​വി​സ്മ​യ ശി​ല്പി..! ഇലയിൽ ജീവൻ തുടിക്കുന്ന ചിത്രങ്ങളും ചിരട്ടയിൽ കരകൗശലവും ഒരുക്കുന്ന കാഞ്ഞിരപ്പള്ളിക്കാരൻ ജിജോ ഒരു സംഭവം തന്നെ….

ജോജി തോമസ്
കാ​ഞ്ഞി​ര​പ്പ​ള്ളി: ചി​ര​ട്ട​യി​ല്‍ ക​ര​കൗ​ശ​ല​ങ്ങ​ളും ഇ​ല​യി​ൽ വി​സ്മ​യ​വും വി​രി​യി​ച്ച ജി​ജോ​യു​ടെ ക​ഴി​വു​ക​ൾ ആ​രി​ലും കൗ​തു​ക​മു​ണ​ര്‍​ത്തും. കാ​ഞ്ഞി​ര​പ്പ​ള്ളി സു​ഖോ​ദ​യ ആ​യു​ർ​വേ​ദ ആ​ശു​പ​ത്രി​ക്ക് സ​മീ​പം താ​മ​സി​ക്കു​ന്ന കൊ​ച്ചു​തെ​ക്കേ​യി​ൽ ജി​ജോ ജോ​സ​ഫാ​ണ് ഈ ​വി​സ്മ​യ ശി​ല്പി.

സ്കൂ​ൾ പ​ഠ​ന​കാ​ല​ത്ത് ചി​ത്ര​ര​ച​ന​യി​ലൂ​ടെ​യാ​ണ് ജി​ജോ വ്യ​ത്യ​സ്ത ക​ഴി​വു​ക​ൾ പ്ര​ക​ടി​പ്പി​ച്ചു തു​ട​ങ്ങി​യ​ത്. പി​ന്നീ​ട് വ​ർ​ഷ​ങ്ങ​ളോ​ളം ചെ​റി​യ തോ​തി​ൽ ക​ര​കൗ​ശ​ല വ​സ്തു​ക്ക​ൾ നി​ർ​മി​ച്ചെ​ങ്കി​ലും വ​ലി​യ ശ്ര​ദ്ധ കൊ​ടു​ത്തി​രു​ന്നി​ല്ല.

ഒ​ന്നാം ത​രം​ഗ​ത്തി​ലെ ലോ​ക്ഡൗ​ൺ സ​മ​യ​ത്ത് വി​ര​സ​ത മാ​റ്റാ​നാ​ണ് ചി​ര​ട്ട​യി​ലും ഉ​ണ​ങ്ങി​യ വേ​രി​ലു​മൊ​ക്കെ അ​ല​ങ്കാ​ര വ​സ്തു​ക്ക​ൾ നി​ർ​മി​ച്ചു തു​ട​ങ്ങി​യ​ത്.

ഇ​ന്ന് ജി​ജോ വി​വി​ധ വ​സ്തു​ക്ക​ളി​ൽ വി​സ്മ​യ കാ​ഴ്ച​ക​ൾ തീ​ർ​ക്കു​ക​യാ​ണ്. ആ​മ, കു​ര​ങ്ങ്, മ​യി​ൽ തു​ട​ങ്ങി ചി​ര​ട്ട​യി​ൽ ജി​ജോ തീ​ർ​ത്ത ക​ര​കൗ​ശ​ല വ​സ്തു​ക്ക​ൾ ആ​രെ​യും ആ​ക​ർ​ഷി​ക്കു​ന്ന​വ​യാ​ണ്. മി​ക്കി മൗ​സ്, ടോം ​ആ​ൻ​ഡ് ജെ​റി, ത​ബ​ല, ചു​ണ്ട​ൻ​വ​ള്ളം, അ​ര​യ​ന്നം, കൈ​ത​ച്ച​ക്ക തു​ട​ങ്ങി ചി​ര​ട്ട കൊ​ണ്ട് അ​റു​പ​തി​ലേ​റെ വ്യ​ത്യ​സ്ത വ​സ്തു​ക്ക​ൾ നി​ർ​മി​ച്ചു ക​ഴി​ഞ്ഞു.

ഇ​ല​യി​ൽ ജീ​വ​ൻ തു​ടി​ക്കു​ന്ന ചി​ത്ര​ങ്ങ​ൾ വ​ര​ച്ചെ​ടു​ക്കാ​നും ജി​ജോ​യ്ക്ക് ക​ഴി​യും. കൊ​ക്കോ, പ്ലാ​വ് ഇ​ല​ക​ളി​ൽ ബ്ലേ​ഡ് ഉ​പ​യോ​ഗി​ച്ചാ​ണ് ചി​ത്ര ര​ച​ന.

ഇ​ത്ത​ര​ത്തി​ൽ ഏ​ത് ചി​ത്ര​വും ഒ​രു മ​ണി​ക്കൂ​റി​നു​ള്ളി​ൽ പൂ​ർ​ത്തി​യാ​ക്കും. മ​ല​യാ​ളി​ക​ളു​ടെ ഇ​ഷ്ട​താ​ര​ങ്ങ​ളാ​യ പ്രേം ​ന​സീ​ർ, സ​ത്യ​ൻ, ജ​ഗ​തി ശ്രീ​കു​മാ​ർ, ഹോ​ക്കി​താ​രം പി.​ആ​ർ. ശ്രീ​ജേ​ഷ് എ​ന്നി​വ​രു​ടെ​യെ​ല്ലാം ജീ​വ​ൻ തു​ടി​ക്കു​ന്ന ചി​ത്ര​ങ്ങ​ൾ ഇ​ല​യി​ൽ പൂ​ർ​ത്തി​യാ​ക്കി ക​ഴി​ഞ്ഞു.

ക​ട​ലാ​സി​ലും ത​ന്‍റെ ക​ലാ​വൈ​ഭ​വം രൂ​പ​പ്പെ​ടു​ത്താ​ൻ ജി​ജോ​യ്ക്ക് ക​ഴി​യും. ഇ​രു​വ​ശ​ങ്ങ​ളി​ലും വ്യ​ത്യ​സ്ത ചി​ത്ര​ങ്ങ​ൾ കാ​ണു​ന്ന സൃ​ഷ്ടി​ക​ളാ​ണ് ക​ട​ലാ​സി​ൽ തീ​ർ​ത്തി​രി​ക്കു​ന്ന​ത്.

കാ​ഞ്ഞി​ര​പ്പ​ള്ളി അ​മ​ല പ്ര​സി​ലെ ജീ​വ​ന​ക്കാ​ര​നാ​ണ് ജി​ജോ. ഭാ​ര്യ മി​നി​യും മ​ക​ൾ ആ​ൻ മേ​രി​യും പ്രോ​ത്സാ​ഹ​ന​വു​മാ​യി ഒ​പ്പ​മു​ണ്ട്.