കടുവ കുടുങ്ങിയില്ലെങ്കിലും നാട്ടുകാർക്ക് നേരെ കത്തിയൂരിയ വനപാലകൻ കുടങ്ങി; കു​റു​ക്ക​ൻ​മൂ​ല​യി​ലെ വ​നം​വ​കു​പ്പ് ഉ​ദ്യോ​ഗ​സ്ഥ​നെ​തി​രെ കേ​സ്


വ​യ​നാ​ട്: കു​റു​ക്ക​ന്‍​മൂ​ല​യി​ല്‍ ക​ടു​വ​യെ പി​ടി​കൂ​ടാ​ത്ത​തി​ല്‍ പ്ര​തി​ഷേ​ധി​ച്ച നാ​ട്ടു​കാ​രെ ആ​ക്ര​മി​ക്കാ​ന്‍ ക​ത്തി​യെ​ടു​ക്കാ​ൻ ശ്ര​മി​ച്ച വ​ന​വ​കു​പ്പ് ഉ​ദ്യോ​ഗ​സ്ഥ​നെ​തി​രെ കേ​സ്. ക​ടു​വ ട്ര​ക്കിം​ഗ് ടീ​മി​ലെ ഹു​സൈ​ന്‍ ക​ല്‍​പ്പൂ​രി​നെ​തി​രെ​യാ​ണ് കേ​സ്.‌

ക​ടു​വ​യു​ടെ സാ​ന്നി​ധ്യ​മു​ണ്ടെ​ന്ന​റി​ഞ്ഞി​ട്ടും പി​ടി​കൂ​ടാ​ൻ വ​നം​വ​കു​പ്പ് ഉ​ദ്യോ​ഗ​സ്ഥ​ർ ത​യാ​റാ​കു​ന്നി​ല്ലെ​ന്ന് ആ​രോ​പി​ച്ചാ​യി​രു​ന്നു നാ​ട്ടു​കാ​ർ പ്ര​തി​ഷേ​ധി​ച്ച​ത്. ഇ​ത് നേ​രി​യ സം​ഘ​ർ​ഷ​ത്തി​ന് ഇ​ട​യാ​ക്കി. ഇ​തി​നി​ടെ​യാ​ണ് അ​ര​യി​ൽ ക​രു​തി​യ ക​ത്തി ഇ​യാ​ൾ വ​ലി​ച്ചൂ​രാ​ൻ ശ്ര​മി​ച്ച​ത്. സം​ഭ​വം ക​ണ്ട സ​ഹ​പ്ര​വ​ർ​ത്ത​ക​നാ​ണ് ഹു​സൈ​നെ പി​ന്തി​രി​പ്പി​ച്ച​ത്.

ക​ത്തി​യെ‌​ടു​ത്ത വ​നം​വ​കു​പ്പ് ഉ​ദ്യോ​ഗ​സ്ഥ​നെ​തി​രെ ന​ട​പ​ടി വേ​ണ​മെ​ന്നും ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ മാ​പ്പ് പ​റ​യ​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു. നേ​ര​ത്തെ, വ​നം​വ​കു​പ്പ് ഉ​ദ്യോ​ഗ​സ്ഥ​രു​മാ​യി വാ​ക്കു​ത​ർ​ക്ക​മു​ണ്ടാ​യ മാ​ന​ന്ത​വാ​ടി ന​ഗ​ര​സ​ഭാ കൗ​ൺ​സി​ല​ർ വി​പി​ൻ വേ​ണു​ഗോ​പാ​ലി​നെ​തി​രെ അ​ഞ്ചോ​ളം വ​കു​പ്പു​ക​ൾ ഉ​ൾ​പ്പെ​ടു​ത്തി പോ​ലീ​സ് കേ​സെ​ടു​ത്തി​രു​ന്നു.

കൃ​ത്യ​നി​ർ​വ​ഹ​ണം ത​ട​സ​പ്പെ​ടു​ത്ത​ൽ, ഭീ​ഷ​ണി​പ്പെ​ടു​ത്ത​ൽ, കൈ ​കൊ​ണ്ടു​ള്ള മ​ർ​ദ​നം, അ​ന്യാ​യ​മാ​യി ത​ട​ഞ്ഞു​വ​യ്ക്ക​ൽ, അ​സ​ഭ്യം പ​റ​യ​ൽ തു​ട​ങ്ങി​യ വ​കു​പ്പു​ക​ൾ പ്ര​കാ​ര​മാ​ണ് കേ​സെ​ടു​ത്ത​ത്. വൈ​ൽ​ഡ് ലൈ​ഫ് വാ​ർ​ഡ​ൻ ന​രേ​ന്ദ്ര ബാ​ബു​വി​ന്‍റെ പ​രാ​തി​യെ തു​ട​ർ​ന്നാ​ണ് ന​ട​പ‌‌​ടി.

വെ​ള്ളി​യാ​ഴ്ച ക​ടു​വ​യു​ടെ സാ​ന്നി​ധ്യ​മു​ണ്ടാ​യ സ്ഥ​ല​ത്ത് പ​രി​ശോ​ധ​ന​ക്കെ​ത്തി​യ വ​നം​വ​കു​പ്പ് ഉ​ദ്യോ​ഗ​സ്ഥ​രു​മാ​യാ​ണ് വി​പി​ൻ വേ​ണു​ഗോ​പാ​ലി​ന്‍റെ നേ​തൃ​ത്വ​ത്തി​ൽ നാ​ട്ടു​കാ​ർ പ്ര​തി​ഷേ​ധി​ച്ച​ത്. ക​ടു​വ​യെ പി​ടി​കൂ​ടാ​ൻ ഉ​ദ്യോ​ഗ​സ്ഥ​ർ കാ​ര്യ​ക്ഷ​മ​മാ​യി ഒ​ന്നും ചെ​യ്യു​ന്നി​ല്ലെ​ന്ന് ആ​രോ​പി​ച്ചാ​യി​രു​ന്നു പ്ര​തി​ഷേ​ധം.

Related posts

Leave a Comment