Set us Home Page

ജ​യ് ശ്രീ​റാം വി​ളി​ക്കാ​ത്ത​തി​ന്‍റെ പേ​രി​ൽ മർദിച്ചു കൊന്ന സംഭവം! പ്ര​തി​ക​ൾ​ക്കെ​തി​രേ കൊ​ല​ക്കു​റ്റ​മി​ല്ല; മരണകാരണം ഹൃ​ദ​യ​സ്തം​ഭ​ന​മാ​ണെ​ന്ന് പോലീസ്

റാ​ഞ്ചി: ജ​യ് ശ്രീ​റാം വി​ളി​ക്കാ​ത്ത​തി​ന്‍റെ പേ​രി​ൽ ജാ​ർ​ഖ​ണ്ഡി​ൽ ആ​ൾ​ക്കൂ​ട്ടം മ​ർ​ദി​ച്ചു കൊ​ല​പ്പെ​ടു​ത്തി​യ കേ​സി​ൽ പ്ര​തി​ക​ൾ​ക്കെ​തി​രേ കൊ​ല​ക്കു​റ്റ​മി​ല്ല. ത​ബ്രി​സ് അ​ൻ​സാ​രി​യു​ടെ പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ മ​ര​ണ​കാ​ര​ണം ഹൃ​ദ​യ​സ്തം​ഭ​ന​മാ​ണെ​ന്ന​തി​നാ​ൽ പ്ര​തി​ക​ൾ​ക്കെ​തി​രെ കൊ​ല​ക്കു​റ്റം ചു​മ​ത്താ​നാ​കി​ല്ലെ​ന്ന് പോ​ലീ​സ്.

പോ​ലീ​സ് കു​റ്റ​പ​ത്ര​ത്തി​നെ​തി​രെ നേ​ര​ത്തെ വി​മ​ർ​ശ​ന​മു​യ​ർ​ന്ന സാ​ഹ​ച​ര്യ​ത്തി​ലാ​ണ് കൂ​ടു​ത​ൽ വി​വ​ര​ങ്ങ​ൾ പു​റ​ത്തു​വ​രു​ന്ന​ത്. കേ​സി​ലെ 12ാം പ്ര​തി​യെ ശ​നി​യാ​ഴ്ച പോ​ലീ​സ് അ​റ​സ്റ്റ് ചെ​യ്തി​രു​ന്നു. മ​ന​പൂ​ർ​വ​മ​ല്ലാ​ത്ത ന​ര​ഹ​ത്യ​ക്കാ​ണ് ഇ​വ​ർ​ക്കെ​തി​രെ കേ​സെ​ടു​ത്തി​രി​ക്കു​ന്ന​ത്.

കൊ​ല​ക്കു​റ്റം നി​ല​നി​ൽ​ക്കു​ന്ന തെ​ളി​വു​ക​ൾ ഇ​ല്ല. പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ പ​റ​യു​ന്ന​ത് മ​ര​ണ​കാ​ര​ണം ഹൃ​ദ​യ സ്തം​ഭ​ന​മാ​ണെ​ന്നാ​ണ്. അ​തു​കൊ​ണ്ട് ത​ന്നെ ന​ര​ഹ​ത്യ​ക്കാ​ണ് കേ​സെ​ടു​ത്തി​രി​ക്കു​ന്ന​തെ​ന്നാ​ണ് പോ​ലീ​സ് വി​ശ​ദീ​ക​ര​ണം.

അ​ൻ​സാ​രി​യു​ടെ മൃ​ത​ദേ​ഹം ര​ണ്ട് ത​വ​ണ പോ​സ്റ്റ്മോ​ർ​ട്ടം ന​ട​ത്തി​യെ​ന്നും ര​ണ്ട് റി​പ്പോ​ർ​ട്ടി​ലും ഒ​രേ​കാ​ര്യ​മാ​ണ് പ​റ​യു​ന്ന​തെ​ന്നും സീ​നി​യ​ർ പോ​ലീ​സ് ഓ​ഫി​സ​ർ എ​സ് കാ​ർ​ത്തി​ക് എ​ൻ​ഡി​ടി​വി​യോ​ട് പ​റ​ഞ്ഞു. പോ​സ്റ്റ്മോ​ർ​ട്ടം റി​പ്പോ​ർ​ട്ട് ല​ഭി​ച്ച​തി​ന് ശേ​ഷം ഉ​ന്ന​ത നി​യ​മ​വി​ദ​ഗ്ധ​രു​മാ​യി കൂ​ടി​ക്കാ​ഴ്ച ന​ട​ത്തി​യി​രു​ന്നു. അ​വ​രു​ടെ ഉ​പ​ദേ​ശ​വും കൊ​ല​ക്കു​റ്റം ചു​മ​ത്തി​യാ​ൽ നി​ല​നി​ൽ​ക്കി​ല്ലെ​ന്നാ​യി​രു​ന്നു​വെ​ന്നും പോ​ലീ​സ് പ​റ​ഞ്ഞു.

ജൂ​ണ്‍ 22നാ​ണ് 24കാര​നാ​യ ത​ബ്രി​സ് അ​ൻ​സാ​രി ആ​ൾ​ക്കൂ​ട്ട മ​ർ​ദ​ന​മേ​റ്റ് കൊ​ല്ല​പ്പെ​ടു​ന്ന​ത്.​നാ​ലു ദി​വ​സം ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​ഞ്ഞ ശേ​ഷ​മാ​യി​രു​ന്നു മ​ര​ണം. ബൈ​ക്ക് മോ​ഷ്ടി​ച്ചെ​ന്നാ​രോ​പി​ച്ച് പി​ടി​കൂ​ടി​യ സം​ഘം നി​ർ​ബ​ന്ധി​ച്ച് ജ​യ് ശ്രീ​റാം വി​ളി​പ്പി​ക്കു​ക​യും ക്രൂ​ര​മാ​യി മ​ർ​ദി​ക്കു​ക​യു​മാ​യി​രു​ന്നു.

കേ​സി​ൽ പോ​ലീ​സും ഡോ​ക്ട​ർ​മാ​രും അ​ലം​ഭാ​വം കാ​ട്ടി​യെ​ന്ന് ബ​ന്ധു​ക്ക​ൾ ആ​രോ​പി​ച്ചി​രു​ന്നു. 12 പേ​രെ പോ​ലീ​സ് അ​റ​സ്റ്റ് ചെ​യ്തി​രു​ന്നു.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS