കെ​വി​ൻ കേ​സ്;  വാ​ട്സ് ആ​പ്പ് സ​ന്ദേ​ശ​വും മൊ​ബൈ​ൽ ഫോ​ണ്‍ സം​ഭാ​ഷ​ണ​വും ഒരു തെ​ളി​വല്ല;  പ്ര​തി​ഭാ​ഗത്തിന്‍റെ വാദങ്ങൾ ഇങ്ങനെയൊക്കെ…

കോ​ട്ട​യം: കെ​വി​ൻ കേ​സി​ൽ വാ​ട്സ്ആ​പ്പ് സ​ന്ദേ​ശ​വും മൊ​ബൈ​ൽ​ഫോ​ണ്‍ സം​ഭാ​ഷ​ണ​ങ്ങ​ളും തെ​ളി​വാ​യി സ്വീ​ക​രി​ക്ക​രു​തെ​ന്ന് പ്ര​തി​ഭാ​ഗം. ഇ​തി​നൊ​ന്നും നി​യ​മ സാ​ധു​ത​യി​ല്ല എ​ന്നാ​ണ് പ്ര​തി ഭാ​ഗം കോ​ട​തി​യി​ൽ വാ​ദി​ച്ച​ത്. ഇ​ത​ട​ക്കം പ്രോ​സി​ക്യൂ​ഷ​ൻ മു​ന്നോ​ട്ടു​വ​ച്ച തെ​ളി​വു​ക​ൾ പ്ര​തി​ഭാ​ഗം നി​രാ​ക​രി​ച്ചു. കെ​വി​നെ കൊ​ല​പ്പെ​ടു​ത്തു​മെ​ന്ന രീ​തി​യി​ൽ ഒ​ന്നാം​പ്ര​തി ഷാ​നു ചാ​ക്കോ അ​യ​ച്ചു​വെ​ന്നു പ​റ​യു​ന്ന വാ​ട്സാ​പ്പ് സ​ന്ദേ​ശ​ങ്ങ​ൾ തെ​ളി​വാ​യി സ്വീ​ക​രി​ക്കാ​ൻ ക​ഴി​യി​ല്ല​ന്ന് പ്ര​തി​ഭാ​ഗം കോ​ട​തി​യി​ൽ പ​റ​ഞ്ഞു.

പ്രോ​സി​ക്യൂ​ഷ​ൻ ഹാ​ജ​രാ​ക്കി​യ സ​ന്ദേ​ശ​ങ്ങ​ൾ ആ​ധി​കാ​രി​ക​മ​ല്ല. ഷാ​നു സ​ന്ദേ​ശം അ​യ​ച്ചെ​ങ്കി​ൽ ത​ന്നെ അ​ത് സ്വീ​ക​രി​ച്ച അ​ക്കൗ​ണ്ട് പ​രി​ശോ​ധി​ക്കേ​ണ്ട​താ​യി​രു​ന്നു. അ​ത് പ​രി​ശോ​ധി​ച്ചില്ല. പ​പ്പ കു​വൈ​റ്റ് എ​ന്ന അ​ക്കൗ​ണ്ടി​ലേ​ക്കാ​ണ് സ​ന്ദേ​ശം പോ​യ​തെ​ങ്കി​ൽ ആ ​അ​ക്കൗ​ണ്ട് പ​രി​ശോ​ധി​ക്കേ​ണ്ട​താ​യി​രു​ന്നു. കേ​സി​ലെ സാ​ക്ഷി​യാ​യ ലി​ജോ​യു​ടെ ഫോ​ണ്‍ പ​രി​ശോ​ധി​ക്കു​ന്ന കാ​ര്യ​ത്തി​ലും വീ​ഴ്ച പ​റ്റി.

ഫോ​ണ്‍ പാ​റ്റേ​ണ്‍ ലോ​ക്കാ​ണെ​ന്ന് അ​ന്വേ​ഷ​ണ​സം​ഘം കോ​ട​തി​യി​ൽ പ​റ​ഞ്ഞു. ഫോ​ണ്‍ ക​ണ്ടെ​ടു​ത്ത് തൊ​ണ്ടി മ​ഹ​സ​ർ എ​ഴു​തി​യ​പ്പോ​ൾ ഫോ​ണ്‍ ഫ്ലൈ​റ്റ് മോ​ഡി​ലാ​ക്കി​യെ​ന്ന് രേ​ഖ​പ്പെ​ടു​ത്തി​യി​രു​ന്നു. ലോ​ക്ക് തു​റ​ക്കാ​ൻ ക​ഴി​യാ​ത്ത ഫോ​ണ്‍ ഫ്ലൈ​റ്റ് മോ​ഡാ​ക്കു​ന്ന​ത് എ​ങ്ങ​നെ​യാ​ണ്. മാ​ന്നാ​ന​ത്തെ നി​രീ​ക്ഷ​ണ കാ​മ​റ​യി​ൽ പ്ര​തി​ക​ളു​ടെ വ​ണ്ടി ക​ണ്ടു​വെ​ന്ന വാ​ദ​ത്തി​ലും ക​ഴ​ന്പി​ല്ല.

ആ​ദ്യം ഇ​ക്കാ​ര്യ​ത്തി​ൽ റി​പ്പോ​ർ​ട്ട് ന​ൽ​കി​യ സ്റ്റേ​റ്റ്് ഫോ​റ​ൻ​സി​ക് ലാ​ബ് പ​റ​ഞ്ഞ​ത് രാ​ത്രി​യി​ലെ വീ​ഡി​യോ ദൃ​ശ്യ​ത്തി​ൽ​നി​ന്ന് നി​ശ്ച​ല​ദൃ​ശ്യ​ങ്ങ​ൾ വേ​ർ​തി​രി​ച്ച് സൂ​ക്ഷ്മ​മാ​യി പ​രി​ശോ​ധി​ച്ചു കൃ​ത്യ​ത വ​രു​ത്താ​ൻ പ്ര​യാ​സ​മെ​ന്നാ​ണ്. വാ​ദം തു​ട​ങ്ങി​യ​ശേ​ഷം നി​ശ്ച​ല​ദൃ​ശ്യം വേ​ർ​തി​രി​ച്ച് എ​ടു​ക്കാ​മെ​ന്ന പു​തി​യ റി​പ്പോ​ർ​ട്ട് ന​ൽ​കി. ഏ​താ​ണ് ശ​രി.പ്ര​തി​ക​ളു​ടെ വാ​ഹ​നം നി​രീ​ക്ഷ​ണ കാ​മ​റാ ദൃ​ശ്യ​ത്തി​ൽ ഉ​ണ്ടാ​യി​രു​ന്നു​വെ​ന്ന വാ​ദം വി​ശ്വ​സ​നീ​യ​മ​ല്ല.

കേ​സി​ലെ പ്ര​തി ഷാ​നു ചാ​ക്കോ മാ​ന്നാ​ന​ത്ത് വാ​ഹ​നം പ​രി​ശോ​ധി​ച്ച ഗാ​ന്ധി​ന​ഗ​ർ എ​എ​സ്ഐ ബി​ജു​വു​മാ​യി ന​ട​ത്തി​യ ഫോ​ണ്‍ സം​ഭാ​ഷ​ണ​ങ്ങ​ൾ ആ​ധി​കാ​രി​ക തെ​ളി​വാ​യി എ​ടു​ക്കാ​ൻ ക​ഴി​യി​ല്ല. ഇ​തി​ന് നി​യ​മ​സാ​ധു​ത ഇ​ല്ല. പ്ര​തി​യും പോ​ലീ​സു​മാ​യു​ള്ള സം​ഭാ​ഷ​ണം തെ​ളി​വാ​ക്കു​ന്ന​തി​ന് നി​യ​മ​പ​ര​മാ​യി ത​ട​സ​മു​ണ്ട്. ഫോ​ണ്‍ സം​ഭാ​ഷ​ണ രേ​ഖ​ക​ൾ പ​ല​തും എ​ഡി​റ്റ​ഡാ​ണെ​ന്നും പ്ര​തി​ഭാ​ഗം ആ​രോ​പി​ച്ചു. പ്ര​തി​ഭാ​ഗം വാ​ദം ഇ​ന്നു പൂ​ർ​ത്തി​യാ​യേ​ക്കും.

Related posts