വീട്ടിലിരിക്കാൻ പറഞ്ഞാൽ ഇരുന്നാൽ മതി, പോലീസിനെ പറ്റിക്കാൻ നോക്കിയാൽ പണികിട്ടും! അ​നാ​വ​ശ്യ​മാ​യി പു​റ​ത്തി​റ​ങ്ങി​യാ​ൽ ലോ​ക്ക്ഡൗ​ൺ ക​ഴി​യു​ന്ന​തു​ വ​രെ “ലോ​ക്ക​പ്പി​ലാ​കും’

റെ​നീ​ഷ് മാ​ത്യു

ക​ണ്ണൂ​ർ: ലോ​ക്ക് ഡൗ​ണി​ന്‍റെ നി​ർ​ദേ​ശ​ങ്ങ​ൾ ലം​ഘി​ച്ച് അ​നാ​വ​ശ്യ​മാ​യി പു​റ​ത്തി​റ​ങ്ങു​ന്ന​വ​രെ അ​റ​സ്റ്റ് ചെ​യ്ത് ലോ​ക്ക് ഡൗ​ൺ തീ​രു​ന്ന​തു​ വ​രെ ത​ട​ങ്ക​ലി​ൽ പാ​ർ​പ്പി​ക്കാ​ൻ പോ​ലീ​സ്.

ഇ​തി​നാ​യി പ്ര​ത്യേ​ക സെ​ല്ലു​ക​ൾ ത​യാ​റാ​ക്കും. സാ​ധാ​ര​ണ​യാ​യി ഇത്തരം സാഹചര്യ ത്തിൽ അ​റ​സ്റ്റ് ചെ​യ്യു​ന്ന​വ​രെ അപ്പോൾ ത​ന്നെ ജാ​മ്യ​ത്തി​ൽ വി​ടു​ക​യാ​ണ് പ​തി​വ്.

എ​ന്നാ​ൽ, ലോ​ക്ക് ഡൗ​ൺ നി​ർ​ദേ​ശ​ങ്ങ​ൾ മ​റി​ക​ട​ന്ന് വാ​ഹ​ന​ങ്ങ​ളി​ൽ നി​ര​ത്തി​ലി​റ​ങ്ങു​ന്ന​വ​രു​ടെ എ​ണ്ണം കൂ​ടി വ​രി​ക​യാ​ണ്. ഈ​യൊ​രു സാ​ഹ​ച​ര്യ​ത്തി​ലാ​ണ് പു​തി​യ ന​ട​പ​ടി​ക​ളി​ലേ​ക്ക് പോ​ലീ​സ് ക​ട​ക്കു​ന്ന​ത്. ഇ​ത്ത​രം ഒ​രു നി​യ​മ നി​ർ​മാ​ണ​ത്തി​നു​ള്ള നി​ർ​ദേ​ശം പോ​ലീ​സ് അ​ധി​കൃ​ത​ർ​ക്ക് ന​ല്കി​യി​ട്ടു​ണ്ട്.

അ​നാ​വ​ശ്യ​മാ​യി റോ​ഡി​ലി​റ​ങ്ങു​ന്ന​വ​രു​ടെ വാ​ഹ​ന​ങ്ങ​ൾ പി​ടി​ച്ചെ​ടു​ക്കു​ന്ന ന​ട​പ​ടി പോ​ലീ​സ് തു​ട​ങ്ങി​യി​ട്ടു​ണ്ട്. വാ​ഹ​ന​ങ്ങ​ൾ സൂ​ക്ഷി​ക്കാ​ൻ അ​താ​ത് പോ​ലീ​സ് സ്റ്റേ​ഷ​നു സ​മീ​പ​മു​ള്ള ഗ്രൗ​ണ്ടും ത​യാ​റാ​ക്കി​യി​ട്ടു​ണ്ട്. പി​ടി​ച്ചെ​ടു​ക്കു​ന്ന വാ​ഹ​ന​ങ്ങ​ൾ ലോ​ക്ക് ഡൗ​ൺ തീ​രു​ന്ന അ​ന്നേ ന​ല്കു​ക​യു​ള്ളൂ.

അ​തേ​സ​മ​യം സം​സ്ഥാ​ന​ത്തെ ക്ല​ബു​ക​ളും വാ​യ​ന​ശാ​ല​ക​ളും കേ​ന്ദ്രീ​ക​രി​ച്ച് ആ​ളു​ക​ൾ ഒ​ത്തു​കൂ​ടു​ന്ന​താ​യി ര​ഹ​സ്യാ​ന്വേ​ഷ​ണ വി​ഭാ​ഗം റി​പ്പോ​ർ​ട്ട് ന​ല്കി​യി​ട്ടു​ണ്ട്.

ഇ​തി​ന്‍റെ അ​ടി​സ്ഥാ​ന​ത്തി​ൽ ഇ​ന്ന​ലെ വൈ​കു​ന്നേ​രം അ​ഞ്ചു​മു​ത​ൽ രാ​ത്രി എ​ട്ടു​വ​രെ പോ​ലീ​സ് സ്റ്റേ​ഷ​നു​ക​ളു​ടെ പ​രി​ധി​യി​ലു​ള്ള വാ​യ​ന​ശാ​ല​ക​ളി​ലും ക്ല​ബു​ക​ളി​ലും പോ​ലീ​സ് റെ​യ്ഡ് ന​ട​ത്തി.

വീ​ടു​ക​ളി​ൽ നി​രീ​ക്ഷ​ണ​ത്തി​ൽ ക​ഴി​യു​ന്ന​വ​ർ സ​ർ​ക്കാ​ർ നി​ർ​ദേ​ശ​ങ്ങ​ൾ ലം​ഘി​ച്ച് പു​റ​ത്തി​റ​ങ്ങി​യാ​ൽ അ​റ​സ്റ്റ് ചെ​യ്ത് ജി​ല്ലാ ആ​ശു​പ​ത്രി​ക​ളി​ലെ ഐ​സൊ​ലേ​ഷ​ൻ വാ​ർ​ഡു​ക​ളി​ൽ പ്ര​വേ​ശി​പ്പി​ക്കാ​നും സം​സ്ഥാ​ന പോ​ലീ​സ് മേ​ധാ​വി ജി​ല്ലാ പോ​ലീ​സ് മേ​ധാ​വി​ക​ൾ​ക്ക് നി​ർ​ദേ​ശം ന​ല്കി​യി​ട്ടു​ണ്ട്.