മ​ന​സി​ന് സു​ഖ​മി​ല്ലാ​ത്ത​തി​നാ​ൽ പോകുന്നുവെന്ന് പറഞ്ഞ്പോയ  ജ​യ​ഘോ​ഷ് തി​രി​ച്ചെ​ത്തി; പ​ള​നി​യി​ൽ പോ​യി​രു​ന്നു​വെ​ന്ന് വി​ശ​ദീ​ക​ര​ണം


തി​രു​വ​ന​ന്ത​പു​രം: തി​രു​വ​ന​ന്ത​പു​ര​ത്ത് നി​ന്നു കാ​ണാ​താ​യ യു​എ​ഇ കോ​ണ്‍​സു​ലേ​റ്റ് ജ​ന​റ​ലി​ന്‍റെ മു​ൻ ഗ​ണ്‍​മാ​ൻ ജ​യ​ഘോ​ഷ് വീ​ട്ടി​ൽ തി​രി​ച്ചെ​ത്തി. ഇ​ന്ന് പു​ല​ർ​ച്ചെ ഒ​ന്ന​ര​യോ​ടെ​യാ​ണ് ജ​യ​ഘോ​ഷ് തു​ന്പ ക​രി​മ​ണ​ലി​ലെ വീ​ട്ടി​ൽ മ​ട​ങ്ങി​യെ​ത്തി​യ​ത്. പ​ള​നി​യി​ൽ തീ​ർ​ത്ഥ​യാ​ത്ര​യ്ക്ക് പോ​യി​രു​ന്നു​വെ​ന്നാ​ണ് അ​ദ്ദേ​ഹം കു​ടും​ബാം​ഗ​ങ്ങ​ളോ​ട് പ​റ​ഞ്ഞ​ത്.

ചൊ​വ്വാ​ഴ്ച വൈ​കു​ന്നേ​രം മു​ത​ലാ​ണ് ജ​യ​ഘോ​ഷി​നെ കാ​ണാ​താ​യ​ത്. അദ്ദേഹത്തിന്‍റെ ഇ​രു​ച​ക്ര​വാ​ഹ​ന​വും മൊ​ബൈ​ൽ ഫോ​ണും നേ​മം പോ​ലീ​സ് സ്റ്റേ​ഷ​ന് സ​മീ​പം ഉ​പേ​ക്ഷി​ച്ച​നി​ല​യി​ലാ​യി​രു​ന്നു. വാ​ഹ​ന​ത്തി​ൽ നി​ന്ന് ഒ​രു ക​ത്തും ക​ണ്ടെ​ടു​ത്തി​രു​ന്നു.

ആ​ത്മ​ഹ​ത്യ ചെ​യ്യി​ല്ലെ​ന്നും മ​ന​സി​ന് സു​ഖ​മി​ല്ലാ​ത്ത​തി​നാ​ൽ കു​റ​ച്ച് ദി​വ​സ​ത്തേ​ക്ക് വി​നോ​ദ​യാ​ത്ര​യ്ക്ക് പോ​കു​ക​യാ​ണെ​ന്നുമാ​യി​രു​ന്നു ഉ​ള്ള​ട​ക്കം. ജ​യ​ഘോ​ഷി​ന്‍റെ ഭാ​ര്യ​യു​ടെ പ​രാ​തി​യെത്തുട​ർ​ന്ന് മാ​ൻ മി​സിം​ഗി​ന് തു​ന്പ പോ​ലീ​സ് കേ​സെ​ടു​ത്തി​രു​ന്നു.

ജ​യ​ഘോ​ഷ് വീ​ട്ടി​ൽ മ​ട​ങ്ങി​യെ​ത്തി​യ സാ​ഹ​ച​ര്യ​ത്തി​ൽ അ​ദ്ദേ​ഹം എ​വി​ടെ പോ​യി​രു​ന്നു​വെ​ന്ന​ത് ഉ​ൾ​പ്പെ​ടെ​യു​ള്ള കാ​ര്യ​ങ്ങ​ളി​ൽ മൊ​ഴി​യെ​ടു​ക്കു​മെ​ന്ന് പോ​ലീ​സ് പ​റ​ഞ്ഞു.സ്വ​ർ​ണ​ക​ട​ത്ത് കേ​സു​മാ​യി ബ​ന്ധ​പ്പെ​ട്ട് നേ​ര​ത്തെ ക​സ്റ്റം​സും എ​ൻ​ഐ​എ​യും ജ​യ​ഘോ​ഷി​നെ ചോ​ദ്യം ചെ​യ്തി​രു​ന്നു.

വി​വാ​ദ​മാ​യ സ്വ​ർ​ണ​ക്ക​ട​ത്ത് കേ​സി​നി​ടെ ജൂ​ലാ​യ് 16ന് ​ജ​യ​ഘോ​ഷി​നെ കാ​ണാ​താ​യി​രു​ന്നു. അ​ടു​ത്ത ദി​വ​സം കൈ​യി​ൽ മു​റി​വേ​റ്റ നി​ല​യി​ൽ അ​വ​ശ​നി​ല​യി​ലാ​ണ് ജ​യ​ഘോ​ഷി​നെ ക​ണ്ടെ​ത്തി​യ​ത്.

Related posts

Leave a Comment