ദൈ​വം ത​ന്നാ​ലും ശ​നി​യ​ൻ തി​ന്നാ​ൻ സ​മ്മ​തി​ക്കി​ല്ല..! നി​ര​വ​ധി ത​വ​ണ ഭാ​ഗ്യ​ദേ​വ​ത ക​നി​ഞ്ഞി​ട്ടും അ​നു​ഭ​വ​ഭാ​ഗ്യം അ​ന്യ​മാ​യ ജീ​വി​ത​ത്തി​നു​ട​മ​; വിടവാങ്ങിയ ലോട്ടറിസ്വാമിയുടെ ജീവിതം ഇങ്ങനെ…

മം​ഗ​ലം ശ​ങ്ക​ര​ൻ​കു​ട്ടി

ഒ​റ്റ​പ്പാ​ലം: ഭാ​ഗ്യ​ദേ​വ​ത ക​നി​ഞ്ഞ​നു​ഗ്ര​ഹി​ച്ചി​ട്ടും നി​ർ​ഭാ​ഗ്യം വി​ടാ​തെ വേ​ട്ട​യാ​ടി​യ ലോ​ട്ട​റിസ്വാ​മി വി​ട​വാ​ങ്ങി. നി​ര​വ​ധി ത​വ​ണ ഭാ​ഗ്യ​ദേ​വ​ത ക​നി​ഞ്ഞി​ട്ടും അ​നു​ഭ​വ​ഭാ​ഗ്യം അ​ന്യ​മാ​യ ജീ​വി​ത​ത്തി​നു​ട​മ​യാ​യി​രു​ന്ന മാ​യ​ന്നൂ​ർ കൊ​ണ്ടാ​ഴി കു​ഞ്ചു​നാ​യ​രാ​ണ് (87) ഭാ​ഗ്യ നി​ർ​ഭാ​ഗ്യ​ങ്ങ​ളി​ല്ലാ​ത്ത ലോ​ക​ത്തേ​ക്ക് ഇ​ന്ന​ലെ പു​ല​ർ​ച്ചെ വി​ട​വാ​ങ്ങി​യ​ത്.

ഒ​റ്റ​പ്പാ​ലം ന​ഗ​ര​ഹൃ​ദ​യ​ത്തി​ലു​ള്ള​വ​ർ​ക്കെ​ല്ലാം ചി​ര​പ​രി​ചി​ത​നാ​യി​രു​ന്ന ഇ​ദ്ദേ​ഹ​ത്തി​ന് അ​വ​ർ സ്നേ​ഹ​പൂ​ർ​വ്വം ന​ൽ​കി​യ വി​ളി​പേ​രാ​ണ് ലോ​ട്ട​റി സ്വാ​മി. പ​ഴ​മ​ക്കാ​ർ​ക്ക് എ​ന്ന​പോ​ലെ പു​തു ത​ല​മു​റ​ക്കാ​ർ​ക്കും ഇ​ദ്ദേ​ഹം ലോ​ട്ട​റി സ്വാ​മി​യാ​യി​രു​ന്നു.

താ​മ​സം മാ​യ​ന്നൂ​രി​ലാ​യി​രു​രു​ന്നു​വെ​ങ്കി​ലും അ​തി​രാ​വി​ലെ ത​ന്നെ കു​ഞ്ചു നാ​യ​ർ ലോ​ട്ട​റി ടി​ക്ക​റ്റു​ക​ളു​മാ​യി ഒ​റ്റ​പ്പാ​ല​ത്ത് എ​ത്തു​മാ​യി​രു​ന്നു.

ബ​സ് സ്റ്റാ​ൻ​ഡ് പ​രി​സ​ര​ത്തും ഒ​റ്റ​പ്പാ​ലം കോ​ട​തി പ​റ​ന്പി​ലെ ആ​ലി​ൻ​ചു​വ​ട്ടി​ലും ഭാ​ഗ്യ ന​ന്പ​റു​ക​ളു​മാ​യി അ​ദ്ദേ​ഹം ക​റ​ങ്ങി ന​ട​ന്നു. ലോ​ട്ട​റി വി​ല്പ​ന ന​ട​ത്തി ത​ന്നെ​യാ​യി​രു​ന്നു ഉ​പ​ജീ​വ​ന​മാ​ർ​ഗ്ഗം ക​ണ്ടെ​ത്തി​യി​രു​ന്ന​ത്.

ക​ഥ​ക​ളെ​യും നോ​വ​ലു​ക​ളെ​യും വെ​ല്ലു​ന്ന അ​തി​ശ​യോ​ക്തി നി​റ​ഞ്ഞ ക​ഥ​യാ​യി​രു​ന്നു ഇ​ദ്ദേ​ഹ​ത്തി​ന്‍റെ ജീ​വി​തം. ഇ​തു​കൊ​ണ്ടു​ത​ന്നെ ലോ​ട്ട​റി സ്വാ​മി​യു​ടെ ക​ഥ കേ​ട്ട​റി​ഞ്ഞ് ഒ​രി​ക്ക​ൽ ന​ട​ൻ വി.​കെ.​ശ്രീ​രാ​മ​ൻ ത​ന്‍റെ വേ​റി​ട്ട കാ​ഴ്ച​ക​ളു​മാ​യി ഇ​ദ്ദേ​ഹ​ത്തെ തേ​ടി​യെ​ത്തി​യി​രു​ന്നു.

ക​ർ​ണാ​ട​ക​യി​ൽ പോ​ലീ​സ് ഉ​ദ്യോ​ഗ​സ്ഥ​നാ​യി ജീ​വി​ത​മാ​രം​ഭി​ച്ച കു​ഞ്ചു​നാ​യ​ർ സ​ബ്ഇ​ൻ​സ്പെ​ക്ട​ർ ത​സ്തി​ക​യി​ൽ ഇ​രി​ക്കു​ന്പോ​ഴാ​ണ് ജോ​ലി രാ​ജി വെ​ച്ച​ത്.

ജോ​ലി രാ​ജി​വ​ച്ച് സ്വ​ന്തം ഗ്രാ​മ​മാ​യ മാ​യ​ന്നൂ​രി​ലെ​ത്തി. ഉ​പ​ജീ​വ​ന​മാ​ർ​ഗ്ഗ​മാ​യി ലോ​ട്ട​റി​വി​ല്പ​ന ആ​യി​രു​ന്നു ഇ​ദ്ദേ​ഹം നാ​ട്ടി​ലെ​ത്തി​യ​ശേ​ഷം തൊ​ഴി​ലാ​യി സ്വീ​ക​രി​ച്ച​ത്. ലോ​ട്ട​റി ക​ച്ച​വ​ടം തു​ട​ങ്ങി ആ​റു മാ​സം പി​ന്നി​ട്ട​പ്പോ​ൾ ത​ന്നെ ഭാ​ഗ്യ​ദേ​വ​ത ഇ​ദ്ദേ​ഹ​ത്തെ അ​നു​ഗ്ര​ഹി​ച്ചു.

എ​ല്ലാ​ദി​വ​സ​വും 10 ടി​ക്ക​റ്റ​ങ്കി​ലും വി​ൽ​ക്കാ​തെ സ്വ​ന്ത​മാ​ക്കി കൈ​വ​ശം വെ​ക്കു​ന്ന സ്വ​ഭാ​വ​ക്കാ​ര​നാ​യി​രു​ന്നു അ​ദ്ദേ​ഹം. പ​ണ​ത്തി​ന് അ​ത്യാ​വ​ശ്യം വ​ന്ന​തി​നാ​ൽ മു​ഴു​വ​ൻ ടി​ക്ക​റ്റു​ക​ളും വി​റ്റ​ശേ​ഷം ഒ​രു ടി​ക്ക​റ്റ് മാ​ത്രം കൈ​വ​ശം വെ​ച്ച് മാ​യ​ന്നൂ​ർ ഭാ​ര​ത പു​ഴ ക​ട​വി​ൽ എ​ത്തി​യ ഇ​ദ്ദേ​ഹ​ത്തോ​ട് പ​രി​ച​യ​ക്കാ​രി​ൽ ഒ​രാ​ൾ ടി​ക്ക​റ്റ് ചോ​ദി​ച്ചു.

എ​ന്നാ​ൽ മു​ഴു​വ​ൻ ടി​ക്ക​റ്റു​ക​ളും വി​റ്റ​ഴി​ച്ചു​വെ​ന്ന മ​റു​പ​ടി സ്വാ​മി ന​ൽ​കി​യെ​ങ്കി​ലും സ്ഥി​ര​മാ​യി ടി​ക്ക​റ്റ് വാ​ങ്ങു​ന്ന പ​രി​ച​യ​ക്കാ​ര​നെ പി​ണ​ക്കാ​ൻ സ്വാ​മി​ക്ക് മ​ന​സു​വ​ന്നി​ല്ല. താ​ൻ സ്വ​കാ​ര്യ​മാ​യി മാ​റ്റി​വെ​ച്ച ടി​ക്ക​റ്റ് മ​ന​സി​ല്ലാ​മ​ന​സോ​ടെ സ്വാ​മി ഇ​ദ്ദേ​ഹ​ത്തി​ന് വി​റ്റു.

പി​റ്റേ​ദി​വ​സം ഫ​ല​പ്ര​ഖ്യാ​പ​നം വ​ന്ന​പ്പോ​ഴാ​ണ് സ്വാ​മി ശ​രി​ക്കും ഞെ​ട്ടി​യ​ത്. ത​ലേ​ന്ന് താ​ൻ മ​ന​സി​ല്ലാ​മ​ന​സ്‌​സോ​ടെ വി​റ്റ ടി​ക്ക​റ്റി​ന് ആ​യി​രു​ന്നു ഒ​ന്നാം സ​മ്മാ​നം. ത​നി​ക്ക് ആ ​ഭാ​ഗ്യം അ​നു​ഭ​വി​ക്കാ​ൻ യോ​ഗം ഇ​ല്ലെ​ന്ന് സ്വാ​മി സ്വ​യം ആ​ശ്വ​സി​ച്ച് പി​ന്നെ​യും ലോ​ട്ട​റി വി​ല്പ​ന തു​ട​ർ​ന്നു​കൊ​ണ്ടേ​യി​രു​ന്നു.

ഒ​രു വ​ർ​ഷ​ത്തി​നു​ശേ​ഷം ഒ​രി​ക്ക​ൽ​ക്കൂ​ടി ഭാ​ഗ്യ​ദേ​വ​ത ക​ടാ​ക്ഷി​ച്ചു. മാ​യ​ന്നൂ​രി​ൽ ഭാ​ര​ത​പ്പു​ഴ ക​ട​ക്കാ​ൻ തോ​ണി​യെ ആ​ശ്ര​യി​ച്ചി​രു​ന്ന കാ​ല​മാ​യി​രു​ന്നു അ​ത്. വി​ൽ​ക്കാ​തെ സൂ​ക്ഷി​ച്ച് വ​ച്ച ഒ​രേ സീ​രീ​സി​ലു​ള്ള അ​ഞ്ചു ടി​ക്ക​റ്റു​ക​ൾ സ്വാ​മി വ​സ്ത്ര​ത്തി​നു​ള്ളി​ൽ സൂ​ക്ഷി​ച്ചു വ​ച്ചി​രു​ന്നു.

കോ​രി​ച്ചൊ​രി​യു​ന്ന മ​ഴ​യി​ൽ ന​ന​ഞ്ഞു കു​തി​ർ​ന്ന ഇ​ദ്ദേ​ഹ​ത്തോ​ടൊ​പ്പം ലോ​ട്ട​റി ടി​ക്ക​റ്റു​ക​ളും ന​ന​ഞ്ഞു. വൈ​ദ്യു​തി അ​ന്യ​മാ​യ വീ​ട്ടി​ൽ ചെ​ന്ന് ശ്ര​ദ്ധാ​പൂ​ർ​വ്വം ക​ണ്ണാ​ടി​ച്ചി​ല്ലു​ള്ള മ​ണ്ണെ​ണ്ണ​വി​ള​ക്കി​ൽ ലോ​ട്ട​റി ടി​ക്ക​റ്റു​ക​ൾ ഉ​ണ​ക്കു​ക​യാ​യി​രു​ന്നു സ്വാ​മി. ചൂ​ട് കൂ​ടി പോ​യ​തോ​ടെ ഒ​രു ടി​ക്ക​റ്റ് ക​രി​ഞ്ഞു​പോ​യി.

പി​റ്റേ​ന്ന് പ​ത്ര​മെ​ടു​ത്ത് ലോ​ട്ട​റി ഫ​ലം നോ​ക്കി​യ സ്വാ​മി​യു​ടെ ക​ണ്ണി​ൽ ഒ​രി​ക്ക​ൽ കൂ​ടി ഇ​രു​ട്ടു ക​യ​റി. ത​ന്‍റെ ക​യ്യി​ൽ നി​ന്നും ക​രി​ഞ്ഞ പോ​യ ടി​ക്ക​റ്റി​ന് ര​ണ്ടാം സ​മ്മാ​നം ല​ഭി​ച്ചി​രി​ക്കു​ന്നു.

ദൈ​വം ത​ന്നാ​ലും ശ​നി​യ​ൻ തി​ന്നാ​ൻ സ​മ്മ​തി​ക്കി​ല്ലെ​ന്ന പ​ഴ​മൊ​ഴി സ്വാ​മി​യു​ടെ ജീ​വി​ത​ത്തി​ൽ അ​ന്വ​ർ​ത്ഥ​മാ​യി.

ഇ​ദ്ദേ​ഹം വി​ൽ​ക്കു​ന്ന ടി​ക്ക​റ്റു​ക​ൾ​ക്ക് സ​മ്മാ​നം അ​ടി​ക്കു​ന്ന വി​വ​രം കാ​ട്ടു​തീ പോ​ലെ പ​ട​ർ​ന്ന​തോ​ടു​കൂ​ടി സ്വാ​മി​യി​ൽ നി​ന്നും ടി​ക്ക​റ്റു​ക​ൾ എ​ടു​ക്കാ​ൻ ആ​ളു​ക​ൾ മ​ത്സ​രി​ച്ചു.

എ​ന്നാ​ൽ അ​വ​ർ​ക്കെ​ല്ലാം നി​രാ​ശ​യാ​യി​രു​ന്നു ഫ​ലം. ത​നി​ക്ക് ഭാ​ഗ്യം ല​ഭി​ക്കാ​ൻ സ​മ​യ​മാ​യി​ട്ടി​ല്ലെ​ന്ന് ഉ​റ​ച്ച് വി​ശ്വ​സി​ച്ചി​രു​ന്ന ആ​ളാ​യി​രു​ന്നു അ​ദ്ദേ​ഹം. അ​തി​ശ​യോ​ക്തി നി​റ​ഞ്ഞ ജീ​വി​ത​ത്തി​ന് ഉ​ട​മ​യാ​യി​രു​ന്ന ലോ​ട്ട​റി സ്വാ​മി, ലോ​ക്ക് ഡൗ​ണ്‍ കാ​ല​ത്തും ഒ​റ്റ​പ്പാ​ല​ത്ത് എ​ത്തി​യി​രു​ന്നു.

സ​മീ​പ​കാ​ല​ത്താ​യി ന​ട​ക്കാ​ൻ വ​ള​രെ പ്ര​യാ​സം നേ​രി​ട്ടി​രു​ന്ന ഇ​ദ്ദേ​ഹം കൊ​റോ​ണ​യു​ടെ വ​ര​വോ​ടെ ലോ​ട്ട​റി ക​ച്ച​വ​ടം അ​വ​സാ​നി​ച്ച​തി​ൽ വ​ള​രെ വി​ഷ​മ​ത്തി​ലാ​യി​രു​ന്നു. ഒ​രാ​ളി​ൽ നി​ന്നും ഒ​രു സൗ​ജ​ന്യ​വും കൈ​പ്പ​റ്റാ​ൻ താ​ൽ​പ​ര്യ​മി​ല്ലാ​ത്ത അ​ഭി​മാ​നി​യാ​യ സ്വ​ഭാ​വ​ത്തി​ന് ഉ​ട​മ​യാ​യി​രു​ന്നു ലോ​ട്ട​റി സ്വാ​മി.

Related posts

Leave a Comment