മിണ്ടാപ്രാണികളോടോ ബാലാ..! തീറ്റതേടിയെത്തി വൈദ്യുത കെണിയിൽ കുടുങ്ങി കാട്ടാന ചെരിഞ്ഞു; സ്വ​കാ​ര്യ വ്യ​ക്തി​യു​ടെ സ്ഥ​ലം പരിശോധിച്ചപ്പോൾ കണ്ടത് ഞെട്ടിക്കുന്ന കാഴ്ച

സ്വ​ന്തം ലേ​ഖ​ക​ൻ
പാ​ല​ക്കാ​ട് : മു​ണ്ടൂ​ർ നൊ​ച്ചു​പു​ള​ളി​യി​ൽ കാ​ട്ടാ​ന ഷോ​ക്കേ​റ്റ്‌ ച​രി​ഞ്ഞു. പി​ടി​യാ​ന​യാ​ണ് സ്വ​കാ​ര്യ വ്യ​ക്തി​യു​ടെ സ്ഥ​ല​ത്ത് ഷോ​ക്കേ​റ്റ് ചെ​രി​ഞ്ഞ​ത്. ഇ​ന്ന് പു​ല​ർ​ച്ചെ മൂ​ന്നു​മ​ണി​യോ​ടെ​യാ​ണ് സം​ഭ​വം.

വ​ന്യ​മൃ​ഗ ശ​ല്യം ത​ട​യാ​നാ​യി സ്ഥാ​പി​ച്ച വൈ​ദ്യു​ത കെ​ണി​യി​ൽ നി​ന്ന് ഷോ​ക്കേ​റ്റാ​ണ് കാ​ട്ടാ​ന ച​രി​ഞ്ഞ​ത് എ​ന്നാ​ണ് പ്രാ​ഥ​മി​ക അ​ന്വേ​ഷ​ണ​ത്തി​ൽ നി​ന്നും മ​ന​സ്സി​ലാ​കു​ന്ന​തെ​ന്ന് വ​നം വ​കു​പ്പ് ഉ​ദ്യോ​ഗ​സ്ഥ​ർ പ​റ​ഞ്ഞു.

നാ​ട്ടു​കാ​ർ വി​വ​ര​മ​റി​യി​ച്ച​തി​നെ തു​ട​ർ​ന്ന് വ​നം വ​കു​പ്പ് ഉ​ദ്യോ​ഗ​സ്ഥ​ർ സ്ഥ​ല​ത്തെ​ത്തി വി​ശ​ദ​മാ​യ പ​രി​ശോ​ധ​ന ന​ട​ത്തി​യ​പ്പോ​ൾ കാ​ട്ടാ​ന ഷോ​ക്കേ​റ്റ് ച​രി​ഞ്ഞു കി​ട​ക്കു​ന്ന​തി​നു സ​മീ​പ​ത്താ​യി പ​ല​യി​ട​ത്തും വൈ​ദ്യു​തി കെ​ണി​ക​ൾ ഒ​രു​ക്കി​യ​താ​യും ക​ണ്ടെ​ത്തി.

ഇ​തി​നാ​യി ത്രീ ​ഫേ​സ് ക​ണ​ക്ഷ​ൻ എ​ടു​ത്ത​താ​യും ഇ​വ​ർ ക​ണ്ടെ​ത്തി​യി​ട്ടു​ണ്ട്.കാ​ട്ടു​പ​ന്നി​ക​ളും കാ​ട്ടാ​ന​ക​ളും അ​ട​ക്കം വ​ന്യ മൃ​ഗ​ങ്ങ​ളു​ടെ ശ​ല്യം രൂ​ക്ഷ​മാ​യ പ്ര​ദേ​ശ​മാ​ണി​തെ​ന്ന് നാ​ട്ടു​കാ​ർ പ​റ​ഞ്ഞു.

വ​ന്യ​മൃ​ഗ ശ​ല്യം മൂ​ലം വ​ർ​ഷ​ങ്ങ​ളാ​യി കൃ​ഷി ചെ​യ്യാ​ൻ സാ​ധി​ക്കാ​ത്ത അ​വ​സ്ഥ​യാ​ണ് ഇ​വി​ടെയെ​ന്ന് ക​ർ​ഷ​ക​ർ പ​റ​യു​ന്നു. എ​ന്നാ​ൽ ഇ​തു​പോ​ലൊ​രു സം​ഭ​വം ആ​ദ്യ​മാ​ണെ​ന്ന് നാ​ട്ടു​കാ​ർ പ​റ​യു​ന്നു.

ആ​രാ​ണ് വൈ​ദ്യു​തി കെ​ണി സ്ഥാപിച്ചതിനെ കുറിച്ച് വ​നം വ​കു​പ്പ് ഉ​ദ്യോ​ഗ​സ്ഥ​രും പോ​ലീ​സും വി​ശ​ദ​മാ​യ അ​ന്വേ​ഷ​ണം ആ​രം​ഭി​ച്ചു.

വെ​റ്റ​റി​ന​റി സ​ർ​ജ​ന്‍റെ നേ​തൃ​ത്വ​ത്തി​ൽ പോ​സ്റ്റു​മോ​ർ​ട്ടം ന​ട​ത്തി​യ ശേ​ഷം തു​ട​ർ​ന്ന് ന​ട​പ​ടി​ക​ൾ സ്വീ​ക​രി​ക്കും. ക​ഴി​ഞ്ഞ ഏ​താ​നും ദി​വ​സ​മാ​യി ഈ ​മേ​ഖ​ല​യി​ൽ മൂ​ന്ന് കാ​ട്ടാ​ന​ക​ൾ ഉ​ണ്ടാ​യി​രു​ന്ന​താ​യി നാ​ട്ടു​കാ​ർ പ​റ​യു​ന്നു. കാ​ട്ടാ​ന ഷോ​ക്കേ​റ്റ് ച​രി​ഞ്ഞു കി​ട​ന്ന സ്ഥ​ലം പാ​ല​ക്കാ​ട് സ്വ​ദേ​ശി​യു​ടേ​താ​ണ്.

.