ആ പരാതി കെട്ടിച്ചമച്ചതാ..! പ​തി​നാ​ലു​കാ​രി​യെ സ​ഹോ​ദ​ര​നും നാ​ലു സു​ഹൃ​ത്തു​ക്ക​ളും​ അങ്ങനെയൊന്നും ചെയ്തട്ടില്ല; ഇ​ടു​ക്കി – ക​ഞ്ഞി​ക്കു​ഴി​യി​ൽ നടന്ന സംഭവത്തെക്കുറിച്ച് പറയുന്നത് ഇങ്ങനെ…

ചെ​റു​തോ​ണി: ഇ​ടു​ക്കി – ക​ഞ്ഞി​ക്കു​ഴി​യി​ൽ പ​തി​നാ​ലു​കാ​രി​യെ സ​ഹോ​ദ​ര​നും നാ​ലു സു​ഹൃ​ത്തു​ക്ക​ളും​ചേ​ർ​ന്ന് പീ​ഡി​പ്പി​ച്ചെ​ന്ന പ​രാ​തി കെ​ട്ടി​ച്ച​മ​ച്ച​തെ​ന്ന് പോ​ലീ​സ്.

യു​വാ​ക്ക​ൾ​ക്കെ​തി​രെ പെ​ണ്‍​കു​ട്ടി​യെ​കൊ​ണ്ട് പ​രാ​തി കൊ​ടു​പ്പി​ച്ച യു​വ​തി​യു​ടെ പേ​രി​ൽ പോ​ലീ​സ് കേ​സെ​ടു​ത്തു. ഇ​ടു​ക്കി ഡി​വൈ​എ​സ്പി ഫ്രാ​ൻ​സി​സ് ഷെ​ൽ​ബി​യു​ടെ നേ​തൃ​ത്വ​ത്തി​ലു​ള്ള 16 അം​ഗ പോ​ലീ​സാ​ണ് കേ​സ​ന്വേ​ഷി​ച്ച​ത്.

ക​ഞ്ഞി​ക്കു​ഴി​യി​ൽ പ​തി​നാ​ലു​കാ​രി​യെ സ​ഹോ​ദ​ര​നും നാ​ലു സു​ഹൃ​ത്തു​ക്ക​ളും പീ​ഡി​പ്പി​ച്ചെ​ന്ന് ക​ഴി​ഞ്ഞ ഏ​പ്രി​ൽ 20-നാ​ണ തൃ​ശൂ​രി​ലെ മ​നു​ഷ്യാ​വ​കാ​ശ പ്ര​വ​ർ​ത്ത​ക​വ​ഴി പോ​ലീ​സി​ന് പ​രാ​തി ല​ഭി​ച്ച​ത്.

പെ​ണ്‍​കു​ട്ടി​യു​ടെ മൊ​ഴി​യെ​ടു​ത്ത​ത​ശേ​ഷം ന​ട​ത്തി​യ പ​രി​ശോ​ധ​ന​യി​ൽ പീ​ഡ​നം ന​ട​ന്നി​ട്ടു​ണ്ടാ​കാ​മെ​ന്ന് ഗൈ​ന​ക്കോ​ള​ജി​സ്റ്റ് റി​പ്പോ​ർ​ട്ട് ന​ൽ​കി​യി​രു​ന്നു.

എ​ന്നാ​ൽ മൊ​ഴി​യെ​ടു​ത്ത​പ്പോ​ൾ പ്ര​ദേ​ശ​വാ​സി​യും വി​വാ​ഹ​ദ​ല്ലാ​ളു​മാ​യ യു​വ​തി കൂ​ടെ വേ​ണ​മെ​ന്ന് പെ​ണ്‍​കു​ട്ടി പ​റ​ഞ്ഞ​തും ഡോ​ക്ട​റു​ടെ റി​പ്പോ​ർ​ട്ടി​ലെ ഉ​റ​പ്പി​ല്ലാ​യ്മ​യും പ​രാ​തി വ്യാ​ജ​മാ​ണോ​യെ​ന്ന് പോ​ലീ​സി​ന് സം​ശ​യം തോ​ന്നി​ച്ചി​രു​ന്നു.

കു​റ്റം ചെ​യ്തി​ട്ടി​ല്ലെ​ന്ന സ​ഹോ​ദ​ര​ന്‍റെ​യും അ​യ​ൽ​വാ​സി​ക​ളു​ടേ​യും മൊ​ഴി​യും പോ​ലീ​സ് വി​ശ​ദ​മാ​യി പ​രി​ശോ​ധി​ച്ചു.

ഇ​തി​നി​ടെ അ​ഭ​യ​കേ​ന്ദ്ര​ത്തി​ലാ​ക്കി​യ പെ​ണ്‍​കു​ട്ടി അ​വി​ടു​ത്തെ ര​ജി​സ്റ്റ​റി​ൽ സ​ഹോ​ദ​ര​ൻ എ​ന്നോ​ട് തെ​റ്റൊ​ന്നും ചെ​യ്തി​ട്ടി​ല്ലെ​ന്നും ക​ലാ​മ്മ പ​റ​ഞ്ഞി​ട്ടാ​ണ് വ്യാ​ജ​പ​രാ​തി ന​ൽ​കി​യ​തെ​ന്നും എ​ഴു​തി​യി​രു​ന്നു.

ഇ​ക്കാ​ര്യം അ​റി​ഞ്ഞ​തോ​ടെ പോ​ലീ​സ് പെ​ണ്‍​കു​ട്ടി​യെ ഇ​ടു​ക്കി മെ​ഡി​ക്ക​ൽ കേ​ള​ജി​ലെ ഫൊ​റ​ൻ​സി​ക് സ​ർ​ജ​ന്‍റെ സാ​ന്നി​ധ്യ​ത്തി​ൽ വീ​ണ്ടും പ​രി​ശോ​ധി​ച്ചു. പ​രി​ശോ​ധ​ന​യി​ൽ പീ​ഡ​നം ന​ട​ന്നി​ട്ടി​ല്ലെ​ന്ന് ക​ണ്ടെ​ത്തി.

ഇ​തി​നു​ശേ​ഷം വീ​ണ്ടും മൊ​ഴി​യെ​ടു​ത്ത​പ്പോ​ൾ പൊ​ട്ടി​ക്ക​ര​ഞ്ഞു​കൊ​ണ്ട് പെ​ണ്‍​കു​ട്ടി വ്യാ​ജ​പ​രാ​തി ന​ൽ​കി​യ​താ​ണെ​ന്ന് പോ​ലീ​സി​നോ​ട് പ​റ​ഞ്ഞു.

വെ​ണ്‍​മ​ണി സ്വ​ദേ​ശി​യാ​യ വി​വാ​ഹ ദ​ല്ലാ​ൾ ശ്രീ​ക​ല കു​ട്ടി​യു​ടെ സ​ഹോ​ദ​ര​ന് വി​വാ​ഹ​മാ​ലോ​ചി​ച്ച് സ്ഥി​ര​മാ​യി വീ​ട്ടി​ൽ വ​ന്നി​രു​ന്നു.

ശ്രീ​ക​ല​യു​ടെ മ​ക​ൾ പെ​ണ്‍​കു​ട്ടി​യു​ടെ സു​ഹൃ​ത്താ​യി​രു​ന്നു. മൂ​ന്നു​മാ​സം​കൊ​ണ്ട് ശ്രീ​ക​ല കു​ട്ടി​യു​മാ​യി അ​ടു​ത്തു. ക​ലാ​മ്മ​യെ​ന്നാ​ണ് കു​ട്ടി ഇ​വ​രെ വി​ളി​ച്ചി​രു​ന്ന​ത്.

പെ​ണ്‍​കു​ട്ടി​യോ​ടു​ള്ള ഇ​വ​രു​ടെ പെ​രു​മാ​റ്റ​ത്തി​ൽ അ​സ്വ​ഭാ​വി​ക​ത തോ​ന്നി​യ സ​ഹോ​ദ​ര​ൻ വീ​ട്ടി​ൽ വ​രു​ന്ന​തി​ൽ​നി​ന്ന് ശ്രീ​ക​ല​യെ വി​ല​ക്കി.

കൂ​ടാ​തെ ത​നി​ക്ക് വി​വാ​ഹാ​ലോ​ച​ന​യു​മാ​യി വ​രേ​ണ്ടെ​ന്നും ഇ​വ​രോ​ട് പ​റ​ഞ്ഞു. ഇ​തി​ന്‍റെ വൈ​രാ​ഗ്യ​ത്തി​ലാ​ണ് ശ്രീ​ക​ല സ​ഹോ​ദ​ര​നെ​തി​രെ മൊ​ഴി​ന​ൽ​കാ​ൻ പെ​ണ്‍​കു​ട്ടി​യെ പ്രേ​രി​പ്പി​ച്ച​ത്.

കു​ട്ടി​യെ ദു​രു​പ​യോ​ഗം ചെ​യ്ത​തി​നും പോ​ലീ​സി​നെ തെ​റ്റി​ദ്ധ​രി​പ്പി​ച്ച​തി​നു​മാ​ണ് ശ്രീ​ക​ല​യു​ടെ പേ​രി​ൽ കേ​സെ​ടു​ത്തി​രി​ക്കു​ന്ന​ത്. സ​ഹോ​ദ​ര​നും സു​ഹൃ​ത്തു​ക്ക​ൾ​ക്കു​മെ​തി​രാ​യ കേ​സ് പി​ൻ​വ​ലി​ക്കാ​നും ന​ട​പ​ടി ആ​രം​ഭി​ച്ച​താ​യി പോ​ലീ​സ് പ​റ​ഞ്ഞു.