​ക​ത്തി​ലെ വി​വി​ധ ദു​ര​ന്ത മേ​ഖ​ല​ക​ളി​ലു​ള്ള​വ​ർ ഇ​ര​ക​ളാ​യി​ട്ടു​ണ്ടെ​ന്ന് ഐ​ജി ചൂ​ണ്ടി​ക്കാ​ട്ടി.

ഇ​ന്‍റ​ർ​നാ​ഷ​ണ​ൽ ജ​സ്റ്റി​സ് മി​ഷ​ൻ നാ​ഷ​ണ​ൽ ഡ​യ​റ​ക്ട​ർ റി​ട്ട. ക​മാ​ൻ​ഡ​ർ അ​ശോ​ക് വി.​എം. കു​മാ​ർ,സാ​മൂ​ഹ്യ​പ്ര​വ​ർ​ത്ത​ക ഡോ. ​സു​നി​ത കൃ​ഷ്ണ​ൻ, സാ​മൂ​ഹി​ക​നീ​തി-​വ​നി​ത-​ശി​ശു വി​ക​സ​ന സെ​ക്ര​ട്ട​റി ബി​ജു പ്ര​ഭാ​ക​ർ, വ​നി​താ ശി​ശു വി​ക​സ​ന ഡ​യ​റ​ക്ട​ർ ഷീ​ബാ ജോ​ർ​ജ്, ജി​ല്ല സാ​മൂ​ഹി​ക നീ​തി ഓ​ഫീ​സ​ർ ഗീ​താ​കു​മാ​രി, ഇ​ന്‍റ​ർ​നാ​ഷ​ണ​ൽ ജ​സ്റ്റി​സ് മി​ഷ​ൻ അ​സോ​സി​യേ​റ്റ് ഡ​യ​റ​ക്ട​ർ ഡോ. ​എം. ദേ​വ​സി​ത്തം, റി​സേ​ർ​ച്ച് അ​സോ​സി​യേ​റ്റ് ഡോ. ​വി​ജോ വ​ർ​ഗീ​സ് തു​ട​ങ്ങി​യ​വ​ർ പ​ങ്കെ​ടു​ത്തു.