പ​രാ​ശ്ര​യം കൂ​ടാ​തെ ജീ​വി​ക്ക​ണ​മെ​ന്ന ആ​ഗ്ര​ഹം; മുച്ചക്രവാഹനത്തിൽ സഞ്ചരിക്കുന്ന സ്റ്റേഷനറിക്കടയുമായി കാസിം; വ​രു​മാ​ന​ത്തി​ൽ താ​ൻ സ​ന്തു​ഷ്ടനെന്ന് കാസിം

കാ​ഞ്ഞി​ര​പ്പ​ള്ളി: ഒ​രു സ്റ്റേ​ഷ​ന​റി​ക്ക​ട ന​മു​ക്കു നേ​രേ ഓ​ടി വ​രി​ക​യാ​ണോ? സം​ശ​യി​ക്കേ​ണ്ട സ്റ്റേ​ഷ​ന​റി ക​ട ത​ന്നെ. പ​ക്ഷേ, ഓ​ട്ടം വാ​ഹ​ന​ത്തി​ലാ​ണെ​ന്നു മാ​ത്രം.

ത​ന്‍റെ മു​ച്ച​ക്ര വാ​ഹ​ന​ത്തെ അ​ണി​യി​ച്ചൊ​രു​ക്കി ശ​രി​ക്കും ഒ​രു സ്റ്റേ​ഷ​ന​റി ക​ട​യാ​ക്കി മാ​റ്റി​യി​രി​ക്കു​ക​യാ​ണ് കാ​സിം എ​ന്ന വ​യോ​ധി​ക​ൻ.

ഒ​രു അ​പ​ക​ട​ത്തി​ൽ ഇ​ട​തു കാ​ലി​നു ഗു​രു​ത​ര പ​രി​ക്കേ​റ്റ​താ​ണ് കാ​ഞ്ഞി​ര​പ്പ​ള്ളി ഇ​ട​ക്കു​ന്നം സ്വ​ദേ​ശി പി.​എം. കാ​സി​മി​നെ മു​ച്ച​ക്ര വാ​ഹ​ന​ത്തി​ൽ എ​ത്തി​ച്ച​ത്.

‌എ​ന്നാ​ൽ, ഇ​പ്പോ​ൾ അ​തി​ലൊ​രു ജീ​വി​തം ക​രു​പ്പി​ടി​പ്പി​ച്ചു മാ​തൃ​ക​യാ​യി​രി​ക്കു​ക​യാ​ണ് കാ​സിം. സീ​റ്റി​ൽ​ഒ​രാ​ൾ​ക്ക് ഇ​രി​ക്കാ​നു​ള്ള ഭാ​ഗ​മൊ​ഴി​ച്ച് ബാ​ക്കി​യു​ള്ളി​ട​ത്തെ​ല്ലാം സാ​ധ​ന​ങ്ങ​ൾ വി​ന്യ​സി​ച്ചാ​ണ് സ​ർ​വ്വ​ത്രാ​ദി എ​ന്ന സ​ഞ്ച​രി​ക്കു​ന്ന ക​ട ഒ​രു​ക്കി​യി​രി​ക്കു​ന്ന​ത്.

കാ​ഞ്ഞി​ര​പ്പ​ള്ളി​യി​ലും സ​മീ​പ​പ്ര​ദേ​ശ​ങ്ങ​ളി​ലു​മെ​ല്ലാം കാ​സി​മി​ന്‍റെ സ​ഞ്ച​രി​ക്കു​ന്ന സ്റ്റേ​ഷ​ന​റി ക​ട ഓ​ടി​യെ​ത്തും.

ത​ല​ച്ചു​മ​ടാ​യി തു​ട​ക്കം
20-ാം വ​യ​സി​ൽ ത​ല​ച്ചു​മ​ടാ​യാ​ണ് ആ​ദ്യം ക​ച്ച​വ​ടം തു​ട​ങ്ങി​യ​ത്. പാ​ത്ര​ക്ക​ച്ച​വ​ട​മാ​യി​രു​ന്നു പ്ര​ധാ​നം. 1994ൽ ​ഉ​ണ്ടാ​യ ഓ​ട്ടോ​റി​ക്ഷ അ​പ​ക​ടം എ​ല്ലാം ത​കി​ടം​മ​റി​ച്ചു.

ഇ​ട​തു​കാ​ലി​ന്‍റെ തു​ട​യി​ൽ ഗു​രു​ത​ര പ​രി​ക്കേ​റ്റ​തോ​ടെ ത​ല​ച്ചു​മ​ടാ​യു​ള്ള ക​ച്ച​വ​ടം ഉ​പേ​ക്ഷി​ക്കേ​ണ്ടി വ​ന്നു. അ​ങ്ങ​നെ​യാ​ണ് സ​ർ​ക്കാ​ർ സ​ഹാ​യ​ത്തി​ൽ ല​ഭി​ച്ച മു​ച്ച​ക്ര സ്കൂ​ട്ട​റി​ൽ വീ​ണ്ടും ക​ച്ച​വ​ടം തു​ട​ങ്ങു​ന്ന​ത്.

മൂ​ന്നു വ​ർ​ഷ​മാ​യി ഈ ​സ​ഞ്ച​രി​ക്കു​ന്ന സ്റ്റേ​ഷ​ന​റി ക​ട​യാ​ണ് കാ​സി​മി​ന്‍റെ ലോ​കം. പ​രാ​ശ്ര​യം കൂ​ടാ​തെ ജീ​വി​ക്ക​ണ​മെ​ന്ന ആ​ഗ്ര​ഹ​മാ​ണ് ഇ​തി​നു പി​ന്നി​ലെ​ന്ന് ഇ​ദ്ദേ​ഹം പ​റ​യു​ന്നു.

കാ​ലി​നേ​റ്റ പ​രി​ക്കു മൂ​ലം അ​ഞ്ച് മി​നി​റ്റി​ൽ കൂ​ടു​ത​ൽ നി​ൽ​ക്കാ​നാ​കി​ല്ല. അ​തു​കൊ​ണ്ട് ഒ​ടി​ച്ചു​മ​ട​ക്കാ​വു​ന്ന ക​സേ​ര​യും വാ​ഹ​ന​ത്തി​ൽ ക​രു​തി​യി​ട്ടു​ണ്ട്.

മ​ഴ പെ​യ്താ​ൽ സാ​ധ​ന​ങ്ങ​ൾ ന​ന​യാ​തി​രി​ക്കാ​ൻ പ്ലാ​സ്റ്റി​ക് പ​ടു​ത​യും കൈ​വ​ശ​മു​ണ്ട്. ഭാ​ര്യ​യും മ​ക​നും മ​ക​ന്‍റെ കു​ടും​ബ​വും അ​ട​ങ്ങു​ന്ന​താ​ണ് കാ​സി​മി​ന്‍റെ കു​ടും​ബം.

ക​ച്ച​വ​ട​ത്തി​ലൂ​ടെ ല​ഭി​ക്കു​ന്ന വ​രു​മാ​ന​ത്തി​ൽ താ​ൻ സ​ന്തു​ഷ്ട​നാ​ണെ​ന്നു കാ​സിം പു​ഞ്ചി​രി​യോ​ടെ പ​റ​യു​ന്നു.